Piɛrə veelɛ 1:1 - Yálá laawoo hɛɓɛ (dc)

¹ Ɲą́ą́ Simɔn Piɛrə, Jesus Kristə nwɔ luwɔ da nwɔ kɛla, gáá ɉɛɓɛ́i ŋɛ̨i tɛɛi nuąi daa laa na laa hɔlɔɓo yii viɛlaɓoɔ yɛ bələi ŋɛ̨i ku wɛi kaa la, diɛi ɉɔlɔɓo guɔ Yálá da gu Nwun mąąɓomun Jesus Kristə di wɔ tələnmolaa hu, diɛ.

Yálá laawoo hɛɓɛ

¹ Ɲą́ą́ Simɔn Piɛrə, Jesus Kristə nwɔ luwɔ da nwɔ kɛla, gáá ɉɛɓɛ́i ŋɛ̨i tɛɛi nuąi daa laa na laa hɔlɔɓo yii viɛlaɓoɔ yɛ bələi ŋɛ̨i ku wɛi kaa la, diɛi ɉɔlɔɓo guɔ Yálá da gu Nwun mąąɓomun Jesus Kristə di wɔ tələnmolaa hu, diɛ.

Bible

¹ Ńyãa Samaŋ Pitɛ, ŋ́gaa a Zîsɛ Kôrai yée-mu-nuu da ŋɔsia-nûu, Diai ǹaa-laa maa-mɛni kpanaŋɔɔi sɔlɔ ƃo nyíi da kúwɔ̂i dí pɔ̂riɛ̂i dɔ̃yâ-laai sârai nyíi kùla Kúɣâlai da Kúƃalo-nuui Zîsɛ Kôrai yêei.

Piɛrə veelɛ 1:1 Referans Kwoze

Taitɔ 2:13

guɔ gu wɔɔ Yálá kɛnɛ̨i da gu Nąmu Jesus Kristə, gu ɓalomun ŋą hvoló mąąwia mąąkpɔn na a kilitɔɔmąą laa.

Taitɔ 1:4

Titə, gáá ɉɛɓɛ́i ŋɛ̨i tɛɛi yɛ́, yɛ́i a nón gbɔ-kpɔɔ, laa na laa hu, yai gu kpɔnŋąąi mą. Mɛ̨inɛ̨ɛ̨, da liilaa di tɛɛ ə́ pɔ, yɛ həɠə Nąn Yálá da Jesus Kristə gu ɓalomun ɲəi.

Korɛntə veelɛ 4:13

Ɛlɛɛ yaan, gilitɔɔmąą laa tii kɛɛ mɔ̨ɔ̨ ku yəi, kuɔ Yálá mɛ̨nį kaa la a tɛ̨ą, yai di mąą mɛ̨nį pɛ̨ɛ̨, diɛ kɛ la mą: «Gaa ɓə ŋą́ mo a tɛ̨ą, yili ɓə gɛ, gɛ́ hvaa mą» yili a kɛ tii, kuɔ kpɛlimąn, ku gaa a tɛ̨ą, yili mąą mɛ̨nį ɓə ku kaa hvaai la.

Ɉaan 12:26

Nui a kɛ ə tí mą́ą́, ə hvilɛn búlú. Ɓɛi gáá laa, nąą ɓə nwɔ́ tímun gaa laa. Ɛlɛɛ, nui a tí mą́ą́, Ną́n a mąąwiɛ.

Lomaŋ 1:12

Ɛlɛɛ, nwɔ̨nɔ̨, gáá kpɔ bɔ ŋį́ kɛ ka lɔwai, ə gɛ, gu gu kee ni hvaŋą lɔ. Ka wɔ laa na laa ə váŋąlɔ, nwɔ laa na laa ə kaa kpɛli mąn ka hvaŋąlɔ.

Piɛrə veelɛ 1:4

Yili ɓə gɛ, ə mɛ̨inɛ̨ɛ̨ lɛlɛɛɠaa da mɛ̨nį kpɛa-kpɛaa naa kwɛlanmo guɔ, ə gɛ, mįnɛ̨ həɠɛɛ ti haalai, ka pɛli kulɔi kiliŋąhiɛ ɲɔ̨nwɔ̨ɔ̨ yee mu yii gaa tɔɔlaa kɛi yɛnɛ̨ɛ̨. Ə gɛ, ka ka wɔ naa hɔlɔɓo nwɔ Yálá laa hu.

Piɛrə dɔlɔɔ 1:1

Piɛrə, Jesus Kristə ŋą kɛla, gáá ɉɛɓɛ́i ŋɛ̨i tɛɛi nuąi daa di həɠə ɉu, diɛi di kaa nwɛ̨ą lɔiɠaa hu, diɛ ɓo: Pɔntə, Galatə, Kapadosə, Asi da Bitini,

Ifisiɛŋ 4:11

Ɛlɛɛ, ə mɛ̨inɛ̨ɛ̨ɠaa kɛ, diɛ ɓaa: Gɛlaɠaa, Yálá kwəi mɛ̨nį hukulɔ nuą, Nwɛlɛɛ lɛlɛɛ laa həli nuą, gbɔn mɛ̨ikaa nuą, da mąąkwɛli kɛ nuą;

Lomaŋ 1:1

Ɲą́ą́ Polə, gáá a Jesus Kristə ŋą tímun, yai Yálá ə dəli ə gɛ a nwɛlɛɛ lɛlɛɛ mąą kɛla.

