Piɛrə veelɛ 1:12 - Yálá laawoo hɛɓɛ (dc)

¹² Yili ɓə gaa mą, gáá kpɔlɔɔ pai kɛ mɛ̨nįɠaa ti kili tooi ka ŋą, pələi mąn ka gbaɠala kɔ́lɔn na, ə lɛɛ, dɛ̨ąi ŋɛ̨i kaa ɉɔlɔɓo ka tɔɔ ɉu kpaan.

Yálá laawoo hɛɓɛ

¹² Yili ɓə gaa mą, gáá kpɔlɔɔ pai kɛ mɛ̨nįɠaa ti kili tooi ka ŋą, pələi mąn ka gbaɠala kɔ́lɔn na, ə lɛɛ, dɛ̨ąi ŋɛ̨i kaa ɉɔlɔɓo ka tɔɔ ɉu kpaan.

Bible

¹² Mɛni ma ŋa gbɛ̀tɛ ŋ́gili ŋá a tãi kélee a gɛɛ ŋa mɛni-ŋai ŋí tóo kákili ŋá, berei máŋ ká díkɔlɔŋ la dɔ̃yâi nyíi gáa káyeêi gɛ ƃo kákili ŋá a ǹɛ́lɛɛi.

Piɛrə veelɛ 1:12 Referans Kwoze

Zɔ̂ŋ Maa-ŋuŋ 2:21

Və́ hɛɓɛ́ tɛɛ li káá, gɛ́ kɛ diɛ, ká hvo tɛ̨ą kɔlɔn, kɛlaa ká tɛ̨ą kɔlɔn, ɛlɛɛ, hɛn kpɔ a lɛɛ mɛ̨nį, hva kulɔ tɛ̨ą hu.

Filipə 3:1

Yili ɓa, nąn nonnii, 'ká kwəinɛ̨ɛ̨ kulɔ gu Ną́mu hu. Nwoo tɔ̨nɔ̨i ŋɛ̨i pɛ̨ɛ̨ mɛ̨nį hva vįi kpɛɛ, yili ɓə viɛlaɓoɔ ka mąą mɛ̨nį ɓa.

Kolosə 2:7

'Ká hamu ə hvilɛn kani Kristə mɛ̨i kpɔ kpąą, ká hu ə walawala a laa na laai di ká mąąkwɛli mą, ɛlɛɛ, káá ɓo la tii, a mɛ̨inɛ̨ɛ̨ hukɔlɔn nuą.

Zûu 1:5

Bələi Yálá ə nwɔ nuąi nwun mąąɓo la yɛ di kulɔ Eziptə, ka ɉukulaa kɔ́lɔn kpɔ kɛnɛ̨. Ə mą kɛ tii, gáá ka kili pui ɉu gɛ́ kaa: yiiɠaai di di kili walawala, ə gəlee nwun napili.

Zɔ̂ŋ Veerɛi 1:2

dɛ̨ąi gaa gu hu ɉáálai, ɛlɛɛ, yai pai lɛɛi gu pɔ ɲɛ̨n deei hvo mą;

Piɛrə veelɛ 1:13

Ɓɛlɔwai ŋɛ̨i gáá ni la yɛnɛ̨ɛ̨, yii gáá gaai ɉu a ɉaŋąa, ya ɓaa: ŋį́ ka kili pu mɛ̨nįɠaa hu, ka kɛ ɉu a ka ɲɛ̨i.

Zûu 1:17

Kɛlaa, nwɛ́likɛmąą nuą ka wɛi, nwooɠaai gu Ną́mu Jesus Kristə nwɔ tínuą di mo kaa, ka ka kili lɛɛ ɉu.

Zûu 1:3

Nwɛ́likɛmąą nuą, ŋą́ gɛ pələ kwɛli mą, ə gɛ, ŋą́ ɲąąwala ŋą́ hɛɓɛ́ tɛɛ kaa; ə gɛ, nwun mąąɓoi ŋɛ̨i gaa a gu kəlee gu kpɔnmąą, ŋą́ mąą mɛ̨nį ta hukulɔ kaa. Kɛlaa, ŋą́ą́ gaa gɛ diɛ, gɛ pələ takpɛli hvo mą hvo kɛ li ŋą́ ɉɛɓɛ́i ŋɛ̨i kɛ ŋą́ dɛɛ kaa. Ə gɛ, ŋą́ ka hvaŋąlɔ naa na laa ŋɛ̨i Yálá ə dɛɛ nwɔ nuą pɔ, gu mąąkɔ̨nwɔ̨.

