Timote veelɛ 2:24 - Yálá laawoo hɛɓɛ (dc)

²⁴ Yaan, gu Nąmu ŋą tímun, mąą hvo nɛ̨ɛ̨li a hvaa kɛmun, kɛlaa nu kəlee wɛli ə kɛ mą, bɛliɛ nuą mąąkwɛlii, niikpəlɛɛ nuą woo mu.

Yálá laawoo hɛɓɛ

²⁴ Yaan, gu Nąmu ŋą tímun, mąą hvo nɛ̨ɛ̨li a hvaa kɛmun, kɛlaa nu kəlee wɛli ə kɛ mą, bɛliɛ nuą mąąkwɛlii, niikpəlɛɛ nuą woo mu.

Bible

²⁴ M̀aa fé nɛ̃ɛ ní a gɛ́ɛ Kúnuu-namui yée-mu-nuui é kɛ́ a laa-sâa-nuu, kɛ́lɛ, fɛ̂ɛ é kɛ́ a sɔŋ-lɛ̂lɛ-nuu núu kélee mɛni ma, gɛ́ ƃò a sɛŋ-lɛ́-nuu lɛ́lɛɛ, lii-kpêle kɛ́ ƃò ǹyêei.

Timote veelɛ 2:24 Referans Kwoze

Taitɔ 3:2

Di hvo nu ta lalan, di hvaa kɛ mɛ̨nį mąąlaa, di kɛ a di liinɛ̨ɛ̨ di kwəi, di liinɛ̨ɛ̨ gwəi laa kɛ nu kəlee ɓa, a yələ kəlee.

Taitɔ 1:7

Hvo kɛli, nui a kɛ gbɔn nwun na, yai a Yálá ŋą hɛn gɔwii laai kɛmun, ə kɛ a nui hɔn və mą, hvo kɛ a ɲɛ̨itɛ hvaaɓomun, a liikələn gwəi mun, a lɔɔ kpələmun, a hvaa kɛmun, hvo kɛ a hvulu hɛn gwɛlimun.

Tɛsalonikə dɔlɔɔ 2:7

Ya pa, kwa pɛli kɛ ku laa ká nwuɔ̨ a tįɛ̨, yɛ bələi Kristə ŋą kɛlaɠaa da gɛ la. Kɛlaa yaamun, ku ká hon a liinɛ̨ɛ̨ gwəi laa, yɛ bələi nɛ̨ɛ̨nu a nonnii pɛlɛ la gəŋəla, yɛ di kɔ̨nɔ̨n gɛ.

Timote dɔlɔɔ 6:11

Kɛlaa, ə́ wɛi, Yálá ŋą nu, 'pú, 'həɠə mɛ̨nįɠaa tii tɔwɔ. Mɛ̨nįɠaa ŋɛ̨i kwɛli, diɛ ɓaa: 'Tələnmolaa, mąąwiɛlaai a hvilɛn Yálá ɓa, laa na laa, wɛlikɛmąąlaa, kąnąnmąą laa, da liinɛ̨ɛ̨ gwəilaa.

Kolosə 3:13

Ká kpɔnmąą tɛɛ ka kee pɔ, nu ta a mɛ̨nį nwąnąą laa mɛlan ma, 'ká ká kee mąąhvaalɛɛ, yɛ bələi Kristə ə ká mąąhvaalɛɛ la.

Filipə 2:14

'Ká hvo ká woolaa ka kɛ mɛ̨nį lɔpee ta hu, ka hvo hɛatoo.

Filipə 2:3

'Ká hvo mɛ̨nį lɔpee ta kɛ a wɛli kpɛɛ mąąlaa, a wala kɛ ti, nu ta hvo gbɔwɔ kɛnɛ̨ kiliŋąhiɛ kɛ; kɛlaa, kpɔwɔ mąą yɛɛ laa hu, ka ka ɓɛlaa kaa yɛ, ká tɛɛ-mąąɠaa.

