Piɛrə veelɛ 2:10 - Yálá laawoo hɛɓɛ (dc)

¹⁰ Nuąi Yálá kaa pai di tooi gaho ŋą, diɛ ɓaa: Nuąi di hvilɛn ŋąą i di kpɔɔ liiɓa pili diɛ gɛ, diɛ Yálá nwɔ kɛnɛ̨ laa ɓɛlɛkpɛɛ ma. Nɛɛ kalan gɛ nuą ŋɛ̨i ŋį́ di mąą mɛ̨nį ɓo kaa, di laai di kpɔɔ la, di hva ɲɔw Yálá nwɔ pɛli hɛnŋąa mąąwiaɠaai di kaa yələkɔlɔn ɉu diɛ, diɛ nwɔ̨nɔ̨ di lalan.

Yálá laawoo hɛɓɛ

¹⁰ Nuąi Yálá kaa pai di tooi gaho ŋą, diɛ ɓaa: Nuąi di hvilɛn ŋąą i di kpɔɔ liiɓa pili diɛ gɛ, diɛ Yálá nwɔ kɛnɛ̨ laa ɓɛlɛkpɛɛ ma. Nɛɛ kalan gɛ nuą ŋɛ̨i ŋį́ di mąą mɛ̨nį ɓo kaa, di laai di kpɔɔ la, di hva ɲɔw Yálá nwɔ pɛli hɛnŋąa mąąwiaɠaai di kaa yələkɔlɔn ɉu diɛ, diɛ nwɔ̨nɔ̨ di lalan.

Bible

¹⁰ é téla kɛ́ kpɔ́ a diai da díwoli tɔ̀ɔ tua-pere-nyɔŋ maa-sɛŋ-wɛliɛ ma nyíi a núu kàrai, da diai da díŋɛi nàɣîŋ ǹúu-tuɛ-ƃelai mɛi. Dílii-kpeleɛɛ, díŋuŋ su kpanaŋɔɔ, dífa yao a lóno nyɔ́mɔɔ-kɛɛ é pîlaŋ la Ɣâla ŋɔfólo-laai ma,

Piɛrə veelɛ 2:10 Referans Kwoze

Zûu 1:16

Nɛɛ kalan gɛ nuą tii, mɛ̨nį ta hva di kwəinɛ̨ɛ̨. Di kaa lɔ di woo laa hu, di kpɔwɔ nwɔ kiliŋąhiɛ lɔ ɓə da hiɛ la. Kpɔwɔ ɲąą kɛnɛ̨ wooɠaa kaa di la. Da kɛi nu ta tɔ̨nɔ̨ kulɔ ya lɔ ɓə da mąąwiɛ la.

Zûu 1:10

Nɛɛ kalan gɛ nuą tii, hɛn di hvo gɔlɔn ya ɓə da nalan. Di wɔ mɛ̨nį kɔ́lɔnŋąą kaa yɛ huwɔ, yili ɓə pai di nwun napili.

Zûu 1:18

Di mo kaa diɛ: yɛnɛ̨ɛ̨ ɲąąkpɛɛi lɔwai, nuą kaa pai kɛi yɛ́lɛ́i kaa, di hvilɛn ŋąą di kpɔwɔ liiɓa pulu diɛ gɛ.

Lɛɛ gbɔwɔ ɓa 22:28

«‹Ə́ wɔ hihɛnŋąąi da pɔlɔ, ya da ya kulɔ, hvo dɛɛ haliɠaa pɔ, akɛ ɲą́ą́ hvəi. Ya ə́ lon ɉulɔnu dɔlɔɔ tɛɛ bɔ́.

Piɛrə veelɛ 3:3

Ka ka kili lɛɛ ɉu kaa diɛ: Yɛnɛ̨ɛ̨ ɲąąkpɛɛi lɔwai, nu tamąą kaa pai kɛi túwɔ́i yɛ pələi di kpɔɔ kiliŋąhiɛ kaa la. Ə lɛɛ, diɛ yɛlɛ kulɔ ka hu.

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.

Ifisiɛŋ 5:5

Mąąhɔlɔɓo, ká kili ə́ pu ɉu, yáámun, káá, wɛlikɛ nuą, mąąliɓi túwɔ́ ɓo nuą, hɛn nwɛlilaa yai gaa a kwɛli hvilɛŋąą hali ɓa; mąą nuą di wɔɔ nąą hvo Kristə da Yálá di wɔ tɔɔlaai hu.

