Bib sou entènèt

Paj dakèy
Bib sou entènèt
Timote veelɛ 2:12

Timote veelɛ 2:12 - Yálá laawoo hɛɓɛ (dc)

¹² Gwa diɛni gwa mɔ̨nɔ̨ mįi gee ɓa, gwa diɛni gu kaa pai tɔɔlaa kɛi gee ɓa. Akɛ gwa lənə mą, yaa kpɛlimąn a lənə guɔ.

Gade chapit la Kopi

Yálá laawoo hɛɓɛ

¹² Gwa diɛni gwa mɔ̨nɔ̨ mįi gee ɓa, gwa diɛni gu kaa pai tɔɔlaa kɛi gee ɓa. Akɛ gwa lənə mą, yaa kpɛlimąn a lənə guɔ.

Gade chapit la Kopi

Bible

¹² À kɛ̀ kwà mɛni-soli kàa, kwa dîa-ni kwa pâi máŋ kɛ̂i a núu-mɛi-ƃela; à kɛ̀ kwa m̀aa-sia tòo, gɛ̀ ní ǹyaa máŋ a pâi kúmaa-sia toôi;

Gade chapit la Kopi

tounen moute ⬆

Timote veelɛ 2:12
29 Referans Kwoze

Lomaŋ 8:17

Yii kani gu kaa a nonnii, gu kaa kani a gwɛlin ɉɔlɔɓo nuą, gwa Kristə ta ni gu kaa a Yálá kwɛlin ɉɔlɔɓo nuą; gbala ə tɔɔ, yii gu gu wɔɔ hɔlɔɓo nwɔ mɔ̨nɔ̨i hu, gu kaa lɔ pai gu wɔɔ nąą hɔlɔɓoi mąąɲįnɛ̨n ɉu.

Maafîu 10:33

Kɛlaa, nui a lənə mą́ą́ nuą ɲɛ̨i ɓa, ɲą́ą́ gbɛli ŋą lənə lɔ mąą nu ɓa Ną́n ɲɛ̨i ɓa, yai gaa yələkɔlɔn ɉu.»

M̀ɛni-lɛɛi 20:4

Ɛlɛɛ, yili pulu, ŋį́ tɔɔkpəlinŋaa kaa, nuąi kɛli pa heei ɉui, di mąąlaa tɛɛ di pɔ, diɛ pɛli, kiti teei. Ŋą́ pənə nwɔ̨nɔ̨, nuąi di di nwun dee Jesus ŋą kɛla woo mąą mɛ̨nį ɓa, ɛlɛɛ, Yálá laawoo mąą mɛ̨nį ɓa, ɛlɛɛ, da nuąi di hvo gɛ di hvo kwɛli hvilɛn ɉuwɔi tii mąą nįnįn ma, naa hvo nwɔ̨nɔ̨ kɛ di dɔwɔla, ə mą kɛ, di yee ɓa, ŋą́ di nįiɠaa kaa, daa pənə daa nwun, ɛlɛɛ, da Kristə ni, di tɔɔlaa kɛ kwɛlan nwaa tɔ̨nɔ̨ yee mu.

M̀ɛni-lɛɛi 20:6

Nwun na nɛ̨ɛ̨ nuą, da mąąhəɠə nuą ɓaa, diɛi pai kɛi nwun mo dɔlɔɔ tii hu. Di nwɛi, haa ŋą yee pɛli mąą hvo diɛ; di kaa pai kɛi a Yálá da Kristə di wɔɔ haláá laa hɛli nuą kpɛa-kpɛaa, da diɛni da tɔɔlaa kɛ gwɛlan nwaa tɔ̨nɔ̨i tii yee mu.

Lukə 12:9

Kɛlaa, Nui a lənə mą́ą́ nu kpulu ɲɛ̨i ɓa, Nu Lon yaa kpɛli a lənə mąą nui ɓa Yálá da nwɔ malakaɠaa ɲɛ̨i ɓa.