Piɛrə veelɛ 3:17

Yili ɓə gaa mą:, nwɛ́li kɛ mąą nuą, ka wɛi, ka kili aa pu kɛa mɛ̨nį kəlee hu, ka ka kpɔɔ mɛ̨i kaa, ka hvo nɛɛ laa nu ɲɔ̨nwɔ̨ɔ̨ɠaa di hvo ka həɠə bələ mɛ̨i, di hvo ka wɔ kilitɔɔ mąą kulɔ ka yəi.

Piɛrə veelɛ 3:1

Nwɛ́li kɛ mąą nuą, Ɉɛɓɛ́i ti ŋį́ dɛɛ kaa veelɛ kɛɛnąą ka ŋɛ̨i. Ɉɛɓɛ́ hveelɛi ti hu, galanŋąa ŋɛ̨i gáá naa kilitooi ka ŋą, gáá gɛi ti, ə gɛ, ŋį́ ka wɔ kiliŋąhiɛ ɲɛ̨ilaa ɓo.

Piɛrə veelɛ 1:15

Kɛlaa, gáá gɛ pələ kwɛli mą, ŋį́ kpaalə ta tɛɛ ka pɔ, ə gɛ, ɉáá pulu, kaa mɛ̨nįɠaa ŋɛ̨i kili too ka ŋą.

Piɛrə dɔlɔɔ 5:12

Ŋį́ ɉɛɓɛ́ kpuɔ lon ŋɛ̨i tɛɛi kaa, Silvɛn nwɔ kpɔnmąą háálai, yai ŋą́ gaa yɛ néélon, dələnmoɔ, gɛ́ ká hvaŋąlɔ, ɛlɛɛ, gɛ́ kɛ káá, Yálá ŋą nɛ̨ɛ̨laa kpɔ-kpɔɔ ka tii káá kąnąn mą.

Piɛrə dɔlɔɔ 5:10

Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.

Hebreu 13:9

'Ká hvo ka kpɔwɔ lɛɛ laa, kalan bələ takpɛli hu wooɠaa di hvo ká həɠə tɛ̨ą pələ mɛ̨i. Mąąhɔlɔɓo, viɛlaɓoɔi, nu lii ə pilɛ a Yálá yəi mɛ̨inɛ̨ɛ̨, ə tɛɛ la, koolon gɔ̨nɔ̨n ma, yai, ŋą tɔn ɉon nuą di hvo ta dɔlɔ kaa lii.

Hebreu 10:32

Kɛlaa, ɲələi ka ka yee hee la kɛɛ pono mui, 'ká ká kili lɛɛ ɉu, ə kɛ lɔ tii, káá mɔ̨nɔ̨ɠaa mįi, káá kɔ́ɠaa kɔ́,

Timote veelɛ 1:6

Yili mąą mɛ̨nį ɓa, gáá nąą kili tooi ə́ ɲą, gɛ́: díɓoi Yálá ə dɛɛ ə́ pɔ, a ɲələi ŋį́ ɲéé pɛlɛ la ə́ mɛ̨i, 'ə́ ɉu nwun.

Timote dɔlɔɔ 4:6

Mɛ̨nįɠaa ŋɛ̨i laa kalan nɛa ɲɛ̨i; yili hu ɓə, yá pɛli kɛi la a Jesus Kristə ŋą kpɔn ɉu mɛ̨nį ɲɛ̨i kulɔmun nɛlɛɛ, ə́ kɔ̨nɔ̨n ə ɓo a laa na laa hu wooɠaa, ɛlɛɛ, da mɛ̨nįi di ə́ mąąkwɛli mą a tələnmolaa.

Gɛlaɠaa 16:5

Gbɔn ɉu nuą, hvaŋą ta ə kɛli pɛlɛ mą, di kpulu hu yɛ kɛnɛ̨ a yələ kəlee.

Kolosə 1:5

Gilitɔɔmąą laai gaa ká mąąkpɔn ɉii yələkɔlɔn ɉu, mąą kilitɔɔmąą laai tii ɓə di naa həli káá, a tɛ̨ą woo, ya ɓaa, nwɛlɛɛ lɛlɛɛ,