Piɛrə veelɛ 1:11 - Yálá laawoo hɛɓɛ (dc)

¹¹ Yili ɓə a gɛ, pələ laa ə ɓo ka tɔwɔ, gu Ną́mu da gu Nwun mąąɓomun Jesus Kristə nwɔ tɔɔlaai hu.

Yálá laawoo hɛɓɛ

¹¹ Yili ɓə a gɛ, pələ laa ə ɓo ka tɔwɔ, gu Ną́mu da gu Nwun mąąɓomun Jesus Kristə nwɔ tɔɔlaai hu.

Bible

¹¹ Ɣâla a pâi Kúnuu-namui da Kúƃalo-nuui Zîsɛ Kôrai ŋɔwɔlɔ-wɔlɔ kâloŋ-laai su-perei kpɛtɛ̂i a ǹɛ́lɛɛ a gɛɛ ká lí naa.

Piɛrə veelɛ 1:11 Referans Kwoze

M̀ɛni-lɛɛi 5:10

Yáá di kɛ a tɔɔɓɛlaa da haláá laa həli nuą, a ku wɔ Yálái nwɔɔ. Ɛlɛɛ, di kaa pai tɔɔlaa kɛi lɔi mɛ̨i.»

Maafîu 25:34

Nąąlɔwai, tɔɔmun a mo mamįiyee hu nuą diɛ yɛ diɛ: ‹Kaa yiiɠaai a Ną́n nwɔ lúwɔ́ lonnii, ka pa ka lɔ nwɔ tɔɔlaai hu, ɓɛi aa kɛ nąą pɛli ka mąą mɛ̨nį ɓa gɛɛ yɛnɛ̨ɛ̨ kɔ́wɔ hvo tɔɔ.

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.

Hebreu 6:17

Bələ lɔ ɓə Yálá ə gɛ la, əgɛ, ə nɛ ŋą mɛ̨nį laakwɛlanmoɔ hu mɛ̨nįi hɔlɔɓo nuą diɛ, yɛ, hva ɉəɠə mą, ə gwɛla.

Timote veelɛ 4:8

Yiihu kɛa, tələnmo ɓɔlɔ laai kɛɛi dɔ́wɔ́, yai gu Nąmu kaa pai dɛɛi bɔ́ a mąą yələi tii, yaa tii a kiti haŋąą teemun, hvo lɔ a ɲą́ą́, kɛlaa, a nuąi da gulɔ mɛ̨nį pono ɲą wɛli la kɛ, diɛ kpɛlimąn, da ɉɔlɔɓo.

Ɉaan 10:10

Nwuɔ̨mun nwɛ́i, a pa lɔ, ə gɛ, ə nwuɔ̨ kɛ, ə paa ɓo kɛ, ə lɛɛ, ə kɛɛ kala. Nwɛ́i, ŋį́ pa, ə gɛ, mɛlaaɠaa di yɛnɛ̨ɛ̨ kpɛɛ hvo mą hɔlɔɓo, di ɉɔlɔɓo kpɔ kɛnɛ̨.

Danîa 7:27

Tɔɔlaa, heeɓolaa, kɛnɛ̨ laa, da tɔɔlaaɠaai kpɔ di kaa lɔi mɛ̨i, di kaa pai gəlee tɛɛi Yálá Yii Gaa Hɛn Gəlee Nwun Mɛi nwɔ nuą pɔ. Dɔɔlaai tii kaa pai kɛi a tɔɔlaa yii kpɛɛ hvo mą. Huwalawala hɛnŋaa kəlee kaa pai kɛi nwoo mu.»

Ifisiɛŋ 3:20

Yálái tii vaŋą kaa gɛ-mɛ̨nį kɛi gu hu, yai mɛ̨inɛ̨ɛ̨ kɛi guɔ, gɛnɛ̨i dɛɛ kpɔ kɛnɛ̨, kpɔ kɛnɛ̨, yii gwa vɛli mą, da yii gu kili a hvilɛn mą gəlee ɓa;

Danîa 7:14

Di yeetɛɛmąą kɛnɛ̨ laa, da tɔɔlaa tɛɛ bɔ. Híín lɔpee gəlee, hįi wooi lɔpee gəlee ɓo nuą, di kɛ a nwɔ kóló kɛ nuą. Nwɔ heeɓo laa ə kɛ a yii kpɛɛ hvo mą, yii hva tɛɛ, nwɔ tɔɔlaai kala hvo mą a yələ kəlee da nwɔɔ.

Korɛntə veelɛ 5:1

Mąąhɔlɔɓo, ku kili kaa ɉu kuɔ, bɛlɛ́i ŋɛ̨i ku kaa mu ɓɛ yɛnɛ̨ɛ̨, gaa lɔ a ɓuwu, a pa kalai, pɛlɛ́ kpɔ-kpɔɔ kaa ku yəi, yai Yálá kpinįi ə dɔɔ, yələkɔlɔn ɉu pɛlɛ́ li, nu yee hvə dɔɔ li;

Piɛrə veelɛ 1:1

Ɲą́ą́ Simɔn Piɛrə, Jesus Kristə nwɔ luwɔ da nwɔ kɛla, gáá ɉɛɓɛ́i ŋɛ̨i tɛɛi nuąi daa laa na laa hɔlɔɓo yii viɛlaɓoɔ yɛ bələi ŋɛ̨i ku wɛi kaa la, diɛi ɉɔlɔɓo guɔ Yálá da gu Nwun mąąɓomun Jesus Kristə di wɔ tələnmolaa hu, diɛ.