M̀ɛni-lɛɛi 5:10

Yáá di kɛ a tɔɔɓɛlaa da haláá laa həli nuą, a ku wɔ Yálái nwɔɔ. Ɛlɛɛ, di kaa pai tɔɔlaa kɛi lɔi mɛ̨i.»

Lukə 9:26

Akɛ nu a nwumɛ̨ náá ɓoi, ə nwumɛ̨ nwóó hon ɉii, ɓɛlɔwai Nu Lon kaa pai pai la nwɔ mąąwiɛ hu, da Nąn Yálá nwɔ mąąwiɛ hu, da Yálá nwɔ malakaɠaa, a nwumɛ̨ mąą nui laa ɓoi.

M̀ɛni-lɛɛi 2:13

Ɓɛi ə́ heɛ kaa laa, ŋį́ nąą kɔlɔn, nąą lɔ ɓə ɓilihi nwɔ tɔɔkpəlin gaa laa. Kɛlaa, yáá ə́ yee kąną náá ɓa, ɛlɛɛ, hvó lənə li nwɔ́ pələi ɓa, ə mą kɛ, a vólóɠaai di kɛli nwɔ́ kɛla tələnmoɔ Antipasə paa la, ká pɔɔli, ɓɛi ɓilihi aa ɉeei kulɔ laa.

M̀ɛni-lɛɛi 1:9

Ɲą́ą́, ká nąn non Ɉaan, yai ká diɛni ká kaa ká kee pɔ mɔ̨nɔ̨ tanɔ̨n ɉu, dɔɔlaa hu, ɛlɛɛ, da dɔɔa nwąnąi laa hu Jesus hu, ŋą́ kɛ Patmɔsə tín ɉu, Yálá laa woo mąą mɛ̨nį ɓa, ɛlɛɛ da Jesus mąą kɛla hvaa ɓo mɛ̨nį ɓa.

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.

Filipə 1:28

'ká hvo nɛɛ laa ka yowoɠaa di hvo ka mąą ɲɔw mɛ̨nį ta hu, yili a di kili pu ɉu, diɛ, di kaa nwun na pili pələ mɛ̨i, kɛlaa ka wɛi, ə ɓo a ɓalo pələ. Yili a həɠə Yálá pɔ.

Markə 8:38

Akɛ nu a nwumɛ̨ náá ɓoi, ə nwumɛ̨ nwɛlɛɛ lɛlɛɛ ɓo mɛ̨nį ɓa, háákələi nuą ŋɛ̨i di hvo tələnmo li diɛ nɛ̨ŋɛ̨ gɛ, di ŋɛ̨i ɓa, Nu Lon yaa kpɛli a tinąą nwumɛ̨ mąą nu laa ɓoi, ɓɛlɔwai a paa la da Yálá nwɔ malakaɠaa Nąn nwɔ mąąwiɛ hu.»

Maafîu 26:35

Piɛrə yɛ mą: «Akɛ ɲą́ą́ mun ŋą haa, ŋą haa; kɛlaa, ɲą́ą́ mun vá lənə yɛ́.» Galan nɛa kəlee di mo di diɛ kpɛli.

M̀ɛni-lɛɛi 3:8

Ŋą́ ə́ kɛ-mɛ̨nįɠaa kɔ́lɔn. 'Ɓɛ kaa, ŋą́ą́ pɛlɛ́ laa tɔɔ ə́ tɔwɔ, nui lɔpee ta hva pɛli naa kpului. Ə́ hvaŋą hvo kɛnɛ̨ li, ə mą kɛ tii, yáá ə́ yee kąnąn náá woo ɓa, ɛlɛɛ, hvó lənə li náá ɓa.