Ifisiɛŋ 4:2

a ká kpɔwɔ mąą yɛɛ pələ, a liinɛ̨ɛ̨ gwəi laa, a liilaa, 'ká ká liikpələ ká keeni hɔn mu a wɛlikɛmąą laa;

Piɛrə dɔlɔɔ 3:8

Yili pulu, ká kəlee ka wɔ kiliŋąhiɛ ə kɛ tanɔ̨n, 'ká kwəi mɛ̨nį ə kɛ tanɔ̨n, lee-lon nwɛlikɛmąą laa, ɲɛ̨imąąwɛlikaa da kpɔwɔ mąą yɛɛ laa ə kɛ ka yəi ka keeni mąą mɛ̨nį ɓa.

Zĩi 3:17

Kɛlaa, kilii a həɠə yələi pələ, nwɛi, mąąhəɠɛɛi, yili pulu, niilaa, ɉon nɛlɛɛ, yɛ hvaa kpɛɛ, naahvɛɛ a ɲɛ̨imąąwɛli kaa, hva hu yɛɠɛ kɛ, nɛn və na hveelɛ.

Taitɔ 1:9

ɲee kąnąnŋąą kpɔ kpąą, dɛ̨ą wooi bɛliɛ laa na laa ɓa, mą, yɛ pɛli nuą mąąkwɛlii mą. Yili a kɛ tii, a pɛli ə nuą liɛwoo kɛ, yɛ pɛli dɛ̨ą woo hu həɠəənŋąą ɓa, nuąi da hɛatoo na, yɛ pɛli di hɔn nɛi diɛ.

Korɛntə veelɛ 10:1

Ɲą́ą́ Polə, ɲą́ą́ gbínįlee ɓə ká mąąnɛ̨ɛ̨i Kristə ŋą liinɛ̨ɛ̨ gwəilaa da ŋą wɛlikɛmąąlaa hu, ɲą́ą́ ŋɛ̨i ŋą́ kɛ ká ɲɛ̨i ɓa, gɛ́ gbɔ́wɔ́ koloon ká lɔwai, kɛlaa, ŋą́ kɛ kwɛaa la, níikpəlɛɛ káá,

Gɛlaɠaa 7:26

Mąą yələ laa ɓoɔ, Moisə ə pənə ə pa, ə gaayɔwɔɠaa hveelɛ kaa diɛ gɔ́ a di kee, Moisə ə kɛ bɔ ə di ɲąąkwɛlɛ, ə di yee lɔ gee hu, yɛ diɛ: ‹Mɛ́laani, kɛlɛi, ka káá a nąn non danɔ̨n, lə mɛ̨nį ɓa ka káá gɔi a ka kee?›

Maafîu 12:19

Hvo pai hɛa tooi nu ta la, hva kɛ a hvaa kpɛli-kpɛli ɓomun kwəli lɔwai.

Zĩi 4:2

Ká ɲɛ̨i a kulɔ hɛnŋąa pɔ, ká hva ɉɔlɔɓo, káá paa ɓo kɛ, káá tolo kulɔ, ɛlɛɛ, ká yee hva lɔ ká liiɓa mɛ̨nį ɓa, akɛ tii káá kɔ̨, káá ká kɔlɔ kɛlɛ. Ká hva ɉɔlɔɓo, mąąhɔlɔɓo, ká hvo a vɛli nuą.

Zĩi 1:1

Ɲą́ą́ Ɉakə, Yálá ŋą tímun da Ną́mu Jesus Kristə, gáá ɉɛɓɛ́i ŋɛ̨i tɛɛi Israɛlə nu huwu pow kɔw hveelɛi ɓa, diɛi, di taɠa-taɠaa yɛnɛ̨ɛ̨ nąą kəlee; gáá ká túwɔ́ ɓoi.

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Zûu 1:3

Nwɛ́likɛmąą nuą, ŋą́ gɛ pələ kwɛli mą, ə gɛ, ŋą́ ɲąąwala ŋą́ hɛɓɛ́ tɛɛ kaa; ə gɛ, nwun mąąɓoi ŋɛ̨i gaa a gu kəlee gu kpɔnmąą, ŋą́ mąą mɛ̨nį ta hukulɔ kaa. Kɛlaa, ŋą́ą́ gaa gɛ diɛ, gɛ pələ takpɛli hvo mą hvo kɛ li ŋą́ ɉɛɓɛ́i ŋɛ̨i kɛ ŋą́ dɛɛ kaa. Ə gɛ, ŋą́ ka hvaŋąlɔ naa na laa ŋɛ̨i Yálá ə dɛɛ nwɔ nuą pɔ, gu mąąkɔ̨nwɔ̨.

