Rutə 4:11 - Yálá laawoo hɛɓɛ (dc)

¹¹ Galanɉonŋaa da nuąi kpɔ kɛ laa, gəlee diɛ mą: «Kwaa kɛ a gɛla. Di lúwɔ́ too Boozə ɓa diɛ mą: Nɛ̨ɛ̨nui ŋɛ̨i háákələi pai lɔi ə́ yəi bɛlɛ́n, Yai-Laa ə lúwɔ́ too mą; gɛ́ pələ ə kɛ yɛ Ɉakɔbə nɛ̨ąni hveelɛi: Rasɛlə da Lea. Diɛ ɓə Israɛlə nu huwu hɔlɔɓo. Yai-Laa ə ə́ yee laholoon Ɛfrata lonnii lɔwai, ə ə́ laa tɛ Bɛtleɛmə.

Yálá laawoo hɛɓɛ

¹¹ Galanɉonŋaa da nuąi kpɔ kɛ laa, gəlee diɛ mą: «Kwaa kɛ a gɛla. Di lúwɔ́ too Boozə ɓa diɛ mą: Nɛ̨ɛ̨nui ŋɛ̨i háákələi pai lɔi ə́ yəi bɛlɛ́n, Yai-Laa ə lúwɔ́ too mą; gɛ́ pələ ə kɛ yɛ Ɉakɔbə nɛ̨ąni hveelɛi: Rasɛlə da Lea. Diɛ ɓə Israɛlə nu huwu hɔlɔɓo. Yai-Laa ə ə́ yee laholoon Ɛfrata lonnii lɔwai, ə ə́ laa tɛ Bɛtleɛmə.

Bible

¹¹ Nya ƃe diai kélee kɛ̀ góraŋ la da ǹúu pɔlɔ-ŋai dí mò dîyɛɛi, “Kúkaa a ísêre-ŋa. Ǹɛnîi pâi ípɛrɛi mui, tɔɔ Kúnuu-namui é gɛ́ yɛ̂ɛ Leesɛ da Lîɛ nyíi-ŋai nîa-pɛlɛɛ támaa maa sɔlɔ ƃò Eezuɛ mi ŋɔpɛ́rɛi láa é fɛ̀ɛi. Tɔɔ í Ƃûu ƃó Ɛfata kolii su ílaa é lɛ́ɛ Bɛpeleɣɛ̃ɛ.

Rutə 4:11 Referans Kwoze

Zɛnɛse 29:32

Lea ə koo həɠə, ə lon ɉulɔnu kaa, ə naa hee a: Rubɛn. Lea yɛ mą: «Yai-Laa aa ɲɛ̨́i mąąwɛli kaa. Nwɛ́li kaa kɛa pai tooi ɉílɛ ɓa.»

Maafîu 2:6

«‹Yɛ́ Bɛtleɛmə taa, hvo ɓaa taa logolo Ɉuda daa kpɛa-kpɛaɠaa lɔwai. Mąąhɔlɔɓo, tɔɔmun da kaa pai kulɔi ə́ hu, yii a tɔɔ Israɛlə nwɔ́ nu huwui ɲɛ̨itɔwɔ.›»

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Mąątɛ̨nɛ̨ 132:6

Ku bələ mąn, diɛ gaa Ɛfrata, ku gaa Yaarə yɛɛkɔwɔi.

Rutə 1:2

Ɉulɔnui tii laa ɓaa kɛ a Elimelɛkə, nɛ̨ą laa ɓaa a Naomi di lon ɉinąą hveelɛi tii laa ɓaa kɛ a: Malɔn da Kiliɔn; di kɛ a Ɛfrata huwu, Bɛtleɛmə daai Ɉuda lɔi hu. Ɓɛlɔwai di kɛ la Moabə lɔi hu,

Dutɛrɔnome 25:9

A mo tii, dɔwɔlee kaa pai lɛɠɛi mą galanɉonŋąą ɲɛ̨i ɓa, ə ɉulɔnui nwɔ gbakwɛakwɛai kulɔ gɔwɔ ŋą, ə naa ya taɠa ɲɛ̨i, yili pulu, yɛ diɛ: «Bələi da gɛ la a nui hva pənə hvo nąn non nwɔ pɛ́lɛ́i tɔɔ, bələ ka tii.»