Lukə 1:47

Gwə́inɛ̨ɛ̨i nwún mąąɓomun Yálá nwɔ mɛ̨inɛ̨ɛ̨ mąą mɛ̨nį ɓa

Piɛrə dɔlɔɔ 5:1

Nu pɔlɔ-pɔlɔɠaai ká lɔwai, diɛ ɓə gáá di hvaŋąlɔi, ɲą́ą́i a nu pɔlɔ-pɔlɔ yɛ diɛ, ŋį́ ɓo a mɔ̨nɔ̨i tii Kristə ə mįi, mąą kɛla, mąąwiɛ laai pai tooi pono ŋą, nwɔ́ nąą kaa ɉu:

Timote veelɛ 1:5

Laa na laa hu kwɛlɛɛ hələ-tə-təi gaa ə́ yəi, a laa na laai gbɛa kɛ, ə́ mąą Loisə, yəi, yai nwɔ̨nɔ̨ kɛ, ə́ lee Eunisə yəi, ŋą́ gíli hvilɛn mą, náái kpɔ na, ya ka tii ə́ yəi.

Filipə 3:9

kwa yaa ku yili ku kɛɛ ɓa, hva kɛ a gbɔ́wɔ́ ŋą tələnmo laa, yai ŋą́ ɉɔlɔɓo dɔn bɔ yíí hu, kɛlaa, a tələnmolaai a kulɔ nu laa mɛ̨nį Kristə la, hu, yɛ həɠə Yálá pɔ, gɔwɔ hvilɛnŋąą laa na laa mɛ̨i.

Gɛlaɠaa 15:14

Bələi Yálá ə tɔɔ la a nwąnąi, yɛ nuą hɔlɔɓo huwu takpɛliɠaa lɔwai a gɔwɔ tɔɔ yələ, Simɔn aa gəlee hu hukulɔ guɔ.

Maafîu 10:2

Nu pow-kɔw-hveelɛi Jesus ə di tɔɔ di laa ka: Dɔlɔɔ ɓa Simɔn, yii naa mɛ̨i hee ɓa a Piɛrə, da nəɠə Andre. Ɉakə da nəɠə Ɉaan diɛi kɛ a Zebede lonnii.

Piɛrə dɔlɔɔ 2:7

Káái ɓaa laa na nuą, ɓɛlɛlaa li káá, kɛlaa, kili walawala nuą di wɛi, gwɛnii bɛlɛ́ tɔɔ nuą di lənə ma, aa kɛ a bɛlɛ́ kɔ́wɔ hvilɛn gwɛni leelee,

Piɛrə dɔlɔɔ 1:7

əgɛ, ká wɔ laa na laai ɉu aa waa, yai viɛlaɓoɔ dɛɛ hɛnii da ɉu waa a nwɔ̨n mą, ə mą kɛ tii, ɉɛnii tii a kala lɔ, ká wɔɔ laa na laa tii, ə mąątɛ̨nɛ̨ laa, mąąwiɛlaa da ɓɛlɛlaa hɔlɔɓo, a ɲələi Jesus Kristə kaa pai gbɔwɔ lɛi la,

Taitɔ 1:1

Polə Yálá ŋą tímun, Jesus Kristə ŋą kɛla, yai mąąnɛ̨ɛ̨i ə pələ kulɔ a Yálá ŋą nu həɠɛɛ ɉuɠaa, diɛ pa laa na laa pɔ pələ, diɛ pɛli tɛ̨ą kɔlɔn ɉii, yɛ bələi Yálá kaa la bɔ,

Filipə 1:29

Mąąhɔlɔɓo, Yálá háálai ɓə ka kɛ la a Kristə nwɔ tínuą, ka laa mɛ̨nį na yaa tɔ̨nɔ̨ lɔ hvəə, kɛlaa, ə gɛ ka mɔ̨nɔ̨ mį́į́ mąą mɛ̨nį ɓa.

Ifisiɛŋ 4:5

gu Nąmu kaa tanɔ̨n, laa na laa tanɔ̨n, mąąwaa kɛi tanɔ̨n;

Ifisiɛŋ 3:5

Mɛ̨nį loɔ ti Yálá hvo ɉu pono tɔwɔ-tɔwɔ nuą ɲɛ̨i ɓa, yɛ bələi aa nɛ la kɛa yiihu nwɔ Kilii háálai nu mąąhəɠɛɛɠaai a gɛlaɠaa da gwəi mɛ̨nį hukulɔ nuą diɛ.

