Rutə 3:9 - Yálá laawoo hɛɓɛ (dc)

⁹ Yɛ nɛ̨ɛ̨nui tii ɓa: «Gbɛɛ ɓaa a yɛ́?» Nɛ̨ɛ̨nui tii yɛ mą: «Ɲą́ą́ Rutə ə́ wɔ lúwɔ́ nɛ̨ą, ɲą́ą́ li. Gɛ́ ə́ ə́ nįnįn bɛlɛ mɛ̨́i, mąąhɔlɔɓo, yɛ́ ɓə mąąnɛ̨ɛ̨ ə́ ə́ mą́ą́ mɛ̨nį ɲɛ̨i kulɔ.»

Yálá laawoo hɛɓɛ

⁹ Yɛ nɛ̨ɛ̨nui tii ɓa: «Gbɛɛ ɓaa a yɛ́?» Nɛ̨ɛ̨nui tii yɛ mą: «Ɲą́ą́ Rutə ə́ wɔ lúwɔ́ nɛ̨ą, ɲą́ą́ li. Gɛ́ ə́ ə́ nįnįn bɛlɛ mɛ̨́i, mąąhɔlɔɓo, yɛ́ ɓə mąąnɛ̨ɛ̨ ə́ ə́ mą́ą́ mɛ̨nį ɲɛ̨i kulɔ.»

Bible

⁹ ǹyɛɛ ḿâi, “Gbɛ̂ɛ ƃa yá?” Ǹyɛɛ m̀ai, “Lûfi ƃa ńyãa, ńyãai a íyee mu-nɛnii. Gáa a sɛŋ í ḿɛi káa, kpɛni fêi, íkaa a ŋ́gaayɔɔ kpîŋ. M̀ɛni ma ŋ́gula a nɛnî.”

Rutə 3:9 Referans Kwoze

Izikiɛ 16:8

Gɛ́ɛ́ tɛɛi ə́ kwɛlɛ, ŋą́ ə́ kaa yáá kpɛla kɛa. Ŋą́ nwɔ́ həɠə wəlii ta pɛlɛ ə́ mɛ̨i; ŋą́ ə́ kpuɠulu loo; ŋį́ nwóó kwɛlɛ yɛ́, gwa yɛ́ gu mįnɛ̨ həɠə, ə́ kɛ kɛa a nwɔ́ɔ́. Yai-Laa gu wɔ yálái woo li.

Rutə 2:20

Naomi yɛ Rutə ɓa: «Ŋą́ą́ gaa gɛ́ diɛ: Yai-Laa ə nwoo kwɛlɛ Elimelɛkə da non ɉinąą hveelɛi tii daa haa diɛ, ya ka aa bɔ mɛ̨nį kɛ kuɔi ŋɛ̨i a nu hvulúɠaa kuɔ. Yai-Laa ə lúwɔ́ too ɉulɔnui tii ɓa. Boozə kaa a gu wɔ nu, diɛ ɓə mąą nɛ̨ɛ̨ di gu mąą mɛ̨nį ɲɛ̨i kulɔ.»

Rutə 3:12

Yiihu, ə mą kɛ ŋą́ pɛli ŋą́ ə́ mąą mɛ̨nį ɲɛ̨i kulɔi, nu takpɛli kaa laa mąą laa yɛ ɓo mą ə tɛɛ mą́ą́.

Lukə 14:11

Mąąhɔlɔɓo, nui lɔpee a gbɔwɔ kɛnɛ̨, da mąą yɛɛ. Nui a gbɔwɔ mąą yɛɛ, da gɛnɛ̨.»

Samuɛlə dɔlɔɔ 25:41

Avigailə ə muhəɠə, ə pɛlɛ niiɓa nɔi ɓa, ə kwɛli hvilɛ Yálá ɓa, yɛ mą: «Ə́ wɔ tímun kaa a luwɔ-nɛ̨ą, váái mą gɛ́ nwɔ́ mɛ̨nį nąmu yee pɔ nuą kɔ́wɔ mąą waa.»

Rutə 3:8

Kwiihɛ̨ą lɔwai, Boozə ə ɲįnąą ɓo lɔ tii tɔ̨nɔ̨ wulu. Ə muhəɠə ə hee ɲąąɓa, ə nɛ̨ɛ̨nu ta kaa laani gɔwɔ la.

Rutə 3:10

Boozə yɛ mą: «Rutə! Yai-Laa ə lúwɔ́ too yɛ́. Mɛ̨nį ŋɛ̨i yáá gɛ, aa nɛ yɛ yii kɛ mąąnɛ̨ɛ̨ ə́ gɛ ə́ hilɛ pulu nuą diɛ, ya ka ŋɛ̨i ə́ gɛ. Yii tɔlɔɔ ə́ gɛ a ə́ hilɛ lee, da yii yáá gɛ, aa kɛnɛ̨ a tɛɛ mą; gɛ mɛ̨nį hvo kɛ hulɔnu takpɛli wɛlilakɛ li, yɛ ə kɛ a hɛn gɔw nąmu, yɛ ə kɛ a yeehvowolomun.

Rutə 4:4

Yili ɓə gɛ, ŋą́ ə́ kili pu ɉu, ŋą́ mo yɛ́, gɛ́ yɛ́: Ɉɛnŋaa ŋɛ̨i mąą mɛ̨nį, ə́ tɔɔi kɛ ɉu, nuą ŋɛ̨i ɓɛ da daa kalanɉonŋaa kəlee di ɲɛ̨i ɓa. Akɛ ə́ kaa ə́ tɔɔi kɛi nwun mąąɓo mɛ̨nįi ŋɛ̨i hu, gɛ tii. Akɛ hvá pɛli mą, yɛ bələi gaa la, yɛ́i ŋɛ̨i ya həɠə laa ɲą́ą́ ɓə laa; ə́ ə́ woo hukulɔ mą́ą́.» Ɉulɔnui tii yɛ mą: «Gáá pai nɔi yai.»

Rutə 4:6

Ɉulɔnui tii yɛ Boozə ɓa: «Akɛ yili kaa tii, vá pɛli ɉɛnŋaa tii nwun mąąɓoi. Mąąhɔlɔɓo, ŋą́ gɛ ləi tii, gwɛ́lin ɉu kalaa li. Yili ɓa, dɔ́ɔ́i tii həɠə, ə́ ɉɛnŋaa nwun mąąɓo. Mąąhɔlɔɓo, vá pɛli mą.»