Piɛrə veelɛ 3:16 - Yálá laawoo hɛɓɛ (dc)

¹⁶ Yili ɓə ə bɛ̨ɛ̨ nwɔ hɛɓɛ́ɠaai hu, yɛ hvilɛn na mɛ̨nįi ŋɛ̨i ɓa. Kɛɛnaa tamąą kaa Polə nwɔ hɛɓɛ́ɠaai hu, yii nuąi di hva mɛ̨nį kpaɠala kaa, ə lɛɛ, di hvo kalan ni, da nwoo mąąpənə, yɛ pələi da kɛ gɛi la a Yálá lawoo naa taɠaa. Da gɛ ti di kpɔɔ nwun napili mɛ̨nį ɓa.

Yálá laawoo hɛɓɛ

¹⁶ Yili ɓə ə bɛ̨ɛ̨ nwɔ hɛɓɛ́ɠaai hu, yɛ hvilɛn na mɛ̨nįi ŋɛ̨i ɓa. Kɛɛnaa tamąą kaa Polə nwɔ hɛɓɛ́ɠaai hu, yii nuąi di hva mɛ̨nį kpaɠala kaa, ə lɛɛ, di hvo kalan ni, da nwoo mąąpənə, yɛ pələi da kɛ gɛi la a Yálá lawoo naa taɠaa. Da gɛ ti di kpɔɔ nwun napili mɛ̨nį ɓa.

Bible

¹⁶ È nyíŋi maa-mɛni ƃò yɛ̂ɛ berei a gɛ̀ la ŋɔkɔlɔ-ŋai kélee sui. Ŋɔkɔlɔ-ŋai su mɛni-ŋa da-ni díkaa naa díŋa kâai kpanaŋɔɔ̂i nyíi-ŋai diai dífa mɛni ŋá kàai, da gili-tama-ƃelai, da dípene a díkpɔɔ̂i-su-kara, yɛ̂ɛ berei da gɛ̀ la a Ŋ̀âla-kɔlɔ kpéli-ŋai.

Piɛrə veelɛ 3:16 Referans Kwoze

Maafîu 15:6

A kɛ tii, mąą nu hvo kpɔnmąą tɛɛ mɛ̨nį ɓa gaa nuą pɔ. Pələ ɓə ka kɛ Yálá laawoo mąą pənəi la a ka wɔ huwula mɛ̨nįɠaai, ka hvilɛŋąą bulu kaa gɛ.

Hebreu 5:11

Yii hvilɛn na mɛ̨nįɠaa tii diɛ, mɛ̨nįɠaa kaa laa yii mąąnɛ̨ɛ̨ ku mo, kɛlaa ɉukulɔ laa ɓə nwalaa, mąąhɔlɔɓo, ká wɔɔ mɛ̨nį kpaɠala kaa laa aa wala.

Piɛrə veelɛ 2:14

Wɛli hon nɛ̨ą ɓə di kaa bɔ diɛ di kaa, nɛ̨ŋɛ̨n ɉəɠɛɛ hva di hviikpɛɛ, nuąi hvaŋą hvo di yəi, diɛ ɓə da too di mɛ̨i. Hulu hɛn Ɉɔlɔɓoɔ mąą gbana laa ɓə gaa di yəi. Yálá nwɔ nɛ̨ŋɛ̨nnaa kaa di mɛ̨i.

Zĩi 1:8

ɛlɛɛ, hvo laa li gɛ-mɛ̨nį lɔpee ta la, yili pulu, tɔɔ kpąą laa hvo ɲəi.

Filipə 3:19

Di kaa di kpɔɔ nwun na pilii, mąąhɔlɔɓo, di wɔ Yálá ɓaa di kolon. Mɛ̨nįi a di nwumɛ̨, ya ɓə da di kwəinɛ̨ɛ̨ ɉu, ɛlɛɛ, di wɔ kiliŋąhiɛ ka lɔ ɲɛnɛ̨ɛ̨ ŋɛ̨i hu hɛnŋąa diɛ.

Ɉeremi 23:36

Kɛlaa, ka hvo kɛa Yai-Laa nwɔ tiɛ̨i mąą mɛ̨nį ta ɓo. Diɲɛ kaa pai kɛi a ka kəlee tɛi tɛi ka hvaa woo. Mąąhɔlɔɓo, ka kɛ Yai-Laa Mɛ̨nį Kəlee ŋą Hééɓomun ku wɔ Yálái, yaai gaa Yálá hvulú vaa woo mąąhvaalən ɉii.

Piɛrə dɔlɔɔ 2:8

gaa nwɔ̨nɔ̨ a nu kɔwɔ tuwɔ kwɛnį, a kwɛni kpuwui a nu too. Da di kɔ́wɔ tuwɔi mą, mąąhɔlɔɓo, di hvo gɛ li di hvo laa Yálá laa woo la, ɛlɛɛ, yili ɓə kɛ naa di tɔwɔ.

