Piɛrə veelɛ 1:13 - Yálá laawoo hɛɓɛ (dc)

¹³ Ɓɛlɔwai ŋɛ̨i gáá ni la yɛnɛ̨ɛ̨, yii gáá gaai ɉu a ɉaŋąa, ya ɓaa: ŋį́ ka kili pu mɛ̨nįɠaa hu, ka kɛ ɉu a ka ɲɛ̨i.

Yálá laawoo hɛɓɛ

¹³ Ɓɛlɔwai ŋɛ̨i gáá ni la yɛnɛ̨ɛ̨, yii gáá gaai ɉu a ɉaŋąa, ya ɓaa: ŋį́ ka kili pu mɛ̨nįɠaa hu, ka kɛ ɉu a ka ɲɛ̨i.

Bible

¹³ Ŋá ŋ́gili ŋá sìa a gɛɛ gáa a mɛni lɛ́lɛɛ tãi nɔ ŋ́gbonôi káa niî la a vúlui a gɛɛ ŋa kálii mu siɣe a mɛni-toɔɔ kákili ŋá,

Piɛrə veelɛ 1:13 Referans Kwoze

Piɛrə veelɛ 3:1

Nwɛ́li kɛ mąą nuą, Ɉɛɓɛ́i ti ŋį́ dɛɛ kaa veelɛ kɛɛnąą ka ŋɛ̨i. Ɉɛɓɛ́ hveelɛi ti hu, galanŋąa ŋɛ̨i gáá naa kilitooi ka ŋą, gáá gɛi ti, ə gɛ, ŋį́ ka wɔ kiliŋąhiɛ ɲɛ̨ilaa ɓo.

Piɛrə veelɛ 1:14

Mąąhɔlɔɓo, gílí kaa ɉu gɛ́ diɛ: Və́ pai lɛɛi gɔlɔi ŋɛ̨i hu, ɉáái lɔwai aa gbɛa həli, yɛ pələi Ną́mu Jesus Kristə ə nɛ la mą́ą́.

Hebreu 13:3

Nuąi gaho ŋą, 'ká ká kili kɛ di hu, yɛ ká diɛni ká kɛ gahoi ti ŋą. Yiiɠaai di kaa mɔ̨nɔ̨ lɔi di pɔ, 'ká ká kili kɛ di hu, hvo gaai, káá kpɛlimąn, ká káá a nu yɛ diɛ.

Timote veelɛ 1:6

Yili mąą mɛ̨nį ɓa, gáá nąą kili tooi ə́ ɲą, gɛ́: díɓoi Yálá ə dɛɛ ə́ pɔ, a ɲələi ŋį́ ɲéé pɛlɛ la ə́ mɛ̨i, 'ə́ ɉu nwun.

Korɛntə veelɛ 5:8

A tɛ̨ą, ku hvaŋąlɔɔi lɔ a yələ kəlee, ɛlɛɛ, ku kaa kɛa bɔ ku kulɔ gɔlɔi ŋɛ̨i hu, gwəli ku hee gu Ną́mu kwɛlɛ.

Piɛrə veelɛ 1:12

Yili ɓə gaa mą, gáá kpɔlɔɔ pai kɛ mɛ̨nįɠaa ti kili tooi ka ŋą, pələi mąn ka gbaɠala kɔ́lɔn na, ə lɛɛ, dɛ̨ąi ŋɛ̨i kaa ɉɔlɔɓo ka tɔɔ ɉu kpaan.

Egaa 1:14

Saltiɛlə lon Zorobabɛlə ŋɛ̨i kɛ a gbahanąmą Ɉuda lɔi hu, da Ɉosue yai kɛ a haláá laa həli mun gɛnɛ̨, ə mą kɛ, nuąi kpɔ kulɔ luwɔlaa hu di pa, Yai-Laa ə di lii muhəɠə. Di nɛɛmą, di di yee pɛlɛ Yai-Laa hee pɛlɛ́ tɔɔ mɛ̨nį ɓa, yai a di wɔ Yálá.

Azaya 38:12

Daa nwɔ́ yɛnɛ̨ɛ̨ wɛan ɲə́i, daa li la kwəa la, yɛ ɓuwu haɠa. Gáá yɛ həɠə palamun, ŋą́ą́ həli nwɔ́ yɛnɛ̨ɛ̨ laa kulɔi, daa nwɔ́ yeei vani tee. Ə həɠə yələ wala pɔ ɓa, gɛɛ kpinį hvo pɛlɛ, yáá mą kpɛɛ a ɉú kalaa.

Filipə 1:7

Vialaɓoɔi ka mąą liihɛlɛn ə too mą́ą́, ka mąą mɛ̨nį kaa níí hu a hvóló kəlee, mąąhɔlɔɓo, mɛ̨inɛ̨ɛ̨i yálá ə gɛ mą́ą́, ká wɔɔ nąą kaa ɉu. Ə mą kɛ yiihu gáá gaho ŋą, ə mą kɛ, ŋą́ kɛ la gbɔ́ɔ́ ɓa gɛ́ wɛlɛɛ lɛlɛɛ mąąkɔ̨nwɔ̨, gɛ́ naa həli.

Filipə 3:10

Mɛ̨nįi kpɔ gaa laa, ya ɓaa: Yaa gɔlɔn mɛ̨nį, ɛlɛɛ, ɉuwalawalai gulɔ haa yəi, da nwɔ mɔ̨nɔ̨i ta mįi mɛ̨nį, yɛ́ kɛi yɛ, yaa, ɉaa mɛ̨nį hu;