Piɛrə veelɛ 2:1 - Yálá laawoo hɛɓɛ (dc)

¹ Tɔlɔɔ tɔlɔɔ, lɛɛ loloɓo nuą di kɛ Yálá nwɔ nuą lɔwai; kaa kpɛli, lɛɛ kalan gɛ nuą kaa pai kɛi ka lɔwai. Di kaa pai lɛɛ kalan bələ tamąą lɔi ka lɔwai, ə lɛɛ, diɛ lənə di Nwun Nąmu Jesus ɓa, yii di nwun mąąɓo, yili pulu, diɛ nwun napili mąą kpuɔ di kpɔɔ ɓa.

Yálá laawoo hɛɓɛ

¹ Tɔlɔɔ tɔlɔɔ, lɛɛ loloɓo nuą di kɛ Yálá nwɔ nuą lɔwai; kaa kpɛli, lɛɛ kalan gɛ nuą kaa pai kɛi ka lɔwai. Di kaa pai lɛɛ kalan bələ tamąą lɔi ka lɔwai, ə lɛɛ, diɛ lənə di Nwun Nąmu Jesus ɓa, yii di nwun mąąɓo, yili pulu, diɛ nwun napili mąą kpuɔ di kpɔɔ ɓa.

Bible

¹ Ɣâla maa-wôya lono-kɛ́-ƃela dí dímu siɣe máŋ ǹûai sama, yɛ̂ɛ berei nɔ woya-sɛŋ lɛ-ƃela da pâi kɛ̂i la kásama, nyíi-ŋai pâi lɛ́ɛ-sɛŋ lɛ̂i a loo-pere, nyíi a pâ a su-karai. Da Mɛi-nuui maa-sia tòo máŋ nyíi díyài, díkɛ pâ a su-kara a maa félaa dia kpîŋ dîa.

Piɛrə veelɛ 2:1 Referans Kwoze

Maafîu 7:15

«'Ka ka kpɔɔ mɛ̨i kaa, nuąi da di kpɔɔ kɛ a Yálá kwəi mɛ̨nį hukulɔ nuą di mąą mɛ̨nį ɓa. Mąąhɔlɔɓo, da lɔ ɓɛlaa kɔ́lɔ hu, diɛ pa ka pɔ. Kaa di kaa yɛ ɓɛlaaɠaa, a mɛ̨nį gɛ kwɛ́li hvulúɠaa li.

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.

Piɛrə veelɛ 2:3

Ə lɛɛ, di wɔ hɛn nwɛli laa mąą mɛ̨nį ɓa, di kaa pai kɛi tooi ka mɛ̨i, diɛ hɛn gulɔ ka yəi a lɛɛ woo, kɛlaa, di kiti tee mun gɛ pələ pɛliɛi ə di kiti tee, ə lɛɛ, di wɔ nwun napili hu hvo kwɛa li.

Timote veelɛ 4:3

Mąąhɔlɔɓo, yələ ta kaa pai ɉəli, nuą wəli kaa pai walawalai, di hva kɛa di wəli tɔɔ tɛ̨ą woo hu həɠəənŋąą ɓa. Kɛlaa, di kaa pai hvilɛn ɉii di kpɔwɔ liiɓa mɛ̨nįɠaa pulu, di wəlii yɛ di təɠən, diɛ di liiɓa mąąkwɛli kɛ nuą tamąą həɠə di bu di kwɛlɛ.

Maafîu 24:11

Lɛɛ kɛla tamąą kaa pai di muhəɠəi diɛ nu tamąą ɓowo.

Galatə 2:4

bələi mąn nɛɛ kalan nɛa tii di kɛ la bɔ. Di pa ku lɔwai yɛ nɛ̨nɛ̨ɛ̨n-naa kɛ nuą; di kɛ bɔ di gaa, bələi ku kaa ku wɔɔ lɛɛgbɔwɔ ɓa laa hon ɉii la, a yai həɠə Jesus Kristə pɔ pələ, ə gɛ, di ku lɔ di yee mu.

Korɛntə dɔlɔɔ 11:19

Hvo kɛli kpɔ yili ə kɛ tii, ə gɛ, gu pɛli huwalawala nuą kɔlɔn ɉii ká lɔwai ɲąąhɛn mɛ̨nįɠaa hu.