Hanwon 14:1

Kilimąą nɛ̨ɛ̨nu a nwɔ pɛ́lɛ́i tɔɔ; kilikpɛɛgwəi nɛ̨ɛ̨nu yɛ nwɔ pɛlɛ́i pu a gbɔwɔ yee.

Zɛnɛse 23:10

Ɛfrɔn ŋɛ̨i kɛ a Hɛtə mun, yɛ ɓo Hɛtə huwuhu nuą lɔwai heeni, ə Abrahamə woo ŋąąpənə, Hɛtə nuą ŋɛ̨i kɛ heeni ɉįi la di ɲɛ̨i ɓa, yɛ diɛ:

Zɛnɛse 29:25

Yələɓoɔ, Ɉakɔbə ə Lea kaa, gwəi ə pili mą; yɛ Laban ba: «Lə ɓə ŋɛ̨i ə́ gɛ a ɲą́ą́i? Rasɛlə ɓə ŋį́ mąą kóló ɓo, ya ɓə ə́ mówo, ə́ Lea həɠə ə́ dɛɛ bɔ́?»

Hanwon 31:23

Mąąwiɛ kaa ɉilɛ ɓa, galanɉonŋaa di wɔ ɲąąkpɔn ɉu, a kɛ heeni nɔi nąmįną lɔwai, nwoo mąąwiai.

Zɛnɛse 29:16

Yaan, Laban lonnii nɛ̨ąą di kɛ hveelɛ, nu pɔlɔlaamun nąą ɓaa: Lea, nəɠə laa ɓaa: Rasɛlə.

Zɛnɛse 35:23

Lea nwɔ lonnii laa ka: Rubɛn ɓə kɛ a Ɉakɔbə lonnii dɔlɔɔ, yili pulu Simeɔn, Levi, Ɉuda, Isakarə da Zabulɔn.

Zɛnɛse 35:24

Rasɛlə nwɔ lonnii di kɛ hveelɛ, diɛ ɓaa: Ɉosɛfə da Bɛnɉamɛn.

Dutɛrɔnome 25:7

Nui tii a wala kɛ bɔ hvo nɛ̨ɛ̨nu tii həɠə a nɛ̨ą, mąąnɛ̨ɛ̨ yili ə li mɛ̨nį ɓo kələ mu, ə galanɉonŋąą kaa, yɛ diɛ: «Dɔ́wɔ́lee hvo bɔ hvo nąn non naa laahɔnmo Israɛlə lɔi hu, hvo gɛli hvo ɲee hee mú.»

Tɔɔɓɛlaa dɔlɔɔ 21:8

Ɉezabɛlə ə hɛɓɛ́ kɛ a Akabə laa, ə yili kɔ́lɔn ɉɛn gɛ mą. Ə ɉɛɓɛ́i tɛɛ Israɛlə ɲąąwooɓo nuąi kɛ Nabɔtə pɔ taai diɛ, da nu kpɛa kpɛaa.

Kɔlɔnikɔ Maa-ŋuŋ 2:51

Salma, Bɛtleɛmə nąn. Harɛfə, Bɛtə-Gaderə nąn.

Ɉeremi 32:10

Ŋą́ díi tii yá hɛɓɛ́ pɛ̨ɛ̨ huwɔ kɔlɔ paa mɛ̨i, ŋą́ ɲéé pɔɔ too ɉu a gɔ́lɔn ɉii, nuą ŋɛ̨i ŋį́ di təli di ɲɛ̨i ɓa. Ŋą́ nwali lono a di ɲɛ̨i.