Piɛrə veelɛ 2:8 - Yálá laawoo hɛɓɛ (dc)

⁸ Mąąhɔlɔɓo, Lɔtə ti kɛ a dəlimoɔ, da diɛni ɓə kɛ kɛɛnąą tɔ̨nɔ̨, yɛ di kɛ mɛ̨nį ɲɔ̨nŋąa ti naa kaa, yɛ bələ mɛ̨n, yili yɛ nii kələn gwəi.

Yálá laawoo hɛɓɛ

⁸ Mąąhɔlɔɓo, Lɔtə ti kɛ a dəlimoɔ, da diɛni ɓə kɛ kɛɛnąą tɔ̨nɔ̨, yɛ di kɛ mɛ̨nį ɲɔ̨nŋąa ti naa kaa, yɛ bələ mɛ̨n, yili yɛ nii kələn gwəi.

Bible

⁸ Kpɛ́ni fêi, mɛnii dɔ̃yâ-nuui ŋí è gàa, é mɛni tãi è kɛ̀ la dísamai, ǹíi è ŋwàna ŋɔtɔ̃yâ-mɔleŋ su a ɣele kélee díŋwana-lɔ̂ɔ-tuai maa-mɛni ma.

Piɛrə veelɛ 2:8 Referans Kwoze

Mąątɛ̨nɛ̨ 119:158

Ŋą́ hvulunuą kaa, da ɓaɠi lii tɛ a ɲą́ą́, mąąhɔlɔɓo, mɛ̨nįɠaai ə́ mo di hvo bɔ mɛ̨nį kɛi.

Izikiɛ 9:4

Yai-Laa yɛ mą: «'Hvilən daa pɔ, Ɉerusalɛmə taa pɔ; nuąi kpɔ ɲįŋɛ̨i, diɛ di woolaa dúwɔ́ pələ ɲɔ̨nŋąąi nuą kaa gulɔi daa kwəi mąą mɛ̨nį ɓa, ə́ ə́ pɔɔ kɛ mąą nuą tɔwɔla.»

Mąątɛ̨nɛ̨ 119:136

Ɲɛ̨́iyá kpɔ kpɔɔ kaa tooi mą́ą́, mąąhɔlɔɓo, di hvo ə́ wɔ tɔn nwooi pɔ yíiɓoi.

Hanwon 25:26

Tələnmomun a too nwąnąlɔmun ɲɛ̨i ɓa, gaa yɛ da yá a nunu nwun gulɔi pələ, yɛ yálɔwa hu ya kalaa.

Zĩi 5:16

'Ká hvaa ka wɔ nɛ̨ŋɛ̨nŋaa ɓa ká kee ɲɛ̨i ɓa, 'ká Yálá hvɛli ká kee ɓa, ə gɛ, ká kɔ́lɔi ə pono. Tələnmomun ŋą hvɛli woo kaa a ɲɔ̨n ɉali walawala.

Timote dɔlɔɔ 1:9

'Ká gu mɛ̨nįi ŋɛ̨i ɲąą kaa kpɔ tai a neelee: Dɔn hvə tɔɔ li tələnmomun mąą mɛ̨nį ɓa, kɛlaa gaa a, kulɔ nwoo mu laa kɛ nuą da kwɛitee nua, nu ɲɔ̨nwɔ̨ɔ̨ɠaa da nɛ̨ŋɛ̨n ɉəɠə nuą, nuąi di hva Yálá ɓɛlɛlɔ, ə mą kɛ, hɛn kpɔ Yálá laa kaa mą, nuąi da di nąnni paa, da di leeni, nu paa nuą;

Hanwon 28:12

Tələnmo nuą da tɔɔlaa həɠə, nwun na nɛ̨ɛ̨ a kɛ nu kəlee ɓa, Kɛlaa nwąnąlɔ nuą da ɉəɠə, nu kəlee da di nwun mąą kilɛi kwɛli.

Mąątɛ̨nɛ̨ 119:139

Níi ə kɛi kələn gwə́i, ɉú yɛ kpɛlin, a ɲówóɠaa kaai ŋį́ kɛi mo, diɛ həɠə ə́ wooɠaa pulu.

Izikiɛ 9:6

Ə kɛ a hulɔngolo, ə kɛ a ląŋąlon, ə kɛ a halakpɛla, lɛapɛlɛɛ mąn, nɛ̨ąą mąn; ka gəlee paa, ə lɛɛ ɉu, di kpɛɛ kpɔ tɛ̨ɛ̨ tɛ̨ɛ̨. Kɛlaa, nui lɔpee, nui ɲɛ̨i pɔɔ a kɛ mą, 'ká hvo tunwɔ̨n mą. 'Ká gbala tɔɔ Yálá hee pɛlɛ́ ɓa. Di gbala tɔɔ kɛa ɉulɔngoloɠaai ti kɛ Yálá hee pɛlɛ́ laaləi diɛ.»

Zɛnɛse 13:13

Sodomə taai tii hu nuą di kɛi túwɔ́ pələ ɲɔ̨n gɛ, diɛ Yai-Laa lii kələn gwəi.

Hebreu 11:4

Laa na laa háálai ɓə gɛ, Abɛlə yɛ haláá lɛlɛɛ kulɔ la Yálá ɓa, ə tɛɛ la Kain nwɛi ɓa. Laa na laa háálai, di mąą kɛla hvaa lɛlɛɛ ɓo, diɛ mą: Dələnmoɔi kɛ. Mąąhɔlɔɓo, Yálá kpinįi ə ɲee hee nwɔ haláá hɛn mu. Abɛlə nwɔ laa na laa mąą mɛ̨nį ɓa, bələi mąn, aa haa la, a kɛ lɔ nii hvaai.