Biblia Todo Logo
Bib sou entènèt

- Piblisite -




Sofoni 1:18 - Yálá laawoo hɛɓɛ (dc)

18 Di wɔ waliɠaa, da di wɔ hɛniɠaai, di hvo pai di nwun mąąɓoi, Yai-Laa nwɔ liiɲąnwąną hvólói yəi, a nwɔ tolo nwɔ̨n ɉee hvóló, Gaa pai lɔi nąą kəlee kələn ɉii, hvó gaai, gaa pai lɔi mɛ̨i hɛnŋąą kəlee nwun napilii, vólói tii, gaa a hvóló mąąɲɔwuɔ.

Gade chapit la Kopi

Yálá laawoo hɛɓɛ

18 Di wɔ waliɠaa, da di wɔ hɛniɠaai, di hvo pai di nwun mąąɓoi, Yai-Laa nwɔ liiɲąnwąną hvólói yəi, a nwɔ tolo nwɔ̨n ɉee hvóló, Gaa pai lɔi nąą kəlee kələn ɉii, hvó gaai, gaa pai lɔi mɛ̨i hɛnŋąą kəlee nwun napilii, vólói tii, gaa a hvóló mąąɲɔwuɔ.

Gade chapit la Kopi

Bible

18 Dísɛŋ-kao-kolei da dígôoi fé pâi díkulâi Yâwɛɛ ŋɔlii-ŋwânai su a ma ɣêlei tí. Ŋɔtólo lii-ŋwana kpɛɛ pôlui su, a pâi ŋ̀éniɛi kélee su-karâi. Tɔ̃yâ ma a pâi ǹɔii-su-ƃelai kélee su karâi a maa félaa.

Gade chapit la Kopi




Sofoni 1:18
40 Referans Kwoze  

Yili ɓa, ka mą́ą́ kpɔn! Ɲələi gáá pai múhəɠəi la, ŋą́ tɔɔ yɛ kɛla, gɛ́ ka hɔn doo, ka nąą mąą kpɔn! Gáá pai lɔiɠaa hukalai, gɛ́ tɔɔɓɛlaa di wɔ lɔiɠaa pu gee mɛ̨i, ŋą́ nwɔ́ liihvoli hee diɛ. Mąąhɔlɔɓo, gáá pai lɔi kəlee pilɛɛ gee mɛ̨i kələn ɉii, a nwɔ́ tolo nwɔ̨n. Yai-Laa wóó li!


Diɛ di wɔ waliɠaa pili kwəli hąąɠaa, di wɔ hɛniɠaa di lɛɛ di ɲɛ̨i ɓa a hɛn gbɛli-kpɛli. Di wɔ walii da di wɔ hɛnii di hvo pai di ɓaloi a Yai-Laa nwɔ liiholi yələ.


Akɛ ya gwɛli yɛ pələi da walə kwɛli la, ə́ gwɛli pələ kɛ yɛ hɛn gɔw yii noɔ,


Nu a yɛnɛ̨ɛ̨ hɛn gɔw kəlee hɔlɔɓo, ə hvɛɠɛ a nwɔ yɛ̨nɛ̨ɛ̨, yili dɔlɔ ɓaa a lə?


Ə mo gbɔwɔ ɓa, yɛ diɛ: «Hvo kɛ li ŋį́ nu lonnii kəlee nwun napili, ŋį́ di həɠə lɔi mɛ̨i, da huwɔɠaa, ə mą kɛ nwɛ̨niɠaa. Di pɛlii ŋɛ̨i ŋį́ mo, a tɛ̨ą, yili aa níí too pulu.»


Volói tii kaa a liihvoli hvóló, a liiɲąnwąną hvóló, gaa a kɛɛ kala hvóló, a lii too pulu hvóló, gaa a tɛɛhilɛ kpinį, ɉu tɛɠiɛɛ, a hvólói tulɔ aa ɉu kpinį, luwuluwu aa hiɛ ɲələ ɲɛ̨i.


Kaai heeni ɲee lɔwai, ka tómą a wɔlɔ. Hvó gaai, ɲɔw kɛ lɔi hu nuą kəlee daa lɔ gbąi, nuąi kɛi wali kwɛli kɔ́ɔn, di huwu aa pu.


Nɛ̨ąą da wɛli hon diɛ nu ɲąmą pu, pələi da di hutɔɔ la, bələ ɓə gáá pai ə hutɔɔi la. Gáá pai ə́ ɲąmą pui, nį́į́ holi pələ da nwɔ́ tolo kulɔ pələ mąą mɛ̨nį ɓa.


Gbɛɛ ɓə kilí kaa mą, yɛ pɛli mɛ̨nį kpaɠaa la kaai, ə lɛɛ nwoo Yai-Laa a nɛ mą, ə nolo ɓo? Lə ɓə kɛ, yaai nɔi aa kala? Kɛɛnaa kəlee daa kələn. Nu hva tɛɛ laa?


Yili ɓə gaa mą, Yai-Laa yɛ diɛ: Nwɔ́ liiholi, nwɔ́ liikələn gwəi, kaa pai ɓɛlai daa ŋɛ́i mɛ̨i, da ɉu nu kanŋaa, ə mą kɛ, ɉu taatɛlɛɛɠaa, ɛlɛɛ, di wɔ yɛa kɔ́ɔɠaa hu, a ɓɛla ɉiwuluɠaa mɛ̨i da di ɓaɠaa. A kɛ a nwɔ̨n yii hva luwun.


