Timote veelɛ 2:14 - Yálá laawoo hɛɓɛ (dc)

¹⁴ Mɛ̨nįi tii kili too nu kəlee ɲą, ə́ ɲąą wala kpɔ, 'di tí la a ə́ nwąnąi Yálá ɲɛ̨i ɓa, yɛ́ diɛ: di hvo kɛ a hvaa kɛ nuą, woo tamąą mąą mɛ̨nį hu, yili dɔlɔ hvo mą; hvo kɛli lɔ ə mɛ̨n nuą nwun ɉu lan.

Yálá laawoo hɛɓɛ

¹⁴ Mɛ̨nįi tii kili too nu kəlee ɲą, ə́ ɲąą wala kpɔ, 'di tí la a ə́ nwąnąi Yálá ɲɛ̨i ɓa, yɛ́ diɛ: di hvo kɛ a hvaa kɛ nuą, woo tamąą mąą mɛ̨nį hu, yili dɔlɔ hvo mą; hvo kɛli lɔ ə mɛ̨n nuą nwun ɉu lan.

Bible

¹⁴ Mɛni-ŋai ŋí tóo ǹûai kíli ŋá. Mó dîa Kúnuu-namui ŋɛi a gɛ́ɛ dífe díyee pu wóo da-ni maa-sia-toɔɔ su, nyíi va pâ núu pɔ a mɛnii ǹɛ́lɛɛ̂i. Diai da díwoli tɔ̀ɔ mɛni-ŋai ŋí dîai dílaa-lai su a kara.

Timote veelɛ 2:14 Referans Kwoze

Timote veelɛ 2:23

Kɛlaa, mowo hɛa kpɛli-kpɛli too nuą tii, 'ə́ mąąkwɛa diɛ. Ə́ kili kaa ɉu, hvaa lɔ ɓə a doo nuą lɔwai.

Timote veelɛ 4:1

Gáá ə́ mąąnɛ̨ɛ̨i Yálá ɲɛ̨i ɓa da Jesus Kristə ɲɛ̨i ɓa, yai pai nu hvulúɠaa da haaɓɛlaa kiti teei, gáá moi yɛ́, gu Nąmu pai lɔwai veelɛnąą, da ŋą tɔɔlaa mąą mɛ̨nį ɓa:

Lomaŋ 14:1

Nuąi di hvii kpɛɛ laa na pələ mɛ̨i, ka ka yee hee di mu ka hvo di laa pələɓo.

Hebreu 13:9

'Ká hvo ka kpɔwɔ lɛɛ laa, kalan bələ takpɛli hu wooɠaa di hvo ká həɠə tɛ̨ą pələ mɛ̨i. Mąąhɔlɔɓo, viɛlaɓoɔi, nu lii ə pilɛ a Yálá yəi mɛ̨inɛ̨ɛ̨, ə tɛɛ la, koolon gɔ̨nɔ̨n ma, yai, ŋą tɔn ɉon nuą di hvo ta dɔlɔ kaa lii.

Timote dɔlɔɔ 5:21

Mɛ̨nįi gáá ə́ tíi la a nwą́nąi Yálá ɲɛ̨i ɓa, Jesus Kristə ɲɛ̨i ɓa, da malakaɠaa, ya ɓaa: 'Ə́ kili lɛɛ niɛwooɠaa tii hu a nwalawala laa, 'hvó huyɛɠɛɓo kɛ, hvo da kulɔ ɉu, nu ta mąą mɛ̨nį ɓa.

Gɛlaɠaa 15:24

Kwaa bələ mɛ̨n diɛ; ku taɠaa daa pa laa ká pɔɔli, diɛ ká kwəi pilimąą wooɠaa, da ká hupu wooɠaa ɓo káá. Kuɔ hvəə di tí a yili.

Piɛrə veelɛ 1:13

Ɓɛlɔwai ŋɛ̨i gáá ni la yɛnɛ̨ɛ̨, yii gáá gaai ɉu a ɉaŋąa, ya ɓaa: ŋį́ ka kili pu mɛ̨nįɠaa hu, ka kɛ ɉu a ka ɲɛ̨i.

