Osia 8:8 - Yálá laawoo hɛɓɛ (dc)

⁸ Daa Israɛlə mu kpələ, gaa lɔiɠaa lɔwai yɛ hɛn dɔlɔ hvo mą.

Yálá laawoo hɛɓɛ

⁸ Daa Israɛlə mu kpələ, gaa lɔiɠaa lɔwai yɛ hɛn dɔlɔ hvo mą.

Bible

⁸ Eezuɛ-ƃelai laŋɔ̂ɔi. Díkaa nâa lɔii-ŋuŋ da kpɛ́ni-ŋa sáma yɛ̂ɛ sɛŋ-folo saa.

Osia 8:8 Referans Kwoze

Ɉeremi 22:28

Koniahu a mɔ̨ɔ̨ kɛ yɛ hɛnɲąŋą wolɔɔ yai dɔlɔ hvo kɛa mą, a mɔ̨ɔ̨ kɛ yɛ hɛn ɲąŋą yii di hvo bɔ? Lə ɓə kɛ yai daa di pili, yaa da nonnii, diɛ di pili lɔi di hvo gɔlɔn ɉu?

Ɉeremi 51:34

«Babilonə tɔɔmun Nabukodonosorə aa mį́i, aa gbɔ́lɔ kəlee yala ɉú, aa gɛ yɛ kɔ́wɔi da ɉu kɔ́mɔ̨, aa gbələ yɛ yileen, aa goo laa hvɛɛ a nwúlɔ, aa nówó pílii.

Lomaŋ 9:22

Bələi mąn, Yálá ə kɛ la bɔ ə nwɔ lííholi lɛ, di nwɔ huwalawalaa kɔ́lɔn; ə yili lɛɛ laa, nuąi mąąnɛ̨ɛ̨ kɛ ə niiɲąnwąną di pɔ, diɛi kɛ di nwun na pili pələ mɛ̨i, ə nii kpələ, ə ɲee hee di mu,

Izikiɛ 36:3

Yili mąą mɛ̨nį ɓa, gwə́i mɛ̨nį hukulɔ diɛ, yɛ́ diɛ; Mɛ̨nį kəlee ŋą Hééɓomun Yálá woo ka: Daa di ɲɛ̨i kulɔ ka pɔ, ɛlɛɛ, daa too ka mɛ̨i bələ kəlee, kaa kɛ a hįį takpɛliɠaa di wɔɔ, daa di laa pu ka hį́i kəlee lɔwai, lɔiɠaa hu;

Woolaa 2:16

Ə́ yowoɠaa kəlee da di laa taɠa yɛ́ ə́ ɓɛlɛ too mɛ̨ni ɓa; diɛ kwəlee hvɛɛ, diɛ di laa kpán ɲali a yɛ́, diɛ kɛ mą: «Kwaa ɉu kala, volói ku kɛi mąąkpɔn ya ka aa ɉəli. Kwáá kələi gaa!»

Woolaa 2:5

Yai-Laa aa túwɔ́ a kuɔ yɛ kwa kɛ a ɲowo, aa Israɛlə huwu pu, aa dɔɔkwəli kəlee wolo aa ɉįiɠaa pu, aa Ɉuda halakpɛla nwɔ mɔ̨nɔ̨i ta laa mɛ̨i.

Woolaa 2:2

Yai-Laa aa Ɉakɔbə heei kəlee wolo hvo kpɛli mąąwɛli kaa li nwɔ liiholi hu, aa Ɉuda halakpɛla mąąkpɛ hįi wolo aa dɔɔlaa da dɔɔɓɛlaa ɓɛlɛkpɛɛ diɛ, aa di too nɔi ɓa.

Ɉeremi 50:17

Israɛlə ə kɛ a ɓɛlaa haa lɛɛ gbɔwɔ ɓa, yalaɠaa hvilɛn ŋąą kɛ bulu, diɛ gbɛ. Asiri tɔɔmun aa gbɛa kɛ naa pɛlɛ mą, yili pulu, Babilonə tɔɔmun Nabukodonosorə ə gbəli mį́i kpɔ, ə ɉəli gɔw ɓa.

Ɉeremi 48:38

Moabə pɛlɛ́ kəlee mu, gwəli kəlee hu, wɔlɔ woo lɔ ɓə laa, diɛ kɛ mą: «Daa Moabə wolo yɛ kɔ́wɔ haɠa. Ɲą́ą́ Yai-Laa nwóó li!»

Azaya 30:14

Ɉu yɛ ɓuwo kpɔlɔ yɛ bələi ləɠi tɔɔmun nwɔ ləɠi a ɓuwɔ la, kpɔlɔ a galan bɛlɛɛ pɛlɛɛ, kɛi hva kɛ mą, nu hva pɛli kpɛli galan ta kaai hvo nwɔ̨n ɉəɠə ɉu, a wala kɛti yɛ pɛli ya haɠai ɉu.

Tɔɔɓɛlaa veelɛ 18:11

Asiri tɔɔmun ə li a Israɛlə nuą Asiri lɔi hu. Ə li a diɛ Hala, ə mą kɛ Habɔrə, Gozan ya kwɛlɛ, ɛlɛɛ da Medi taaɠaa hu.

Dutɛrɔnome 28:64

Yai-Laa kaa pai ka taɠa taɠai nu huwu kəlee lɔwai, yɛnɛ̨ɛ̨ nąą kəlee. Ka káá pai kɛi tíi kɛi haliɠaa diɛ, diɛi di kaa a: kwɛniɠaa da wuluɠaa, diɛi, kaa-o ka nąnni-o ka hvo ta di kɔ́lɔn ni.

Dutɛrɔnome 28:25

Yai-Laa kaa pai ka yowoɠaa yee tɛɛi kaa, ka kulɔ a pələ tɔ̨nɔ̨ kaa li pɛlɛi diɛ, kɛlaa da pu ka hu, kaa pu di tɔwɔ a pələ mɛ̨ihveelɛ a dee tee. Ka káá pai yɛnɛ̨ɛ̨ lɔiɠaa kəlee kwəi pili diɛ.

Levetekɔ 26:33

Ka wɛi, gáá pai ka taɠa taɠai lɔiɠaa hu, gɛ́ kɔ́ kɔ́ ɓɔwa kulɔ daai gɛ́ ɉee kaa; ka wɔ lɔi a lɛɛ a lɔi pun, ka wɔ taaɠaai di lɛɛ a taa kpoloon.

Ɉeremi 25:34

Taatɛlɛɛ mɛ̨i kaa nuą! Ka gboo təli! Ka nu kwɛli kaa! Taatɛlɛɛ tɔɔ nuą, ka too nɔi ɓa, ka kiliɠilin; ka nwun deei lɔwai aa həli, di kaa pai ka ɲąąkwɛlɛi, kaa too yɛ haláá kulɔ ɓɛlaa hilɛɠaa.

Woolaa 5:2

Ku kwɛlinŋaa daa lɛɛ nu takpɛliɠaa yəi. Nuąi ku wɔ pɛlɛ́ɠaa kaa di yəi, ku hvo di kɔ́lɔn.

Woolaa 4:2

Siɔn lonnii di a di mąą mɛ̨ni nwąnąąi, yɛ hɛni hu waa, gɛ pələ a kɛ ləi yai, da di kɔɔn ləɠi-kpɛli ɓa, a yai ləɠi tɔɔmun a dɔɔ?