Piɛrə veelɛ 2:6 - Yálá laawoo hɛɓɛ (dc)

⁶ Yili pulu, Yálá ə Sɔdomə taa da Gomorə taa di hvɛla kɛ a nwɔ̨n, yii ə ɉu nuą kəlee nwun napili, di wɔ kili walawala laa mąą mɛ̨nį ɓa. Yálá ə yili kɛ ti, ə gɛ, ə nɛ mɛ̨nį ɲɔ̨n gɛ nuą diɛ, a mɛ̨nįi pai kɛi a diɛ, mąą pɔɔ kɔ́ɔn.

Yálá laawoo hɛɓɛ

⁶ Yili pulu, Yálá ə Sɔdomə taa da Gomorə taa di hvɛla kɛ a nwɔ̨n, yii ə ɉu nuą kəlee nwun napili, di wɔ kili walawala laa mąą mɛ̨nį ɓa. Yálá ə yili kɛ ti, ə gɛ, ə nɛ mɛ̨nį ɲɔ̨n gɛ nuą diɛ, a mɛ̨nįi pai kɛi a diɛ, mąą pɔɔ kɔ́ɔn.

Bible

⁶ È Sodɔŋ-taai da Gomora-taai pène a luu é dímɛnii ŋá tée a gɛɛ dísu é kara a gɛɛ é kɛ́ a mɛni-kɔɔŋ-maa diai mɛni ma kɛ̀ pâi kɛ̂i a diai dífe Ɣâla-mɛni wɛ̂linii.

Piɛrə veelɛ 2:6 Referans Kwoze

Zûu 1:7

Yii ɓaa Sodomə da Gomorə da di kwɛlɛ taaɠaa, diɛi wɔlɔ kɛi túwɔ́ pələ ɲɔ̨n gulɔ gee pɔ. Diɛ wɛli ɲɔ̨nwɔ̨ɔ̨ kɛ a diɛ gee, hinąą diɛ láá a di gee, diɛ láá a huwɔɠaa. Nuą tii kaa háákələi nwɔ̨n ɉu yii hva luwun. Mɔ̨nɔ̨i tii di kaa mįi, yili kaa a mɛ̨nį kɔ́ɔn mąą da kili lɛɛ ɉu nu kəlee mąą mɛ̨nį ɓa.

Dutɛrɔnome 29:23

Nąąlɔwai, hį́i kəlee kaa pai kɛi diɛ: ‹Lə ɓə kɛ yaai, Yai-Laa ə nɔi ŋɛ̨i hon bələ kɛ ŋɛ̨i-oo? Niiholi kɛnɛ̨i ŋɛ̨i ə gulɔ, nwun maa a lə?›

Lonon mo 26:10

Lɔi laa ə ɓo di yɛɛ ɉu, da Kore ni di kpulu nwun na yɛ pili, ɛlɛɛ nwɔ̨nɔ̨ yɛ nu nwun veelɛ yee lɔɔli hu kala. Diɛ kɛ la a nuąi da mɛ̨nį kɔ́ɔn diɛ.

Korɛntə dɔlɔɔ 10:11

Mɛ̨nįɠaai kpɔ tii di gɛ, di yiliɠaai pɛ̨ɛ̨, ə gɛ, ə kɛ a mɛ̨nį kɔɔn mąą, di bɛ̨ɛ̨, gu mąąkwɛli mɛ̨nį ɓa, guɔi gu kaa lɛɠɛi ɲɛ̨nɛ̨ɛ̨ ɲąąkpɛɛi lɔwai ŋɛ̨i ɓa.

Sofoni 2:9

Yili ɓə gaa mą, Ɲą́ą́ Yai-Laa Mɛ̨nį Kəlee ŋą Hééɓomun, Israɛlə nwɔ Yálá, nwóó li, yii kpɔ gáá a vúlú, Moabə lɔi kaa kɛi yɛ bələi Sodomə ə kɛ la, ɛlɛɛ, Amɔn lonnii di kɛ yɛ bələi Gomorə ə kɛ la. Nąą ə kɛ a ɲąąlən gbɔlɔ, da kpolo kulɔi, a lɔi pun a yələ kəlee mɛ̨nį. Nwɔ́ nu huwui kpəlii a lɛɛ, a di mąąkpoloon. Nwɔ́ nuąi kulɔ gɔ hu da kwɛlin ɲąąkwɛlɛ.