Timote dɔlɔɔ 6:13

Gáá ə́ tíi, Yálái a yɛnɛ̨ɛ̨ tɛɛ hɛn gəlee pɔ, ɲɛ̨i ɓa, da Jesus Kristə ɲɛ̨i ɓa, yai mąą kɛla hvaa ɓo Pɔnsə Pilatə lii la, laa na laa hu, gɛ́:

Tɛsalonikə veelɛ 3:6

Ną́n nonnii, ku kaa ká tíi gu Nąmu Jesus Kristə laa hu, kuɔ, kristalɛai di hvo di wɔɔ yɛnɛ̨ɛ̨ laa honmoi, di túwɔ́ pələ hvo yɛ bələi ku ká liɛwoo kɛ la, 'ká ká mąąkwɛa diɛ.

Ɉeremi 7:8

Kɛlaa, akɛ kaa kɛi ka kpɔɔ ɓowo a lɛɛ wooɠaa, yii nwun və mą,

Samuɛlə dɔlɔɔ 12:21

Ka hvo həɠə bulu, yili a kɛ a ka hvilɛn ŋąą kpɛli-kpɛli mɛ̨nįɠaa pulu, yiiɠaai tɔ̨nɔ̨ hvo diɛ, di hva pɛli nu kulɔ mɛ̨nįi, mąąhɔlɔɓo, di hvo a hɛn da.

Timote veelɛ 2:16

Yii ɓaa ɉowoon gbɛli-kpɛliɠaa tii, 'ə́ laa kulɔ yiliɠaa hu. Nuąi da di laa lɔ yiliɠaa hu, tuwɔ pələ ɲɔ̨n nɔ ɓə da kɛnɛ̨ ɉu;

Timote dɔlɔɔ 4:8

Nu yá ə́ kɔ́lɔ ɲąątɔɔ a mɛ̨nį ta, dɔlɔ kaa lɔ mą mɛ̨nį pɛlɛɛɠaa hu, kɛlaa Yálá mɛ̨nį nwɛi, dɔlɔ kaa mą mɛ̨nį kəlee hu. Kɛlɛi yili mun mə, yɛnɛ̨ɛ̨ laakwɛlanmoɔ ɉu, yɛ ə kɛ a, háákələi yɛnɛ̨ɛ̨, awala kɛ tii, tínąą gaa pai?

Ifisiɛŋ 4:17

Yii kani gáá moi káá, gɛ́ wiɛ mą gu Nąmu laa hu, ya ka: 'Ká hvo kɛa yɛnɛ̨ɛ̨ kɛ, yɛ bələi nuąi di hvo Yálá kɔ́lɔn da yɛnɛ̨ɛ̨ kɛ la, a diɛi di wɔɔ kiliŋąhiɛ a di lɔ kpɛli-kpɛli mɛ̨nį hu.

Galatə 1:7

Ə kɛ ŋɛ̨i, nwɛlɛɛ lɛlɛɛ takpɛli ɓə laa, yili hvəə, nuą lɔ ɓə ka ɓowoi, diɛ kɛ di Kristə mąą wɛlɛɛ lɛlɛɛ ɲɛ̨ilai ɲɔ̨nwɔ̨ɔ̨ hee mą.

Gɛlaɠaa 13:10

Hulɔnu yɛ́ ɓə! Yɛ́i ə́ laahvɛɛ a gbąną-gbąną huwu kəlee da nwąnąlɔɔ, ə́ nąnį lon tii, tələnmolaa ɲowo kɛnɛ̨, hvó mɔ̨ɔ̨ pai kpɛlai ku Ną́mu Yálá nwɔ pələ haŋąai hukpinįn ɉi, a bələ haŋąnŋąąi ti?

Maafîu 16:26

Nu a yɛnɛ̨ɛ̨ hɛn gɔw kəlee hɔlɔɓo, ə hvɛɠɛ a nwɔ yɛ̨nɛ̨ɛ̨, yili dɔlɔ ɓaa a lə?

Habakukə 2:18

Hali pɛliɛ nwun maa a lə? A yɛlɛ kɛ nuą yee pɔɔ ti. Yai a kwɛli həɠeeiŋąą, diɛ nuą nwunɉu lan la, nui bɛli yɛ gilitɔɔ mą, hva kpɛli kan hvaa ɲəi.

Ɉeremi 23:36

Kɛlaa, ka hvo kɛa Yai-Laa nwɔ tiɛ̨i mąą mɛ̨nį ta ɓo. Diɲɛ kaa pai kɛi a ka kəlee tɛi tɛi ka hvaa woo. Mąąhɔlɔɓo, ka kɛ Yai-Laa Mɛ̨nį Kəlee ŋą Hééɓomun ku wɔ Yálái, yaai gaa Yálá hvulú vaa woo mąąhvaalən ɉii.

