Piɛrə veelɛ 1:5 - Yálá laawoo hɛɓɛ (dc)

⁵ Yili mąą mɛ̨nį ɓa, ka ka hvanwalɔ, ə gɛ, ka mɛ̨nį lɛlɛɛ pɛlɛ ka wɔ laa na laa ɓa, ka mɛ̨nį kɔ́lɔn ŋąą pɛlɛ ka wɔ mɛ̨nį lɛlɛɛ kɛɛ ɓa,

Yálá laawoo hɛɓɛ

⁵ Yili mąą mɛ̨nį ɓa, ka ka hvanwalɔ, ə gɛ, ka mɛ̨nį lɛlɛɛ pɛlɛ ka wɔ laa na laa ɓa, ka mɛ̨nį kɔ́lɔn ŋąą pɛlɛ ka wɔ mɛ̨nį lɛlɛɛ kɛɛ ɓa,

Bible

⁵ Sâpoi ŋí kpîŋ ma ká kɔ́ kpɔ́ la a pere-sii kélee ká kálaa-lai da pú mà a mɛni lɛ́lɛɛ-kɛɛ, ká kámɛni lɛ́lɛɛ-kɛɛi da pú mà a táre.

Piɛrə veelɛ 1:5 Referans Kwoze

Filipə 4:8

Yili ɓa, ną́n nonnii, mɛ̨nįi lɔpee a tɛ̨ą, a kaa-lon-naa, ɉaŋąą, bɛliɛ ɉu, nu yɛ pɛli nwɛli la kɛi, diɛ mąąwiɛ, yii kpɔ mɛlɛ kaa mą, yii kpɔ mąątɛ̨nɛ̨ kaa mą, 'ká yili kəlee kɛ, a ká nwɔɔ mąątíi.

Hanwon 4:23

Ə́ kili kɛ ə́ kpɔwɔ hu, ə tɛɛ hɛn gəlee ɓa, mąąhɔlɔɓo, yili ɓə a gɛ ə́ yíi ə kwɛa.

Piɛrə veelɛ 3:18

Kɛlaa, ka tɛ tɔwɔ gu Ną́mu Yálá da gu Nwun mąąɓomun Jesus Kristə kɔ́lɔn ŋąą hu, da nwɔɔ mɛ̨inɛ̨ɛ̨ hu. Ə həɠə yiihu ɓa, ə lɛɛ la ɉu lɔwai kəlee, mąąwiɛ ə kɛ Jesus Kristə ɓa. Yálá ə kɛ ti!

Piɛrə veelɛ 1:10

Yili ɓə gaa mą, nwɛ́li kɛ mąą nuą, ka ka hvaŋąlɔ kpɔ kpaan, ka təli ŋɛ̨i Yálá ə mo, ə ka yɛɠɛ ɉu, ka kanąn ma. Mąąhɔlɔɓo, ka gɛ ti, ka hva pɛli tooi mɛ̨nį ɲɔ̨n ɉu.

Hebreu 6:11

Kɛlaa, yii kpɔ nwɛli kaa kuɔ, ya ɓaa: ká tɛitɛi, ká ká hvaŋąlɔ, ká gilitɔɔmąą laa tii hunɛ̨ɛ̨, ə lɛɛ la ɉu ɲąą kpɛɛ yələ,

Filipə 1:9

Yii ŋą́ vɛli, ká mąą mɛ̨nį ɓa ya ka: Gɛ́ ka wɔ wɛlikɛmąąlaa hu yɛ kɛnɛ̨ lɔ a yələ kəlee, da yɛ pɛlɛ mą mɛ̨nį kɔ́lɔnŋąą hu,

Piɛrə veelɛ 3:14

Yili ɓə gaa mą:, nwɛ́li kɛ mąą nuą, gwa kɛi mąąkpɔn ti kɛ, ka ka ŋąą wala, ə gɛ, a pa, ə ka káá liilaa hu, hɔn nɔpee ta hvo kɛ kaa.

Hebreu 11:6

Yaan, a kɛ laa na laa hvəə, nui lɔpee ta hva pɛli Yálá liihon ɉi; mąąhɔlɔɓo, nui a kɛ mąąlɛɠɛi Yálá ɓa, mąąnɛ̨ɛ̨ ə laa na yɛ, Yálá kaa laa, ɛlɛɛ, nuą da gwɛli, a di hvɛla kulɔ.

Ifisiɛŋ 5:17

Yili ɓa, 'ká hvo gɛ yɛ nuąi di hvo mɛ̨nį kɔlɔn, kɛlaa, ká tɔɔ a ká nwąnąi, ká kɛ a gu Ną́mu liiɓa kɔlɔnŋąą.

Azaya 55:2

Lə mɛ̨nį ɓa yai ka ka wɔ walii hukala, ɉɛn hvo a kɔ̨nɔ̨n bulu, kaa kóló kɛ ɉɛn hva nu pilɛ bulu? 'Ka ka wəli tɔɔ, ka nwóó mɛ̨n, ɛlɛɛ, kaa pɛli kɔ̨nɔ̨n mįi, kaa pɛli ka lii hon gɔ̨nɔ̨n nɛɛɠaa mįi.

