Timote veelɛ 2:10 - Yálá laawoo hɛɓɛ (dc)

¹⁰ Yili ɓə gaa mą, gáá nííkpələi mɛ̨nį kəlee mu, nuąi Yálá aa di həɠə ɉu, di mąą mɛ̨nį ɓa, əgɛ, diɛ kpɛlimąn di ɓalo hva kpɛɛ hɔlɔɓo, yai gaa Jesus Kristə hu, ə pɛlɛ la, mąąwiɛlaa hva kpɛɛ, mą.

Yálá laawoo hɛɓɛ

¹⁰ Yili ɓə gaa mą, gáá nííkpələi mɛ̨nį kəlee mu, nuąi Yálá aa di həɠə ɉu, di mąą mɛ̨nį ɓa, əgɛ, diɛ kpɛlimąn di ɓalo hva kpɛɛ hɔlɔɓo, yai gaa Jesus Kristə hu, ə pɛlɛ la, mąąwiɛlaa hva kpɛɛ, mą.

Bible

¹⁰ Mɛni ma ŋa mɛni-soli káâi diai mɛni ma Ɣâla e dílɛ̀i, a gɛ́ɛ dîa máŋ dí malo-laai sɔlɔ ƃo da ŋwɔlɔ-wɔlɔ folo-laai, nyíi-ŋai da pâ Zîsɛ Kôrai sârai.

Timote veelɛ 2:10 Referans Kwoze

Kolosə 1:24

Mɔ̨nɔ̨ɠaai gáá mįi ká mąą mɛ̨nį ɓa yiihu, ŋą́ gwə́inɛ̨ɛ̨ mɛ̨nį hɔlɔɓo ɉu, ɛlɛɛ, Kristə ŋą mɔ̨nɔ̨ yiiɠaai lɛɛ pulu, gáá naa kulɔi gɔ́lɔ́ hu, gɔlɔ mąą mɛ̨nį ɓa, yai a ŋą kpɔn;

Piɛrə dɔlɔɔ 5:10

Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.

Timote veelɛ 2:3

Kristə ŋą holahi, 'ə́ yee hee nwɔ mɔ̨nɔ̨i mu.

Korɛntə veelɛ 1:6

Mɛ̨nį walawala aa həli kuɔ? Yili kaa a ká liilaa mɛ̨nį da ká ɓalo mɛ̨nį. Liilaa mɛ̨nį aa həli kuɔ? Yili kaa a ká liilaa mɛ̨nį, yai a pɛli gɛi, mɔ̨nɔ̨i ku kaa mįi ká mąą mɛ̨nį ɓa, káá pɛli ká liikpələi ká wɛi mu.

Korɛntə veelɛ 4:17

Hvo gaai, mɔ̨nɔ̨ logolo tiikpɛi ŋɛ̨i pai kpɛɛi, gaa a ɲɛ̨i pono kɛnɛ̨ɛ̨i kpɛɛ hvo mą, heɛ nuą tɔwɔ.

Piɛrə dɔlɔɔ 2:10

a káái tɔlɔɔ ká hvo kɛ kɛli kɛ a nwɔ nu huwu, kɛlaa yiihu kɛa, káá kɛ a Yálá nwɔ nu huwu; káái ká wɔɔ nąą hvo tɔlɔɔ kɛ ɲɛ̨imąąwɛli kaa hu, kɛlaa yiihu kɛa, aa ká ɲɛ̨imąąwɛli kaa.

Tɛsalonikə dɔlɔɔ 5:9

Mąąhɔlɔɓo, Yálá hvo ŋą lííholi hee li gu tɔwɔ, kɛlaa gu ɓalo mɛ̨nį hɔlɔɓo gu Nąmu Jesus Kristə háálai;

Kolosə 1:27

Bələ ɓə ə kɛ la tii bɔ, ə mɛ̨nįi tii ŋą yəi-kɛnɛ̨laa da ŋą mąąwiɛlaa lɛ la huwu takpɛliɠaa lɔwai, a Kristə kɛ mɛ̨nį ká lɔwai, a kilitɔɔmąą laa, a mąąwiɛlaa!

