Samia Veerɛi 19:5 - Yálá laawoo hɛɓɛ (dc)

⁵ Tɔɔmun ə həɠə pɛlɛ ɲɛ̨i, tɔɔmun ə kɛi tomą kpɔ a nwoo kɛnɛ̨, yɛ kɛ mą: «Ee kə nón ɉulɔnu Absalɔn! Ee kə nón ɉulɔnu Absalɔn! Ee kə nón ɉulɔnu!»

Yálá laawoo hɛɓɛ

⁵ Tɔɔmun ə həɠə pɛlɛ ɲɛ̨i, tɔɔmun ə kɛi tomą kpɔ a nwoo kɛnɛ̨, yɛ kɛ mą: «Ee kə nón ɉulɔnu Absalɔn! Ee kə nón ɉulɔnu Absalɔn! Ee kə nón ɉulɔnu!»

Bible

⁵ Zôa è lì gâloŋ pɔ́-naa bɛ́rɛi mu ǹyɛɛ m̀ai, “Yaâ íkɔkuluƃa-ŋai ŋ̀umɛ sâa. Yá tɔnɔ nɔ́ fé dí íŋuŋ ma ƃò, kɛ́lɛ ílônii da íyee mu nɛyãai kélee,

Samia Veerɛi 19:5 Referans Kwoze

Mąątɛ̨nɛ̨ 3:8

'Ə́ muhəɠə, Yai-Laa! 'Málo, yɛ́i a nwɔ́ Yálá! Yɛ́i yá ɲówóɠaa kəlee laa lɔwa, ɛlɛɛ, yɛ́ nwąnąlɔ nuą ɲįn ɲali.

Nehemi 9:27

Yili ɓə gɛ, 'di too di yowo yee kɔ́nma, a di mɔ̨nɔ̨ laa di mɛ̨i, da kɛ tii mɔ̨nɔ̨ hu, di kɛi tomą ə́ pɔ pələ, ə lɛɛ, yɛ́ lɛɛ yələi pələ, yɛ́ di woo mɛ̨n. Ə lɛɛ, ə́ wɔ ɲɛ̨imąąwɛli kaa hu ə́ kɛi di nwun mąąɓo nuą tɛɛ di pɔ, yiliɠaai diɛ di kulɔ di yowoɠaa yəi.

Samia Veerɛi 3:39

Nwɛ́i, háákələi, hvaŋą hvo ɲə́i, pələi mąn di dɔɔlaa wulɔ hiɛ la mą́ą́, ə lɛɛ, nu huwui tii a Seruya lonnii, di kili walawalaai mą́ą́. Kɛlaa, Yai-Laa ə nu ɲɔ̨nwɔ̨ɔ̨ nwɔ mɛ̨nį ɲɔ̨n gwələ kulɔ ma.»

Samia Veerɛi 19:4

Mąą yələi tii, nuą di kɛi tɛ taai, yɛ nuą da pu kɔ́ ɓa, daa nwumɛ̨.

Samia Veerɛi 19:6

Ɉoabə ə lɔ tɔɔmun bɔ bɛlɛ́n, yɛ mą: «Yaa nwumɛ̨ tɛ a ə́ wɔ tínuąi háákələi, diɛi daa ə́ nwun mąąɓo, yaa nwumɛ̨ tɛ a ə́ lon ɉinąą da ə́ lón nɛ̨ą, ə́ nɛąni da ə́ wɔ wɛli nɛ̨ąąi kəlee.

Samia Veerɛi 19:13

Ka káá a gááyɔwɔa, gu kaa a nu huwu tɔ̨nɔ̨. Lə mɛ̨nį ɓa, ka lɛɛ pulu, tɔɔmun bulu pənə mɛ̨nį hu, yɛ pa bɔɔli?›»

Samia Veerɛi 15:30

Davidə ə kɛi olivie yee tɛ, ə kɛi ɲee tɛ a wɔlɔ; həɠə pɛlɛɛ nwun mɛ̨i, ə kɛi hiɛ kɔ́lɔ hvo kɛ gɔwɔŋa. Nu kpului tii kɛ bɔ, həɠə ə kɛ gəlee nwun mɛ̨i. Di kɛi li, diɛ ɲee tɛ diɛ wɔlɔ.

Samia Veerɛi 18:17

Di Absalɔn powa həɠə, di bili ɓoloon gɛnɛ̨ ta hu nwɛla hu, di kwɛni hįi kɛnɛ̨ ta tɔɔ mɛ̨i a kili lɛɛ ɉu hɛn. Israɛlə nuą kəlee di pu, nu kəlee ə li bɔɔli.