Osia 9:1 - Yálá laawoo hɛɓɛ (dc)

¹ Israɛlə, 'hvo kwəinɛ̨ɛ̨ kulɔ! 'Hvo mąną, yɛ lɔi ta kpɛliɠaa, mąąhɔlɔɓo, ə́ kaa wɛli hon ɉii a ə́ mąą kwɛai ə́ kaa moi ə wɔ Yálái ɓa, yɛ́ yili mąą hvɛla wɛlila kɛ, mɔ̨nun danɉii kəlee ɓa.

Yálá laawoo hɛɓɛ

¹ Israɛlə, 'hvo kwəinɛ̨ɛ̨ kulɔ! 'Hvo mąną, yɛ lɔi ta kpɛliɠaa, mąąhɔlɔɓo, ə́ kaa wɛli hon ɉii a ə́ mąą kwɛai ə́ kaa moi ə wɔ Yálái ɓa, yɛ́ yili mąą hvɛla wɛlila kɛ, mɔ̨nun danɉii kəlee ɓa.

Bible

¹ Eezuɛ-ƃelai, káfe lii-nɛ̃ɛ kùla. Káfe lii-nɛ̃ɛ kùla yɛ̂ɛ lɔii da kpɛ́ni su-ƃela. Kpɛ́ni fêi, káfe a tɔ̃yâ-ƃela Káɣâlai mɛni ma. Ka pîlaŋ ŋ̀ulu-wulu kɛ́-nɛ̃yaai pôlu zãâ-taŋ kwaa-ŋai ma.

Osia 9:1 Referans Kwoze

Osia 10:5

Samari nuą kaa ɲɔwi Bɛtə-Awɛn haliɠaai a nįŋɛ̨ kpəlaaɠaa, di mąą mɛ̨nį ɓa, mąąhɔlɔɓo, nɔi nuą, da ɉaláá laa həli nuą, diɛi kɛi di ɲąąnɛ̨ɛ̨ kulɔ ŋą kɛnɛ̨ laa hu, di kəlee, di mąą kaa kpɛlin ɉii, diɛ wɔlɔ pu di wɔ halii mɛ̨i, yai a nįŋɛ̨ lon, yiihu, yii kɛa daa li la tii kwɛaa la, ka gwəinɛ̨ɛ̨ ta kulɔ wɛ kan!

Osia 4:12

Ɉɛn nwɔ́ nu huwui a mąąnikɛ, ya ɓaa a nwɔ wului, ɛlɛɛ, nwɔ wulu wonwoi ɓə a gili ɲą pɔ̨nɔ̨, mąąhɔlɔɓo, wɛli mɛ̨nį a nwun ɉu lan, ɛlɛɛ, daa lɔ wɛli mɛ̨nį hu, diɛ kulɔ la di wɔ Yálái, woo mu.

Ɉeremi 44:17

Bələi gaa la ku kwəi, bələ ɓə ku kaa gɛi la. Ku kaa haláá kulɔi yələkɔlɔn ɉu tɔɔ-nɛ̨ɛ̨nui ɓa, kuɔ gɔ́ a lɔɔ, yɛ bələi ku kɛi gɛ la Ɉuda taaɠaa hu da Ɉerusalɛmə daai; kuɔ-o, ku nąnni-o, kuɔ tɔɔɓɛlaai-o, da ku ɲɛ̨itɔwɔ nuą, gɛi ku kɛi mo tii, ku kɛ ku nɛ̨ɛ̨ hu, ku hvo kɛi ɲɔ̨nwɔ̨ɔ̨ kaa.

Zĩi 5:1

Káá ɓaa, hɛn gɔw nąmįną, ká wɔlɔ, ká ká woolaa mɛ̨nį ɲɔ̨n pai həli káá, mąą mɛ̨nį ɓa!

Zĩi 4:16

Kɛlaa, yiihu, ká ká kpɔɔ ɲąą kɛnɛ̨ kaa ka hunɛɛ, gbɔwɔ ɲąą kɛnɛ̨ huwui ti ɲɔ̨nwɔ̨ɔ̨i.

Amɔsə 6:13

Lə mɛ̨nį ɓa, ka káá ka kwəinɛ̨ɛ̨i kpɛli-kpɛli mɛ̨nį hu? Kaa kɛ mą: «Kɛlɛi, ku wɔ huwalawala ɓə ku yee ə tɛɛ la Karnaimə ɓa a hvaŋą?»

Amɔsə 3:2

«Lɔi mɛ̨i heeɓo nuą kəlee lɔwai, kaa tɔ̨nɔ̨ gbən ɓə ŋį́ ɲɛ̨́i lɛlɛɛ hee kaa, yili mąą mɛ̨nį ɓa, mɛ̨nį ɲɔ̨nŋąąi kpɔ kaa gɛ, ka káá pai gwɛlan mo kɛi mą́ą́.»

Osia 5:7

Daa kulɔ Yai-Laa pulu, mąąhɔlɔɓo, daa wɛlin nonnii kaa; Yiihu, aa lɛɛ a ɲąnin dɔ̨nɔ̨, da di kwɛlinŋąą di hu yɛ kala.

Osia 5:4

Di tuwɔ pələ hva pɛli gɛi, diɛ yali di pulu, diɛ pa Yálá pɔ, mąąhɔlɔɓo, wɛli mɛ̨nį kili ɓə di tənən dɔɔi, ɛlɛɛ, di hvo Yai-Laa kɔ́lɔn.

