Biblia Todo Logo
Bib sou entènèt

- Piblisite -




Rutə 2:20 - Yálá laawoo hɛɓɛ (dc)

20 Naomi yɛ Rutə ɓa: «Ŋą́ą́ gaa gɛ́ diɛ: Yai-Laa ə nwoo kwɛlɛ Elimelɛkə da non ɉinąą hveelɛi tii daa haa diɛ, ya ka aa bɔ mɛ̨nį kɛ kuɔi ŋɛ̨i a nu hvulúɠaa kuɔ. Yai-Laa ə lúwɔ́ too ɉulɔnui tii ɓa. Boozə kaa a gu wɔ nu, diɛ ɓə mąą nɛ̨ɛ̨ di gu mąą mɛ̨nį ɲɛ̨i kulɔ.»

Gade chapit la Kopi

Yálá laawoo hɛɓɛ

20 Naomi yɛ Rutə ɓa: «Ŋą́ą́ gaa gɛ́ diɛ: Yai-Laa ə nwoo kwɛlɛ Elimelɛkə da non ɉinąą hveelɛi tii daa haa diɛ, ya ka aa bɔ mɛ̨nį kɛ kuɔi ŋɛ̨i a nu hvulúɠaa kuɔ. Yai-Laa ə lúwɔ́ too ɉulɔnui tii ɓa. Boozə kaa a gu wɔ nu, diɛ ɓə mąą nɛ̨ɛ̨ di gu mąą mɛ̨nį ɲɛ̨i kulɔ.»

Gade chapit la Kopi

Bible

20 Neomi è mò ǹóŋ ŋɔnɛnîi ma ǹyɛɛi, “Kúnuu-namui nyíi ŋɔmɛni lɛ́lɛɛ káa vúlu-ƃelai da zaa-ƃelai mɛni mai, é lûwa láa ǹúui kpîŋ ma.” Ǹyɛɛ ma máŋ, “Ǹalôŋ káa a kúkáayɔi da. Gáa a kúmaa tée-ƃelai dɔnɔ.”

Gade chapit la Kopi




Rutə 2:20
15 Referans Kwoze  

Davidə ə nuą tɔɔ Yavɛsə nuą pɔɔli Galaadə lɔi hu, yɛ kɛ diɛ: «Yai-Laa ə lúwɔ́ too kaa, kaai tii wɛlikɛmąą túwɔ́ ɓo a ka nąmu Saulə, kaa bowa loo.


Nu mɛlan a nwɛlilakɛ a yələ kəlee, Kɛlaa, nu nəɠə nwɛi, da gɔlɔn nɔ a ə́ mąąwɛli yələ.


«Kwələ a kɛ ə́ kaayɔwɔ ɓa, aa kpaan yɛ nwɔ lɔi ta tɔlaa hee, nui mąąnɛ̨ɛ̨ ə nɔi tii mąąɓo, ya ɓaa nɔi tɔlaa heemun gaayɔwɔ ta, yai da yaa di lɛɠɛɛi di kee ɓa; ya ɓə a pɛli nɔi ŋɛ̨i di dɔlaa hee mąąɓoi.


Gwə́i ə nɛɛ kpɔ kɛnɛ̨ gu Ną́mu hu: gɛ mɛ̨nį ka pɛli nwɔ̨nɔ̨ ka ka kili lɛɛ Ɉú. Ka kɛi kpɔ ka kiliŋąhiɛ mą́ą́, kɛlaa, pələi kɛ ka gulɔ la pono ŋą, bələ hvo kɛ ka yəi.


Nwɛ́i, gíli kaa ɉu gɛ́ nwún mąąɓomun gaa a vulú, ya ɓə pai kɛi a nu gbəli, ə həɠə lɔi mɛ̨i.


Yələ ta, Davidə ə mo yɛ diɛ: «Akɛ tii, Saulə yəi bɛlɛ́n mun da kaa nii yɛnɛ̨ɛ̨, yii ŋą́ pɛli kpɔnmąą tɛɛi bɔ Ɉonatan mąą mɛ̨nį ɓa?»


Bɛtleɛmə daai nɛ̨ąą diɛ Naomi ɓa: «Mąąwiɛ ə kɛ Yai-Laa ɓa! Hvo hvaa li mą hvo ə́ lɛɛ laa, yii ə́ nwun mɛ̨i mun hva kɛ yɛ́. Kuɔ Yai-Laa ə hvaa mą ə́ mąnįn tii laa ə kɛnɛ̨ Israɛlə lɔi hu.


Ɉulɔnui tii yɛ Boozə ɓa: «Akɛ yili kaa tii, vá pɛli ɉɛnŋaa tii nwun mąąɓoi. Mąąhɔlɔɓo, ŋą́ gɛ ləi tii, gwɛ́lin ɉu kalaa li. Yili ɓa, dɔ́ɔ́i tii həɠə, ə́ ɉɛnŋaa nwun mąąɓo. Mąąhɔlɔɓo, vá pɛli mą.»


Rutə yɛ ɉilɛ lee ɓa: «Ɉulɔnui tii ə mo nwɔ̨nɔ̨ mą́ą́, yɛ mą́ą́: Kɛ pai yɛ lɛɛ nwɔ kóló kɛ nuą pulu ə lɛɛ la ɉu, gbai da mɔ̨nun dəɛ ə kpɛɛ ɉu.»


Yiihu, ə mą kɛ ŋą́ pɛli ŋą́ ə́ mąą mɛ̨nį ɲɛ̨i kulɔi, nu takpɛli kaa laa mąą laa yɛ ɓo mą ə tɛɛ mą́ą́.


Yili ɓə gɛ, ŋą́ ə́ kili pu ɉu, ŋą́ mo yɛ́, gɛ́ yɛ́: Ɉɛnŋaa ŋɛ̨i mąą mɛ̨nį, ə́ tɔɔi kɛ ɉu, nuą ŋɛ̨i ɓɛ da daa kalanɉonŋaa kəlee di ɲɛ̨i ɓa. Akɛ ə́ kaa ə́ tɔɔi kɛi nwun mąąɓo mɛ̨nįi ŋɛ̨i hu, gɛ tii. Akɛ hvá pɛli mą, yɛ bələi gaa la, yɛ́i ŋɛ̨i ya həɠə laa ɲą́ą́ ɓə laa; ə́ ə́ woo hukulɔ mą́ą́.» Ɉulɔnui tii yɛ mą: «Gáá pai nɔi yai.»


Swiv nou:

Piblisite


Piblisite