Osia 6:9 - Yálá laawoo hɛɓɛ (dc)

⁹ Ɉaláá laa həli nuą kaa nuą paai Sisɛmə pələi pɔ, yɛ nu kpulu a hee dɔwɔ kɛ, mɛ̨nį ɲɔ̨n gɛnɛ̨i di yee kaa ɉu, ya ka tii.

Yálá laawoo hɛɓɛ

⁹ Ɉaláá laa həli nuą kaa nuą paai Sisɛmə pələi pɔ, yɛ nu kpulu a hee dɔwɔ kɛ, mɛ̨nį ɲɔ̨n gɛnɛ̨i di yee kaa ɉu, ya ka tii.

Bible

⁹ Yɛ̂ɛ berei mɛni nyɔ́mɔɔ kɛ́-ƃela da kɛ̂ la díkpulu ma díkɛ núu maa kpɛ̂ŋ la a gɛɛ dí sɛŋ kula yêei kɛ̂i, bere ƃé zâla láa-soŋ-ƃelai díkaa la díkîɛ ma. Da núu pàa Sɛkɛŋ perei ma. Tɔ̃yâ ma, da mɛni nyɔ́mɔɔ kɛ̀ a núu.

Osia 6:9 Referans Kwoze

Osia 7:1

Ɓɛlɔwai kpɔlɔ gáá la bɔ ŋį́ Israɛlə ɓalo, nąąlɔwai kpɔlɔ ɓə Ɛfraimə nwɔ nɛ̨ŋɛ̨n a too la pɔ̨nɔ̨ ŋą, da Samari nwɔ kɛɛ kala mɛ̨nįɠaa, mąąhɔlɔɓo, lɛɛ ɓə di kaa gɛi, nwuɔ̨mun aa lɔ bɛlɛ́ɠaa mu, nu paa mun aa kpɔlu ɲɛnɛ̨ɛ̨ pələ.

Osia 5:1

Kaai a ɉaláá laa həli nuą, 'ka ka wəli tɔɔi ə́ wəli tɔɔ a nɛlɛɛ, Israɛlə nwɔ pɛlɛ́i, Kaai a dɔɔ pɛlɛ́ mu nuą, 'ka ka wəli tɔɔ a nɛlɛɛ! Kaa ɓə kiti kaa ka mɛ̨i; mąąhɔlɔɓo, ɓɛ kaa kɛ a hɛlɛn Mispa, da ɓaaləi daa dɛ Tabɔrə yee nwuɔ̨.

Ɉaan 11:47

Nąąlɔwai, haláá laa həli nuą kpɛa-kpɛa da Farisiɛ̨ɠaa di tɔ́n vili nąmįną ŋąąkpɔn, diɛ diɛ: «Ɉulɔnui ŋɛ̨i kaa kpalo mɛ̨nį tamąą kɛi, lə mɛ̨nį ɓə ka gu kaa gɛi ɉu?

Markə 14:1

Ə lɛɛ a hvóló hveelɛ, pakə hɛli, da hɛlii yii di kɛi bu diɛ lɛɠɛ mį́i dɛ hɛn və ɉu, yɛ həli. Ɉaláá laa həli nuą nwun nąmįną da dɔ́n galamɔ̨ɔ̨ɠaa di kɛ bɔ di Jesus hon a gbąnąlaa, əgɛ, di baa.

Sofoni 3:3

Nu kpɛa-kpɛai di kaa daa kwəi, di kaa yɛ yalaɠaa, diɛ huluun. Nwɔ kiti tee nuą kaa yɛ hvitili ɓa kwɛ́liɠaa, di hva huwɔ kɔ́w tɔ̨nɔ̨n kpɛli lɛɛ, yii tinąą da di ɲįn vilɛn mą yələwala pɔ.

Mise 3:9

Ka ka wə́li tɔɔ mɛ̨nįi ŋɛ̨i ɓa, Ɉakɔbə nwɔ pɛ́lɛ́i ɲąąwooɓo nuą, Israɛlə nwɔ pɛ́lɛ́i ɲɛ̨itɔwɔ nuą, a kaai ŋɛ̨i tɛ̨ą wɛli kpɛɛ kaai, kaa mɛ̨nį haŋąą kəlee kpɛlaan.

