Rutə 1:6 - Yálá laawoo hɛɓɛ (dc)

⁶ Nąąlɔwai, Naomi da non nɛ̨ąni hveelɛi tii di həɠə Moabə lɔi hu diɛ li, mąąhɔlɔɓo, Naomi ə lɛɛ Moabə lɔi hu ə mɛ̨n diɛ mą: Yai-Laa aa ɲɛ̨i lɛlɛɛ hee nwɔ lɔi nuą diɛ, aa kɔ̨nɔ̨n dɛɛ di pɔ.

Yálá laawoo hɛɓɛ

⁶ Nąąlɔwai, Naomi da non nɛ̨ąni hveelɛi tii di həɠə Moabə lɔi hu diɛ li, mąąhɔlɔɓo, Naomi ə lɛɛ Moabə lɔi hu ə mɛ̨n diɛ mą: Yai-Laa aa ɲɛ̨i lɛlɛɛ hee nwɔ lɔi nuą diɛ, aa kɔ̨nɔ̨n dɛɛ di pɔ.

Bible

⁶ Nya ƃe è m̀u sìɣe da ǹônii ǹɛyâai ŋí dí kúla Môa lɔii su lí pôlu dípɔ-taai, kpɛni fêi, è m̀ɛni Môa lɔii su berei Kúnuu-namui è ŋɔnûai nàa kâa la é mii-sãa tɛɛ dípɔi.

Rutə 1:6 Referans Kwoze

Mąątɛ̨nɛ̨ 132:15

Gáá lúwɔ́ kɛi mą, ŋą́ lúwɔ́ kɛ ɉu hɛnŋaa diɛ, gɛ́ nwɔ yeehvowolo nuą pilɛ a kɔ̨nɔ̨n.

Mąątɛ̨nɛ̨ 111:5

Nui a ɲɔw mą, a kɔ̨nɔ̨n dɛɛ mąą nu pɔ, nwɔ mįnɛ̨i kili kaa ɲą a yələ kəlee.

Lɛɛ gbɔwɔ ɓa 4:31

Di kəlee di laa na, yii kɛa di gaa diɛ kɛ mɔ̨nɔ̨i tii di kaa mįi Yai-Laa aa nąą kaa, aa nwɔɔ nąą kɛ ɉu, di kəlee di pu di kpəlin na di kwɛli hvilɛn.

Lɛɛ gbɔwɔ ɓa 3:16

'Li, ə́ Israɛlə kalanɉonŋąą ŋąąkpɔn, yɛ́ diɛ: Yai-Laa ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ə gbɔwɔ lɛ mą́ą́, yɛ mą́ą́: Mɛ̨nii ŋɛ̨i Eziptə nuą daa naa káá, ŋą́ą́ nąą kaa, gáá gɛ́ mɛ̨nį kɛi ɉu.

Lukə 19:44

Di kaa pai ə laɠan ɉii nɔi ɓa, yɛ́ ka ə́ kwəi lonnii, di hvo kpɛli pai kwɛni lɛɛi ɓɛ kwɛni mɛ̨i. Mąąhɔlɔɓo, hvó ə́ ɓalo yələ kɔ́lɔn ni.

Lukə 1:68

«Mąąwiɛ kaa Ną́mu Yálá ɓa, yii gaa a Israɛlə nwɔ Yálá; Mąąhɔlɔɓo, aa ɲɛ̨i lɛlɛɛ hee nwɔ nu huwui ɓa, aa nwun mąąɓo.

Maafîu 6:11

Háákələi kɔ̨nɔ̨n dɛɛ ku pɔ.

Ɉeremi 29:10

«Yai-Laa woo ka, yɛ diɛ: Gwɛlan bow mɛ̨ihveelɛi bɛ̨ɛ̨ Babilonə nwuɔ̨, a tɛɛ, ŋą́ ka mąą mɛ̨nį ɲɛ̨i kulɔ, ka pənə ka pa, gɛɛnąą ŋɛ̨i ɓa, ɓɛi ŋį́ naakwɛlanmo kaa, gɛ́ nwóó tii pɔ mɛ̨nį kɛ.

Azaya 55:10

Bələi lɔ tulɔ a wala kɛti nąląąn a yɛɛ la, yɛ həɠə yələi, ɛlɛɛ di hva kɛa pənə di hvo tɛ yələi pələ, akɛ di hvo lɔi yɔwɔ li, di gɛ ə ɓa, mɔ̨nun diliin yɛ kulɔ, hvo kɛi da gbɛa mɔ̨nun ɉuwu tɛɛ tíi kɛ mun bɔ, diɛ kɔ̨nɔ̨n dɛɛ nu yɛ mįi,

Sofoni 2:7

Nuąi pai lɛɛi Ɉuda nwɔ pɛlɛ́i mu, nɔi tii kaa lɛɛi a di wɔɔ, nąą ɓə di kaa pai kɛi lii laa a di wɔɔ taatɛlɛɛɠaai, diɛ di laa mį́i. Yələwulii pɔ, Askelɔn nwɔ pɛlɛ́ɠaai ɓə da di hvįįtɔɔ mu. Hvó gaai, Yai-Laa Ɉuda nwɔ Yálái, gaa pai ɲee pɛlɛi nɔi tii ɓa, di mąą mɛ̨nį ɓa, Ɉuda lɔi hu nuąi luwɔ pələi, ə pa a diɛ.

