Samia Veerɛi 2:1 - Yálá laawoo hɛɓɛ (dc)

¹ Mɛ̨nįɠaa tii kəlee tɛɛ pulu, Davidə ə Yai-Laa mąąnin gɛ, yɛ mą: «Akɛ tii, mąąnɛ̨ɛ̨ mɔ̨ɔ̨ ŋą́ li Ɉuda taa ta hu?» Yai-Laa yɛ mą: «Ee! Li.» Davidə yɛ mą: «Daa nɛlɛ ɓə ŋą́ li ɉu?» Yai-Laa yɛ mą: «Hebrɔn daai.»

Yálá laawoo hɛɓɛ

¹ Mɛ̨nįɠaa tii kəlee tɛɛ pulu, Davidə ə Yai-Laa mąąnin gɛ, yɛ mą: «Akɛ tii, mąąnɛ̨ɛ̨ mɔ̨ɔ̨ ŋą́ li Ɉuda taa ta hu?» Yai-Laa yɛ mą: «Ee! Li.» Davidə yɛ mą: «Daa nɛlɛ ɓə ŋą́ li ɉu?» Yai-Laa yɛ mą: «Hebrɔn daai.»

Bible

¹ Nyíŋi pôlu ma Deeƃé è Yâwɛɛ marê kɛ̀ ǹyɛɛ m̀ai, “Ŋa pɔri liî Zuda taa-leei-ŋai da su?” Yâwɛɛ ǹyɛɛ m̀ai, “Lí.” Deeƃé ǹyɛɛ m̀ai, “Mí pere ƃé ŋá lí lai?” Ǹyɛɛ m̀ai, “Lí Iburɔŋ pere.”

Samia Veerɛi 2:1 Referans Kwoze

Samuɛlə dɔlɔɔ 30:31

da Hebrɔn nuą, da ɓɛi lɔpee Davidə da nwɔ nuą di tɛɛ laa.

Samuɛlə dɔlɔɔ 23:2

Davidə ə Yai-Laa mąąnin gɛ, yɛ mą: «Akɛtii, mąąnɛ̨ɛ̨ ŋą́ li ŋą́ kɔ́ pɛlɛ Filisti nuą diɛ?» Yai-Laa yɛ Davidə ɓa: «Li ə́ kɔ́ pɛlɛ diɛ, ə́ yee kaa li lɔi ə́ Keila taa nwun mąąɓo.»

Samuɛlə dɔlɔɔ 23:4

Davidə ə pənə nwɔ̨nɔ̨ ə Yai-Laa mąąnin gɛ, Yai-Laa yɛ mą: «Hvilɛn bələ ɓa, ə́ li Keila daai, gáá lii yeetɛɛmąą tɛɛi ə́ pɔ Filisti nuą mɛ̨i.»

Zɛnɛse 32:2

Ɉakɔbə yaa kpɛli, ə tɛɛ yɛ li, da Yálá nwɔ malakaɠaa di kwiɛn.

Izikiɛ 36:37

«Mɛ̨ni kəlee ŋą Hééɓomun Yálá woo ka; yɛ: Yii gáá pai gɛi, ya ka; Gáá pai gbɔ́ɔ́ lɛɛi laa, Israɛlə nwɔ pɛlɛ́i yɛ gwɛ́li, gɛ́ pɛli ɉon ɉii a wɛlikɛmąąlaa, gáá pai di tamąi, yɛ nu taatɛlɛɛ kpulu,

Mąątɛ̨nɛ̨ 143:8

Yələ a lɛɛ kpɔlɔ ɓɔi, ə́ ə́ wɔ wɛlikɛmą́ą́laa lɛ mą́ą́, mąąhɔlɔɓo, yɛ́ ɓə gílitɔɔ yɛ́. Bələi mąąnɛ̨ɛ̨ ŋį́ tɛɛ la nɛ mą́ą́, mąąhɔlɔɓo ə́ pɔ pələ ɓə, níí muhəɠɛɛi la.

Mąątɛ̨nɛ̨ 27:4

Mɛ̨nį tɔ̨nɔ̨ ɓə ŋą́ vɛli Yai-Laa ɓa, a mɛ̨nįi kpɔ gáá gwɛlii, ya ɓaa: Ŋą́ hee Yai-Laa yəi bɛlɛ́n, nwɔ́ yɛnɛ̨ɛ̨ kəlee yeemu, gɛ́ Yai-Laa nwɔ lɛlɛ laa kaa; gɛ́ nwɔ pɛlɛ́i ɲąąnɛ̨ɛ̨ kulɔ.

