Osia 7:8 - Yálá laawoo hɛɓɛ (dc)

⁸ Ɛfraimə aa gbɔwɔ lɛɛ laa, da lɔi takpɛliɠaa daa humu, Ɛfraimə kaa yɛ kpai di hvo dinɛ̨n ni.

Yálá laawoo hɛɓɛ

⁸ Ɛfraimə aa gbɔwɔ lɛɛ laa, da lɔi takpɛliɠaa daa humu, Ɛfraimə kaa yɛ kpai di hvo dinɛ̨n ni.

Bible

⁸ Yâwɛɛ è mò ǹyɛɛi, “Eezuɛ a gbîŋ kánaŋ ǹɔii-ŋuŋ kpéli-ŋai dîa. Eezuɛ káa yɛ̂ɛ kpólo nyii dífe niî dínaŋ nii.

Osia 7:8 Referans Kwoze

Mąątɛ̨nɛ̨ 106:35

Da huwu takpɛliɠaa di too di kee pɔ, di di yee lɔ di tuwɔ pələɠaa hu.

Ɛsdrasə 9:12

Ka hvo ka lonnii nɛ̨ą tɛɛ di lon ɉinąą pɔ, ka hvo di lon nɛ̨ąą həɠə a ka lon ɉinąą di nɛ̨ąni. Ka hvo ka ɲɛ̨i kulɔ di wɔ liilaa da di wɔ kwəinɛ̨ɛ̨ pɔ. Yili ɓə a gɛ, ka hu ə walawala, ka nɔi tɔlɔ kulɔ, ɛlɛɛ, kaa di lɛɛ a kwɛlin yii a kɛ a ka lonnii di wɔ a yələ kəlee.›

Malasi 2:11

Ɉuda nu huwu aa nwɔ liɛwooi lɛɛ, daa túwɔ́ pələ ɲɔ̨n gɛnɛ̨ kɛ Ɉerusalɛmə daai, ə mą kɛ, Israɛlə lɔi hu nąą kəlee. Yaan, kɛɛnąąi kɛ a Yálá nwɔ nąą, mąą mɛ̨nį nwąnąą Yálá ɓa, daa mɛlɛkpɛɛ mą. Hvo lɛɛ a yili, daa nɛ̨ąą həɠə, yiiɠaai da kwɛli hvilɛn haliɠaa diɛ.

Ɛsdrasə 9:1

Mɛ̨nįɠaai tii kəlee tɛɛ pulu, bɛlɛ nąmįną di pa, diɛ mą́ą́: «Israɛlə lonnii, ɉaláá laa həli nuą, da Levi huwuhu nuą, da nɔi nuą daa kɛ tɔ̨nɔ̨, diɛ ɓaa: Kanaan nuą, Hɛtə nuą, Perizi nuą, Ɉebusə nuą, Amɔn nuą, Moabə nuą, Eziptə nuą, da Amɔrə nuą, da diɛni diɛ Yálá nwąną kala.

Tɔɔɓɛlaa dɔlɔɔ 18:21

Eli ə mąą lɛɠɛ diɛ, yɛ diɛ: «Ka káá pai lɛɛi tɔɔi yai yai, ə lɛɛ la ɉu mįnɛ̨ lɔwai? Akɛ ka káá lɛɛi Yai-Laa gu wɔ Yálái pulu, ka lɛɛ bulu; akɛ ka káá hvilɛn ɉii Baalə pulu, ka hvilɛn bulu.» Kɛlaa, nuą di hvo pɛli woo ta ɓoi.

Maafîu 6:24

«Nu hva pɛli tíi tɔɔmun veelɛ ɓa a gee. Ya dɔ̨nɔ̨ wɛli la kɛ, dɔ̨nɔ̨ wɛli ə kpɛɛ yɛ́. A wala kɛti, yá lɛɛ dɔ̨nɔ̨ woo mu, ə́ dɔ̨nɔ̨ hviiɓo. Ka hva pɛli kɛi a Yálá nwɔ tí mun, kaa ɓo nwɔ̨nɔ̨, a wali nwɔ tí mun.»

Sofoni 1:5

Nuąi da tɛ gbɛan ŋą, diɛ kwɛli hvilɛn yələ kwəi hɛnŋąą diɛ, nuąi da kwɛli hvilɛn Yai-Laa ɓa, diɛ di kwɛla a di wɔ hali Melɛkə laa, gáá gəlee nwun napilii.

Osia 9:3

Di hvo pai pɛlii lɛɛi Yai-Laa nwɔ lɔi hu, Ɛfraimə kaa pai pənəi ə li Eziptə lɔi hu, ɛlɛɛ, kɔ̨nɔ̨n tɔ́n gaa mą, gaa pai mį́į́ Asiri lɔi hu.

Osia 5:13

Ɛfraimə aa nwɔ ɲɔ̨n kaa, Ɉuda yaan, aa nwɔ palai kaa; Ɛfraimə aa li Asiri pɔ pələ, ɛlɛɛ, aa kɛla tɔɔ dɔɔmun gɛnɛ̨ pɔ. Kɛlaa, gáá moi kaa: Hva pɛli ka ɓaloi, hva pɛli ka wɔ palai hali kɛi.

Osia 5:7

Daa kulɔ Yai-Laa pulu, mąąhɔlɔɓo, daa wɛlin nonnii kaa; Yiihu, aa lɛɛ a ɲąnin dɔ̨nɔ̨, da di kwɛlinŋąą di hu yɛ kala.

Osia 7:9

Nwɛ̨ąą kaa vaŋą kpɛɛi, ɛlɛɛ nwɛi, gili hvo ɉu; yili pulu nwun nəɠa bowa yɛ pu ɉu, ɛlɛɛ mɛ̨nį ta kpaɠala hvo mą.