Piɛrə veelɛ 1:16 - Yálá laawoo hɛɓɛ (dc)

¹⁶ Gáá moi kaa, ku hvo kɛ hvilɛn ni li lɛɛ pɔlɔ-kiliinŋąa pulu, ə gɛ, ku gu Ną́mu Jesus Kristə pa mɛ̨nį nwɔ huwalawala lɛ kaa, kɛlaa, kuɔ kpinįi ku nwɔ mąąwiɛ kaa a ku ɲɛ̨ikɔw.

Yálá laawoo hɛɓɛ

¹⁶ Gáá moi kaa, ku hvo kɛ hvilɛn ni li lɛɛ pɔlɔ-kiliinŋąa pulu, ə gɛ, ku gu Ną́mu Jesus Kristə pa mɛ̨nį nwɔ huwalawala lɛ kaa, kɛlaa, kuɔ kpinįi ku nwɔ mąąwiɛ kaa a ku ɲɛ̨ikɔw.

Bible

¹⁶ Kúfe pîlaŋ ní wôya-tare pôlu nyíi gáa a lɛ́ɛ-mɛni pɔlɔi tãi kú Kúnuu-namui Zîsɛ Kôrai ŋɔwala-walai da ŋɔpa-mɛnii lɛ́ la kâai, kɛ́lɛ, kú kɛ̀ a ŋɛi-kao-sere-ŋa ŋɔkɛ́tɛ-laai mɛni ma.

Piɛrə veelɛ 1:16 Referans Kwoze

Zɔ̂ŋ Maa-ŋuŋ 4:14

Ku wɛi, kwa mąą kɛla hvaa ɓo, kuɔ, ku gaa, ɛlɛɛ, kuɔ, Nąn ə Non dɔɔ, ə kɛ a yɛnɛ̨ɛ̨ ɓalomun.

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Timote dɔlɔɔ 1:4

Ɛlɛɛ, di hvo kąnąn tɔwɔ-tɔwɔ pɔlɔ kiliinŋąą ɓa, yai kpɛla pələi hvo mą, yiliɠaa ɓə da pa a hɛa kpɛli-kpɛli toɔ, yii hvo hvilɛn ni Yálá ŋą mɛ̨nį pɛliɛ ɓa, yai naa kulɔi ɓaa a laa na laa.

Timote dɔlɔɔ 4:7

Yii hvilɛn na nɛɛ pɔlɔ kiliinŋąaɠaa tii diɛ, yai nɛ̨ɛ̨goloɠaa lɔ ɓə da ɉee gee lai, 'ə́ wəli kulɔ yiliɠaa kəlee hu. 'Ə́ kpɔwɔ ɲąątɔɔ a Yálá mɛ̨nį.

Korɛntə dɔlɔɔ 2:4

Nwóó da nwɔ́ nuą mąąkwɛli pələ, di hvo kɛ a gbąnąlaa kili, kɛlaa, di kɛ a Yálá ŋą Kilii nwɔ huwalawala ŋą mɛ̨nį lɛ pələ;

Ifisiɛŋ 4:14

A kɛ ti, gu hva kɛa kɛ yɛ lon ɲii gɛi homa, yɛ nui nuą di wɔ gbana lawoo a mowo, yɛ dɔɔ takpa-takpa, yɛ ɉəɠə tɛ̨ą pələ mɛ̨i.

Korɛntə dɔlɔɔ 1:17

Gbala ə tɔɔ, Kristə hvo kɛ dɔ́ɔ́ li nuą mąąwaa mɛ̨nį ɓa, kɛlaa, nwɛlɛɛ lɛlɛɛ laa həli mɛ̨nį ɓə, və́ naa həli a kilikɛɲəi woo hukulɔ, ə gɛ, Kristə ŋą haai ə mo kolɔwa ɓa hvo pa lɛɛ a kpɛli.

M̀ɛni-lɛɛi 1:7

'Ká ká ɲɛ̨i hee, ya ka tii pai tulɔ-kpinįn ɉu! Ɛlɛɛ, ɲɛ̨i kɔw kəlee kaa pai gaai, ɛlɛɛ, ə mą kɛ, nuąi ɉɔɔ a kpala. Huwu kəlee kaa pai ɉaa wɔlɔ ɓoi. A tɛ̨ą gaa tii! Amįįną!

Taitɔ 1:14

Di hvo kɛ di kaa, kąnąn ɉii Ɉuifəɠaa huwu la yíi pɔlɔ kilinŋąąɠaa diɛ, da nu kanŋaa di wɔɔ kiliŋąhiɛ, di hvo di pulu tɔɔ tɛ̨ą ɓa.