Lukə 19:14

Kɛlaa, nwɛli hvo kɛ nwɔ lɔi hu nuą diɛ; di kɛla tɔɔ bulu, diɛ mą: ‹Ku hvo bɔ ɉulɔnui ŋɛ̨i ŋą tɔɔlaa pɔ.›

Hebreu 13:4

Hílɛtai yíi mɛlɛ ə kɛ mą nu kəlee ɲɛ̨i ɓa, ɛlɛɛ, hilɛtai gbin, hvo kɔhɔɓo; mąąhɔlɔɓo, túwɔ́ pələ ɲɔ̨n gulɔ nuą, da wɛlikɛ nuą, Yálá kaa pai di kiti teei.

Taitɔ 1:7

Hvo kɛli, nui a kɛ gbɔn nwun na, yai a Yálá ŋą hɛn gɔwii laai kɛmun, ə kɛ a nui hɔn və mą, hvo kɛ a ɲɛ̨itɛ hvaaɓomun, a liikələn gwəi mun, a lɔɔ kpələmun, a hvaa kɛmun, hvo kɛ a hvulu hɛn gwɛlimun.

Kolosə 3:5

Yili ɓə, mɛ̨nįɠaai ká hu, a yɛnɛ̨ɛ̨ nwɔɔ, 'ká yiliɠaa paa kani, diɛ ɓaa: Wɛlikɛɛ, mąąliɓi túwɔ́, nwumɛ̨ mɛ̨nįɠaa kɛɛ, ɛlɛɛ, da hɛn nwɛli laa, yili yaa kpɛli, gaa a hali kɔ́ɔ.

Korɛntə dɔlɔɔ 6:9

Ka hvo gɔlɔn káá, hulu kɛ nuą, di wɔɔ naa hvo Yálá nwɔ tɔɔlaai hu? Ká hvo ka kpɔwɔ ɓowo yili hu! Ə kɛ a wɛli hon nuą, ə kɛ a nuąi da kwɛli hvilɛn hali ɓa, ə kɛ a wɛlikɛ nuą, ə kɛa nɛ̨ąąi da laa a di kee, ə kɛ a hinąąi da laa a di kee,

Gɛlaɠaa 23:5

Polə ə di woo ŋąapənə yɛ diɛ: «Ną́n nonnii, gíli hvo ti kɛ ɉu, gɛ́ kɛ diɛ: ɉaláá laa həli mun gɛnɛ̨ li. Mąąhɔlɔɓo, bɛ̨ɛ̨i, diɛ: 'Hvó ə́ wɔ lɔi ɲąąwooɓomun nɛ̨ŋɛ̨n naa.»

Ikilisiati 10:20

'Hvó kɛ ə́ kaa tɔɔmun nwɔ tɔɔlaa mąąkulɔi, ə mą kpɛli kɛ ə́ tɔ̨nɔ̨ kɛɛnąą. 'Hvó kɛ ə́ kaa hɛn gɔw nąmu laa ɲɔ̨nwɔ̨ɔ̨ ɓoi, ə́ mą kpɛli kɛ ə́ laa ə́ yəi bɛlɛ́n gbin ɲą. Mąąhɔlɔɓo, nu pɔɔ ɓaa a pələ, ə́ pɔɔ hvaa a gɛlɛ.

Tɛsalonikə dɔlɔɔ 4:7

Yálá hvo kɛ gu təli li gu yee lɔ mɛ̨nį ɓa mąąliɓi túwɔ́ hu, kɛlaa, Ə gu təli mąąhəɠə laa ɓa.

Korɛntə veelɛ 10:3

Bələi mąn ku ka la a nu kanŋaai, kɛlaa ku wɔ kɔ́i ku kaa gɔ́i, ku hvo gɔ́i a nu kili.

Lomaŋ 8:1

Yiihu kɛa, nuąi di kaa Jesus Kristə hu, nwun na pili hvo kɛa diɛ.

