Samia Veerɛi 3:10 - Yálá laawoo hɛɓɛ (dc)

¹⁰ Yili ɓaa: dɔɔlaai ə gulɔ Saulə yəi bɛlɛ́n, ə Davidə nwɔ tɔɔ kpəlin hvilɛn Israɛlə da Ɉuda di mɛ̨i; ə həɠə Dan, ə həli la Beɛrə-Seva.»

Yálá laawoo hɛɓɛ

¹⁰ Yili ɓaa: dɔɔlaai ə gulɔ Saulə yəi bɛlɛ́n, ə Davidə nwɔ tɔɔ kpəlin hvilɛn Israɛlə da Ɉuda di mɛ̨i; ə həɠə Dan, ə həli la Beɛrə-Seva.»

Bible

¹⁰ a gɛ́ɛ a pâi Sɔ̂ɔ ŋɔkâloŋ-laai kulâi ǹyêei é dɛ́ɛ Deeƃé pɔ́, é kɛ́ Eezuɛ da Zuda lɔii mɛi é síɣe Daŋ é tóo Bɛɛsiba.”

Samia Veerɛi 3:10 Referans Kwoze

Samuɛlə dɔlɔɔ 3:20

Israɛlə nuą kəlee di gili kɔ́lɔn diɛ Samuɛlə kaa a Yai-Laa kwəi mɛ̨nį hukulɔ mun neelee, ə həɠə nɔi wəlin na Dan, ə həli nɔi wəlin na ɓɛ li pələ Beɛrə-Seva ɓa.

Nwun mąąɓo 20:1

Israɛlə lonnii kəlee woo tɔɔi ə kɛ tanɔ̨n, di kəlee di di ŋąąkpɔn Mispa daai, Yai-Laa lííla. Di kɛi həɠə Dan lɔi hu, ɲələi pələ, ə lɛɛ la ɉu ə həli Beɛrə-Seva ɉɛɠɛɛ pələ, da Galaadə lɔi hu, voló həɠəi pələ.

Samia Veerɛi 24:2

Tɔɔmun yɛ kɔlaɠa nwun nąmu Ɉoabə ɓa: «'Tɛɛ Israɛlə nuą kəlee mɛ̨i, ə́ həɠə nɔi nwun ma Dan, ə́ yɛɛ la ɉɛɠɛɛ Beɛrə-Seva; ə́ nuą lonon, ə gɛ, ŋą́ kɛ a nu kwɛni kɔ́lɔn ŋąą.»

Samia Veerɛi 17:11

Yili ɓa, niɛwooi gaa ná, ya ka: Israɛlə nuą kəlee di di ɲąąkpɔn ə́ kwɛlɛ, ə həɠə Dan ə həli Beɛrə-Seva, di tamą yɛ gboloyá kwɛlɛ ɲeakɔw, ə lɛɛ, ə́ hvilɛn di ɲɛ̨i tɔwɔ, kaa li gɔ́ ɓa.

Samuɛlə dɔlɔɔ 15:28

Samuɛlə yɛ Saulə ɓa: «Yai-Laa aa ə́ wɔɔ naa tee Israɛlə tɔɔlaa ɓa háákələi, aa dɔɔlaa tɛɛ nu takpɛli pɔ, yii viɛlaɓoɔ yɛ́.

Samia Veerɛi 3:11

Isbosɛtə hvo pɛli hvaai Avnɛrə woo mu, mąąhɔlɔɓo, ə kɛi ɲɔw ma.

Samia Veerɛi 3:21

Avnɛrə yɛ Davidə ɓa: «Gáá tɔɔi a nwą́nąąi, ŋą́ Israɛlə nuą kəlee ŋąąkpɔn nwɔ́ mɛ̨nį nąmu tɔɔmun bulu. Ka diɛni ka káá pai mįnɛ̨ həɠəi, ə́ kaa pai kɛi a tɔɔmun ɓɛi lɔpee naa a nɛɛ yɛ́.» Davidə da Avnɛrə di ɲələwala too, Avnɛrə yɛ li a nwəli pulu laɠiɛ.

Samuɛlə dɔlɔɔ 28:17

Mɛ̨nįi ta Yai-Laa ə mo mą́ą́ gɛ́ mo, ya lɔ ka tii gaa gɛi. Yai-Laa aa dɔɔlaa kulɔ ə́ yəi, aa dɛɛ nu takpɛli pɔ, yii gaa a ə́ hee yɔwɔ ya ɓaa Davidə.