Ifisiɛŋ 3:13

Yili mąą mɛ̨nį ɓə gɛi, gáá ɉuhvɛlii káá, gɛ́: 'Ka hvįi hvo kpɛɛ mɔ̨nɔ̨ɠaai gáá mįi ká pulu di mąą mɛ̨nį ɓa; yaamun gaa a ká ɲɛ̨i pono mɛ̨nį.

Korɛntə veelɛ 4:15

Mɛ̨nįɠaai kpɔ laai kuɔ, ká mąą mɛ̨nį ɓə, nɛ̨ɛ̨laa ta yɛ pɛlɛ la mą, gbɔn ɉu yɛ kɛnɛ̨ la, ɛlɛɛ, Yálá ŋą mąąwiɛlaa hɛɠɛɛɓo woo hu yɛ wiɛ la.

Korɛntə dɔlɔɔ 9:22

Ŋį́ too hvįikpɛɛ nuą pɔ, kwa diɛni ku tɔɔi ə kɛ tanɔ̨n, ə gɛ, ŋą́ di hɔlɔɓo a Kristə nwɔɔ. Ŋį́ gbɔ́wɔ́ kɛ a nu kəlee ŋą nu, gɛ́ pɛli daɠaa ɓaloi ɉu a Kristə nwɔɔ.

Lomaŋ 9:23

bələ ɓə Yálá ə kɛ la bɔ ə nwɔ mąąwiɛlaa too la pono ŋą gu ɲɛ̨i ɓa, a guɔi ŋɛ̨i aa gu ɲɛ̨imąąwɛli kaa, aa gu həɠə ɉu, ə gɛ, gu nwɔ mąąwiɛlaai ta hɔlɔɓo.

Lomaŋ 2:7

Nuąi di kanąn ŋąą mɛ̨nį lɛlɛɛ kɛɛ ɓa, diɛ mąąwiɛ kwɛli, diɛ ɓə Yálá kaa pai yɛnɛ̨ɛ̨ tɛɛi di pɔ kpɛɛ hvo mą.

Ɉaan 17:24

«Ną́n, gáá bɔ ɓɛi ŋą kɛ laa, nuą ŋɛ̨i yáá di tɛɛ bɔ, diɛ kpɛli di kɛ laa, ə gɛ, mąąwiɛ yii yáá dɛɛ bɔ, di gaa. Mąąhɔlɔɓo, ə́ gbɛa nwɛ́li la kɛ gɛɛ yɛnɛ̨ɛ̨ kɔ́wɔ hvo tɔɔ.

Ɉaan 17:9

«Diɛ ɓə gáá Ə́ hvɛli di mąą mɛ̨nį ɓa, və́ Ə́ hvɛlii yɛnɛ̨ɛ̨ mąą mɛ̨nį ɓa. Kɛlaa, gáá ə́ hvɛlii nuą Ə́ di tɛɛ bɔ́ di mąą mɛ̨nį ɓa, di kaa a Ə́ wɔɔ.

Ɉaan 11:52

Hvo lɛɛ lɔ a nɔi tii mąą mɛ̨nį, kɛlaa, Yálá lonni yiiɠaai di taɠa-taɠa, di ŋąąkpɔn mɛ̨nį di kee ɓa di kɛ tɔ̨nɔ̨ mąą haa ɓə ə kɛi pa moi.)

Maafîu 24:31

Tulu woo kɛnɛ̨ a tɔɔ, a nwɔ malakaɠaai tɛɛ yɛnɛ̨ɛ̨ nąą kəlee, ə gɛ, di nwɛiɠaai ɲąąkpɔn.»