Ɉeremi 50:40

Gɛ pələ kaa kɛi kpɔlɔɔ yɛ bələi ə kɛ la a Sodomə da Gomorə taaɠaa, da di kwɛlɛ taaɠaa. Nui lɔpee ta hva kɛa hee laa, nu kan da hva kpɛli kɛa vįitɔɔlaa Ɲą́ą́ Yai-Laa Nwóó li!

Azaya 13:19

Babilonə, lɔi ɲɛ̨ilon! Yai a Kalde nuą ɲɛ̨i pɔ̨nɔ̨ hɛn, gaa pai kɛi yɛ Sodomə da Gomorə, diɛi tii Yálá ə di hukala.

Amɔsə 4:11

Ną́mu Yai-Laa yɛ nwɔ̨nɔ̨ diɛ: Mɛ̨nii ɲąąnwąnąą ɲą́ą́ Yálá ŋį́ naa Sodomə taa da Gomorə taa diɛ, yili ɲɔ̨nwɔ̨mąn mə ŋį́ naa kaa. Kɛlaa, ŋį́ ka nwun mąąɓo, ka kɛ yɛ kwɛituwɔ tɔ̨nɔ̨ kulaa kpaɠa nwɔ̨n ɉu. Kɛlaa, pələi mąn ŋį́ gɛ la tii, ka hvo gɛ li, ka hvo pa bɔ́. Yai-Laa woo li.

Osia 11:8

Ŋą́ ə́ hon bələ kɛ ləi Ɛfraimə, Ə́ hu kala ɓə mɔ̨ɔ̨ ŋą́ mo, Israɛlə? Ŋą́ ə́ hukala pələ kɛ yɛ Adma taa, yɛ bələi ŋą́ Sevoimə taa kala la? Yáá gwə́i pili mą́ą́! Ə́ ɲɛ̨imąąwɛli aa ɉón!

Zɛnɛse 19:28

Ɓɛlɔwai ə ɲɛ̨i hee la Sodomə taa da Gomorə taa di mɛ̨i pələ, da di kwɛlɛ lɔiɠaa kəlee, ə lulu kɛnɛ̨ ta kaa yɛ tɛ kpɔ yɛ tíi kɛnɛ̨ kələn nulu.

Zûu 1:15

ə gɛ Ə hɛn gəlee kiti tee, ɛlɛɛ, nuąi di mąąliɓi a nɛ̨ŋɛ̨n, di wɔ túwɔ́ pələ ɲɔ̨nŋąąi di gɛ, di wɔ kulɔ nwoo mu laa hu, Ə gəlee kiti tee.

Azaya 1:9

Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Maafîu 10:15

Gáá moi kaa a tɛ̨ą; gití tee lɔwai, bɛlɛi tii mu nuą, a wala kɛti, daa tii hu nuą, di wɔ kitii a tinąą walawala ə tɛɛ Sodomə da Gomorə di wɛi ɓa.»

Maafîu 11:23

Kafarnaumə taa yɛ́ kpɛli, gaa ə́ kwəi di kaa pai ə́ tɛnɛ̨i mɔ̨ɔ̨, di ə́ tɛ yələi? Kpaa-o! Di kaa pai ə́ ɲɛ̨i hvalai ə́ yɛɛ ŋąmuą taa. Mąąhɔlɔɓo, gbalo mɛ̨nįɠaai kɛ ə́ hu, akɛ tii kɛ Sodomə, yɛ mą gaa ni yɛnɛ̨ɛ̨ yiihu.

Lomaŋ 9:29

Yili ɓə nwɔ̨nɔ̨ Esai ə nɛɛ kwɛaa la ə mo, yɛ kɛ: «Akɛ kɛ, Huwalawala Kəlee Nąmu Yai-Laa, hvo ku kpəli wolo lɛɛ kɛ, yɛ kwə́ li kɛ yɛ, Sodomə, ku mąą mɛ̨nį ə kɛ yɛ Gomorə.»

Hebreu 4:11

'Ká gu gu mąą hulɔ kani, gu lɔ vįitɔɔ tii hu, ə gɛ, gili walawala lii tii, hvo pa nu ta too.