Rutə 1:1 - Yálá laawoo hɛɓɛ (dc)

¹ Ɓɛlɔwai gulaaɠaa di kɛi tɔɔ la Israɛlə lonnii ɲɛ̨i tɔwɔ, nąąlɔwai, pulu kɛnɛ̨ ə too Israɛlə lɔi hu. Ɉuda taa logolo ta ə kɛ laa diɛ kɛ mą: Bɛtleɛmə, hulɔnu ta ə həɠə daai tii hu, yaa, nɛ̨ą da non ɉinąą hveelɛ; di li Moabə lɔi hu, ɓɛi hihɛn a lɛlɛ laa, di hee ɲɛɛ kɔ́wɔ ta hu.

Yálá laawoo hɛɓɛ

¹ Ɓɛlɔwai gulaaɠaa di kɛi tɔɔ la Israɛlə lonnii ɲɛ̨i tɔwɔ, nąąlɔwai, pulu kɛnɛ̨ ə too Israɛlə lɔi hu. Ɉuda taa logolo ta ə kɛ laa diɛ kɛ mą: Bɛtleɛmə, hulɔnu ta ə həɠə daai tii hu, yaa, nɛ̨ą da non ɉinąą hveelɛ; di li Moabə lɔi hu, ɓɛi hihɛn a lɛlɛ laa, di hee ɲɛɛ kɔ́wɔ ta hu.

Bible

¹ Mɛni-sâa Ƃó-ƃela kɛ́ɛ kɛ̀ ǹûai mɛi, puru è tòo ǹɔii su. Nalôŋ tɔnɔ da, ŋɔnɛnîi da dílônii-sinaai feerɛi dí kùla Bɛpeleɣɛ̃ɛ Zuda, dí lí a gɛ́ɛ dísee Môa lɔii su.

Rutə 1:1 Referans Kwoze

Zɛnɛse 12:10

Pulu kɛnɛ̨ ə too nɔi tii hu, bului tii kpɔlu pələ, Abramə ə həɠə yɛ li Eziptə lɔi hu, bulu mąą kilɛi.

Zɛnɛse 26:1

Pulu kɛnɛ̨ ta ə too laa nɔi, kɛlaa, yii ŋɛ̨i wɔlɔ kɛ a Abrahamə nwɔ lɔwai, yili hvəi. Isaakə ə həɠə yɛ li Gerarə daai Filisti nuą di wɔ tɔɔmun Abimelɛkə pɔ.

Izikiɛ 14:13

Hulɔnu lon, lɔi ta kɛ laa; a nɛ̨ŋɛ̨n ɉəɠə mą́ą́ a náá pu pələ; ŋį́ hee ɉu, gɔ̨nɔ̨n gaa ɉeei a ɲee pulu, gɛ́ gəlee hu kala, gɛ́ pulu too mą; ə kɛ a nu, ə kɛ a huwɔ, gɛ́ di paa ɉu.

Nwun mąąɓo 17:8

Ɉulɔnui tii ə həɠə Bɛtleɛmə, Ɉuda nwɔ lɔi hu, yɛ li ɉeei nįnɛ̨ kwɛlii, ə pa Ɛfraimə lɔi hu, ə həli Mika yəi bɛlɛ́n.

Levetekɔ 26:19

Ŋą́ ka wɔ kpɔwɔɲąą kɛnɛ̨laa hu kala, gɛ́ yələkɔlɔn nwalawala ka mɛ̨i yɛ kwɛli, gɛ́ ka wɔ lɔi walawala yɛ ɓala kwɛli.

Zɛnɛse 43:1

Bulu ə kɛi lɔ walawala Kanaan nuą mɛ̨i.

Amɔsə 4:6

Ną́mu Yai-Laa yɛ nwɔ̨nɔ̨ diɛ: Bələi mąn ŋį́ pulu too la ka wɔ taaleeɠaai hu, kɔ̨nɔ̨n golo ə too ka yəi bɛlɛnŋąą, pələi mąn ŋį́ gɛ la tii, ka ta hvo giliŋąhiɛ, hvo pənə hvo pa bɔ́.

Mąątɛ̨nɛ̨ 105:16

Ə pulu ɲąątɔɔ nɔi ɓa, ə kɔ̨nɔ̨n gəlee kpɛɛ.

Dutɛrɔnome 28:38

Ka tíi kɛnɛ̨ kɛ, ká dee tiikpə. Mąąhɔlɔɓo, peeləɠaa da gəlee mįi.

Izikiɛ 14:21

Mąąhɔlɔɓo, mɛ̨nįi Yai-Laa kaa moi ya ka: «Ə mą kɛ, ŋą́ą́ hutɔɔ hɛnŋąą nąąn dɛɠɛ Ɉerusalɛmə ɓa, diɛ ɓaa a, kɔ-kɔ-ɓɔwa, pulu, lɔwɔ huwɔ kpəɠiɛɠaa, da ɲɔ̨n, diɛ nu kanŋaa da taatɛlɛɛɠaa paa laa,

Ɉeremi 14:1

Ɓɛlɔwai voló kɛnɛ̨ ə too la, Yai-Laa ə pələ ɓo Ɉeremi ɓa.

Mąątɛ̨nɛ̨ 107:34

Ə lɔi lɛlɛɛ mąą pənə a kwɛni lɔi, ɉu nuą kili ɲɔ̨nwɔ̨ pələ ɓa.

Tɔɔɓɛlaa dɔlɔɔ 18:2

Eli ə li, ə gbɔwɔ lɛ Akabə ɓa. Pulu aa kpɔlu Samari lɔi hu nąąlɔwai.

Nwun mąąɓo 12:8

Ɉɛfte haa pulu, Ibsan Bɛtleɛmə mun, ya ɓə kɛ a Israɛlə nuą ɲɛ̨itɔwɔ mun,

Samia Veerɛi 21:1

Davidə nwɔ tɔɔlaa kwɛlan ɉu, pulu kɛnɛ̨ ta ə too, ə kwɛlan ɉaaɓa kɛ nɔi. Davidə ə Yai-Laa mąąnin gɛ, Yai-Laa yɛ mą: «Bului tii too mɛ̨nį ə kulɔ Saulə da ɲəi bɛlɛ́n nuą di hɔn ɉu. Mąąhɔlɔɓo, di Gabaɔn nuą paa a nwąnąlɔɔ pələ.»

Nwun mąąɓo 17:7

Levi mun da, ə kɛ Bɛtleɛmə daai, Ɉuda nwɔ lɔi hu, ə kɛ laa a nwɛ̨ą.

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Kɔlɔnikɔ Maa-ŋuŋ 2:51

Salma, Bɛtleɛmə nąn. Harɛfə, Bɛtə-Gaderə nąn.

Kɔlɔnikɔ Maa-ŋuŋ 2:54

Salma nwɔ pɛlɛ́i: Bɛtleɛmə nuą, Netofa nuą, Atrotə-Bɛtə-Yoavə nuą, Manahatə nuą bələ tɔ̨nɔ̨, da Sore bələ tɔ̨nɔ̨,