Ɉeremi 2:31

Kaai ɓaa háákələi nuą, ka ka wəli tɔɔ Yai-Laa woo ɓa! Yɛ diɛ: «Akɛti, ŋą́ą́ kɛ mɔ̨ɔ̨ a lɔi pun Israɛlə ɓa? Awala kɛ, tii kpinįi lɔi?» Lə ɓə kɛ, yaai nwɔ́ lɔi hu nuą da kɛ kɛi diɛ: «Ɓɛi a nɛɛ kuɔ, naa ɓə ku kaa lii laa? Ku hvo kɛa pai lɛɛi ə́ pulu!»

Mąątɛ̨nɛ̨ 12:4

Ee Yai-Laa! Nu ɓowo nuą tii, nɛ̨n gboloon dai di la, Ə́ bɛlɛ nwoo kpɛa-kpɛa ɓo nɛ̨n tii kəlee ɓa.

Tɔɔɓɛlaa dɔlɔɔ 12:16

Israɛlə nuą kəlee di gaa diɛ tɔɔmun və nwəli tɔɔ li di woo ɓa, nuą di nwoo pulu pənə, diɛ mą: «Lə mɛ̨nį ɓə kwa Davidə ni ku lɔwai? Ku kpɔnmąą hɛn və laa, kwa Ɉɛse lonnii. Israɛlə nuą, nu kəlee ə li ɲəi bɛlɛ́ laaləi, Davidə lon ə́ wɛi, Ə́ ɲɛ̨i lɛɛ kɛa ə́ wɔ pɛ́lɛ́i ɓa.» Israɛlə nuą di li di yəi bɛlɛ́ɠaa mu.

Samia Veerɛi 20:1

Nu kpoloon da ə kɛ laa, diɛ kɛ naa ɓa a: Seva, Bɛnɉamɛn mun da li kɛ, nąn naa ɓa kɛ a: Bikri. Seva ə túlú hvɛɛ, yɛ diɛ: Lə mɛ̨nį ɓə gwa Davidə ni gu lɔwai? Gwa Ɉɛse lonni, gu hvo kpɔnni hɛn da ɓa. Israɛlə nuą, nu kəlee ə li ɲəi bɛlɛ́ laaləi.

Samuɛlə dɔlɔɔ 10:27

Kɛlaa, nu kpoloonŋaa di kɛi kɛ diɛ: «Yii a pɛli gu nwun mąąɓoi ləi?» Di kɛi viiɓo, di hvo mąąpu. Kɛlaa, nwɛi, yili hvo kɛ mą a mɛ̨nį ta.

Lonon mo 15:30

«Kɛlɛɛ, nui a gili a gɛ, ə kɛ a nɔi lon da, ə kɛ a nwɛ̨ąi gaa heeni ka kɔ́wɔ mɛ̨i, yili kaa a Yai-Laa lalan ŋąą. Mąąnɛ̨ɛ̨ di mąą nu lɛɛ dɔ̨nɔ̨ kon ɉu.

Zɛnɛse 49:6

Kɛlaa, və́ too ka pɔ, ka wɔ lɔgilii laa hu. Vá too di pɔ di wɔ ɲąąkpɔnŋąą hu. Mąąhɔlɔɓo, di lii ə holi, di paa ɓo kɛ. Di nwąnąlɔ kulɔ a nįŋɛ̨ɠaa diɛ di tɔɔ-tɔɔɠaa tee diɛ.

Ifisiɛŋ 4:19

Kiliŋąhiɛi tii hvo diɛ, daa di kpɔwɔ kpɛlɛ wɛli mɛ̨nį ɓa, di yee ə ɓo la tii mąąliɓi mɛ̨nį lɔpee gəlee hu, a kɛɛ kala pələ.

Timote veelɛ 3:2

Nąąlɔwai, nu kanŋaa da kɛ a kunwuɔ̨ nuą, a wali mɛlaa, di huɲąŋą kɛnɛ̨ɛ̨, di ɲɛ̨itɛɛ, diɛ Yálá lalan, di kwɛli tiɛ di kaa-nuą diɛ, di hvo mɛ̨inɛ̨ɛ̨ kɔlɔn, di hva Yálá mɛ̨nį mɛlɛ kɛ mą,

Lukə 11:25

A pənə a pa, a gɛɛnąą tii kaa yɛ, pɛlɛ yii gaa a vowolo, mu kəlɛɛ, nąą pɛliɛ a nɛlɛɛ.