Samia Veerɛi 1:2 - Yálá laawoo hɛɓɛ (dc)

² Voló ɉaaɓa yələ, hulɔnon da ə həɠə Saulə nwɔ kɔ́ ɓuwui la pələ, mąą həɠəɠaa huɓɛlai kɛ, pɔlɔ puɔ nwuɔ̨. Həli ə mo Davidə ɓa, ə pɛlɛ nɔi ɓa.

Yálá laawoo hɛɓɛ

² Voló ɉaaɓa yələ, hulɔnon da ə həɠə Saulə nwɔ kɔ́ ɓuwui la pələ, mąą həɠəɠaa huɓɛlai kɛ, pɔlɔ puɔ nwuɔ̨. Həli ə mo Davidə ɓa, ə pɛlɛ nɔi ɓa.

Bible

² Ŋ̀ele kûui zaaƃa ɣelei kɔ́ kɔ́-nuu tɔnɔ è kùla Sɔ̂ɔ ŋɔƃûui su é pá bɔ́ naa ŋɔseɣei fála-falaa, pɔ̂rɔ siáa ŋ̀uŋ ma, é pîlaŋ ŋ̀úme ŋá ŋɛ́i-tuɛ.

Samia Veerɛi 1:2 Referans Kwoze

Samuɛlə dɔlɔɔ 4:12

Bɛnɉamɛn mun da ə həɠə gɔ́ mɛ̨i, ə pa a gilɛ Silo a mąą yələi tii lɔ, mąą həɠəɠaa huɓɛla-ɓɛlaa, pɔlɔ kɔɔ nwuɔ̨.

Samia Veerɛi 4:10

nui pa kɛi mą́ą́: ‹Saulə aa haa›, ə kɛi gbɔwɔ kaa yaa kpɛli a wɛlɛɛ lɛlɛɛ ɓomun a volói tii, ŋą́ mo di ɉon di baa Siklagə. Nwɛlɛɛ lɛlɛɛ tii ə pa moi, mąą hvɛla li kɛ.

Samuɛlə dɔlɔɔ 25:23

Avigailə ə Davidə kaa, ə həɠə ɉoohvaalən mɛ̨i a mąąhulaa, ə hvilɛn. Ə pɛlɛ nɔi ɓa, ə kwɛli hvilɛn Davidə lííla.

Zasua 7:6

Ɉosue ə gwaną həɠə huɓɛla a líiholi, ə pɛlɛ Yai-Laa lííla, ə lɛɛ la ɉu yələ ə wulu; yaa da nɔi kalanɉonŋąą, di muluun gbala pu di nwuɔ̨.

M̀ɛni-lɛɛi 3:9

Ə́ ɲɛ̨i hee, gáá ɓilihi hvɛli pɛlɛ́ mu nuą tɛɛi ə́ pɔ, a diɛi da di kpɔwɔ kɛ a Ɉuifəɠaa, ɛlɛɛ yaan, di hvo la, mąąhɔlɔɓo da kɛ lɛɛ kɛi. Ə́ ɲəi hee, gáá pai a diɛ, di gwɛli hvilɛn ə́ kɔwɔ mu, ɛlɛɛ, di kili a pu ɉu, diɛ, ə́ wɛlikaa mą́ą́.

Maafîu 16:21

Ə həɠə nąąlɔwai ɓa, Jesus ə mo nwɔ kalan nɛai diɛ a ɉu ponoɔ̨ yɛ diɛ: «Hvo kɛli ŋą́ li Ɉerusalɛmə, ə gɛ, nu pɔlɔɠaa, da ɉaláá laa həli nuą nwun nąmįną, ə mą kɛ dɔ́n galamɔ̨ɔ̨ɠaa di mɔ̨nwɔ̨ ɓo kpɔ kɛnɛ̨, ə lɛɛ, di báá. Kɛlaa, voló ɉaaɓa yələ, ŋą́ nwun, ŋą́ kulɔ haa yəi.»

Maafîu 12:40

Mąąhɔlɔɓo, bələi lɔ Ɉonasə ə hvóló haaɓa da kpinį haaɓa kɛ la hɔ̨nwɔ̨lee kwəi, gboloyá hu, bələ lɔ ɓə Nu Lon gaa pai hvóló haaɓa da kpinį haaɓa kɛi la kámą hu.

Zooɛ 2:13

Ka lii ɓə mąąnɛ̨ɛ̨ ka ɉu ɓɛla ka mąą həɠə hvəi. 'Ka pənə ka pa Yai-Laa ka wɔ Yálái pɔ. Gbalai tɔɔ, nwɔ mɛ̨nį lɛlɛɛi, yɛ nu mąąwɛli kaa; Nii holi laa walaa, ɛlɛɛ, nwɔ ɲɛ̨imąąwɛli kaa hu kɛnɛ̨i, a mɛ̨nį nwąnąą laa nuą diɛ, yili hva gwəinɛ̨ɛ̨. Nwɔ lii nɛ̨ɛ̨ gwəi kɛnɛ̨. Niiɓa hvaa ə mɛ̨nį nwąnąą laa nu ɓa.