Hanwon 30:9

Hvó gaai, ŋą́ pilɛ hɛn gɔw hu kɛnɛ̨, və́ lənə Yɛ́, gɛ́ kɛ mą: «Gbɛɛ ɓaa Yai-Laa?» A wala kɛ tii, ɲéé la a tee, və́ pa nwuɔ̨ kɛ, və́ ɓɛlɛkpɛɛ nwɔ́ Yálá ə́ laa ɓa.

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Markə 10:33

Ə mo diɛ, yɛ diɛ: «Ka ka wəli too, ka gu kaa tɛi Ɉerusalɛmə daai, di kaa pai Nu Lon tɛɛi ɉaláá laa həli nuą nwun nąmįną da dɔ́n galamɔ̨ɔ̨ɠaa diɛ. Di mąą ɲąba lɔ, ə gɛ di baa. Nuąi di hvo Yálá kɔ́lɔn, di kaa pai dɛɛi di pɔ.

Maafîu 26:75

Piɛrə ə giliŋąhiɛ, nąąlɔwai mɛ̨nįi tii Jesus ə mo mą, nąą kili ə too ŋą. Yai tii Jesus ə kɛ mą: «Gɛɛ tɛ́ɛ́ hvo nwoo pili, ə́ kaa pai lənəi mą́ą́ gee mɛ̨i haaɓa, yɛ́ kɛ diɛ hvó gɔ́lɔn.» Piɛrə ə həɠə laa gwəli, ə li dɔ̨nɔ̨ kɛɛnąą, ə wɔlɔ kpɔ a nąą mąąwɛliɛ.

M̀ɛni-lɛɛi 1:6

ə gu kɛ a tɔɔ nu huwu, a haláá laa həli nuą kpɛa-kpɛaa a Nąn Yálá nwɔɔ, yai mąąwiɛlaa, da huwalawalalaa di kaa ɲəi a kwɛlan gəlee, ɲɛ̨n deei hvo mą. Mįiną!

Lukə 22:29

Bələi tii Nąn ə tɔɔlaa tɛɛ la bɔ́, bələ lɔ ɓə gáá dɛɛi la ka pɔ.

Lukə 22:30

Ka káá pai ka laa mįi, kaa ka kpələ, ŋį́ tɔɔlaai hu, ka ɓo heeni tɔɔkpəlinŋąa hu, kaa Israɛlə lɔi pow kɔ́w hveelɛi ɲąąwooɓo.»

Lomaŋ 5:17

Nu tanɔ̨n ti hɔn mə gɛ, haa yɛ hvilɛn nu kəlee pulu. Kɛlaa, Jesus Kristə tanɔ̨n gbən ɉaalai ɓə, gwaa mɛ̨nį lɛlɛɛ tamąą hɔlɔɓo la. Nuąi da Yálá nwɔ mɛ̨inɛ̨ɛ̨ hɔlɔɓo da tələnmolaa, da yɛnɛ̨ɛ̨ hva kpɛɛ hɔlɔɓo da tɔɔlaa Kristə laa hu.

Timote dɔlɔɔ 5:8

Akɛ nu a wala ŋą nuą mąąkpɔnmąą ɓo, gəlee ə mą gɛ, ɲəi bɛlɛ́n nuą, a kɛ ti, aa lənə laa na laa ɓa, mąą nui nwɛi ɲɔ̨nwɔ̨ɔ̨i dɛɛ háli pulumun ma.

M̀ɛni-lɛɛi 3:10

Gbala ə tɔɔ, yáá ə́ yee kąnąn náá woo ɓa, a hvaŋąlɔ laa, ɲą́ą́ gbɛlimąn, gáá pai ɲéé kɛi yɛ́ a ɲąąhɛn ɲələɠaai pai həlii yɛnɛ̨ɛ̨ kəlee ɓa, ɛlɛɛ, yɛ lɔi mɛ̨i heeɓo nuą ɲąąhɛn.

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.

Swiv nou:

Lyen patwone

Piblisite

Piblisite