Mąątɛ̨nɛ̨ 146:7

Nuąi daa hee di mɛ̨i a di wɔ tɛ̨ą ɓo, a kɔ̨nɔ̨n dɛɛ pulu lɛɠɛɠaa pɔ, Yai-Laa a gaho nąmįną lɛɛ di kpɔwɔ ɓa.

Mąątɛ̨nɛ̨ 145:15

Di kəlee di ɲɛ̨i kpɔnŋąąi lɔ yɛ́, di kilitɔɔ yɛ́, yáán, yá di kɔ̨nɔ̨n dɛɛ di pɔ a ɲələ.

Samuɛlə dɔlɔɔ 2:21

Yai-Laa ə ɲɛ̨i lɛlɛɛ hee Anə ɓa, Anə ə lon ɉinąą haaɓa da lon nɛ̨ą hveelɛ kaa. Samuɛlə logolo nwɛi, ə kɛi kɛnɛ̨ Yai-Laa lííla.

Zɛnɛse 50:25

Ka ka kwɛla, kaa diɛ: «Yálá a pa ɲɛ̨i lɛlɛɛ heei kaa, ka káá gɔ́wɠaa həɠəi ka li la.» Ɉosɛfə niɛni diɛ mą: «Kwa gɛ yɛ bələi tii ə́ mo la.»

Zɛnɛse 48:15

Ə Lúwɔ́ too Ɉosɛfə ɓa, yɛ mą: «Yálái ŋɛ̨i ną́nni Abrahamə da Isaakə di di wɔ yɛnɛ̨ɛ̨ kɛ nííɓa hu, a Yálái kɛi mɛ̨́i kaa a yələ kəlee,

Zɛnɛse 28:20

Ɉakɔbə ə nwoo kwɛlɛ Yálá ɓa, yɛ mą: Yai-Laa a lɛɛ bɔ́ nwɔ́ hiɛ ŋɛ̨i hu, ə mą́ą́kpɛ, ə gɔ̨nɔ̨n gɛ, ə mąąhəɠə kɛ,

Zɛnɛse 21:1

Pələi tii Yai-Laa ə mo la Sara ɓa, ə nwoo tii pɔ mɛ̨ni kɛ.

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.

Timote dɔlɔɔ 6:8

Akɛ kani, kɔ̨nɔ̨n da həɠə a kɛ gu yəi, yili ə gu kwəinɛ̨ɛ̨.

Mąątɛ̨nɛ̨ 147:14

Ya ɓə liilaa yɛnɛ̨ɛ̨ tɛɛ ə́ wɔ lɔi pɔ, yɛ ə́ pilɛ a mɔ̨nun nįnɛ̨.

Hanwon 30:8

Gɛ́ ə́ lɛɛ mɛ̨nį mąą kwɛa mą́ą́, da ɓowo mɛ̨nį. 'Hvó gɛ́ a yeehvowolomun, 'Hvó nwɔ̨nɔ̨ gɛ́ hɛn gɔw kɛnɛ̨ nąmu kɛnɛ̨; yii bɛliɛ mą́ą́kpaan ma, dɛɛ bɔ́.

Rutə 1:5

Malɔn da Kiliɔn diɛ kpɛli di haa. Naomi ə hvɛɠɛ a ɉilɛ da non ɉinąą hveelɛi, yaa tɔ̨nɔ̨ ə lɛɛ.

Rutə 1:7

Naomi ə həɠə ɓɛi ə kɛ laa, da non nɛ̨ąni diɛ li Ɉuda lɔi hu.

Mąątɛ̨nɛ̨ 102:14

Ə́ kaa pai Ə́ muhəɠəi, Siɔn taa wɛli ɓa. Mąąwɛli kaa yələ aa həli, a tɛ̨ą, ɲələ aa ɉəli!

Zooɛ 2:19

Yai-Laa ə nwɔ nu huwui nwɔ hvɛli woo mu hon Yɛ diɛ: «Yili ɓa, gáá pənəi ŋį́ mɔ̨nun dɛɛ ka pɔ, da lɔ, ɛlɛɛ da wulɔ nįnɛ̨. Ka káá pai pilɛi ɉu, və́ kɛa pai ka kɛi a nu huwu takpɛliɠaa di wɔ yɛlɛ kulɔ ɉu hɛn.