Rutə 3:7 - Yálá laawoo hɛɓɛ (dc)

⁷ Boozə ə naa mįi, ə gbələ, gwəi ə nɛ̨ɛ̨, ə li ə laa gbai hįį ta kwɛlɛ; Rutə ə lɛɠɛ mą, ə ɉəɠə həɠə gɔwɔ mɛ̨i, ə laa.

Yálá laawoo hɛɓɛ

⁷ Boozə ə naa mįi, ə gbələ, gwəi ə nɛ̨ɛ̨, ə li ə laa gbai hįį ta kwɛlɛ; Rutə ə lɛɠɛ mą, ə ɉəɠə həɠə gɔwɔ mɛ̨i, ə laa.

Bible

⁷ Bôa kɛ́ɛ ǹáa míi a gbele ǹíi láai, è lì é láa mɔlɔŋ kɔlɔŋ kɔlɛ gɛ́ nyìi. Nya ƃe Lûfi è sìa kpɔ́ sĩi-sĩi é pá é gɔ́ɔ mɛi síɣe é láa gɔlɛ.

Rutə 3:7 Referans Kwoze

Nwun mąąɓo 19:6

Da mɔlɔ di nu hveelɛi, di hee di kɔ̨nɔ̨n mįi, di di kpələ. Levi mun mɔlɔ yɛ mą: «Gɛ́ ə́ hvaa mą gu lɛɛ ni ɓɛ, ə́ yíi ɓɛ.»

Samia Veerɛi 13:28

Absalɔn yɛ ɲəi bɛlɛ́n góló kɛ nuą diɛ: «Ka gɛ a nɛlɛɛ, ɓɛlɔwai ka Amnɔn kaa la nɔɔ aa ɉon, ŋą́ kɛ kaa: ‹Ka Amnɔn kɛlɛ›, ka baa. Ka hvo ɲɔw, ɲą́ą́ ɓə ka tɔɔ la ka ká liikpələ, ka gɛ a hulɔnu laa.»

Nwun mąąɓo 19:9

Ɓɛlɔwai kɛ mąąnɛ̨ɛ̨ Levi mun da nɛ̨ą də li kɛa la, da nwɔ tímun, mɔlɔ yɛ mą: «Ə́ kaa gaai yələ aa wulu kɛa, ka yíi ɓɛ, ka ka kwəinɛ̨ɛ̨. Tínąą, ka humo a ka liɛ.»

Ikilisiati 10:19

Hɛn gɔw nąmįną da kɛ di di ɲąąnɛ̨ɛ̨ gulɔ, hɛli ɓə da bu, hɛn gɔw ɓə a ɲąŋą tɛ nu hu; wali a pɛlɛ́ kəlee laa ɓo.

Ikilisiati 9:7

Yili ɓa, ə́ laa mįi, ə́ wɔ lɔɔi kpələ a ə́ kwəinɛ̨ɛ̨; mąąhɔlɔɓo, Yálá aa ə́ kɛ mɛ̨nįɠaa hu nɛ̨ɛ̨.

Ikilisiati 8:15

Yii ɓaa nwɛ́i, ŋą́ kwəinɛ̨ɛ̨ kulɔ, mąąhɔlɔɓo, hɛn gaa a nu lonnii di wɔ nwuna nɛ̨ɛ̨ ɓɛ lɔi mɛ̨i, ya ɓaa: di di laa mįi, di di kpələ, di di ɲąąnɛ̨ɛ̨ kulɔ. Volói ŋɛ̨i Yálá ə dɛɛ nu lonnii pɔ lɔi mɛ̨i, yili lɔ ɓə mąąnɛ̨ɛ̨ ə kɛ di kɛ kóló pɔ.

Ikilisiati 2:24

Mɛ̨nį ɲąąnɛ̨ɛ̨i lɔ gaa nu yəi, ya ɓaa: Ə kɔ̨nɔ̨n mįi, ə gbələ, ɛlɛɛ, ə gwəinɛ̨ɛ̨ kɛ kóló dɔlɔ hu. Ŋą́ gaa gɛ́ diɛ Yálá ɓə a nu kɔ́ a yili.

Mąątɛ̨nɛ̨ 104:15

Lɔɔ yɛ nu kan gwəinɛ̨ɛ̨, Yɛ́ di ɲɛ̨i wulɔ kulɔ, yɛ di ɲɛ̨i wulɔ kulɔ, dɛɛ wulɔ ɓa. Kɔ̨nɔ̨n yɛ hvąŋą tɛɛ nu kan bɔ.

Korɛntə dɔlɔɔ 10:31

Ká kɛ kɔ̨nɔ̨n mįi-o ká kɛ ká kpələi-o, yii lɔpee ka káá gɛi, 'ká gəlee kɛ Yálá mąąwiɛ mɛ̨nį ɓa.

Tɔɔɓɛlaa dɔlɔɔ 21:7

Akabə nɛ̨ą Ɉezabɛlə yɛ mą: «Kɛlɛi yɛ́ kpɔ ɓə Israɛlə lɔi ɲąąwooɓoi-ee! 'Ə́ muhəɠə ə́ kɔ̨nɔ̨n mįi, ə́ ə́ kwəinɛ̨ɛ̨. Ɲą́ą́ ɓə pai Izreɛlə mun Nabɔtə nwɔ viɲə yɛai tɛɛ ə́ pɔ.»

Nwun mąąɓo 19:22

Ɓɛlɔwai di kɛi di laa mįi la, nu kpoloonŋaai kɛ laa daai, di bɛlɛ́ mąątínɛ̨n, diɛ gbon gɛlɛ, diɛ kɛ bɛlɛ́ nąmu hulɔgoloi ɓa: «Ɉulɔnui ŋɛ̨i ə́ naa ə́ yəi bɛlɛ́n, gulɔ ɲɛnɛ̨ɛ̨, ku kaa bɔ ku laa la.»

Nwun mąąɓo 16:25

Yɛ bələi di kəlee di kwəinɛ̨ɛ̨i kɛ la diɛ tomą, di mo diɛ: «'Ka pa a Samsɔn, ə pələ kɛ ku ɲɛ̨i ɓa, ku nąą kaa.» Di Samsɔn kulɔ gaho pɛlɛ́ mu, di paa la nuą pɔ, di kwəinɛ̨ɛ̨ yɛ pələ kɛ, diɛ gaa. Di Samsɔn tɔɔ Dagɔn mąąwiɛ pɛlɛ́ nɔ̨nwɔ̨ hveelɛ lɔwai.

Zɛnɛse 43:34

Ɉosɛfə kpinįi ɓə nu kəlee kɔ̨nɔ̨n naa ɲəi ɉɛnɲąŋą hu. Ə nəɠə Bɛnɉamɛn nwɛi ɉuwɔ kɛ mɛ̨i gee mɛ̨i lɔɔli ə dɛɛ niɛni di wɛi ɓa. Da diɛni di lɔɔ kpələ gee ɓa yɛ pələi di kaa la bɔ.

Ifisiɛŋ 5:18

'Ká hvo kɛ a lɔɔ hon, a nu nwun na pili, kɛlaa, 'ká pilɛ a Yálá nwɔ Kilii.

Rutə 3:6

Rutə ə li gbai tan ɉi, bələi tii ɉilɛ lee ə mo la mą, ə gɛ tii.

Rutə 3:8

Kwiihɛ̨ą lɔwai, Boozə ə ɲįnąą ɓo lɔ tii tɔ̨nɔ̨ wulu. Ə muhəɠə ə hee ɲąąɓa, ə nɛ̨ɛ̨nu ta kaa laani gɔwɔ la.