Maafîu 22:29

Jesus ə di woo ŋąąpənə yɛ diɛ: «Ka káá ka kpɔɔ ɓowoi, mąąhɔlɔɓo, ka hvo Yálá laawoo hɛɓɛ́ kɔ́lɔn, ə mą kɛ Yálá nwɔ huwalawala.

Habakukə 1:4

Nuą di hva tɔ́n mąąwiɛ, nuą di hva kiti tee a ɉaŋąą. Nwąnąlɔɔ nuą ɓə da tɛ̨ą hɔlɔɓo nu haŋąąɠaa mɛ̨i; kiti tee a hvulu.

Mąątɛ̨nɛ̨ 56:5

Yálá ɓə nwɔ́ mąątɛ̨nɛ̨ woo a həli mą, Yálá ɓə gílitɔɔ mą, vá kɛa ɲɔw; lə kpɔ ɓə nu kan a pɛli gɛi a ɲą́ą́.

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.

Piɛrə veelɛ 2:1

Tɔlɔɔ tɔlɔɔ, lɛɛ loloɓo nuą di kɛ Yálá nwɔ nuą lɔwai; kaa kpɛli, lɛɛ kalan gɛ nuą kaa pai kɛi ka lɔwai. Di kaa pai lɛɛ kalan bələ tamąą lɔi ka lɔwai, ə lɛɛ, diɛ lənə di Nwun Nąmu Jesus ɓa, yii di nwun mąąɓo, yili pulu, diɛ nwun napili mąą kpuɔ di kpɔɔ ɓa.

Maafîu 15:3

Jesus yɛ diɛ: «Kaa kpɛli, lə mɛ̨nį ɓa ka kɛ Yálá nwɔ tɔ́n kalaɠalai a ka nąnni di wɔ huwula mɛ̨nįɠaa?

Piɛrə dɔlɔɔ 1:1

Piɛrə, Jesus Kristə ŋą kɛla, gáá ɉɛɓɛ́i ŋɛ̨i tɛɛi nuąi daa di həɠə ɉu, diɛi di kaa nwɛ̨ą lɔiɠaa hu, diɛ ɓo: Pɔntə, Galatə, Kapadosə, Asi da Bitini,

Tɔɔɓɛlaa dɔlɔɔ 10:1

Salomɔn laa tɛ pələ, da Yai-Laa nwɔ mąąwiɛ nwɔ kɛ pələ mɛ̨i, dɔɔ nɛ̨ɛ̨nui ŋɛ̨i kɛ Saba ə bələ mąn; Nɛ̨ɛ̨nui tii ə pa Salomɔn hukɔɔn ɉii a hanwon ɉikpinɛ̨ɛ̨ɠaa.

Dutɛrɔnome 16:19

Mąą hvo nɛ̨ɛ̨li, ka hvo tɛ̨ąą mɛ̨nį pili ɉu, ka hvo tɔɔ hulu mun da pulu. Ka hvə ka yee hee nɔ gwəi hɛn mu. Mąąhɔlɔɓo, nɔ gwəi hɛn a mɛ̨nį kɔ́lɔn nuą ɲɛ̨ipu, yɛ tələnmomun nwɔ tɛ̨ąą mąą mɛ̨nį pili ɉu.

Lɛɛ gbɔwɔ ɓa 23:6

«‹Hvó mąąwɛlimun vulu kiti hu.

Lɛɛ gbɔwɔ ɓa 23:2

Hvó hvilɛn mɛ̨nį ɲɔ̨n gɛ nuą kpulu pulu. Hvo ə́ laa too kiti mɛ̨nį hu, nu kpului tɛ̨ą hvo bɔ, hvo tɔɔ di pulu.

Zɛnɛse 49:4

Ə́ kaa yɛ ya-ɠilin. Kɛlaa, ə mą kɛ tii, nupɔlɔlaa hva lɛɛ ə́ yəi. Mąąhɔlɔɓo, yáá ə́ nąn mɛlɛkpɛɛ mą; ə́ laa mɛ̨nį ɓa a nɛ̨́ą ɲə́i gbin ŋą.

Piɛrə veelɛ 3:2

Gáá bɔ ka ka kiliŋąhiɛ Yálá kwəi mɛ̨nį hukulɔ nuą woo ɓa, da gu Ną́mu Jesus Kristə nwɔ liɛwooɠaa diɛ, yiiɠaai Jesus nwɔ tiɓo kə nuąi di ka kalan na.

Piɛrə veelɛ 3:14

Yili ɓə gaa mą:, nwɛ́li kɛ mąą nuą, gwa kɛi mąąkpɔn ti kɛ, ka ka ŋąą wala, ə gɛ, a pa, ə ka káá liilaa hu, hɔn nɔpee ta hvo kɛ kaa.