Osia 6:2

Gaa pai a gu kɛi a gu hvulú hvóló hveelɛ yeemu. Voló haaɓa yələ, a kɛ a gbɛɛ a gu muhəɠɛɛ; ɛlɛɛ gu kaa pai kɛi a gu hvulú níila.

Mąątɛ̨nɛ̨ 66:3

'Ka kɛ Yálá ɓa: «Ə́ kɛ mɛ̨nįɠaa ɲɛ̨i mąą ɲɔwuɔi! Ə́ hvąŋą kɛnɛ̨ pələ, ə́ yowóɠaa daa di kpɔwɔ kɛ, a ə́ mąątɛ̨nɛ̨ nuą.

Samia Veerɛi 15:32

Davidə ə həli ɲee tona, ɓɛi da kwɛli hvilɛn naa Yálá ɓa, Husai ŋɛ̨i a Arki mun ə pa naakwiɛn ɉii mąą həɠə ɓɛlaa, pɔlɔ puɔ nwuɔ̨.

Samia Veerɛi 14:4

Tekoa nɛ̨ɛ̨nui tii ə li kɛa tɔɔmun bɔɔli, ə pɛlɛ niiɓa nɔi ɓa, yɛ kɛ diɛ: «Ka pa mą́ą́, ə kə nwɔ́ tɔɔmun!»

Samuɛlə dɔlɔɔ 20:41

Nokoloi ə pənə ə li. Davidə ə muhəɠə ɓɛi tii ə kɛ laa ɉɛɠɛɛ pələ, ə pɛlɛ nɔi ɓa, ə gwɛli hvilɛn gee mɛ̨i haaɓa. Yili pulu, di di kee nɛ̨nɛ̨ɓo, di nu hvelɛi di wɔlɔ kpɔ kɛnɛ̨, Davidə nwɔ wɔlɔi yee ə tɛɛ mɛlan ɓa.

Samuɛlə dɔlɔɔ 4:16

Ɉulɔnui tii yɛ Eli ɓa: «Gɛ́ɛ́ kpɔlɔɔ həɠəi gɔ́ mɛ̨i ka, háákələi lɔ ɓə ŋą́ pu la gɛ́ pa.» Eli yɛ mą: «Gɛ pələ kaa ləi nón?»

Zɛnɛse 43:28

Diɛ mą: «Ə́ wɔ tí mun, kaa laa kpɛli.» Di pənə di pɛlɛ nɔi ɓa kpɔ a ɉu kwɛa Ɉosɛfə kɔ́wɔ mu.

Zɛnɛse 37:34

Nąąlɔwai, Ɉakɔbə ə nwɔ həɠəi hu ɓɛla, ə mąąwɛli hee ɓo, ə non nwɔlɔ ɓo kpɔ a ɉu kwɛa.

Zɛnɛse 37:29

Ɓɛlɔwai Rubɛn ə li la nɔwa hu kaai, hvo Ɉosɛfə kaa laa, nii ə ɓɛla kpɔ mą kɛnɛ̨, ə mąą həɠə hu ɓɛla.

Zɛnɛse 22:4

Voló ɉaaɓa yələ, ɓɛi tii di nąą lɛ Abrahamə ɓa, ə nwun muhəɠə, ə nąą kaa kpɔ kwɛa la.

Samia Veerɛi 1:3

Davidə yɛ mą: «Ə́ həɠə mįnɛ̨ pələ?» Ɉulɔnon tii yɛ mą: «Ŋą́ pu, gɛ́ kulɔ Israɛlə nuą di wɔ kɔ́ ɓuwui la.»

Izikiɛ 27:30

Diɛ wɔlɔ ə́ mɛ̨i, diɛ tomą a naa mąąwɛliɛ, diɛ muluun gbala pu di nwuɔ̨, diɛ kiliɠilin luwu hu.

Samia Veerɛi 13:19

Nąąlɔwai, ɉəɠə yee kwɛai ŋɛ̨i kɛ Tamarə ɓa ə ɉu ɓɛla, ə luwu pu nwuɔ̨, ə ɲee laa nwuɔ̨ yɛ wɔlɔ.

Samia Veerɛi 24:20

Arauna ə ɲɛ̨i tinɛ̨n nɔ, ə tɔɔmun da bɔ nuą kaa diɛ pa bɔ pələ. Arauna ə kpuluun, ə li ə gwɛli hvilɛn tɔɔmun ma, ə pɛlɛ nɔi ɓa,