Azaya 35:2

Kpomó hu wuluɠaa kəlee 'di powa! Kpomó, 'ə pili yələi yɛ mąną! Yɛ pili yələi a kwəinɛ̨ɛ̨! Liban nwɔ mąąwiɛi aa həli mą, Karmɛlə da Sarɔn yee di wɔ lɛlɛi aa pənə aa pa di pɔ, ɛlɛɛ, nuą kaa pai Yai-Laa nwɔ mąąwiɛ kaai, a guɔ Yálái nwɔ lɛlɛ laa kɛnɛ̨ɛi.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Wɛli 5:1

Gáá pai ɲə́i nɔw yɛa. Oo níiɓa nɛ̨ɛ̨non, nwɔ́ wɛli. Gɛ́ nwɔ́ hąmą kun nɛ̨ɛ̨ da nwɔ́ laakpala kun nɛ̨ɛ̨ɠaa kulɔ, gɛ́ nwɔ́ kwɛin nwulɔ nɛ̨ɛ̨ ta kɔ̨mɔ̨n, gɛ nwɔ́ lɔɔi da nwɔ́ nįŋɛ̨ ɲįnįyái ta kpələ. Mɛ́laa! Ka ka laa mįi. Ka ka kpələ. Wɛlikɛmąąlaa ə ka hon yɛ lɔɔ.

Mąątɛ̨nɛ̨ 36:8

Yálá, ə́ wɔ wɛlikɛmąąlaa kɛnɛ̨ɛ̨ ɓə-e! Ee, mąąwiai, ɉɔ̨nwɔ̨ hvo mą. Nu kanŋaa da di mąąkilɛ ə́ hvaŋąn mu.

Mąątɛ̨nɛ̨ 145:13

Ə́ wɔ Tɔɔlaa kaa a yələ kəlee tɔɔlaa, ə́ wɔ heeɓolaa a lamun a kwɛlan gəlee da nwɔɔ.

Lomaŋ 2:4

A wala kɛti, ə́ ɲɛ̨i tɛɠɛ ɓoɔ ɓə mɔ̨ɔ̨ Yálá nwɔ mɛ̨inɛ̨ɛ̨ pələ da nwɔ lii kpələ hu? Hvo gɔlɔn yɛ mɛ̨inɛ̨ɛ̨ ti gaa gɛi yɛ, gaa gɛi ti, ə gɛ, ə́ ə́ hɔn mąąhvalin?

Korɛntə dɔlɔɔ 15:24

Yili pulu ɓə, yɛnɛ̨ɛ̨ ŋąą a kpɛɛ la, ɓɛlɔwai gaa pai dɔɔlaa tɛɛi la Nąn Yálá pɔ, a kpɛɛ kɛa a heemɛ̨ilaa kəlee, heeɓolaa kəlee, da huwalawala kəlee hukalaa.

Timote dɔlɔɔ 6:17

Nuąi a hɛn gɔw nąmįną ɲɛnɛ̨ɛ̨ ŋɛ̨i hu, mo diɛ, di hvo kɛ di kaa di kpɔwɔ ɲąąkɛnɛ̨i ɉu, di hvo kɛ di kaa di kilitɔɔi hɛn gɔwi gaa a tɛɛi, mą; kɛlaa, di di kilitɔɔ Yálá ɓa, yai a gu kɔ a mɛ̨inɛ̨ɛ̨ɠaa, a ɉu kɛnɛ̨ɛ̨, guɔ ɲąąnɛ̨ɛ̨ kulɔ.

Timote veelɛ 4:18

Gu Ną́mu kaa pai gúlɔi mɛ̨nį ɲɔ̨n gəlee yəi, ɛlɛɛ, ə málo ŋą yələkɔlɔn ɉu tɔɔlaai mąą mɛ̨nį ɓa. Mąąwiɛ ə kɛ mą a yələ kəlee kpɛɛ hvo mą! Yálá ə kɛti.

Piɛrə veelɛ 1:5

Yili mąą mɛ̨nį ɓa, ka ka hvanwalɔ, ə gɛ, ka mɛ̨nį lɛlɛɛ pɛlɛ ka wɔ laa na laa ɓa, ka mɛ̨nį kɔ́lɔn ŋąą pɛlɛ ka wɔ mɛ̨nį lɛlɛɛ kɛɛ ɓa,

Piɛrə veelɛ 2:20

Akɛ nuąi ŋɛ̨i daa kulɔ yɛnɛ̨ɛ̨ nwɔ túwɔ́ pələ ɲɔ̨n ɉu, gu Ną́mu da gu Nwun mąąɓomun Jesus Kristə kɔ́lɔn ŋąą pɔ, da pənə da di kpɔɔ lɛɛ laa, di lɔ dúwɔ́ pələ ɲɔ̨n ti hu, ə hee di mɛ̨i nwɔ̨nɔ̨ a nįnɛ̨, di kɛ pələ a ɲɔ̨n ə tɛɛ dɔlɔɔ ɓa.

Piɛrə veelɛ 3:18

Kɛlaa, ka tɛ tɔwɔ gu Ną́mu Yálá da gu Nwun mąąɓomun Jesus Kristə kɔ́lɔn ŋąą hu, da nwɔɔ mɛ̨inɛ̨ɛ̨ hu. Ə həɠə yiihu ɓa, ə lɛɛ la ɉu lɔwai kəlee, mąąwiɛ ə kɛ Jesus Kristə ɓa. Yálá ə kɛ ti!