Sofoni 2:1 - Yálá laawoo hɛɓɛ (dc)

¹ 'Ka ka nwun dɔɔ, ka ka kpɔwɔ mąąninkɛ! Ee kə, kaa ŋɛ̨i nwumɛ̨ hvo kaai.

Yálá laawoo hɛɓɛ

¹ 'Ka ka nwun dɔɔ, ka ka kpɔwɔ mąąninkɛ! Ee kə, kaa ŋɛ̨i nwumɛ̨ hvo kaai.

Bible

¹ Óo lɔii-ŋûŋ, yái ŋume fé yâi, kpɔŋ tóo,

Sofoni 2:1 Referans Kwoze

Zooɛ 1:14

'Ka nolo ɓo nu kəlee mɛ̨i, 'ka ka mąąhəɠə hin nɔ. 'Ka galanɉonŋąą ɲąąkpɔn, 'ka nɔi lonnii kəlee təli. Yai-Laa ka wɔ Yálá yəi bɛlɛ́n, 'ka wɔlɔ Yai-Laa ɓa.

Kɔlɔnikɔ Veerɛi 20:4

Ɉuda nuą di di ɲąąkpɔn, əgɛ, di Yai-Laa hvɛli. Nuą di həɠə kpɔ Ɉuda taaɠaa kəlee hu, əgɛ, di pa, di Yai-Laa hvɛli.

Nehemi 9:1

Ɲąnįn tii nwɔ hvóló pow hveelɛ kɔ́w nąą ɲələ, Israɛlə nu huwu di mąąwɛli heeɓo, di muluun gbala pu di nwuɔ̨, di hin nɔ.

Nehemi 8:1

Nɔi lonnii kəlee di di ŋąąkpɔn nɔ yɛ nu tɔ̨nɔ̨, di pa a Moisə nwɔ tɔ́n ɉɛɓɛ́i, yaai tii Yai-Laa ə naa Israɛlə lonnii nwuɔ̨.

Maafîu 18:20

Mąąhɔlɔɓo, ɓɛi nu hveelɛ Ɉaaɓa ɉaakpɔn ɉaai laa ɲá náá hu, gáá laa di pɔ.»

Zakari 11:8

Yili pulu, ŋį́ daatɛlɛɛ pulu nuą haaɓai yee kulɔ ɲąnin dɔ̨nɔ̨ yeemu. Ɛlɛɛ, níí hvo kɛa lɛɛ a naa daatɛlɛɛɠaa pɔ, diɛ kpɛli mąn, di hvii ə kpɛɛ mą́ą́ mɛ̨nį hu.

Ɉeremi 6:15

Di wɔ túwɔ́ pələ ɲɔ̨n tii kaa pai di ɲɛ̨i paai. Ə mą kɛ tii, yiihu di hva kpɛli nwumɛ̨. Di kili hvo ɉu diɛ kɛ di ɓɛlɛ aa kpɛɛ diɛ; yili mąą mɛ̨nį ɓa, di kaa pai tooi yɛ nu kəlee; ɓɛlɔwai gáá pai múhəɠəi la di laa ɓa, di kaa pai tooi, ɲą́ą́ Yai-Laa nwóó li!

Ɉeremi 3:3

Yili mąą mɛ̨nį ɓə gɛ, və́ ə́ kɔ́ a tulɔ. Ə lɛɛ, weewaa tulɔ hvo pu. Pələi mąn ə kɛ la tii, ə́ ə́ yee kanąn nɔ ə́ wɔ wɛli hon ŋaaɓa. Mɛlɛkpɛɛ mąąi a hvə yɛ́, hvó kpɛli gɔlɔn ni.

Sofoni 3:5

Bələi mąn gaa la tii, Yai-Laa kaa daa kwəi, dəlimoɔ, yələwala kəlee, a nwɔ kiti wooi ɓo, yələɓɔi lɔwai, hva ɉəɠə mą. Kɛlaa, nui hvo Yálá kɔ́lɔn, nwumɛ̨ hvo mą.