Zɔ̂ŋ Maa-ŋuŋ 4:1

Nwɛ́likɛmąą nuą, 'ká hvo laa mąąkwɛli kɛ nuą kəlee woo la, kɛlaa, 'ká di mąąkpɛɛ, ə gɛ, ká gaa, akɛ ə həɠə Yálá pɔ; mąąhɔlɔɓo, lɛɛ nuą tamąą daa di kpɔwɔ kɛ a Yálá kwəi mɛ̨nį hukulɔ nuą daa taɠa-taɠa yɛnɛ̨ɛ̨ nąą kəlee.

Kolosə 2:8

'Ká tɔɔ a ká nwąną, nu ta hvo ká hon a ŋą gbąnąlaa woo, a dɔwɔ-tɔwɔ nuą yíí pələ kulaai gaa a ɓowo woo, yɛ hvilɛn na yɛnɛ̨ɛ̨ mɛ̨nįɠaa diɛ lɔ, hvo a Kristə mąą mɛ̨nį.

Taitɔ 3:10

Nui a kɛ gbɔn ɉu nu ɓɛlaɓoi, niɛwoo kɛ gee mɛ̨i hveelɛ, awala ə́ woo mɛ̨n, ə́ gulɔ gbɔn ɉu.

Taitɔ 1:11

'Hvo kɛli, ə́ di laa kpulu. Da kɛ pɛlɛ́ tamąą mu kɛi wulu-wulwu, diɛ nuą mąąkwɛli, əgɛ, di hvulu hɛn ɉɔlɔɓo, yili yaan mąą hvo nɛ̨ɛ̨li.

Filipə 3:19

Di kaa di kpɔɔ nwun na pilii, mąąhɔlɔɓo, di wɔ Yálá ɓaa di kolon. Mɛ̨nįi a di nwumɛ̨, ya ɓə da di kwəinɛ̨ɛ̨ ɉu, ɛlɛɛ, di wɔ kiliŋąhiɛ ka lɔ ɲɛnɛ̨ɛ̨ ŋɛ̨i hu hɛnŋąa diɛ.

Korɛntə dɔlɔɔ 6:20

Nu ta ɓə ka nwun mąąɓo a ɉɔ̨nwɔ̨ kɛnɛ̨. 'Ká Yálá mąąwiɛ kan a ka kɔlɔ.

Markə 13:22

Mąąhɔlɔɓo, lɛɛ Kristə tamąą, da lɛɛ kɛla tamąąɠaa di kaa pai kɛi kpalo mɛ̨nįɠaa, da kwəi pili mąą mɛ̨nįɠaa kɛi, akɛ di yee a lɔ, nuąi Yálá aa di həɠɛɛ ɉu, di kili ɲąąpɛlɛ.

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą

M̀ɛni-lɛɛi 2:9

Ŋą́ ə́ wɔ mɔ̨nɔ̨i kɔlɔn, ɛlɛɛ, da yɛ́ yeehvowolo laa, kɛlaa hɛn nąmu ɓaa a yɛ́, ɛlɛɛ, naa-mąąhiɛ nuąi da di kpɔwɔ kɛ a Ɉuifəɠaa, ɛlɛɛ yaan, di hvo la, di kaa a ɓilihi hvɛli pɛlɛ́.

Hebreu 10:29

Gu hvomun kɛ, nui a Yálá lon mąą mɛ̨nį too gɔwɔ pɔ, mįnɛ̨ nįnɛ̨ ɲąmąi ŋɛ̨i pu, nɛ̨ŋɛ̨n nwaa mɛ̨nį ɓa, ə yili hviiɓo, ə ɓáá kulɔ nɛ̨ɛ̨laai a həɠə Kili-Mąąhəɠɛɛ pɔ, mą, ká wɔɔ kwəi, ŋą mɔ̨nɔ̨i hva kɛnɛ̨ kpɔ ə tɛɛ gɛi ɓa?

Kolosə 2:18

'Ká hvo ká kpɔwɔ lɛɛ laa, ɲɛ̨imąą-nɛ̨ɛ̨ nuą hvo ká ɲąąnɛ̨nɛ̨n, di hvo ká ɲɛ̨i tínɛ̨n di pɔ pələ: A kalan gɛ pələ huwu ta, a malakaɠaa hvɛli pələ huwu ta; da lɔ di kpɔɔ kiliŋąhiɛ hu, di wɔ mɛ̨nį kɔlɔn bələ yɛ di hu hvɛɛ a ɓowo pələ.

