Samia Veerɛi 7:1 - Yálá laawoo hɛɓɛ (dc)

¹ Ɓɛlɔwai tɔɔmun ə lɔ la dɔɔ pɛlɛ́ mu, ɛlɛɛ, Yai-Laa ə gɔ́ a lííla yɛnɛ̨ɛ̨, a ɲowoɠaa kəlee mąą kwɛai ə mo mą.

Yálá laawoo hɛɓɛ

¹ Ɓɛlɔwai tɔɔmun ə lɔ la dɔɔ pɛlɛ́ mu, ɛlɛɛ, Yai-Laa ə gɔ́ a lííla yɛnɛ̨ɛ̨, a ɲowoɠaa kəlee mąą kwɛai ə mo mą.

Bible

¹ Deeƃé kɛ́ɛ Yâwɛɛ a ŋ̀uŋ ma ƃó ŋɔkpɔara-ƃelai kélee yêei, è nâa kɛ̀ ŋɔkâloŋ-pɛrɛi mu lii-see su.

Samia Veerɛi 7:1 Referans Kwoze

Hanwon 16:7

Nui ɉiɛ pələ a Yai-Laa lii hon, Yálá a mąą nu da ɲowoɠaa di lɔwai pɔn naa kulɔ.

Tɔɔɓɛlaa dɔlɔɔ 5:4

Salomɔn nwɔ ɲąąwooɓo ə kɛ Eufratə ya voló tooi ɉɛɠɛɛ pələ, kəlee mɛ̨i, ə həɠə Tifsa yɛ li Gaza, dɔɔɓɛlaa kpɔ tii kɛ laa ɲá koo ɓa, gəlee di kɛ Salomɔn yee mu. Nɔiɠaai kpɔ kɛi Salomɔn mąą tinɛ̨n, da diɛni di kɛ nɛ̨ɛ̨laa hu.

Kɔlɔnikɔ Veerɛi 14:6

Asa yɛ Ɉuda nuą diɛ: «'Ka gu daaɠaa ŋɛ̨i tɔɔ, gu di mąątinɛ̨n a hįį, gu mɛ̨ikaa pɛlɛ́ɠaa tɔɔ mɛ̨i, gu kponŋąą too na, da di laa kpulu kwɛliɠaa. Nɔi kaa liilaa hu gu yəi. Mąąhɔlɔɓo, Yai-Laa gu wɔɔ Yálái kwɛlii ŋɛ̨i gu mo, guɔ lɛɛ mą a kwəi tɔ̨nɔ̨ laa, mąą mɛ̨nį ɓa, aa hvįitɔɔ tɛɛ gu pɔ bələ kəlee.» Di nɛɛ mą di daa tɔɔ kolóɠaa tii kɛ.

Mąątɛ̨nɛ̨ 18:1

Nwələ ɲɛ̨itɔwɔmun, Yai-Laa nwɔ tí mun Davidə nwɔ wələ woo; Yai-Laa ɓə gaa hvaai bɔ nwələi ŋɛ̨i hu, a ɲələi ŋɛ̨i Yai-Laa ə gulɔ laa ɲowoɠaa yəi, gəlee ə mą kɛ, Saulə.

Zasua 23:1

Yai-Laa ə liilaa yɛnɛ̨ɛ̨ tɛɛ Israɛlə lonnii pɔ ɲowoɠaa kəlee lɔwai, ɉu kwɛa, Ɉosue ə pɔlɔ. Gɛɛ kɛa a hulɔgolo,

Zasua 21:44

Bələi lɔ Yai-Laa ə naakwɛlanmo la di nąnni diɛ, bələ ɓə ə gɛ la; a liilaa lɔi, ɲee kəlee hu. Di yowo ta hvo pɛli tɔɔi di la. Yai-Laa ə di yowoɠaa kəlee lɔ di yee ŋą.

Gɛlaɠaa 7:46

Yili yaan, Yálá ə ɲɛ̨i lɛlɛɛ hee mą, ə ɉu hvɛli, yɛ kɛ ə pɛlɛ́ tɔɔ a Ɉakɔbə nwɔ Yálái nwɔɔ.

Samia Veerɛi 6:23

Gɛɛ tii, Saulə lon Mikalə hvo lon ɉɔlɔɓo ə lɛɛ la ɉu ə haa.

Samia Veerɛi 7:11

Ə həɠə kpɔ ɲələi ŋį́ kɛi nuą həɠə la ɉu, gɛ́ di hee Israɛlə nwɔ́ nu huwui nwun na, ə həli la háákələi ɓa, ŋį́ ə́ yowoɠaa pɛlɛ ə́ kɔ́wɔ mu, ɛlɛɛ, ŋį́ mo yɛ́, gɛ́ yɛ́: Yai-Laa ɓə pai pɛlɛ́ tɔɔi yɛ́.

Samia Veerɛi 5:11

Hiramə Tirə tɔɔmun, ə nuą tɔɔ Davidə pɔɔli, da kpitili wulu, da pɛlɛ mɛ̨i kɛ nuą, da kwɛni haɠa nuą, pɛlɛ́ tɔɔ mɛ̨nį ɓa. Di pɛlɛ́ tɔɔ Davidə ɓa.

Kɔlɔnikɔ Maa-ŋuŋ 22:6

Davidə ə non Salomɔn təli, ə Yai-Laa Israɛlə nwɔ Yálái nwɔ pɛlɛ́i tɔɔ mɛ̨nį gbɔw laa nwuɔ̨.

Kɔlɔnikɔ Maa-ŋuŋ 22:7

Davidə yɛ non Salomɔn ɓa: «Nón! Yii kpɔ gɛ lii ə kɛ gwə́i, ya ɓaa, ŋį́ pɛlɛ́ tɔɔ, ə kɛ a Yai-Laa nwɔ́ Yálái laa.

Kɔlɔnikɔ Maa-ŋuŋ 28:2

Ya ɓə, tɔɔmun Davidə ə haŋą ə tɔɔ, yɛ diɛ: «Ną́n nonnii, ka pɛlɛɛ nwɔ́ nuą diɛ! 'Ka ká wəli tɔɔ mą́ą́! Ŋą́ kɛ kpɔ bɔ, ŋą́ pɛlɛ́ tɔɔ, ɓɛi Yai-Laa ŋą mįnɛ̨ kəhii a kɛ laa, da gu wɔ Yálái kɔ́wɔ hvilɛn ɉii. Ŋą́ą́ bɛlɛ́i tii tɔɔ hɛnŋąą ɲąąkpɔn.

Kɔlɔnikɔ Veerɛi 20:30

Ɉosafatə nwɔ tɔɔlaai hu ɲąą ə laɠi; nwɔ Yálái ə liilaa tɛɛ bɔ da gwɛlɛ lɔiɠaa kəlee di lɔwai.

Mąątɛ̨nɛ̨ 132:5

Hvo kɛ li, ŋą́ gbɛa kɛɛnąą ta hɔlɔɓo a Yai-Laa nwɔɔ, a Ɉakɔbə nwɔ kilɛn nąŋąlon hee pɛlɛ́!»

Maafîu 25:16

Nui ŋɛ̨i di nwali kwələ lɔɔli tɛɛ bɔ, ə li ə nɔɔli kwɛli ə bɛlɛ ma.