Samia Veerɛi 4:8 - Yálá laawoo hɛɓɛ (dc)

⁸ Di pa a Isbosɛtə nwun galən Davidə pɔ, Hebrɔn. Diɛ tɔɔmun ma: «Saulə lon Isbosɛtə nwun galən ga, ə́ yowoi kɛi ə́ paa pələ kwɛlii. Yai-Laa aa kuɔ mɛ̨nį Nąmu nwąną kulɔ kpɔ tɛ̨ɛ̨tɛ̨ɛ̨ háákələi Saulə ɓa da ɉuwuhu.»

Yálá laawoo hɛɓɛ

⁸ Di pa a Isbosɛtə nwun galən Davidə pɔ, Hebrɔn. Diɛ tɔɔmun ma: «Saulə lon Isbosɛtə nwun galən ga, ə́ yowoi kɛi ə́ paa pələ kwɛlii. Yai-Laa aa kuɔ mɛ̨nį Nąmu nwąną kulɔ kpɔ tɛ̨ɛ̨tɛ̨ɛ̨ háákələi Saulə ɓa da ɉuwuhu.»

Bible

⁸ dí dɛɛ Deeƃé pɔ́ Iburɔŋ. Dí mò mà dîyɛɛi, “Íkpɔara-nuui Sɔ̂ɔ ǹóŋ Isibosɛ ŋuŋ ká ŋí nyíi kɛ̀ ŋ̀wɛ̂lii é ífulu-laai láŋ. Yâwɛɛ aâ íkpai kúla Sɔ̂ɔ ma da ǹóŋ.”

Samia Veerɛi 4:8 Referans Kwoze

Samuɛlə dɔlɔɔ 25:29

Nuą daa di muhəɠə nwɔ́ mɛ̨nį Nąmu laa ɓa, di hvilɛnŋaa bulu, ə gɛ di baa, kɛlaa di ma gɛ tii, nwɔ́ mɛ̨nį Nąmu nwɔ yɛnɛ̨ɛ̨ a lɛɛ Yai-Laa ə́ wɔ Yálá yəi, ə naa hɔn mo. Kɛlaa, ə́ yowoɠaa di wɔ yɛnɛ̨ɛ̨ nwɛi, Yai-Laa a naa vingwɛni hu, ə bili kpɔ kwɛa la.

Samia Veerɛi 22:48

Yálá, yɛ́ ɓə yá nwą́ną kulɔ, Yɛ́ nu huwuɠaa pɛlɛ gɔ́wɔ́ mu.

M̀ɛni-lɛɛi 18:20

Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.

M̀ɛni-lɛɛi 6:10

Di kɛli tomą a di woo kɛnɛ̨, diɛ kɛ mą: «Ku Nąmu mąąhəɠɛɛ, yɛ́i a Tɛ̨ą, mįnɛ̨ lɔwai ɓə, ə́ kaa pai giti teei la, ɛlɛɛ, ə́ ku ɲąmą kwələ kulɔ lɔi mɛ̨i heeɓo nuą diɛ?»

Maafîu 2:20

yɛ mą: «Ɉosɛfə! 'Ka pənə ka li Israɛlə lɔi hu, ɓɛi ka həɠə laai. Mąąhɔlɔɓo, nuąi kɛ bɔ di nokoloi paa, daa haa.»

Mąątɛ̨nɛ̨ 71:24

Ə́ mąątɛnɛ̨ woo hva tee ná a yələ lɔpee ta, mąąhɔlɔɓoi, nuąi kɛ bɔ ɲąąnwąnąą ə laa mą́ą́, di wɛi a lɛɛ a nwumɛ̨ da ɓáá kulɔ mąą.

Samia Veerɛi 18:31

Nąąlɔwai, Nubi mun tii ə pa, yɛ diɛ: «Gɛ́ nwɔ́ mɛ̨nį nąmu tɔɔmun ə nwəli tɔɔ, ŋą́ wɛlɛɛ lɛlɛɛ laa həli mą. Yai-Laa aa kələi ə́ kulɔ ə́ yowoɠaa kəlee yeemu.»

Samia Veerɛi 18:19

Sadɔkə lon Ahimaasə yɛ Ɉoabə ɓa: «Gɛ́ ə́ hvaa mą, ŋą́ gilɛ həɠə, ŋą́ li ŋą́ nwɛlɛ nɛɛi ŋɛ̨i ɓo tɔɔmun ma, gɛ́ mą: Yai-Laa aa ə́ nwun mąąɓo, aa ə́ kulɔ ə́ yowo yəi.»

Samuɛlə dɔlɔɔ 24:4

Ə həɠə Mɛlaa kumun gɛɛnąą, yaai tii bələ kwɛlɛ. Kwɛni wolo ta ə kɛ laa Saulə ə lɔ ɉu, yɛ li gala kwɛlɛ. Davidə yaan, da nwɔ nuą di kɛ laa gwɛni wolo kpon ɉu pələ.

Samuɛlə dɔlɔɔ 23:15

Davidə ə gbaɠala kaa, yɛ kɛ Saulə aa kɔ́ muhəɠə baa mɛ̨nį ɓa. Davidə ə kɛ Zifə nɔi pun ɉu Horesa daai.

Samuɛlə dɔlɔɔ 20:1

Davidə ə pu ə həɠə Nayotə Rama kwɛlɛ, ə pa ə Ɉonatan kaa, yɛ mą: «Lə ɓə ŋą́ gɛ, ɉɔ́n maa lə, lə nɛ̨ŋɛ̨n gbɔ ɓə ŋą́ ɉəɠə ə́ nąn ma yaai gaa bɔ ə báá?»

Samuɛlə dɔlɔɔ 19:15

Saulə ə nuą tɔɔ Davidə naa kaa mɛ̨nį ɓa, yɛ diɛ: «Ka nɛɛ laani ɲɔ̨n gɛ haɠa ɓa, ka ɉəɠə ka paa la ŋą́ baa.»

Samuɛlə dɔlɔɔ 18:11

Ɲąąɓa Saulə ə nwɔ kpalai tɛ ɲee mɛ̨i, yɛ diɛ: «Gáá Davidə kpanwoi bɛlɛ ɓa.» Kɛlaa gee mɛ̨i hveelɛ, Davidə ə kɛi həɠə gbala tɔwɔ.

Samia Veerɛi 2:8

Nɛrə lon Avnɛrə, yai kɛ a Saulə nwɔ kɔlaɠa nwun nąmu, aa kɛ Saulə lon Isbosɛtə tɛɛ Mahanaimə daai.

Samuɛlə dɔlɔɔ 19:1

Davidə paa mɛ̨nį kili teei Saulə ə dee gwəi, ə ɉu kulɔ non Ɉonatan ɓa, da yee tii nuą kəlee. Ɛlɛɛ yaan, Davidə wɛli ə kɛ Saulə lon Ɉonatan ɓa kpɔ kɛnɛ̨.