Ifisiɛŋ 4:14

A kɛ ti, gu hva kɛa kɛ yɛ lon ɲii gɛi homa, yɛ nui nuą di wɔ gbana lawoo a mowo, yɛ dɔɔ takpa-takpa, yɛ ɉəɠə tɛ̨ą pələ mɛ̨i.

Maafîu 24:24

Mąąhɔlɔɓo, lɛɛ kɛla tamąą kaa pai pai, da lɛɛ nuą tamąą diɛ kɛ diɛ: Nwun mąąɓomun mąą a ɲą́ą́. Ɛlɛɛ diɛ kpalo mɛ̨nį tamąą kɛ, da kwəi pili mąą mɛ̨nįɠaa, ə gɛ, di nuą ɓowo, a kɛ kɛ di yee a pɛli, dəli kɛ Yálá nwɔ nu mąąhəɠɛɛɠaai diɛ kpɛli di ɓowo.

Maafîu 10:33

Kɛlaa, nui a lənə mą́ą́ nuą ɲɛ̨i ɓa, ɲą́ą́ gbɛli ŋą lənə lɔ mąą nu ɓa Ną́n ɲɛ̨i ɓa, yai gaa yələkɔlɔn ɉu.»

M̀ɛni-lɛɛi 13:14

Ə kɛli lɔi mɛ̨i nuą nwun ɉu lan a gbalo mɛ̨nįɠaai di gɛɛ mąą laa tɛɛ bɔ, yɛ gɛ ɉuwɔi tii ɲɛ̨i mu. Ə mo diɛ, yɛ kɛ, ɉuwɔi tii di nwąną a ɓowa kwɛaa, ɛlɛɛ, bala ə kpɛɛi, di mąąnįnįn bɛli, di dɔɔ.

M̀ɛni-lɛɛi 2:13

Ɓɛi ə́ heɛ kaa laa, ŋį́ nąą kɔlɔn, nąą lɔ ɓə ɓilihi nwɔ tɔɔkpəlin gaa laa. Kɛlaa, yáá ə́ yee kąną náá ɓa, ɛlɛɛ, hvó lənə li nwɔ́ pələi ɓa, ə mą kɛ, a vólóɠaai di kɛli nwɔ́ kɛla tələnmoɔ Antipasə paa la, ká pɔɔli, ɓɛi ɓilihi aa ɉeei kulɔ laa.

Zûu 1:18

Di mo kaa diɛ: yɛnɛ̨ɛ̨ ɲąąkpɛɛi lɔwai, nuą kaa pai kɛi yɛ́lɛ́i kaa, di hvilɛn ŋąą di kpɔwɔ liiɓa pulu diɛ gɛ.

Zɔ̂ŋ Maa-ŋuŋ 2:26

Yili ŋą hɛɓɛ́ ɓə ŋą́ kɛ bɔ, ŋą́ dɛɛ káá, yɛ hvilɛn na nuą di kaa bɔ di ká lan, di mąą mɛ̨nį ɓa.

Piɛrə dɔlɔɔ 1:8

a yaa tii káá nwɛli la kɛ, ká ɲɛ̨i hvo mąi ɛlɛɛ, káá laa na, ká hvo nwɔ̨nɔ̨ gaai; 'ká pili kani yələi a kwəinɛ̨ɛ̨i ɲɛ̨n deei hvo mą, a mąąwia,

Ifisiɛŋ 1:7

Non tii ɲąmą háálai ɓə, gu nwun mąą ə ɓo la, ɉáálai lɔ ɓə, di gu wɔ túwɔ́ pələ ɲɔ̨nŋaa mąą hvaa lɛɛ la, lɔ yɛ bələi ŋą nɛ̨ɛ̨laa hu kɛnɛ̨ɛ̨ la, gu pɔ pələ.

Galatə 5:20

hali kɔ mɛ̨nį, kááhɛn ɉəɠɛɛ, yowolaa, woo taɠa mąą, tolo, liikələ gwəi, wɛa túwɔ́, ɓɛlaɓolaa da kpɔn daɠa mɛ̨nį,

Galatə 4:17

Nuąi ti di kaa mɛ̨nį kpɛa-kpɛaɠaa kɛi káá, ká ɲɛ̨i kwɛli mɛ̨nį ɓə, kɛlaa, di kwəi hvo kwələ li, di kaa lɔ bɔ, di ká kulɔ ɲə́i, əgɛ, ká ká ɲɛ̨i lɛlɛɛ hee di pɔ pələ.