Yili ɓə gaa mą, Nąmu Yai-Laa Mɛ̨nį Kəlee ŋą Hééɓomun woo ka. Yai a Israɛlə nwɔ Yálá hɛn da hva tɔɔ na, ya ɓə mɛ̨nį ŋɛ̨i ɓoi, yɛ diɛ: Lə mąąwɛli mɛ̨nį ɓəi, ɲéé kaa pai tɛɛi gɔ́ yɔ́wɔ́ɠaa diɛ, ŋį́ nwɔ́ kwələ kulɔ ɲówoɠaa diɛ.


Diɛ níikələn gwəi a di wɔ hali kɔ́iɠaai, di wɔ hali kɔ́iɠaa da ɉali mąąnįnįnŋaa diɛ níikələn gwəi.


Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Ɉuda nuą di di yee lɔ ɉu, nɛ̨ŋɛ̨nŋaai di ɉəɠə, di Yai-Laa lii kələn gwəi ə tɛɛ la di nąnni diɛ.


Yili mąą mɛ̨nį ɓa, gáá pai níí ɲąnwąnąąi diɛ, ɲą́ą́n, ŋą́ pai həɠəi di pulu, ŋą́ di lɛɛ laa; di kaa pai lɛɛi a hį́i takpɛliɠaa di wɔ luwɔ. Ɲɛ̨ikɔw kpɔlu da mɔ̨nɔ̨ɠaa di kaa pai laai diɛ. Nąąlɔwai di kaa pai gɔlɔn ɉii mɛ̨nįɠaa tii pɔ pələ, diɛ kɛ, ɲą́ą́ ŋɛ̨i a di wɔ Yálá və́ di lɔwai.


Hɛn gɔw nąmu nwɔ hɛn gɔwi kaa a mąąkɔ̨nwɔ̨ taa. Gaa nwɔ ɲɛ̨i mu yɛ hįį mɛ̨i kwɛai kɔ́ hva gulɔ.


Yai-Laa, niiholii tii kaa pai lɛɛi ɉu lə yələ ə həli, a doloi tii a nu líikələn gwəi yɛ nwɔ̨n?


Mɛ̨nį ɲąąnwąnąą yələ, mɛ̨nį ɲɔ̨n gɛ mun maahvaa a lɛɛ, Yálá nwɔ líiɲąnwąną yələ, di ɓo di kwəinɛ̨ɛ̨ hu.


Akɛti, gu kaa bɔ gu Ną́mu nwɔ toloi muhəɠə? Gaa ká kwəi gu hvaŋą kɛnɛ̨i gu tɛɛ mą?


Gáá kwəinɛ̨ɛ̨ woo da yɛlɛ́ wooɠaa kpɛɛi Ɉuda taaɠaa hu, da Ɉerusalɛmə gwəliɠaa pɔ. Hilɛtaa wələ hva too, hilɛtaa kɛ Nɛ̨ɛ̨nu hva wələ hvaa. Mąąhɔlɔɓo, nɔi kaa pai lɛɛi a lɔi pun.


Yai-Laa woo ka, yɛ diɛ: «Ə́kə! Mɛ̨nį ɲąąnwąnąą kɛnɛ̨, ɲɔ̨nwɔ̨mąn və ta kaa li, ya ka ti pai-o.


Wea mɛ̨nį aa muhəɠə, kili ɲɔ̨nwɔ̨ɔ̨ yəi hɛn ni, nu hva kɛa di pɔɔ kaa. Nu hva kɛa di tomą woo mɛ̨n, da di huluun nwoo; hvitɔɔ hvə di yəi.


Ŋą́ tóló kulɔ a yɛ́, diɛ ə́ hɔɔ a líiholi. Di kaa pai ə́ huŋɔ̨ teei yɛ́, da ə́ wəliɠaa. Ə́ hu nuą gbəlii a lɛɛ, ɓɔwa kwɛaa yɛ di paa; di kaa pai ə́ lon ɉinąą da ə́ lon nɛ̨ąą həɠəi, ɛlɛɛ, ə́ kpəlii pai lɛɛi nwɔ̨n ə gələn.


Gɛɛ mɛ̨nįi tii hvo pa kulɔ, di ka hutaɠa yɛ dɛ̨ɛ̨ kpalaan, a vóló tɔ̨nɔ̨i tii, gɛɛ Yai-Laa nwɔ liiɲąnwąną hvo yɛɛ a ka nwun, gɛɛ niiɲąnwąną hvólói tii hvo ɓɛla ka mɛ̨i, 'Ka ka nwun dɔɔ, ka ka kɔ́wɔ mąąnikɛ!


a wala kɛ ti, kwa tɔɔɓɛlaa lonnii hɛni ə kɛ di yəi, kwəli kɛ ku kee ɓa, diɛi daa di heeiɠaa laahvɛɛ a wali.


Ka káá pai gɛi ləi a nwąnąkulɔ yələ? A ɲələi ka hu kala hɛn a həɠə la kwɛala yɛ pa? Gbɛɛ ka káá pai pui kaa li bɔ, yɛ ka mąąkɔ̨nwɔ̨? Mįnɛ̨ ɓə ka káá pai ka wɔ hɛn gɔwɠaai laaikɛi laa?


Israɛlə nwɔ kɛɛ pɔ̨nɔ̨i kaa pai kɛi yɛ nwɔ̨n, nwɔ Yálá mąąhəɠɛɛi ə ɓo yɛ nwɔ̨n nən, yɛ nwɔ kpomóɠaai da nwɔ ɲąąlənŋaai kələn, yɛ di kpɛɛ a hvóló tɔ̨nɔ̨.


Swiv nou:

Piblisite


Piblisite