Sofoni 2:5 - Yálá laawoo hɛɓɛ (dc)

⁵ Kpalo aa ɓɛla gboloyá kwɛlɛ heeɓo nuą diɛ, diɛi ɓaa Krɛtə lɔi hu nuą, kaa ɓə Yai-Laa kaa haŋąi kaa. Filisti nuą pɔ lɔi Kanaan, gáá ə́ lɛɛi a lɔi pun, nuą di hvo pai heei ə́ hu.

Yálá laawoo hɛɓɛ

⁵ Kpalo aa ɓɛla gboloyá kwɛlɛ heeɓo nuą diɛ, diɛi ɓaa Krɛtə lɔi hu nuą, kaa ɓə Yai-Laa kaa haŋąi kaa. Filisti nuą pɔ lɔi Kanaan, gáá ə́ lɛɛi a lɔi pun, nuą di hvo pai heei ə́ hu.

Bible

⁵ Kpalo ƃêlai kâa káai a Felesia-ŋai ká káa ǹyái kóo ma Keena-ŋai dílɔɔi sui kpɛ́ni fêi m̀ɛni ŋá téeɛi ŋí káa máŋ ká mɛni ma.

Sofoni 2:5 Referans Kwoze

Izikiɛ 25:16

Yili mąą mɛ̨nį ɓa, Mɛ̨nį kəlee ŋą Hééɓomun Yálá woo ka: Gáá pai pɛlɛi Filisti nuą diɛ, gáá pai Kereti nuą hukalai, gɛ́ gboloyá kwɛlɛ lɔi lɛɛ a vowolo.

Ɉeremi 47:7

A pɛli vįitɔɔi ləi? Hvo gaai, Yai-Laa ɓə dɔɔ kóló ɓa, yɛ li pɛlɛi Askelɔn da gboloyá kwɛlɛ lɔi diɛ; naa ɓə di nɛ ma.

Amɔsə 3:1

'Ka ka wəli tɔɔ Israɛlə nuą, kaa ŋɛ̨i Yai-Laa ə ka kulɔ Eziptə lɔi hu luwɔlaa hu ə pa a kaa, Yai-Laa yɛ:

Zasua 13:3

Ə həɠə Sihɔrə yá ɓa Eziptə lɔi tənən ma, ə həli la Ɛkrɔn lɔi ɓa ɲánwuɔ̨ pələ; yili kpɛli mąn, Kanaan lɔi ta li. Filisti tɔɔɓɛlaa lɔɔlii laa ka: Gaza nwɛi, Asdɔdə nwɛi, Askelɔn nwɛi, Gatə nwɛi, da Ɛkrɔn nwɛi; yili pulu, Avi nuą kaa laa ɉɛɠɛɛ pələ;

Markə 12:12

Ɉaláá laa həli nwun nąmįną, da Farisiɛ̨ɠaa di kɛi Jesus hon gbaɠala kwɛli mą, mąąhɔlɔɓo, di gɔlɔn diɛ diɛ: Jesus ə ɉanwon tii hɔɔ di mąą mɛ̨nį ɓa. Kɛlaa, di kɛi ɲɔ̨w nu kpulu ɓa. Ya ɓə gɛ di nɛɛ laa, diɛ li.

Zakari 1:6

Ɛlɛɛ yaan, váá wooɠaa, da gwə́i mɛ̨nįɠaa, a diɛi tii ŋą́ di laa nwɔ́ tínuąi a gwə́i mɛ̨nį hukulɔ nuą di nwuɔ̨, di hvo mɔ̨ɔ̨ həli ka nąnni diɛ? Nąąlɔwai, di yali di pulu, di hvaa mą, diɛ kɛ: Yai-Laa Mɛ̨nį Kəlee ŋą Hééɓomun, ə naa gwəi, yɛ: gaa pai ku hon ɉi, yɛ bələi ku gwɛli la, a ku hiɛ pələ, da ku tuwɔ́ pələ; ɛlɛɛ yaan, bələ kpɔlɔ ɓə aa ku hon na.»

Sofoni 3:6

Ŋą́ą́ lɔi taɠaa mąą mɛ̨nį kpɛɛ yɛnɛ̨ɛ̨, di mąąkpɛ pɛlɛ́ɠaa daa pu, ŋą́ą́ bələɠaa mɛ̨i tɔɔ tón-tón, nu hvo mą hvo tɛɛ la. Ŋą́ą́ daaɠaa lɛɛ a taa kpoloon, nu hvo ɉu, nu hvo mą hvo hee laa.

Amɔsə 5:1

Israɛlə nɔi nuą, mɛ̨nį gɛ́ ŋį́ mo, 'ka ka wəli tɔɔ mą. Ya ɓaa: woolaa yii gáá gɛi ka mąą mɛ̨nį ɓa.

Azaya 14:30

Mąąwɛli nuą kaa pai di laa mįi hɔlɔɓoi, yeehowolo nuą diɛ yɛnɛ̨ɛ̨ kɛ liilaa hu. Kɛlaa ə́ wɛi, ŋą́ ə́ hamu paa a pulu, ə́ kpəlii a lɛɛ, ŋį́ yili paa.

Nwun mąąɓo 3:3

Nu huwuɠaai tii laa ka: Filisti tɔɔɓɛlaa lɔɔli, Kanaan nuą, ɛlɛɛ, Sidɔn nuą, Hivi nuą, diɛ kɛ di heɛ Liban ɲeeɠaa ɓa, ə həɠə Baalə-Hɛrmɔn ɲee ɓa, ə həli la Lebo-Hamatə ɓa.

Samuɛlə dɔlɔɔ 30:14

Kuɔ ɓə li doo mɛ̨i kɛi Kereti lɔi ɉɛɠɛɛ pələ, Ɉuda lɔi, da Kalɛbə nwɔ lɔi ɉɛgɛɛ pələ; ɛlɛɛ, kuɔ ɓə nwɔ̨n bili Siklagə.»

Azaya 14:29

Filisti lɔi pilɛɛ gee mɛ̨i, 'hvó tɔɔ yɛ́ kɛ ə́ kaa kwəinɛ̨ɛ̨ kulɔi, gbɔn kɛi ə́ kɛlɛ, ɉuyali mɛ̨nį ɓa, mąąhɔlɔɓo, tumo kaa pai kulɔi kaalə kpuwɔ hu, gbaatow-gbono kaa pai kulɔi tumo hu yɛ koon.

Sofoni 1:11

Kaai heeni ɲee lɔwai, ka tómą a wɔlɔ. Hvó gaai, ɲɔw kɛ lɔi hu nuą kəlee daa lɔ gbąi, nuąi kɛi wali kwɛli kɔ́ɔn, di huwu aa pu.

Zasua 13:2

Nɔiɠaai daa lɛɛ diɛ ka: Filisti lɔi kəlee, da Gesurə nuą di wɛi.