Zûu 1:14

Ə həɠə Adamə ɓa ə həli la Henɔkə ɓa, káláɓɔlɔ heekpəlin na mɛ̨ihveelɛ li. Kɛlaa Yálá ə mɛ̨nį ta pu Henɔkə la yɛ hvilɛn na nuą tii diɛ, yai ə kɛ diɛ: 'Ka ka wəli tɔɔ! Ną́mu kaa pai pai da nwɔ malaka kpulu waa tamąą;

Tɛsalonikə veelɛ 2:9

Yii ɓaa mɛlɛtoomun ti pa mɛ̨nį, yai ɓilihi kɛ-mɛ̨nį pɔɔ kaa mąi, gaa pai gbɔwɔ lɛi a huwalawalalaa huwu ɲɛ̨i tamąą, a kwɛlɛɛn mɛ̨nįɠaa, da nuą kili ɲą pɛlɛ mɛ̨nįɠaa,

Korɛntə veelɛ 4:2

Nwumɛ̨ mɛ̨nįɠaai noɔ, kwaa lənə yiliɠaa diɛ, ku hva túwɔ́ a nuą ɓowo pələ, ɛlɛɛ, ku hvo nwɔ̨nɔ̨ Yálá laawoo mąąhvalin, kɛlaa yaamun, nwumɛ̨ mɛ̨nį, kwaa yiliɠaai lɛɛ laa, ku hvo gbąnąlaa túwɔ́ ɓoi, ku hvo Yálá lawoo ɲɛ̨ilaai mąą hvalin Ɉii. Kɛlaa yaamun, tɛ̨ą yii gaa ɉu, ya ɓə kwa nɛ a ɉuponoɔ, ə gɛ, nu kəlee di kilitɔɔ mąą laa hɔlɔɓo Yálá ɲɛ̨i ɓa.

Korɛntə veelɛ 2:17

Ku hvo yɛ nuąi da kɛ Yálá lawoo kɛi a hɛn gwɛli hɛn. Kɛlaa yaamun, kwa gɛ a kwəi kwələlaa, Yálá ɓə ku tɔɔ la, kwa gɛ Yálá ɲɛ̨i ɓa, kwa kɛ pələ ɓoi Kristə laa hu.

Maafîu 28:18

Jesus ə lɛɠɛ diɛ yɛ diɛ: «Daa hééɓolaa kəlee tɛɛ bɔ́ yələkɔlɔn ɉu ə mą kɛ lɔi mɛ̨i.

Malasi 3:2

Akɛtii, voló tii gaa pai pai la, nu ta kaa pai lɛɛi yɛnɛ̨ɛ̨ ɓəi? Akɛtii, nu taɠaa kaa pai lɛɛi tɔɔni ɓəi, ɓɛlɔwai gaa pai kulɔi la pɔ̨nɔ̨ŋą? Gaa pai kɛi yɛ: nwɔ̨n da kwɛli həɠeen na, diɛ bu. Gɛ pələ a kɛ yɛ: haahvinɛ̨i gbolo-kɔw kɛnɛ̨i ɉu.

Tɛsalonikə dɔlɔɔ 2:19

Yili ɓa, ku wɔɔ kilitɔɔmąą laa ɓaa a lə? Lə ɓə a ku wɔɔ kwəinɛ̨ɛ̨? Ku kpɔwɔ ɲąą kɛnɛ̨ mɛ̨nįi a ku nwuɔ̨ ɓɔlɔ, gu Nąmu Jesus ɲɛ̨i ɓa, a ba yələ, ya ɓaa a lə? Kɛlɛi káá ɓə!

Filipə 3:21

yai pai, gɔlɔ mąąwɛliɛ ŋɛ̨i guɔ, mąą hvalin ɉii a kɔ́lɔ mąąwiai gɛ pələ ə ɓo yɛ nwɛi. A yili kɛ a nwɔ huwalawalai gaa pai heei la hɛn gəlee mɛ̨i.

Korɛntə dɔlɔɔ 5:4

Gu Ną́mu Jesus laa hu, da nwɔ Hééɓolaa laa hu, hvo kɛli ká kpɔn doo mɛ̨nįi tii ɓa, ŋą́ ɓo ká lɔwai a gíli.

Korɛntə dɔlɔɔ 2:1

Ɲą́ą́ gbinįlee pai ŋį́ mo ká pɔɔli ną́n nonnii, və́ kɛ pa li və́ Yálá ŋą mɛ̨nį loɔ laa həli káá a gbąnąlaa woo, awala kɛ tii, kili ɲą kulɔ woo.

Korɛntə dɔlɔɔ 1:23

kɛlaa ku wɛi, Ɓalomun di gbanwo kolɔwa ɓa, ya ɓə ku kaa mąą mɛ̨nį laa həlii, yai a nu kɔwɔ tuwɔ kwɛnį Ɉuifəɠaa diɛ, yɛ ɓo a ɓowo mɛ̨nį huwu takpɛliɠaa ɲɛ̨i ɓa.

