Piɛrə veelɛ 2:9 - Yálá laawoo hɛɓɛ (dc)

⁹ Pələi nuą di kanąn ŋąą Ną́mu Yálá ɓa a di kulɔ la hukɔɔn mɛ̨nį hu, ə bələ kɔ́lɔn. Pələi nwɔ̨nɔ̨ mąąnɛ̨ɛ̨ ə mɛ̨nį ɲɔ̨n gɛ nuą hon na, yɛ pa di hutɔɔ kiti teei lɔwai, ə bələ kɔ́lɔn.

Yálá laawoo hɛɓɛ

⁹ Pələi nuą di kanąn ŋąą Ną́mu Yálá ɓa a di kulɔ la hukɔɔn mɛ̨nį hu, ə bələ kɔ́lɔn. Pələi nwɔ̨nɔ̨ mąąnɛ̨ɛ̨ ə mɛ̨nį ɲɔ̨n gɛ nuą hon na, yɛ pa di hutɔɔ kiti teei lɔwai, ə bələ kɔ́lɔn.

Bible

⁹ Ǹyaŋ à kɛ̀ Kúnuu-namui è nyíŋi kélee kɛ̀, gɛ̀ ní è gɔ́lɔŋ berei a pɔ̂ri Ŋ̀âla-ƃelai kula-yeei kɛ̂i la su-kɔɔŋ su é diai kɛ́ tɔŋ-kpɛ́-maa mu nyíi-ŋai dífe a tɔ̃yâ-ƃelai, é lɛ̀ɛ la zu mɛni-ŋa tée-tãi é seri,

Piɛrə veelɛ 2:9 Referans Kwoze

Korɛntə dɔlɔɔ 10:13

Ɲąąhɛn mɛ̨nįɠaai həli káá, bɛliɛi lɔ nu kanma, Yálá a kulɔ nwoo ɓa, hvo pai nɛɛi laa, di hvo ká ɲąąhɛn, hvo tɛɛ ká hvaŋą ɓa. Ɲąąhɛn mɛ̨nį a həli káá, a ká kulɔ ɉu pələ lɛ káá, a hvaŋą tɛɛ ká pɔ, káá pɛli mu.

M̀ɛni-lɛɛi 3:10

Gbala ə tɔɔ, yáá ə́ yee kąnąn náá woo ɓa, a hvaŋąlɔ laa, ɲą́ą́ gbɛlimąn, gáá pai ɲéé kɛi yɛ́ a ɲąąhɛn ɲələɠaai pai həlii yɛnɛ̨ɛ̨ kəlee ɓa, ɛlɛɛ, yɛ lɔi mɛ̨i heeɓo nuą ɲąąhɛn.

Timote veelɛ 3:12

Ɛlɛɛ mun, nuąi da di wɔ yɛnɛ̨ɛ̨ Yálá yee kɔnmą Jesus Kristə hu, diɛ ɓə da di laanɔ̨nwɔ̨ɓo.

Piɛrə veelɛ 3:7

Yálá lawoo tɔ̨nɔ̨i ti ɓə mo yɛ diɛ: Yiihu, yələkɔlɔn da lɔi ŋɛ̨i, nwɔ̨n gaa pai di kələn ɉi. Yálá aa ɲee kɛ diɛ, ə lɛɛ la ɉu, volói gaa pai mɛ̨nį ɲɔ̨n gɛ nuą kiti teei la, yɛ ɉəli.

Hanwon 16:4

Yai-Laa ə mɛ̨nį kəlee kɛ mɛ̨nį nwun gɛ mą. Ə mą kɛ, nwąnąlɔmun mə, ə bɛli mąąwɛli yələ mąą mɛ̨nį ɓa.

Zôo 5:19

A ə́ kulɔ mɛ̨nį ɲɔ̨n gəlee hu gee mɛ̨i mɛ̨ida, mɛ̨ihveelɛ naa, mɛ̨nį ɲɔ̨n ɲee hva kɛa pɛli yɛ́.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Piɛrə veelɛ 2:4

Akɛ malakaɠaa ŋɛ̨i hɔn ɲɔ̨n gɛ, Yálá hvo di ɲɛ̨i mąą wɛli kaa, ə di pili kpinį hu, lɔwa kpon gweaa hu ɉahanąmą, di ɓo laa diɛ kiti teei lɔwai mąą kpɔn.

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Mąątɛ̨nɛ̨ 4:3

Káái a nu-kanŋąą, ka kili ɲą kaa pai lɛɛi a bɛlɛɛ, káá mɛlɛtoo, ə lɛɛ ɉu, mįnɛ̨ lɔwai ə həli? Kaa kpɛli-kpɛli mɛ̨nįɠaa wɛlilakɛ lɔ, ka hvilɛnŋąą lɔ lɛɛ kɛɛ pulu!

Mąątɛ̨nɛ̨ 32:6

Bələ ɓə kwəi kwələmun a Ə́ hvɛli la, a ɲələi ka yáá ka kwiɛn na, ə mą kɛ, yá kpɛa-kpɛaa di mąn hvɛɛ, di hva həli mą.

Zôo 21:30

Mɛ̨nį ɲąąnwąnąą yələ, mɛ̨nį ɲɔ̨n gɛ mun maahvaa a lɛɛ, Yálá nwɔ líiɲąnwąną yələ, di ɓo di kwəinɛ̨ɛ̨ hu.

Mąątɛ̨nɛ̨ 12:1

Nwələ ɲɛ̨itɔwɔmun, gwɛnįn, ɲɛli ə ɓo ɲą mɛ̨ihaaɓa, Davidə nwɔ wələ.

Mąątɛ̨nɛ̨ 37:33

Kɛlaa, Yai-Laa hva nɛɛ laa hvo too di yee ŋą; a li kiti haɠa ɓa, hva nɛɛ laa di hvo giti kala mą.

Hanwon 12:13

Nu paa ɓaalə kaa kɛɛ kala nuą nɛn mu, Kɛlaa, tələnmomun hva lɛɛ kwəi pili mąą hu.

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Maafîu 10:15

Gáá moi kaa a tɛ̨ą; gití tee lɔwai, bɛlɛi tii mu nuą, a wala kɛti, daa tii hu nuą, di wɔ kitii a tinąą walawala ə tɛɛ Sodomə da Gomorə di wɛi ɓa.»

Zûu 1:6

Ɛlɛɛ, ka kili kaa ɉu kaa, malakaɠaai Yálá ə tɔɔi kɛnɛ̨ tɛɛ di pɔ, di lənə mą; di həɠə Yálá-taa ɓɛi kɛ a di heei kpɔ-kpɔ. Yili ɓə gɛ Yálá ə di yili a yɔwɔn, ə di pili kpinį hu, di lɛɛ laa diɛ giti kpəli tee yələ mąąkpɔn.

Samuɛlə dɔlɔɔ 29:10

A kɛ yili, kaa tii, ka humo tínąą, ka ə́ Nąmu yee pɔ nuą, ka pa ɓɛ, ə lɛɛ, ka li ɓɛi ŋą́ ka hee laa. Ka humo ka ká muhəɠə, yələ a ɓɔ lɔ, ka li.»