Galatə 2:8

hvo gaai, bələi lɔ Yálá ə Piɛrə kɛ la a kɛla Ɉuifəɠaa lɔwai, bələ lɔ ɓə ə gɛ́ la a huwu takpɛliɠaa di wɛi.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Korɛntə dɔlɔɔ 15:9

Mąąhɔlɔɓo, ɲą́ą́ ɓə gɛlaɠaa lɔwai a nogolaamun, a ɲą́ą́i mą́ą́ hvo nɛ̨ɛ̨li di hvo kɛ mą́ą́: kɛla; mąąhɔlɔɓo, ŋį́ gbɔn mɔ̨nɔ̨ɓo.

Korɛntə dɔlɔɔ 9:1

Akɛti, lɛɛ gbɔwɔ ɓa laa hvo mɔ̨ɔ̨ ɲə́i? Və́ mɔ̨ɔ̨ a gɛlaɠaa ta? Akɛti, və́ mɔ̨ɔ̨ gu Ną́mu Jesus kaa? Ka hvo mɔ̨ɔ̨ a gɛ́ kólo, gu Ną́mu hu?

Korɛntə dɔlɔɔ 1:30

Yai ɉáálai ɓə ka káá la Jesus Kristə hu, yai gaa a ku wɔ kilikɛɲəi laai həɠə Yálá pɔ, a təlimolaa, a mąąhəɠəlaa da ɓalo mɛ̨nį,

Lomaŋ 1:17

Yaan, bələi Yálá a nu kɛ la a tələnmomun yaa kpinįi ɲɛ̨i ɓa, nwɛlɛɛ lɛlɛɛ ɓə a yili lɛ. Ə həɠə gɔwɔ tɔɔi lɔwai ɓa, ə lɛɛ ɉu ɲąąkpɛɛi lɔwai, laa na laa lɔ ɓə. Yɛ bələi bɛ̨ɛ̨i la, diɛ kɛ mą: Nui tələnmoɔ a yɛnɛ̨ɛ̨ kɛ, nwɔ laa na laa háálai.

Ɉaan 20:21

Jesus ə pənə ə mo diɛ yɛ diɛ: «Liilaa ə kɛ ka pɔ. Bələi Ną́n ə dɔ́ɔ́ la, ŋą́ą́ gbɛli gáá ka tɔɔi ti.»

Ɉaan 1:42

Ə niɛ hon a ɲee da yaa di pa Jesus pɔ. Jesus ə ɲɛ̨i hee kpɔ Simɔn ɓa a ɉu kwɛa, yɛ mą: «Ə laa ɓaa Simɔn, Ɉaan lon maa yɛ. Kɛlaa ə́ laa ɓaa pai kɛi a Sefasə» (mukulaa ɓaa: Piɛrə, a wala kɛti: hvaɲą.)

Lukə 11:49

Yili ɓə gaa mą, Yálá ŋɛ̨i mɛ̨nį kəlee kɔ́lɔn, gaa moi ka mąą mɛ̨nį hu, yɛ diɛ: ‹Gáá pai gwəi mɛ̨nį hukulɔ nuą, da nwɔ́ tínuą tɔɔi ka pɔ, di kaa pai daɠaa paai diɛ daɠaa ɓɛlɛkpɛɛ diɛ.›

Maafîu 4:18

Yii kɛa Jesus ə kɛi tɛɛ Galile Bówa kwɛlɛ, ə diŋɛ̨n bili nuą hveelɛ kaa, diɛ ɓo a nąn non dɔ̨nɔ̨. Dɔ̨nɔ̨ laa ɓa kɛ a Simɔn, naa mɛ̨i hee ɓa a Piɛrə, da nəɠə Andre. Di kɛ a hɔ̨nwɔ̨lee kpɛ nuą.

Ɉeremi 33:16

A mąą yələi tii, Ɉuda nwun mąą kaa pai ɓoi, Ɉerusalɛmə yɛ nwɔ yɛnɛ̨ɛ̨ kɛ liilaa hu. Naai di kaa pai kɛi dəlii la, ya ka, di kaa pai kɛi mą: ‹Yai-Laa kaa a gu wɔ tələnmolaa.›»

Azaya 12:2

Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Filipə 1:1

Ɲą́ą́ Polə kwa Timote Jesus Kristə ŋą tínuą, kuɔ ɓə ɉɛɓɛ́i ŋɛ̨i tɛɛi Kristalɛa diɛ, diɛi di kaa Filipə daai, da di mɛ̨ikaa nuą, ə mą kɛ, di wɔɔ tínuą.

Zĩi 1:1

Ɲą́ą́ Ɉakə, Yálá ŋą tímun da Ną́mu Jesus Kristə, gáá ɉɛɓɛ́i ŋɛ̨i tɛɛi Israɛlə nu huwu pow kɔw hveelɛi ɓa, diɛi, di taɠa-taɠaa yɛnɛ̨ɛ̨ nąą kəlee; gáá ká túwɔ́ ɓoi.

Zûu 1:1

Ɲą́ą́ Ɉudə Jesus Kristə ŋą tímun, Ɉakə nəɠə. Gáá ɉɛɓɛ́i ŋɛ̨i tɛɛi, nuąi kpɔ Ną́n Yálá aa di təli, a wɛlikɛmąą laa, yɛ ɲɛ̨i kɛ diɛ, diɛi a Jesus Kristə nwɔɔ.