Kɔlɔnikɔ Maa-ŋuŋ 29:7

di dɛɛ Yálá nwɔ pɛlɛ́i mąą mɛ̨nį ɓa: Hɛni kilə waa nwun dɔ̨nɔ̨ ɲeemɛ̨ihveelɛ, da hɛni kpuwulu waa pow, wali kilə waa nwun ɉaaɓa da da, ɓala kwɛli kilə waa nwun mɛ̨inda pɔɔla, kwɛli kpəlee kilə miliɔn ɉaaɓa.

Tɔɔɓɛlaa dɔlɔɔ 2:11

Davidə ə tɔɔlaa kɛ Israɛlə mɛ̨i a kwɛlan bow nąąn. Gwɛlan bow nąąn tii hu, ə kwɛlan mɛ̨ihveelɛ kɛ Hebrɔn; ə kwɛlan bow haaɓa kɔ́w haaɓa kɛ Ɉerusalɛmə.

Samia Veerɛi 15:7

Kwɛlan nąąn gulaa ɉu, Absalɔn yɛ tɔɔmun ma: «Nɛ́ɛ́ laa, ŋą́ li Hebrɔn, nwóó ŋɛ̨i ŋą́ gwɛlɛ Yai-Laa ɓa, ŋą́ bɔ mɛ̨nį kɛ.

Samia Veerɛi 5:23

Davidə ə Yai-Laa mąąnin gɛ, yili yɛ mą: «Hvo bələ haŋą yɛ́ li woloi diɛ. Di mąą laa, 'ə́ laa di tɔwɔ, ka diɛni ka kwiɛn nwɛla koo ɓa, nwuluɠaa tii tənən ma.

Samia Veerɛi 5:19

Davidə ə Yai-Laa mąąni kɛ, yɛ mą: «Akɛti mąąnɛ̨ɛ̨ ŋą́ li ŋą́ pɛlɛ Filisti nuą diɛ a kɔ́, ə́ kaa pai di lɔi ɲéé ŋą?» Yai-Laa yɛ Davidə ɓa: «'Li! A tɛ̨ą, gáá pai Filisti nuą lɔi ə́ yee ŋą.»

Samia Veerɛi 2:11

Kwɛlan mɛ̨ihveelɛ ɲąnin mɛ̨ida ɓə Davidə ə gɛ dɔɔlaa hu Ɉuda nwɔ pɛlɛ́i nwun na Hebrɔn daai.

Nwun mąąɓo 1:1

Ɉosue haa pulu, Israɛlə nuą di Yai-Laa mąąni kɛ, diɛ mą: «Ku lɔwai, bɛlɛ́ nɛlɛ ɓə pai tɔɔi ku tɔwɔ, kuɔ li pɛlɛi Kanaan nuą diɛ?»

Lonon mo 27:21

Mąąnɛ̨ɛ̨ ə li ɉaláá laa həli mun Eleazarə pɔ, yili ə urimə mɛ̨nį mąąni kɛ, yɛ hvilɛn na mą Yai-Laa ɲɛ̨i ɓa. Bələi urimə kaa pai moi la, bələ ɓə di kaa pai gɛi la, diɛ lɔ, diɛ kulɔ, yaa da Israɛlə nuą kəlee.»

Lonon mo 13:22

Di tɛɛ nɛɠɛ lɔi hu pələ, di həli Hebrɔn, ɓɛi Ahiman, Sesai da Talmai di kɛ laa heeni, Nuąi tii di kɛ a Anakə lonnii. Di Hebrɔn taa tɔɔ, kwɛlan mɛ̨ihveelɛ tɛɛ pulu, di hvo teɠa Tanisə taa tɔɔ Eziptə lɔi hu.

Zɛnɛse 13:18

Abramə ə́ nwɔ taai həɠə, ə li ə bu Mamre taa nwɛla kwɛlɛ, yai kɛ a Hebrɔn daa lee nwɔɔ. Ə nɛɛ mą ə haláá kulɔi pɛli laa Yai-Laa ɓa.

Zasua 15:13

Di lɔi tɛɛ Yefunɛ lon Kalɛbə pɔ Ɉuda lonnii lɔwai, yɛ bələi Yai-Laa ə mo la Ɉosue ɓa Kiriatə-Arba yii gaa Hebrɔn. Arba ə kɛ a Anakə lon, ɉee taa.

Samuɛlə dɔlɔɔ 10:22

Di Yai-Laa mąąnin gɛ, diɛ mą: «Nui tii ə pa mun ɓɛ ɓəi?» Yai-Laa yɛ diɛ: «Ya ka tii nooi diɲɛɠaa lɔwai.»

Kɔlɔnikɔ Veerɛi 11:10

ə Sorea taa tɔɔ da Ayalɔn da Hebrɔn taa; daa walawalaɠaa li Ɉuda da Bɛnɉamɛn lɔi hu.