Filipə 2:12

Yili ɓa, nwɛ́likɛmąą nuą, bələ ká kɛi lɛɛ nwoo mu laa kɛ la, a yələ kəleei, 'ká lɛɛ lɔ ka yee yili ɓa, yiihu, ə mą kɛ və́ laa ká pɔ, ká túwɔ́ pələ ə ká nwun mąąɓo mɛ̨nį too pono ɲą, káá ɲɔwu la, ká mąą yɛ kpɛlin.

Mąątɛ̨nɛ̨ 119:4

Yɛ́ kpinįi ɓə ə́ wɔ tɔn nwooɠaai lɛ, əgɛ, di di hon gbɔ a yɛlɛ.

Kolosə 2:3

A yai, kili mɛ̨nį da mɛ̨nį kɔlɔŋąą ŋą hɛngɔw kəlee kaa ɉu.

Ɉaan 6:27

Kɔ̨nɔ̨n ɲii a kalai, ka hvo kóló kɛ lɔ yili mąą mɛ̨nį ɓa, kɛlaa, kɔ̨nɔ̨n a yɛnɛ̨ɛ̨ hva kpɛɛ tɛɛ nu pɔ, ka yili mąą kóló ɓo. Nu Lon a pɛli ə yili tɛɛ ka pɔ. Mąąhɔlɔɓo, Ną́n Yálá aa mɛ̨nį kəlee nwɔ heeɓolaa tɛɛ bɔ.»

Lukə 24:21

Ku kilitɔɔ kɛ mą, kuɔ diɛ yaa ɓə pai Israɛlə nu huwu nwun mąąɓoi. Kɛlaa, mɛ̨nįɠaa tii kɛɛ voló haaɓa ɓaa háákələi.

Kolosə 1:9

Yili ɓə gɛ, ɲələi ku ká mąą mɛ̨nį mɛ̨n na, ə həɠə ɲələ ɓa, ə həli la yiihu ɓa, ku hva kpɛla Yálá hvɛlii káá. Kwa vɛli Yálá ɓa, kuɔ, ká niiɓa kɔ́lɔn gbɔ kɛnɛ̨, a kilikɛɲəi laa kɛnɛ̨, yɛ hee la ká nįį pɔ.

Piɛrə dɔlɔɔ 3:7

Hinąą kaa kpɛlimąn, 'ká ká nɛ̨ąni ká ɲíi kɛ a nɛlɛɛ, ká kili ə pu ɉu, káá, di kɔlɔ hvįikpɛɛi, 'ká di mąąwiɛ, gbala ə tɔɔ, ká diɛni ká káá pai yɛnɛ̨ɛ̨ hɔlɔɓoi a ká kwɛlin, yili ɓə a gɛ, mɛ̨nį ta hva kpɛ̨ąn ka wɔ hvɛli woo tɔwɔ.

Hebreu 12:15

Ká gɛ a nɛlɛɛ, nu ta hvo bulu tɔɔ Yálá nwɔ nɛ̨ɛ̨laai ɓa, hvo kɛ a kala nwąną mɛlaa lɔwai, yɛ pilimąą, yɛ gbɔn ɉu taɠa.

Korɛntə dɔlɔɔ 14:20

Ną́n nonnii, yii hvilɛn na mɛ̨nį hutɔɔ ɓa, 'ká kɛ yɛ lɛapɛlɛɛ, yii ɓaa mɛ̨nį ɲɔ̨n nwɛi, 'ká kɛ ɉu, a lɛapɛlɛɛ, kɛlaa, mɛ̨nį hutɔɔ mɛ̨nį hu, 'ká kɛ a nu mąąpɔlɔɔɠaa.

Lukə 16:26

Ə həɠə yili ɓa, ɓoloon gɛnɛ̨ kaa gwa kaani gu lɔwai, nui a kɛ bɔ ə həɠə ku pɔɔli, ə pa ka pɔɔli, pɛli mąą hvo ɉu. Ɛlɛɛ, nu ta hva pɛli həɠəi ka pɔɔli hvo pa ku pɔɔli ɓɛ.›

Zakari 6:15

Nuą kaa pai həɠəi kwɛaa la, diɛ kólo kɛ Yai-Laa hvɛli pɛlɛ́ mu. Yili ɓə ka gbaɠala kaa la, káá kɛ, Yai-Laa Mɛ̨nį Kəlee ŋą Hééɓomun ɓə dɔ́ɔ́ ka pɔɔli. Akɛ ká lɛɛ Yai-Laa ka wɔ Yálá woo mu, mɛ̨nį kəlee hu, mɛ̨nįi tii kaa pai kɛi.

Piɛrə veelɛ 1:11

Yili ɓə a gɛ, pələ laa ə ɓo ka tɔwɔ, gu Ną́mu da gu Nwun mąąɓomun Jesus Kristə nwɔ tɔɔlaai hu.

Zasua 7:3

di pənə di pa Ɉosue pɔ, diɛ mą: «Ə mą kɛ nuą kəlee di hvo li li, nu waa hveelɛ, awala kɛ tii nu waa haaɓa ɲɔ̨nwɔ mąn, də li lɔ di Ai taa huwolo a kɔ́; mąąhɔlɔɓo, nuąi laa di hvo tamą li.»