Samia Veerɛi 24:2 - Yálá laawoo hɛɓɛ (dc)

² Tɔɔmun yɛ kɔlaɠa nwun nąmu Ɉoabə ɓa: «'Tɛɛ Israɛlə nuą kəlee mɛ̨i, ə́ həɠə nɔi nwun ma Dan, ə́ yɛɛ la ɉɛɠɛɛ Beɛrə-Seva; ə́ nuą lonon, ə gɛ, ŋą́ kɛ a nu kwɛni kɔ́lɔn ŋąą.»

Yálá laawoo hɛɓɛ

² Tɔɔmun yɛ kɔlaɠa nwun nąmu Ɉoabə ɓa: «'Tɛɛ Israɛlə nuą kəlee mɛ̨i, ə́ həɠə nɔi nwun ma Dan, ə́ yɛɛ la ɉɛɠɛɛ Beɛrə-Seva; ə́ nuą lonon, ə gɛ, ŋą́ kɛ a nu kwɛni kɔ́lɔn ŋąą.»

Bible

² Nya ƃe Deeƃé è mò ŋɔkɔ-kuluƃa-ŋai láa túɛ-nuui Zôa ma ǹyɛɛi, “Lí Eezuɛ lɔii gwaa kélee í ǹûai kélee láa síɣe é síɣe Daŋ é tóo Bɛɛsiba ma a gɛɛ ŋá gɔ́lɔŋ núu ɣɛɛlu ƃé naai.”

Samia Veerɛi 24:2 Referans Kwoze

Samia Veerɛi 3:10

Yili ɓaa: dɔɔlaai ə gulɔ Saulə yəi bɛlɛ́n, ə Davidə nwɔ tɔɔ kpəlin hvilɛn Israɛlə da Ɉuda di mɛ̨i; ə həɠə Dan, ə həli la Beɛrə-Seva.»

Nwun mąąɓo 20:1

Israɛlə lonnii kəlee woo tɔɔi ə kɛ tanɔ̨n, di kəlee di di ŋąąkpɔn Mispa daai, Yai-Laa lííla. Di kɛi həɠə Dan lɔi hu, ɲələi pələ, ə lɛɛ la ɉu ə həli Beɛrə-Seva ɉɛɠɛɛ pələ, da Galaadə lɔi hu, voló həɠəi pələ.

Samia Veerɛi 20:23

Ɉoabə ɓə kɛ a Israɛlə kɔ́kulááɠaa kəlee nwun nąmu. Yehoyada lon Benaya ɓə kɛ a Peleti nuą da Kereti nuą nwun na.

Korɛntə veelɛ 12:7

Mąąhɔlɔɓo, mɛ̨nįɠaa tii di nɛ mą́ą́, ɉu kɛnɛ̨ pələ, bələ di tɛɛ la və́ pa nəi gbɔ́wɔ́ ɲąą kɛnɛ̨, di hɛn da lɔ gɔ́lɔ hu, di ɓilihi ŋą malaka ta tí, ə gɛ́lɛ, və́ pa nəi gbɔ́wɔ́ ɲąą kɛnɛ̨ a pələi lɔpee.

Ɉeremi 17:5

Yai-Laa woo kaa, yɛ: Nɛ̨ŋɛ̨n naa mun mąą nui a gilitɔɔ nu kan ma, yɛ nįį na nu nwɔ yeewalawala mɛ̨i, yɛ gili kulɔ Yai-Laa hu.

Hanwon 29:23

Kpɔwɔ ŋąą kɛnɛ̨ laa pɔ hɛn maa a nwumɛ̨, nui a gbɔwɔ mąą yɛɛ, da mąąwiɛ.

Kɔlɔnikɔ Veerɛi 32:31

Yili ɓə gɛ, ɓɛlɔwai di Babilonə kalanɉonŋąą tɔɔ la diɛ pa di woo pilii mą, ɛlɛɛ, gbalo mɛ̨nįi kɛ nɔi, di mąąni kɛ kɛ ɉu, Yálá ə Ezekiasə lɛɛ laa, əgɛ, ə ɉukɔɔn yɛ pɛli gwəi mɛ̨nį kəlee kɔ́lɔn ɉii.

Kɔlɔnikɔ Maa-ŋuŋ 21:2

Davidə ə mo Ɉoabə da nɔi ɲɛ̨itɔwɔ nuą diɛ, yɛ diɛ: «'Ka li ka Israɛlə nuą lonon, ə həɠə Beɛrə-Seva ə li la Dan. Yili pulu, ka pa ka gwɛlanmo kɛ mą́ą́, əgɛ, ŋą́ kɛ a nu kwɛni kɔ́lɔn ŋąą.»

Samia Veerɛi 23:37

Amɔn mun Sɛlɛkə, Narai Beerotə mun yai kɛ Seruya lon Ɉoabə ŋą ɓíitiɛ̨.

Samia Veerɛi 17:11

Yili ɓa, niɛwooi gaa ná, ya ka: Israɛlə nuą kəlee di di ɲąąkpɔn ə́ kwɛlɛ, ə həɠə Dan ə həli Beɛrə-Seva, di tamą yɛ gboloyá kwɛlɛ ɲeakɔw, ə lɛɛ, ə́ hvilɛn di ɲɛ̨i tɔwɔ, kaa li gɔ́ ɓa.

Samia Veerɛi 8:16

Seruya lon Ɉoabə ɓə gɔlaɠa nwun na. Yehosafatə Ahiludə lon yɛ ɓo a tɔɔmun naa woo tɛɛmun.

Samia Veerɛi 2:13

Seruya lon Ɉoabə da Davidə nwɔ nuąi, diɛ kpɛli di kulɔ, di di kee kaa Gabaɔn powa ya ta kwɛlɛ. Daɠaa di tɔɔ bowa ya bələ tɔ̨nɔ̨, yiiɠaa tii di tɔɔ bələ tɔ̨nɔ̨.

Zɛnɛse 21:14

Mąą yələ laa ɓoɔ, yələwala pɔ, Abrahamə ə kɔ̨nɔ̨nŋąą həɠə, da hvólówo tɔ̨nɔ̨ laahvɛɛ a ya, ə ɉəɠə ə dɛɛ Hagarə pɔ, ə bɛlɛ non ma, yɛ diɛ: «'Ka li!» Hagarə ə həɠə, yɛ li Beɛrə-Seva nɔi pun ɉu pələ.

Samia Veerɛi 24:15

Yai-Laa ə nɛɛ mą ə kwəi kulɔ ɲɔ̨n bɛlɛ Israɛlə nuą diɛ, ə həɠə ɲələwalai tii ɓa, ə lɛɛ la ɉu, guui di vaaɓo, ə ɉəli. Ə həɠə kpɔ nɔi ɲələi pələ, ə yɛɛ la ɉɛɠɛɛ pələ, nu waa pow mɛ̨ihveelɛ ɓə kwəi kulɔ ɲɔ̨n ə baa.