Osia 2:12

Gáá kɛa pai nwɔ nwumɛ̨ mɛ̨nįɠaai tooi pɔ̨nɔ̨ ɲą, nwɔ wɛliɠaa ɲɛ̨́i ɓa, ɛlɛɛ, nu ta hvo pai gulɔi ɲə́i.

Izikiɛ 21:10

Nu kəlee kaa pai gili kɔ́lɔn ɉi la ti, diɛ kɛ ɲą́ą́ Yai-Laa, ɲą́ą́ ɓə ŋą́ kɔ́ kɔ́ ɓɔwai kulɔ daa hu, ɛlɛɛ, hva kɛa pənə hvo lɔ laa.›

Izikiɛ 20:32

«Mɛ̨nįi ka káá ká kiliŋąhiɛi mą, hvo pai kɛi, yai ka káá kɛi la diɛ; ku kaa bɔ ku kɛ yɛ lɔi takpɛliɠaa; yɛ yɛnɛ̨ɛ̨ nu huwu takpɛliɠaa, kuɔ wulu da kwɛniɠaa di kɔ́.

Woolaa 4:21

Ee kə, Edɔmə lɔi hu hee ɓo nuą! A kɛ lɔ tii, 'ká pili kpɔ yələi a kwəinɛ̨ɛ̨! Káái heeni Usə lɔi ɓa! Káá kpɛli mąn, gbələ kɔ́wɔ ŋɛ̨i kaa pai tɛɛi ka laa ɓa, gaa pai ká hon ɉii yɛ lɔɔ, kaa ká kpuwulu mąą lɛ.

Azaya 17:11

Ɲələi lɔ yá di hin na, ə́ ɲɛ̨i a lɛɛ diɛ, diɛ kɛnɛ̨, ɛlɛɛ yələ wala pɔ, yɛ́ kɛa di ɓa kulɔ, Kɛlaa di mįi lɔwai a həli lɔ, di ɓa ə kwɛlɛɛn, ɲɔ̨n tii ɉali hva kɛ.

Amɔsə 8:10

Ŋą́ ka wɔ hɛliɠaai kəlee mąą pənə a mąąwɛli hee ɓoɔ Ŋą́ ka wɔ wələɠaai mąąhvalin a wɔlɔ woo. Nu kəlee da mąąwɛli həɠə too di kwąną yɛ da haa too nu ɓa. Nu kəlee da di nwun gbəlaan mo, yɛ nu lon gɔw tɔ̨nɔ̨ a haa. Mɛ̨nįɠaa tii kəlee ŋąą a kpɛɛ a nwanąą.

Mąątɛ̨nɛ̨ 73:27

Yili ɓa, nui a mąąkwɛa yɛ́, mąą nu hva lamun; nui a ə́ lɛɛ, yɛ ɉon a pələ takpɛli, yá gulɔ a nwun.

Amɔsə 4:5

Lɛɠɛ yiiɠaai da gulɔ Yálá ɓa a haláá, ka dɛ hɛn bu ɉu, ka pa ka gələn, kɔ́ ɓo hɛn ka káá bɔ ka naa həli mą, ka ɉələ kɛ mɛ̨i, hvo gaai, yili ɓə nwɛli kaa kaa. Yai-Laa woo li.

Ɉeremi 2:19

Dúwɔ́ pələ ɲɔ̨n tii ə́ gɛ, hvo kɛli ə ə́ hutɔɔ. Nɛ́ɛ́ ŋɛ̨i ə́ mo laa, hvo kɛli ə ə́ hutɔɔ. Ə́ lənə mɛ̨nį Yai-Laa ə́ wɔ Yálái ɓa, hvo kɛli yá ɉu mɔ̨nɔ̨ mį́i, ə lɛɛ, ə́ ɲąąnwąnąąi kaa da ɲɔ̨nwɔ pələ. Hvó gaai, mą́ą́ mɛ̨nį hva kpɛli kɛa ə́ mąą kpɛlin. Ɲą́ą́ Nąmu Yai-Laa Mɛ̨nį Kəlee ŋą Hééɓomun nwóó li!

Ɉeremi 2:20

Ɉu aa kwɛa, Israɛlə! Yáá ə́ nwun gulɔ nwɔ́ nwun nąmu laa mu, yáá ə́ yɛli tee, yɛ́ kɛ diɛ: «Və́ kɛa bɔ, və́ kɛ a luwɔ!» Yáá li, yáá laa yee kpukpuɠaa nwuɔ̨ da wulu laa hu wiaɠaa mu, yɛ wɛli kɛ Nɛ̨ɛ̨nu.

Izikiɛ 16:15

«Kɛlaa ə́ ə́ kili lɛɛ ə́ lɛlɛ pələi ti ɓa; ɛlɛɛ, bələi ə́ laa ə taɠa la, bələ lɔ ɓə ə́ túwɔ pələ ɲɔ̨n gulɔ la. Ə́ nu kəlee ɲɛ̨i kwɛli, wɛli mɛ̨nį hu; ə́ ɓo di yəi.

Izikiɛ 16:30

Hilɛ wɛli tɛɛi kɛa kɛ ə́ lii pulu, Mɛ̨nį kəlee ŋą Hééɓomun Yálá woo li; ɓɛlɔwai ə́ kɛi mɛ̨nįɠaai tii kəlee kɛ la, ə́ kɛ yɛ wɛlikɛ nɛ̨ɛ̨nui mɛlɛ hvo mą.