Ɉeremi 23:32

Yai-Laa yɛ diɛ, «Gáá hvaa pɛlɛi Yálá kwəi mɛ̨nį hukulɔ nuą tii, da kɛ nɛɛ hįįɠaai kaai, diɛ lia ɉukulɔ, diɛ nuą nwun ɉu lan a di wɔ lɛɛ mɛ̨nįɠaai tii, da ɉanwon nwoo kpɛli-kpɛliɠaai tii. Ɲą́ą́ hvə di tɔɔ li la. Və́ mɛ̨nį ta ɓo li diɛ, di tɔlɔ lɔpee hvo diɛ nu ta ɲɛ̨i ɓa.» Yai-Laa woo li.

Timote veelɛ 1:6

Yili mąą mɛ̨nį ɓa, gáá nąą kili tooi ə́ ɲą, gɛ́: díɓoi Yálá ə dɛɛ ə́ pɔ, a ɲələi ŋį́ ɲéé pɛlɛ la ə́ mɛ̨i, 'ə́ ɉu nwun.

Timote dɔlɔɔ 1:6

Nu taɠaa daa həɠə bələ lɛlɛɛ tii mɛ̨i, daa di kpɔwɔ lɔ ɓowo hɛatoɔ hu;

Timote dɔlɔɔ 1:4

Ɛlɛɛ, di hvo kąnąn tɔwɔ-tɔwɔ pɔlɔ kiliinŋąą ɓa, yai kpɛla pələi hvo mą, yiliɠaa ɓə da pa a hɛa kpɛli-kpɛli toɔ, yii hvo hvilɛn ni Yálá ŋą mɛ̨nį pɛliɛ ɓa, yai naa kulɔi ɓaa a laa na laa.

Tɛsalonikə dɔlɔɔ 4:1

Ną́n nonnii, yii lɛɛ pulu, ya ka; mɛ̨nįi ku kaa ɉuhvɛlii, kuɔ gɛ a ká hvaŋąlɔ pələ gu Nąmu Jesus hu, ya ɓaa: Bələi mąąnɛ̨ɛ̨ ká túwɔ́ la káá pɛli Yálá lii hon ɉii, kwaa ká mąąkwɛli yili ɓa, ɛlɛɛ yaan, bələ kpɔ ɓə ká káá túwɔ́i la, 'ká ká yee mąą tɛ ká ɉon nwɔ̨nɔ̨ a nįnɛ̨.

Ɉeremi 16:19

Yai-Laa kaa a nóo kpɔlɔ, da mą́ą́kilɛi, ya ɓə ŋį́ li bɔ a mą́ą́wɛlii lɔwai, lɔiɠaa kaa pai pai ə́ pɔ, diɛ həɠə lɔi kpɔn ɉeei, diɛ kɛ diɛ: «Ɉɛnŋaa kɛ ku nąnni yəi a di kwɛlin, ə kɛ a kpɛli kpɛli, a kilikpɛɛgwəi hɛnŋaa, di yee hva lɔ mɛ̨nį ta ɓa.

Ɉeremi 2:11

Akɛ lɔi ta aa ta nwɔ haliɠaa mąąhvalin, a ɉɛnŋaa tii di hvo mun ɓaa hɛn da! Kɛlaa, kaai ɓaa nwɔ́ nuą, kaa ka wɔ mąąwiɛ mąąhvalin, a hɛn dɔ̨nɔ̨ lɔpee hvo mą.

Ɉeremi 2:8

Ɉaláá laa həli nuą, di hvo kɛli diɛ: «Yai-Laa kaa mi?» Nuąi Yálá nwɔ tɔ́n kaa di yəi, daa ɲagban naa kulɔ, daa lɛ̨ą mą. Nuą ɲɛ̨i tɔwɔ nuą daa tɔɔ ná. Yálá kwəi mɛ̨nį hukulɔ nu, diɛ ɓə kɛa Baalə kwəi mɛ̨nį hukulɔi Di hvilɛn ŋąą kpɛli-kpɛli hɛnŋaa pulu.

Taitɔ 3:1

Gili too nu kəlee ɲą, yɛ́ diɛ: mąąnɛ̨ɛ̨i di lɛɛ nwun nąmįną, da ɲąąwooɓo kɛ nuą kəlee woo mu, di di kpɔwɔ mąąyɛɛ, di hɛ̨ąyiliɛ mɛ̨nį lɛlɛɛ kəlee kɛ mɛ̨nį ɓa.