Korɛntə dɔlɔɔ 1:7

Yili ɓa tii, Yálá nwɔ mɛ̨inɛ̨ɛ̨ lɔpee ta hvo lɛɛ li pulu ká yəi, a káá ŋɛ̨i ká ɲɛ̨i kaa gu Ną́mu Jesus Kristə pa yələ tɔwɔi.

Lomaŋ 1:4

Kɛlaa, di gu Ną́mu Jesus Kristə laa hee a Yálá Lon, Kili-Mąąhəɠɛɛ nwɔ hvaŋąi haalai, yai nwun, ə gulɔ haa yəi.

Ɉaan 17:2

Bələi Ə́ tɔɔlaa tɛɛ la bɔ yɛnɛ̨ɛ̨ nuą kəlee mɛ̨i, 'Gɛ, nuąi Ə́ di tɛɛ bɔ ə yɛnɛ̨ɛ̨ hva kpɛɛ tɛ di pɔ.

Maafîu 24:27

Nu lon kaa pai pai, yɛ pələi mąlą-mąlą a gɛ la yələi, nən ə taɠa kɛɛnąą kəlee, di gaa.

Maafîu 24:3

Jesus ə tɛ ə hee Olivə yee tona, nwɔ kalan nɛai di hee gwɛlɛ di tɔ̨nɔ̨ kɛɛnąą. Di mąąlən gɛ diɛ mą: «Akɛti, mįnɛ lɔwai ɓə kwɛni hvo pai lɛɛ la kwɛni mɛ̨i? Ɛlɛɛ, ə́ pai lɔwai da yɛnɛ̨ɛ̨ ŋɛ̨ɛ̨ kpɛɛi lɔwai kɔ́lɔn ɉɛn lə kɛɛɠaa ɓə ku kaa pai gɔlɔn ɉii la.»

Maafîu 16:28

Gáá moi kaa a tɛ̨ą, nu taɠaa kaa ɓɛ ka lɔwai, di hvo pai haai, ə lɛɛ la ɉu di Nu Lon gaa yɛ pa la yɛ tɔɔmun.»

Maafîu 16:27

Ɓɛlɔwai Nu Lon kaa pai pai la, Nąn Yálá nwɔ mąąwiɛi hu, da nwɔ malakaɠaai, nąąlɔwai ɓə gaa pai nu tɛitɛi kəlee hvɛla kulɔi la, yɛ pələi dúwɔ́ pələ ə kɛ la.

Maafîu 17:1

Hvóló mɛ̨ihveelɛ tɛɛ pulu, Jesus ə Piɛrə, Ɉakə da nəɠə Ɉaan ni həɠə ə li a diɛ yee ta tona, di tɔ̨nɔ̨ kɛɛ naa.

Markə 13:26

Nąąlɔwai, nuą da Nu Lon kaa kɛa ɉiɛ tulɔ kpiliɠilin mɛ̨i huwalawala kɛnɛ̨ da mąąwiɛ kɛnɛ̨ hu.

Markə 14:62

Jesus ə nwoo pulu pənə, yɛ mą: «Ɲą́ą́ ɓə a yaa. Ɲą́ą́ ŋɛ̨i a Nu Lon ka káá pai gáái heeni Yálá yee lɛlɛɛ mɛ̨i, huwalawala kɛnɛ̨ hu, tulɔ kpiliɠilin mɛ̨i, gɛ́ pa.»

Lukə 1:2

Yɛ bələi nuą mɛ̨nįɠaai tii kaa a di ɲɛ̨ikɔw, ə həɠə gɔwɔ tɔɔi lɔwai ɓa, ə həli la yiihu ɓa diɛi mąąnɛ̨ɛ̨ di Yálá laawoo laa həli, yɛ bələi diɛ kpinįi di ɉukulɔ la.

Lukə 9:43

Nuą tii kəlee kwəi ə pili diɛ, Yálá nwɔ mąąwiɛ kɛnɛ̨i tii di gaa mąą mɛ̨nį ɓa. Mɛ̨nį tii Jesus əgɛ, gwəi pili mąą ə lɛɛ lɔ nuą tii diɛ, yɛ nwɔ kalan nɛai diɛ:

Piɛrə veelɛ 2:3

Ə lɛɛ, di wɔ hɛn nwɛli laa mąą mɛ̨nį ɓa, di kaa pai kɛi tooi ka mɛ̨i, diɛ hɛn gulɔ ka yəi a lɛɛ woo, kɛlaa, di kiti tee mun gɛ pələ pɛliɛi ə di kiti tee, ə lɛɛ, di wɔ nwun napili hu hvo kwɛa li.