Gɛlaɠaa 23:9

Nąą woo ɲąą ə nwąną kpɔ kɛnɛ̨ dɔ́n galamɔ̨ɔ̨ taɠaa, da Farisiɛ̨ɠaa di tɔɔ, di həɠə di tɔɔ, di lənə di ɓɛlaa woo ɓa a di nwąnąi, diɛ mą: «Ku hvo mɛ̨nį ɲɔ̨n nɔpee ta kɛi ɉulɔnui ŋɛ̨i ɓa, gbəli hu kiɛ, malaka ta, awala kɛ ti, ɲinɛ̨n da ka ti mɛ̨nį ɓoi mą.»

Danîa 6:20

Yələ ɓɔi lɔwai, tɔɔmun ə homo ɲala kwənąn naaləi.

Taitɔ 1:1

Polə Yálá ŋą tímun, Jesus Kristə ŋą kɛla, yai mąąnɛ̨ɛ̨i ə pələ kulɔ a Yálá ŋą nu həɠɛɛ ɉuɠaa, diɛ pa laa na laa pɔ pələ, diɛ pɛli tɛ̨ą kɔlɔn ɉii, yɛ bələi Yálá kaa la bɔ,

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Korɛntə veelɛ 10:4

Mąąhɔlɔɓo, gɔ́ kɔ́ kwɛli hɛnŋąa di hvo həɠə nu kanŋaa yəi, kɛlaa, di hvaŋą a həɠə Yálá yəi, diɛ kɔ́-taaɠaa wolo. Ku kaa kiliŋąhiɛ ɲɔ̨nwɔ̨ɔ̨ɠaa hu kalai;

Gɛlaɠaa 15:2

Yili ə nuą ɲąąhee geeɓa, Polə da Barnabasə da nuą ti di ɉuyala kpɔ kɛnɛ̨, di woo ə pɛli ɉu, diɛ: Polə da Barnabasə da di wɔ nuą taɠaa di tɛ Ɉerusalɛmə, gɛlaɠaa da galanɉonŋaa kaai, mɛ̨nįi ti ɓo mɛ̨nį ɓa.

Kɔlɔnikɔ Veerɛi 24:6

Tɔɔmun ə nɛɛmą ə ɉaláá laa hɛlimun gɛnɛ̨ Yehoyada təli, yɛ mą: «Lə mɛ̨nį ɓa yaai, hvó mo li Levi lonnii diɛ a ə́ nwąnąi, di hvo, nįįhɔ̨nwɔ̨i Yálá ŋą tímun Moisə ə vaaɓo, di hvo ɉon Ɉuda nuą yəi da Ɉerusalɛmə nuą, ɛlɛɛ, da Israɛlə lonnii kəlee yəi, Yai-Laa ŋą mįnɛ̨ pɛlɛ lon mąą mɛ̨nį ɓa?

Dutɛrɔnome 34:5

Ɲee tii ɓa ɓə Yai-Laa nwɔ tímun Moisə ə haa laa, Moabə lɔi hu; yɛ bələi Yai-Laa ə gbɛa mo la mą.

Ɉaan 6:52

Nwoo tii ɓoɔ pulu, Ɉuifəɠaa kəlee lii ə kələn di kwəi, diɛ kɛ mą: «Nui ŋɛ̨i a pɛli ɉuwɔ tɛɛ pələ kɛi ləi ku pɔ kuɔ mįi?»

Zasua 1:1

Yai-Laa nwɔ tímun Moisə haa pulu, nąąlɔwai, Yai-Laa yɛ Moisə pɔ mun Nun lon Ɉosue ɓa:

Korɛntə veelɛ 6:4

Kɛlaa yaamun, mɛ̨nį kəlee hu, kwa ku kpɔwɔ lɛ a Yálá ŋą tínuą, a hvaŋąlɔ kɛnɛ̨, mɔ̨nɔ̨ hu, yee tɔɔ gwaną mɛ̨nįɠaa hu, liihɛlɛn ɉu,