Rutə 1:15 - Yálá laawoo hɛɓɛ (dc)

¹⁵ Nąąlɔwai, Naomi ə mo Rutə ɓa yɛ mą: «Ə́ ɓɛlan ga tii aa pənə yɛ li, nwɔ nuą pɔ da di wɔ haliɠaai; 'hvilɛn bulu ka yáá ka li.»

Yálá laawoo hɛɓɛ

¹⁵ Nąąlɔwai, Naomi ə mo Rutə ɓa yɛ mą: «Ə́ ɓɛlan ga tii aa pənə yɛ li, nwɔ nuą pɔ da di wɔ haliɠaai; 'hvilɛn bulu ka yáá ka li.»

Bible

¹⁵ Naomi ǹyɛɛ m̀ai, “Gáa, íƃarâŋ a lí pôlu ŋɔnûai pɔ́ da ŋɔɣâla-ŋai. Ye lene pôlu lí ínûai pɔ́-naa.”

Rutə 1:15 Referans Kwoze

Nwun mąąɓo 11:24

Nɔi ŋɛ̨i ə́ wɔ halii Kemɔsə ə dɛɛ ə́ pɔ, hvo mɔ̨ɔ̨ ə́ yəi? Yili ɓa, nɔi ŋɛ̨i Yai-Laa ə hvaa mą ku ɉɔlɔɓo, gaa a ku wɔɔ.

Sofoni 1:6

Nuąi daa di pulu tɔɔ Yai-Laa ɓa, di hva gɛ di hvo ɲɛ̨ilaa kwɛli mɛ̨nį ta hu, di hva mąąnikɛ, Gáá gəlee nwun napilii.

Tɔɔɓɛlaa veelɛ 2:2

Di lɛɛ lɔ lii, Eli yɛ Elise ɓa: «'Lɛɛ ɓɛ, mąąhɔlɔɓo, Yai-Laa aa dɔ́ɔ́ kpɔ Betɛlə.» Kɛlaa Elise yɛ mą: «Yii kpɔ Yai-Laa kaa a vulú, ɛlɛɛ yɛ́ ɓo a ə́ hvulú, ŋą́ą́ gwɛla gɛ́ vá həɠə ə́ pulu.» Di lɛɛ di kee pɔ de li Betɛlə.

Zasua 24:15

Akɛ awala laa a ka lii, ka hvo tí Yai-Laa ɓa, ka ka liiɓa həɠə háákələi! Akɛ ɉaliɠaa ŋɛ̨i wɔlɔ ka nąnni di kɛi kwɛli hvilɛn mą ɲá lee pulu pələ ya ɓə, awala kɛ tii, Amɔrə nuą di wɔ lɔi ŋɛ̨i ka káá heeni ɉu, di wɔ haliɠaa. Nwɛ́i, ɲą́ą́ kwa ɲə́ bɛlɛ́n nuą, ku kaa tíi Yai-Laa ɓa.»

Zɔ̂ŋ Maa-ŋuŋ 2:19

Gu pɔɔli ɓə di kulɔ laa, kɛlaa di hvo kɛli a gu ta. Də li kɛ a gu tai, də li lɛɛ gu pɔ. Kɛlaa, hvo kɛli kɛ di kəlee di too tii pono ɲą, di nɛ kpɔ tii, diɛ di hvo a gu ta.

Hebreu 10:38

Nwɔ́ɔ́ tələnmomun, a yɛnɛ̨ɛ̨ kɛ laa na laa háálai, kɛlaa, a tinɛ̨n, a bulu tɔɔ mą, gwə́i hva kɛa nɛ̨ɛ̨ bɔ.»

Lukə 24:28

Daa ŋɛ̨i di kɛi li ɉu, yii kɛa di lɛɠɛ gwɛlɛ, Jesus əgɛ yɛ aa kɛi pa tɛɛi laa daai.

Mąątɛ̨nɛ̨ 125:5

Kɛlaa, nuąi daa həɠə bələ mɛ̨i, di hiɛ pələ kpɛli kpəlaanŋąąi, Yai-Laa ə di kpɛ, da mɛ̨nį ɲɔ̨n gɛ nuą; Liilaa ə kɛ Israɛlə mɛ̨i.

Mąątɛ̨nɛ̨ 36:3

Gaa gbɔwɔ ɲɛ̨i ɓa a nu kɛnɛ̨ɛ̨, hva pɛli ɉɔn gaai, yɛ həɠə bulu.

Zasua 24:19

Ɉosue yɛ Israɛlə lonnii diɛ: «Ka hvo pai pɛli tíi Yai-Laa ɓa, mąąhɔɓo, gaa a Yálá Mąąhəɠɛɛ, Yálá tólɔɔ li, hvo pai niilaai ka wɔ kulɔ nwoo mu laa, da ka wɔ nɛ̨ŋɛ̨nŋąą mu.

Rutə 1:14

Nɛ̨ą tii di pənə di bumą a wɔlɔ, di wɔlɔ kpɔ a mɔlɔ; Orpa ə naa pɛlɛ ɉilɛ lee laa ɓa, ə yələ wala too mą. Rutə nwɛi, ə kanąn ɉilɛ lee ɓa.

Rutə 1:16

Rutə yɛ Naomi ɓa: «'Hvó gbɛ́ ə́ pulu. Ɓɛi yá lɔ laa, nąą ɓə gáá lɔi laa; ɓɛi yá hee laa, nąą ɓə ŋą́ hee laa. Ə́ wɔ́ nuą da kɛ a nwɔ́ nuą. Ə́ wɔ Yálá ə́ kɛ a nwɔ́ Yálá.

Lonon mo 10:30

Hobabə yɛ mą: «Və́ pai lɛɛ ka pɔ, gu hvo li, gáá pənəi ŋį́ li bɔ́ lɔi, nwɔ́ nuą pɔ.»