Sofoni 1:4 - Yálá laawoo hɛɓɛ (dc)

⁴ Gáá pai ɲéé pɛlɛi Ɉuda nuą, da Ɉerusalɛmə nuą diɛ. Hɛn kpɔ gaa gɛɛnąą tii a Baalə nwɔɔ, ŋą́ gəlee hukala, ə mą kɛ, a nuąi kɛi tí mą, da di wɔɔ haláá laa həli nuą, ŋą́ gəlee laa kpɛɛ.

Yálá laawoo hɛɓɛ

⁴ Gáá pai ɲéé pɛlɛi Ɉuda nuą, da Ɉerusalɛmə nuą diɛ. Hɛn kpɔ gaa gɛɛnąą tii a Baalə nwɔɔ, ŋą́ gəlee hukala, ə mą kɛ, a nuąi kɛi tí mą, da di wɔɔ haláá laa həli nuą, ŋą́ gəlee laa kpɛɛ.

Bible

⁴ “Ŋa pâi ńyee pɛlɛ̂i Zuda ma da diai kélee díkaa Zerusâlɛŋ. Ŋa pâi ǹúu-kpɛtɛ ɣâlai Bêe su karâi da ŋɔsâla láa-soŋ-ƃelai é pɛ́lɛ díkɔ̂liŋ kélee ma. Ŋa pâi dísu karâi kpɔ́ núu da fa gɔ̀lɔŋ a gɛɛ díkɛ ƃɛ́ a tãi tɔnɔ ta.

Sofoni 1:4 Referans Kwoze

Osia 10:5

Samari nuą kaa ɲɔwi Bɛtə-Awɛn haliɠaai a nįŋɛ̨ kpəlaaɠaa, di mąą mɛ̨nį ɓa, mąąhɔlɔɓo, nɔi nuą, da ɉaláá laa həli nuą, diɛi kɛi di ɲąąnɛ̨ɛ̨ kulɔ ŋą kɛnɛ̨ laa hu, di kəlee, di mąą kaa kpɛlin ɉii, diɛ wɔlɔ pu di wɔ halii mɛ̨i, yai a nįŋɛ̨ lon, yiihu, yii kɛa daa li la tii kwɛaa la, ka gwəinɛ̨ɛ̨ ta kulɔ wɛ kan!

Mise 5:13

Gáá pai ɉaláá wuluɠaa kəlee kulɔi ə́ pɔɔli, gɛ́ ə́ wɔ taaɠaai pu.

Ɉeremi 6:12

Di wɔ pɛlɛ́ɠaai daa lɛɛ nu takpɛliɠaa yəi; bɛlɛɛ di wɔ tííɠaa diɛ, da di nɛ̨ąni. Ŋą́ą́ ɲɛ̨́i ɲɔ̨nwɔ̨ɔ̨ hee nɔi nuą diɛ ɲą́ą́ Yai-Laa nwóó li.

Kɔlɔnikɔ Veerɛi 34:4

Di Baalə kɔ́iɠaa taɠa ɲɛ̨i ɓa, lansan kələn ɉiiɠaai kɛ nąą mɛ̨iɠaa, di gəlee wolo; nwuluɠaai di kɛi gɔ́, ɉaliɠaai di bɛli awala kɛ tii di bu, ə gəlee huwolo-wolo ə vunwɔ̨-hunwɔ̨. Ə vunwɔ̨ taɠa-taɠa nuąi kɛi haláá laa həli diɛ di kámą mɛ̨i.

Tɔɔɓɛlaa veelɛ 21:13

Bələi ŋą́ Samari lɔi kala la da Akabə nwɔ pɛ́lɛ́i, bələ ɓə gáá pai Ɉerusalɛmə taa kalai la. Gáá pai Ɉerusalɛmə hu waai, yɛ da kɛi hɛnɲąŋą hu waa.

Lɛɛ gbɔwɔ ɓa 15:12

Yá Ə́ ɓa-mįi-yee haŋą lɔ, lɔi laa ə ɓo, ə ku yowoɠaa kpələ.

Ɉeremi 15:6

Yai-Laa woo ka; yɛ diɛ: «Yá ɓə nɛ́ɛ́ laa, yɛ́ ə́ pulu tɔɔ mą́ą́; Ŋą́ ɲee kpuwulu kɛ yɛ́, ə́ hu kala mɛ̨nį ɓa. Vį́į́ aa kpɛɛ kɛa ə́ ɲɛ̨i mąą wɛli kaa mɛ̨nį ɓa.

Izikiɛ 6:14

Gáá pai ɲee pɛlɛi diɛ; ɛlɛɛ, ɓɛi lɔpee di kaa pai kɛi laa nɔi ɲɛ̨i hu, ŋą nąą kɛ a lɔi pun mąąwɛlia; ə həɠə gbali hu kələnŋąą ɓa, ə həli la Divla. Da gili kɔ́lɔn nąąlɔwai diɛ Yai-Laa ɓaa a Ɲą́ą́.»

Izikiɛ 25:7

Yili mąą mɛ̨nį ɓa, gáá pai hee ə́ mɛ̨i, gáá pai ə́ tɛɛi lɔiɠaa pɔ, diɛ too ə́ hu, gɛ́ ə́ kulɔ lɔiɠaa lɔwai; gáá pai ə́ hukalai, yɛ bələi da lɔi hukala la, gɛ́ ə́ lɛɛ a kpɛli. Bələ ɓə yá gili kɔ́lɔn na, yɛ́ kɛ, ɲą́ą́ ɓə gáá a Yai-Laa.

Sofoni 2:11

Yai-Laa kaa pai gbɔwɔ lɛi diɛ a vaŋą, ə yɛnɛ̨ɛ̨ haliɠaa kəlee nwun ɲɛɛ. Yɛnɛ̨ɛ̨ lɔiɠaa kəlee, ə mą kɛ, yiiɠaai di kaa kwɛaala, di kaa pai kwɛli hvilɛn ɉii mą, ɓɛɠaai di kaa laa.

Sofoni 2:13

gaa pai ɲéé haŋąi ɲanwuɔ̨ pələ, ə Asiri nwun napili, ə Ninivə kɛ a taa kpoloon.

Tɔɔɓɛlaa veelɛ 23:12

Ɉaláá kulɔiɠaa ŋɛ̨i Ɉuda tɔɔɓɛlaa di bɛli Akazə nwɔ yələi pɛ́lɛ́i mɛ̨i, ə mą kɛ yii Manase ə dɔɔ Yai-Laa hee pɛlɛ́ hvaŋan mu, Ɉosiasə ə gələ taɠa, ə gələn, ə nuwu pili Sedrɔn ɓoloon ɉu.