Osia 8:5 - Yálá laawoo hɛɓɛ (dc)

⁵ Yai-Laa aa lənə ə́ wɔ nįŋɛ̨ lon ɓa, Samari. Nwɔ́ líiholii aa muhəɠə di laa ɓa, lə yələ kpɔ ɓə hɔn gaa pai kpɛɛi la kaa?

Yálá laawoo hɛɓɛ

⁵ Yai-Laa aa lənə ə́ wɔ nįŋɛ̨ lon ɓa, Samari. Nwɔ́ líiholii aa muhəɠə di laa ɓa, lə yələ kpɔ ɓə hɔn gaa pai kpɛɛi la kaa?

Bible

⁵ Óo Sameria taa-leei, fé wɛ̂lii a kániŋa-loŋ pɔkɔɔŋ fɛli-mɛnii. Níi ŋwânaai dí mɛni ma. Tãi nênɛ ƃé ka pâi teêi la dífɛliɛɛ mai?

Osia 8:5 Referans Kwoze

Osia 10:5

Samari nuą kaa ɲɔwi Bɛtə-Awɛn haliɠaai a nįŋɛ̨ kpəlaaɠaa, di mąą mɛ̨nį ɓa, mąąhɔlɔɓo, nɔi nuą, da ɉaláá laa həli nuą, diɛi kɛi di ɲąąnɛ̨ɛ̨ kulɔ ŋą kɛnɛ̨ laa hu, di kəlee, di mąą kaa kpɛlin ɉii, diɛ wɔlɔ pu di wɔ halii mɛ̨i, yai a nįŋɛ̨ lon, yiihu, yii kɛa daa li la tii kwɛaa la, ka gwəinɛ̨ɛ̨ ta kulɔ wɛ kan!

Ɉeremi 13:27

Əkə́! Ə́ wɔ wɛli hon mɛ̨nįɠaa, ə́ tomą pələ a wɛli ɲąŋą kulaa, ə́ kpɔɔ tɛɛ mɛ̨nį hinąą pɔ, hvá mąn nwumɛ̨ ɉu, ɲeeɠaa nwuɔ̨, da ɲɛa kɔ́ɔɠaa hu, ŋą́ą́ yili kəlee naa kaa. Ə́kə Ɉerusalɛmə! Nwumɛ̨ aa tɛ yɛ́. Hvó bɔ, hvó ə́ gbɔwɔ mąąhəɠə, hvó hvilɛn búlú! Ə́ kaa pai lɛɛi yili hu ə lɛɛɉu lə yələ?

Hanwon 1:22

«Kilikpɛɛgwəimun! Ə́ kaa pai lɛɛi kilikpɛɛgwəilaa hu, ə lɛɛ ɉu lə yələ? Yɛlɛkulɔ ɉumun! Ə́ kaa pai lɛɛi yɛlɛkulɔ ɉu kɛi, ə lɛɛ ɉu lə yələ? Mįnɛ̨ lɔwai ɓə ɓowo nuą kaa pai mɛ̨nį kɔlɔn ŋąą wɛlilakɛi la?

Gɛlaɠaa 7:41

Mąą yələi tii, di nįŋɛ̨ lon bɛli, diɛ hálaa kulɔ ɉalii ti ɓa, diɛ di kɛ kólói tii mąą kwəinɛ̨ɛ̨ kulɔ.

Osia 8:6

Mąąhɔlɔɓo, ə həɠə Israɛlə pələ, yɛlɛ mun da ɓə bɛli, Yálá hvo li; a tɛ̨ą Samari nwɔ nįŋɛ̨ lon hu kaa ɓuwɔi a gbuɔ kpuɔ.

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Azaya 45:20

'Ka ka ɲąąkpɔn, 'ka pa, 'ka lɛɠɛɓɛ a gee, kaai ka nwun ə kulɔ, lɔiɠaa hu. Nuąi tii nwuluɠaa haɠa, diɛ kɛ, di wɔ yálá li, diɛ ɉaliɠaai tii tɛ yələi, ɛlɛɛ, hɛn hva nu ɓalo, diɛ vɛli.

Dutɛrɔnome 32:22

A tɛ̨ąą! Nwɔ́ liiholi nwɔ̨n gaa pai kulɔi ɉúnwɛ̨i. Ə kələn mo kɛ kpɔ ə həli la ɲɔ̨muątaa, a lɔi kələn ə bɛlɛ ɉihɛnŋąą diɛ, a yeeɠaa kɔ́wɔ hvilɛn ɉii kələn.

Mąątɛ̨nɛ̨ 19:13

Gbɛɛ ɓə gili a pu nwɔ lan dúwɔ́ɠaa hu? Dɛ́ɠii nɛ̨ŋɛ̨ŋaa lɛɛ mą́ą́ a kpɛli.

Ɉeremi 48:13

Moabə kaa pai nwumɛ̨i Kemɔsə ɲɛ̨i ɓa, yɛ bələi Israɛlə nuą di nwumɛ̨ la Betɛlə ɲɛ̨i ɓa, yaai kɛ a di kilitɔɔi.

Osia 13:2

Ɛlɛɛ, ə mą kɛ yiihu, di yee kaa lɔ nɛ̨ŋɛ̨n ɉu, da di yəi wali həɠeen, diɛ haliɠaa pɛli la, a yɛlɛ; yɛlɛ kɛ nuą kɛ kólo lɔ li. Di mąą mɛ̨nį ɓə da kɛ kɛi la diɛ: «Da nu kanŋaa kulɔ a haláá, diɛ kwɛli hvilɛn nįŋɛ̨ lon ɉaliɠaa diɛ.»

Amɔsə 8:14

Nuąi kɛi di kwɛla a Samari hali laa, Diɛi kɛi di kwɛla, diɛ kɛ mą: «Dan! Ə́ wɔ halii laa hu!», A wala kɛ tii, «Beɛrə-Seva pələi laa hu!» Nuą tii da too di hva kɛa di muhəɠə.

Kɔlɔnikɔ Veerɛi 13:8

Yii hui ŋɛ̨i kɛa, ka káá kɛi ka tɔɔ Yai-Laa ŋą tɔɔlaai la, yaai gaa Davidə lonnii yəi! Ka kpulu hu kɛnɛ̨i, nįŋɛ̨ lonnii Ɉeroboamə ə di pɛli a hɛni, di kaa ka yə a ka wɔɔ yáláɠaa;

Osia 10:8

Di kaa pai ɉali kɔ́iɠaa kalai, di di kulɔ laa, yii gaa a Israɛlə nwɔ nɛ̨ŋɛ̨n tii; ɲąąlən da ɓówolaaɠaa di kaa pai kulɔi ɉali kɔ́iɠaai tii diɛ, di kaa pai kɛi yeeɠaa diɛ: 'Ka ku mɛ̨i kpulu! Diɛ kɛ yee kpukpuɠaa diɛ: 'Ka too ku mɛ̨i.

Mise 1:7

Ɉali mąą nįnįnŋaai kpɔ daai, gəlee hu a yali yali. Ɉɔlɔɓo hɛn gəlee a lɛɛ a nwɔ̨n gɔ̨nɔ̨n, ŋą́ nwɔ haliɠaai kəlee wolo-wolo. Mąąhɔlɔɓo, di di tiɛ̨ gee mɛ̨i, a wɛlikɛ nɛ̨ąą yəi wali. Di kaa pai pənəi di kɛ a wɛlikɛ nɛ̨ąą hvɛla.