Samia Veerɛi 6:2 - Yálá laawoo hɛɓɛ (dc)

² Davidə ə muhəɠə, ə hvilɛn bələ ɓa yɛ li, da nu kpului tii kɛ bɔi, di li Baale-Yehuda; ə gɛ di Yálá nwɔ mįnɛ̨ kəhii həɠə di paa la, yai Yai-Laa Mɛ̨nį Kəlee ŋą Hééɓomun laa kaa mą, yɛ ɓo heeni mąąkpɛ malakaɠaa nwun mɛ̨i.

Yálá laawoo hɛɓɛ

² Davidə ə muhəɠə, ə hvilɛn bələ ɓa yɛ li, da nu kpului tii kɛ bɔi, di li Baale-Yehuda; ə gɛ di Yálá nwɔ mįnɛ̨ kəhii həɠə di paa la, yai Yai-Laa Mɛ̨nį Kəlee ŋą Hééɓomun laa kaa mą, yɛ ɓo heeni mąąkpɛ malakaɠaa nwun mɛ̨i.

Bible

² È dísìɣe da dîa-ni dí lí Beela taa-leei su Zuda a gɛ́ɛ dí pá a Ɣâla ŋɔkpanaŋ-woo kɛ́ɛ maa gãlai. Gãlai ŋí è wɔ́lɔ kɛ̀ naa, Ŋwála-wala kélee Ɣâlai Yâwɛɛ láai su. Yâwɛɛ ŋɔsee-sɛŋ è kɛ̀ seeni ŋ̀âla-taa kooŋ-sãai loai.

Samia Veerɛi 6:2 Referans Kwoze

Samuɛlə dɔlɔɔ 4:4

Nɔi lonnii di nuą tɔɔ Silo də li di pa a Yai-Laa Mɛ̨nį Kəlee ŋą Hééɓomun nwɔ mįnɛ̨ kəhi, ə ɓo heeni, mąąkpɛ malakaɠaa nwun mɛ̨i, nwɔ mįnɛ̨ kəhii kwɛlɛ, Eli lonnii hveelɛi: Hɔfni da Pinasə di kɛ Yálá nwɔ mįnɛ̨ kəhii kwɛlɛ.

Mąątɛ̨nɛ̨ 80:1

Nwələ ɲɛ̨itɔwɔ mun, Yágbudɛn vələ mɛ̨i. Asafə nwɔ kɛla hvaa a wələ.

Samuɛlə dɔlɔɔ 7:1

Kiriatə-Yearimə nuą di pa, di Yai-Laa nwɔ kəhii həɠə, də li la Avinadavə yəi bɛlɛ́n ɲee kpu kpu mɛ̨i, di non Eleazarə hee a haláá laa həli mun, yɛ ɲɛ̨i kɛ Yai-Laa nwɔ kəhii ɓa.

Piɛrə dɔlɔɔ 1:12

Di nɛ diɛ, diɛ mą, di wɔɔ hvəli kɛ, kɛlaa ká mąą mɛ̨nį ɓə, di kɛli nwɛlɛɛ tii laa həli la, a yai yiihu kɛa, nwɛlɛɛ lɛlɛɛ laa həli nuą da kɛ ká mąąkwɛlii mą, Kili-Mąąhəɠɛɛ yee kɔnma, yai di dɔɔ yɛ həɠə yələi nwɛlɛɛ lɛlɛɛ tii ɓə, malakaɠaa kaa kɛ bɔ, di di ɲɛ̨i tɔɔ ɉu.

Azaya 54:5

Mąąhɔlɔɓo, Yálái ə́ pɛli, ya ɓə a ə́ hilɛ, naa ɓaa Yai-Laa Mɛ̨nį Kəlee ŋą Hééɓomun; Israɛlə nwɔ mąąhəɠə mun ɓə ə́ nwun mąąɓooi, naa ɓaa yɛnɛ̨ɛ̨ piliɛ gee mɛ̨i nwɔ Yálá.

Azaya 47:4

Nui a ku nwun mąąɓo, naa ɓaa a Yai-Laa Mɛ̨nį Kəlee ŋą Hééɓomun, Israɛlə nwɔ Mąąhəɠəmun.

Zasua 15:60

Kiriatə-Baalə, yili ka tii a Kiriatə-Yearimə, Raba; taa kpɛa-kpɛaa hveelɛ da di wɔ taa pɛlɛɛɠaa.

Samia Veerɛi 22:11

Ə tɛ mąąkpɛ malaka ta mɛ̨i, ə koon, diɛ ɓo hvaŋą hu.

Samuɛlə dɔlɔɔ 6:21

Di nuą tɔɔ Kiriatə-Yearimə nuą pɔɔli, diɛ diɛ: «Filisti nuą daa Yai-Laa nwɔ kəhii tɛɛ, ka pa ka ɉəɠə, ka li la ka pɔɔli.»

Mąątɛ̨nɛ̨ 99:1

Yai-Laa kaa a Heeɓomun, yɛnɛ̨ɛ̨ nuą 'ka ɲɔw mą! Gaa heenin mąąkpɛ malakaɠaa nwun mɛ̨i pələ. Lɔi ə tɔɔ takpa takpa.