Lomaŋ 16:18

Mąąhɔlɔɓo, nu huwuɠaai ti di hvo tíi gu Ną́mu Kristə ɓa, kɛlɛɛ di kaa tíi di koolon ma. Da kɛ nuą ɓowoi diɛ di mąątɛ̨nɛ̨ a woo nɛɛ-nɛɛɠaa.

Lukə 21:8

Jesus yɛ diɛ: «Ka gɛ a nɛlɛɛ, ka hvo nɛɛ laa nu ta hvo ka ɓowo, mąąhɔlɔɓo, nu tamąą kaa pai pai náá hu diɛ kɛ diɛ: ‹Nwun mąąɓomun Yálá ə naakwɛlanmo, ya ɓaa a ɲą́ą́!› Ə lɛɛ: ‹Lɔwai aa ɉəli!› Kɛlaa, ka hvo hvilɛn di pulu.

Lukə 6:26

«Kpalo ɓɛlaai kaa, kaa yiiɠaai nuą kəlee da kɛ ka mąątɛ̨nɛ̨i, pələ kpɔlɔɔ ɓə di kalaɓɔlɔni di kɛi lɛɛ loloɓo nuą mąątɛ̨nɛ̨ la.»

Maafîu 24:5

Mąąhɔlɔɓo, nu tamąą kaa pai pai náá hu diɛ kɛ mą: ‹Ɲą́ą́ ɓə gaa a Nwun mąąɓomun Yálá ə naakwɛlanmo.› Di kaa pai kɛi nu tamąą ɓowo, diɛ di nwun ɉu lan.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Mise 3:5

Nwooi Yai-Laa ə mo yɛ hvilɛn na, nuąi da nwɔ nuąi ɓowo diɛ, ya ka, yɛ diɛ: Gbɛɛ ɓə nwɔ́ nuąi ɓowoi? Nuąi da kɔ̨nɔ̨n dɛɛ di pɔ, da liilaa wɛlɛɛ laa həli diɛ. Kɛlaa nuąi di hva di kɔ́, da kɔ́ muhəɠə yiliɠaai ɓa.

Woolaa 2:14

Yálá kwəi mɛ̨ni ɓo nuąi di kaa ə́ yəi, ɓowo hįi ɓə di gaa ə́ mąą mɛ̨ni ɓa, yɛ ɓo a kpɛli-kpɛli mɛ̨ni. Di hvo kɛ ə́ hɔn nɛ li yɛ́, yii kɛ a pɛli nuwɔlaa ŋɛ̨i hvolói yɛ́. Nwɛlɛɛi di kɛi mo yɛ́, ə kɛ a lɛɛ woo da nu ɓowo woo

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Korɛntə dɔlɔɔ 7:23

Nu ta aa ká nwun mąąɓo a ɉɔ̨nwɔ̨ kɛnɛ̨, mąą hvo nɛ̨ɛ̨li ka hvo kɛ a nu nwɔ luwɔ.

Mise 2:11

Ə li kɛ nu a pɛli hɔlɔɓoi, yɛ gilɛ həɠə hvaŋą pulu, lɔɔ pulu, yɛ kɛ diɛ: «'Ka lɔɔ tɛɛ bɔ́, a lɔɔ kpəɠiɛ ŋį́ Yálá kwəi mɛ̨nį ɓo yɛ́ a ə́ kwəinɛ̨ɛ̨ mɛ̨nį» mąą nu lɔ ɓə li kɛ a nu huwui ŋɛ̨i nwɔ kalan gɛmun.

Osia 9:8

Ɛfraimə mąąkpɛmun, da nwɔ́ Yálái ɓə, Yálá kwəi mɛ̨nį hu kulɔmun mə, daa ɓaalə tɛ dɔwɔ, pələ kəlee hu, wɛlikpɛɛ mąą kaa nwɔ Yálái yəi bɛlɛ́n.

Ɉeremi 37:19

Ɛlɛɛ, ka wɔ lɛɛ mɛ̨nį hukulɔ nuąi kɛi kɛ kaa: ‹Ə kɛ a káá-oo, ə kɛ a nɔi ŋɛ̨i-yoo, Babilonə hvo pai kɔ́ pɛlɛi káá› di kaa mį?

Azaya 9:15

Di ɲɛ̨itɔwɔ nuą daa di lan, nuą diɛ kpɛli daa ɉon a pələ ɲɔ̨nwɔ̨ɔ̨, di nwun na aa pili.