Maafîu 24:24

Mąąhɔlɔɓo, lɛɛ kɛla tamąą kaa pai pai, da lɛɛ nuą tamąą diɛ kɛ diɛ: Nwun mąąɓomun mąą a ɲą́ą́. Ɛlɛɛ diɛ kpalo mɛ̨nį tamąą kɛ, da kwəi pili mąą mɛ̨nįɠaa, ə gɛ, di nuą ɓowo, a kɛ kɛ di yee a pɛli, dəli kɛ Yálá nwɔ nu mąąhəɠɛɛɠaai diɛ kpɛli di ɓowo.

Maafîu 24:22

Akɛ kɛ Yálá hvo volóɠaa tii hukpuwɔ, nu tɔ̨nɔ̨ kpɛli hvo li ɓalo. Kɛlaa, Yálá ə volóɠaa tii ta kulɔ ma, nuą ə di həɠə ɉu di mąą mɛ̨nį ɓa.

Hanwon 8:35

Mąąhɔlɔɓo, nui a ɉɔ́lɔɓo, aa yɛnɛ̨ɛ̨ hɔlɔɓo, a gɛ tii, a Yai-Laa nwɔ mɛ̨inɛ̨ɛ̨ hɔlɔɓo.

Tɛsalonikə veelɛ 2:14

Yili ɓə ə ká təli mą, nwɛlɛɛ lɛlɛɛ ŋɛ̨i ku naa həli káá, ɉaalai, káá pɛli ká wɔɔ nąą hɔlɔɓoi gu Ną́mu Jesus Kristə nwɔ mąąwiɛlaa hu.

Lukə 18:7

A kɛ tii, Yálá hvo moɔ pai niiɓa nuą mąą hutɔɔi, a diɛi tii di kilitɔɔi mą; diɛ tómą bɔ pələ a hvóló da kpinį?

Korɛntə dɔlɔɔ 1:21

Gbala ə tɔɔ, yɛnɛ̨ɛ̨ ŋą kilikɛɲəi laa hu, hvo kɛ Yálá kɔlɔn ni, Yálá ŋą kilikɛɲəi hu. Hvo gaai, mɛ̨nįi ŋɛ̨i ku kaa naa həli, yɛ ɓo a ɓowo mɛ̨nį nu kanŋaa ɲɛ̨i ɓa, ya ɓə Yálá ə gaa a mɛ̨nį haŋąą, yɛ laa na nuą nwun mąąɓo la.

Korɛntə veelɛ 12:15

Ɲą́ą́ nwɛ́i, ŋą́ pɛli mą ŋą́ gbɔ́wɔ́ kwɛlɛ, ɛlɛɛ, gáá pai gbɔ́wɔ́ kwɛlɛi kpɔ tɛ̨ɛ̨tɛ̨ɛ̨? Ká mąą mɛ̨nį ɓa. Ŋą́ kɛli ká wɛlilakɛ tii, yili hva mɔ̨ɔ̨ nwɛ́li too kaa?

Timote veelɛ 1:1

Polə, Jesus Kristə ŋą kɛla, Yálá liiɓa hu, yɛ bələi ə yɛnɛ̨ɛ̨ laakwɛlanmo la Jesus Kristə hu,

Timote veelɛ 2:1

Yili ɓa, nón, nɛ̨ɛ̨laai gaa Jésu-Kristə hu, 'ə́ hvaŋąlɔ mą.

Taitɔ 1:1

Polə Yálá ŋą tímun, Jesus Kristə ŋą kɛla, yai mąąnɛ̨ɛ̨i ə pələ kulɔ a Yálá ŋą nu həɠɛɛ ɉuɠaa, diɛ pa laa na laa pɔ pələ, diɛ pɛli tɛ̨ą kɔlɔn ɉii, yɛ bələi Yálá kaa la bɔ,

Lukə 22:57

Kɛlaa, Piɛrə ə lənə mą, yɛ mą: «Nɛ̨ɛ̨nu, və́ ɉulɔnui tii kɔ́lɔn.»