Izikiɛ 22:27

Ɲɛitɔwɔ nuą kaa di lɔwai yɛ kwɛ́liɠaa da kɛ huwɔɠaa lɔwai, diɛ ɲąmą pu, diɛ nuą paa di wɔ hɛn gɔwɠaai nwuɔ̨ mɛ̨nį ɓa.

Izikiɛ 22:9

Laa kala nuą kaa ə́ pɔɔli, diɛ nuą ɲąątɔɔ ɲąmą pu mɛ̨nį ɓa. Da kɛ haláá kɔ̨nɔ̨n mįi yeeɠaa nwuɔ̨ ə́ pɔɔli, mɛ̨nįi hva nu mąąhon, da gɛ ə́ pɔɔli.

Ɉeremi 11:9

Yai-Laa yɛ nwɔ̨nɔ̨ mą́ą́: Ɉuda nuą da Ɉerusalɛmə nuą daa di kwɛli tee.

Ɛsdrasə 8:31

Ku həɠə Ahawa ya kwɛlɛ, ɲąnin dɔlɔɔ nwɔ hvóló pow kɔ́w hveelɛ yələ (12), kuɔ li Ɉerusalɛmə; ku wɔ Yalái yee ə kɛ ku mɛ̨i, ə ku kulɔ ku yowoɠaa yəi bələ pɔ, da doomɛ̨i kɛ nuąi da hee nuą tɔwɔ.

Tɔɔɓɛlaa dɔlɔɔ 12:25

Ɉeroboamə ə Sisɛmə mąątinɛ̨n a hįi, daai tii kaa Ɛfraimə yee hu, ə hee laa. Yili pulu, ə həɠə laa ə Penuɛlə mąątinɛ̨n a hįi.

Gɛlaɠaa 4:24

Ɓɛlɔwai di mɛ̨nįi ti mɛ̨n na, di kəlee di bɛlɛ gee ɓa, di Yálá hvɛli diɛ mą: «Hɛn gəlee pɛli mun Yálá! Yɛ́ ɓə yələkɔlɔn da lɔi di pɛli, ə mą kɛ, gboloyá, da ɉu hɛnŋąa kəlee.

Izikiɛ 22:25

Nwɔ Yálá kwəi mɛ̨nį hukulɔ nuąi daa daa laahvɛɛ a ɲaba mɛ̨nį, di kaa nuą mįi, yɛ bələi yala a kɛ nuą mįi la; yɛ huluun. Diɛ hɛn gɔwɠaa da waliɠaa həɠə; diɛ kalanənŋaa tamą daa kwəi.

Izikiɛ 23:27

Ŋą́ ə́ wɔ tuwɔ pələ ɲɔ̨n kpɛla kɛa bələi, da ə́ wɔ wɛli mɛ̨nįi ə́ ə́ yee lɔ ɉu Eziptə lɔi hu, hva kɛa ə́ ɲɛ̨i kulɔ di pɔ; hva kɛa ə́ kiliŋąhiɛ Eziptə ɓa.

Osia 2:10

Hvo kɛ gbaɠala kɔ́lɔn yɛ kɛ mɔ̨nun, wulɔ, lɔɔ nɛ̨ɛ̨, ɲą́ą́ ɓə kɛi di tɛɛ bɔ, ŋį́ kɛi wali tiɛ̨ mą, ɛlɛɛ, ɉɛni nwɛi, di kɛi Baalə mąą mɛ̨nį kɛ la.

Osia 4:2

Nu woo kala mɛ̨nį, lɛɛ, nu paa mɛ̨nįɠaa, nwuɔ̨, wɛli mɛ̨nį, di laa aa too; ɲąmą kpoloon yɛ ɉeei kaa.

Osia 5:2

Nu kpoloonŋąą daa lɔwa kpon ɉu kwɛaa tee. Kɛlaa ɲą́ą́n gáá həlii kpɔ gəlee diɛ tɛ̨ɛ̨ tɛ̨ɛ̨.

Zɛnɛse 12:6

Abramə ə nɔi tii hu ɓɔ, ə li ɓɛi ŋɛ̨i a More ɲeeɠaa ɓa, Sisɛmə daai. Kanaan nuą ɓə ni kɛ heeni nɔi tii hu.

Mise 7:2

Kulɔ nwooɓamun aa kpɛɛ nɔi hu, tələnmomun və kɛa nuą lɔwai; di kəlee daa hɛlɛn dɛ ɲąmą pu mɛ̨nį ɓa, nu kəlee yɛ ɓaalə tɛ gaayɔwɔ tɔwɔ.