Tɔɔɓɛlaa dɔlɔɔ 22:6

Israɛlə tɔɔmun ə Yálá kwəi mɛ̨nį hukulɔ nuą ŋąąkpɔn, diɛ ɓo a nu nwun nąąn ɲɔ̨nwɔ̨mą; ə di mąąnin gɛ, yɛ diɛ: «Akɛti, mąąnɛ̨ɛ̨ ŋą́ li ŋą́ kɔ́ pɛlɛ Ramotə taa ɓa, yai gaa Galaadə, a wala kɛ tii, ŋą́ lɛɛ ɓɛ?» Di kəlee diɛ mą: «Hɛn gəlee Nąmu Yálá kaa lii daai tii lɔi tɔɔmun ɲee ŋą.»

M̀ɛni-lɛɛi 3:8

Ŋą́ ə́ kɛ-mɛ̨nįɠaa kɔ́lɔn. 'Ɓɛ kaa, ŋą́ą́ pɛlɛ́ laa tɔɔ ə́ tɔwɔ, nui lɔpee ta hva pɛli naa kpului. Ə́ hvaŋą hvo kɛnɛ̨ li, ə mą kɛ tii, yáá ə́ yee kąnąn náá woo ɓa, ɛlɛɛ, hvó lənə li náá ɓa.

Lukə 12:9

Kɛlaa, Nui a lənə mą́ą́ nu kpulu ɲɛ̨i ɓa, Nu Lon yaa kpɛli a lənə mąą nui ɓa Yálá da nwɔ malakaɠaa ɲɛ̨i ɓa.

Dutɛrɔnome 32:6

Akɛ tii, bələ ɓə mɔ̨ɔ̨ ka Yai-Laa hvɛla kulɔ la? Ka nu huwu ɓowɔɔ kili ŋąą pɛlɛɛ ŋɛ̨i; kɛlɛi ə́ nąn ŋɛ̨i yɛnɛ̨ɛ̨ tɛɛ ə́ pɔ yaa li-e? Yaa tii ɓə ə́ pɛli, yɛ ə́ heei kulɔ.

Lɛɛ gbɔwɔ ɓa 15:16

Ɲɔw aa di hu pu diɛ, Ə́ wɔ yee walawala laa aa di mąą ɲɔw, daa di kpuwulu kɛ, yɛ kwɛni. Di kaa pai lɛɛi tí, ə lɛɛ ɉu Yai-Laa Ə́ wɔ nu huwui ə tɛɛ; a Ə́ wɔ nu huwui Ə́ di həɠə ɉu, di tɛɛ.

Ɉeremi 6:13

Mąąhɔlɔɓo, di kəlee di hɛn nwɛliɛi. Nu kpɛa kpɛa mąn, ə́ mą kɛ yee mu nuą. Ə gɔwɔ tɔɔ Yálá kwəi mɛ̨nį ɓo nuą diɛ, ə həli la ɉaláá kulɔ nuą diɛ, di kəlee di túwɔ́ pələ kaa lɔ a hulu mɛ̨nį.

Ɉeremi 29:21

«Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka, yɛ hvilɛn na Kolaya lon Akabə ɓa, da Maaseya lon Sedesiasə diɛ, yɛ nu hveelɛi tii, di kaa di kpɔɔ kɛi a Yálá kwəi mɛ̨nį hukulɔ nuą, diɛ mɛ̨nį ɓo a náá, a lɛɛ. Gáá pai di tɛɛi Babilonə tɔɔmun Nabukodonosorə pɔ, yɛ di paa ka ɲɛ̨i ɓa.

Timote dɔlɔɔ 5:8

Akɛ nu a wala ŋą nuą mąąkpɔnmąą ɓo, gəlee ə mą gɛ, ɲəi bɛlɛ́n nuą, a kɛ ti, aa lənə laa na laa ɓa, mąą nui nwɛi ɲɔ̨nwɔ̨ɔ̨i dɛɛ háli pulumun ma.

M̀ɛni-lɛɛi 6:10

Di kɛli tomą a di woo kɛnɛ̨, diɛ kɛ mą: «Ku Nąmu mąąhəɠɛɛ, yɛ́i a Tɛ̨ą, mįnɛ̨ lɔwai ɓə, ə́ kaa pai giti teei la, ɛlɛɛ, ə́ ku ɲąmą kwələ kulɔ lɔi mɛ̨i heeɓo nuą diɛ?»