Rutə 2:9 - Yálá laawoo hɛɓɛ (dc)

⁹ Ɓɛi nwɔ́ kpai tee nuąi da kɛi li laa, ə́ ɲɛ̨́i hee diɛ. Nɛ̨ąi di kaa di pulu diɛ kpai kpan ɉu kwɛli, ka diɛni ka lɛɛ ka kee pɔ, ŋą́ą́ ə́ mąą liɛwoo kɛ ɉinąą tii diɛ, gɛ́ diɛ di hvo mɛ̨nį ta kɛ a yɛ́. Kpələ wɛli a ə́ hon, ə́ li ə́ di kpələ yá ta kpələ.»

Yálá laawoo hɛɓɛ

⁹ Ɓɛi nwɔ́ kpai tee nuąi da kɛi li laa, ə́ ɲɛ̨́i hee diɛ. Nɛ̨ąi di kaa di pulu diɛ kpai kpan ɉu kwɛli, ka diɛni ka lɛɛ ka kee pɔ, ŋą́ą́ ə́ mąą liɛwoo kɛ ɉinąą tii diɛ, gɛ́ diɛ di hvo mɛ̨nį ta kɛ a yɛ́. Kpələ wɛli a ə́ hon, ə́ li ə́ di kpələ yá ta kpələ.»

Bible

⁹ Ka dia-ni ka ká m̀ɔlɔŋ têei kwaa tɔnɔ ma. Ŋá mò zinâai dîa a gɛ́ɛ dífe lɛ̀ɣɛ yâ. Kpele-wɛ̂li a ísòŋ, lí í íkpéle zɛŋ-folo-ŋai da su ǹyaŋkpa-ŋai dí pà a dîai.”

Rutə 2:9 Referans Kwoze

Zɔ̂ŋ Maa-ŋuŋ 5:18

Gbaɠala kaa guɔ, nui a Yálá lon, hva kɛa nɛ̨ŋɛ̨n ɉəɠə, kɛlaa Yálá ŋą Lon ə gaa, a ɲee kɛ mąą nu ɓa, ɛlɛɛ, Mɛ̨nį-ɲɔ̨n ɲee hva kɛa pɛli mą.

Zɛnɛse 20:6

Ɉiin tɔ̨nɔ̨i tii hu, Yálá ə Abimelɛkə woo ŋąąpənə, yɛ mą: «Ɲą́ą́ gbɛli ŋą́ gɔlɔn gɛ́ diɛ, hvo kɛ ɉəɠə li a kiliŋąhiɛ ɲɔ̨nwɔ̨ɔ̨. Ɲą́ą́ ɓə hvaa mą, gɛ́ hvo lɛɠɛ nɛ̨ɛ̨nui tii ɓa, ə gɛ, hvo pa kɛ a hɔn mąą mun ɲɛ̨́i ɓa. Mɛ̨nį gɛ və́ hvaa la mą hvo laa la, yaa li.

Korɛntə dɔlɔɔ 7:1

Mɛ̨nii ká ɉɛɓɛ́ tɛɛ mą́ą́, ka gu da ɓo. Yii nɛlɛɛ, ya ɓaa: Hulɔnu hvo nɛ̨ą həɠə,

Maafîu 10:42

Nui lɔpee a kpələ kɔ́wɔ ɲąątɔ̨nɔ̨ tɛɛ nɛapəlɛɛ ŋɛ̨i ta pɔ, mąąhɔlɔɓo, nwɔ́ kalan non ni, mąą nui a mąą hvɛla hɔlɔɓo.»

Hanwon 6:29

Bələ lɔ ɓə gaa la, nu hva pɛli hvilɛn ɉii ə́ ɓɛlan nɛ̨ą pulu, a kɛ nąą pɔɔ hvo lɛɛli yɛ́.

Mąątɛ̨nɛ̨ 105:15

Yɛ kɛ diɛ: «Nuąi ŋą́ di həɠɛɛ ɉu, 'Ka hvo tunwɔ̨n diɛ, 'ka hvo mɛ̨nį ɲɔ̨n gɛ a gwə́i mɛ̨nį hu kulɔ nuą.»

Zôo 19:21

Ka mą́ą́ wɛli kaa, kaai ɓaa mɛ́laa, mąąhɔlɔɓo, Yálá aa ɲee pɛlɛ mą́ą́.

Rutə 2:8

Nąąlɔwai, Boozə ə mo Rutə ɓa, yɛ mą: «Ə́ wəli tɔɔ, gáá ə́ liɛwoo kɛi; hvo kɛa li tíi takpɛli hu, kpai kpan ɉu kwɛlii, kɛ lɔ kɛa pai ɓɛ, hvo ə́ mąą kwɛa ɓɛ ɓa. Kanąn nwɔ́ kpai tee nuą ŋɛ̨i diɛ.

Rutə 2:10

Nąąlɔwai, Rutə ə pɛlɛ Boozə kɔ́wɔ mu nɔi ɓa, yɛ mą: «Lə ɓə kɛ yai ə́ mɛ̨inɛ̨ɛ̨ kɛnɛ̨i kɛ mą́ą́ hvo gɔ́lɔ́n; gɛ́ ɓo a nwɛ̨ą?»