Osia 6:11 - Yálá laawoo hɛɓɛ (dc)

¹¹ Yɛ́ kpɛli mąn Ɉuda, gáá mɔ̨nun mɔn ŋąą heei ə́ tɔwɔ, a ɲələi gáá pai nwɔ́ nuąi kulɔi la luwɔlaa hu.

Yálá laawoo hɛɓɛ

¹¹ Yɛ́ kpɛli mąn Ɉuda, gáá mɔ̨nun mɔn ŋąą heei ə́ tɔwɔ, a ɲələi gáá pai nwɔ́ nuąi kulɔi la luwɔlaa hu.

Bible

¹¹ “Ǹyaŋ à kɛ̀ a yá, óo Zuda, tɔŋ kpɛ-maa a pâi pâi ípɔ.

Osia 6:11 Referans Kwoze

Ɉeremi 51:33

Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka, yɛ diɛ: Babilonə lɛlɛɛ kaa yɛ mɔ̨nun gbala gbaha, ɓɛlɔwai di kaa pai bɛlɛi la, ɉu hvo kɛa kwɛa li diɛ pa mɔ̨nun bui mɛ̨i,

Zôo 42:10

Gɛɛ ti, Yai-Laa ə Ɉobə yəi hɛnŋąą bɔɔ tɛɛ bɔ, mɛlaa mąą nɛ̨ɛ̨mąą hveɛ pulu. Ɛlɛɛ Yai-Laa ə Ɉobə nwɔ hɛnŋąąi kəlee tɛɛ bɔ a gee mɛ̨i hveelɛ hveelɛ.

M̀ɛni-lɛɛi 14:15

Yili pulu, malaka takpɛli ə kulɔ Yálá hee pɛlɛ́ mu, ə tomą kpɔ a nwoo kɛnɛ̨, nui tii kɛ heeni dulɔ kpinį mɛ̨i, bɔ pələ, yɛ mą: «'Yɛ́ mɔnun-dee ɓowai pili ə́ yee mɛ̨i, ə́ mɔnun dee la. Mɔnun dee yələ aa ɉəli, hvo gaai, lɔi mɛ̨i mɔnun aa mɔ̨n.»

Sofoni 2:7

Nuąi pai lɛɛi Ɉuda nwɔ pɛlɛ́i mu, nɔi tii kaa lɛɛi a di wɔɔ, nąą ɓə di kaa pai kɛi lii laa a di wɔɔ taatɛlɛɛɠaai, diɛ di laa mį́i. Yələwulii pɔ, Askelɔn nwɔ pɛlɛ́ɠaai ɓə da di hvįįtɔɔ mu. Hvó gaai, Yai-Laa Ɉuda nwɔ Yálái, gaa pai ɲee pɛlɛi nɔi tii ɓa, di mąą mɛ̨nį ɓa, Ɉuda lɔi hu nuąi luwɔ pələi, ə pa a diɛ.

Mise 4:12

Kɛlaa di hvo Yai-Laa kwəi kɔ́lɔn, mɛ̨nįɠaai gaa giliŋąhiɛi mą, di hvo gbaɠala kaai; gbaɠala hvo diɛ, diɛ kɛ: aa di ɲąąkpɔn yɛ mɔ̨nun gɔnŋąą, mɔ̨nun dan ɉii.

Mąątɛ̨nɛ̨ 126:1

Ɲee mąąhəɠɛɛ tɛ wələ. Ɓɛlɔwai Yai-Laa ə kɛi pənə yɛ paa la, a Siɔn lonnii kɛ luwɔlaa hu, ə kɛ lɔ yɛ kwa kɛi hį́į kaa!

Mąątɛ̨nɛ̨ 85:1

Nwələ ɲɛ̨itɔwɔmun, Kore lonnii di wɔ wələ woo.

Ɉeremi 30:10

Yɛ́i a nwɔ́ tímun Ɉakɔbə, hvo ɲɔw Yai-Laa woo li. Ə́ líi hvo kulɔ yɛ́ Israɛlə, gáá pai ə́ kulɔi nwɛ̨ą lɔiɠaa hu, gɛ́ ə́ huwu kulɔ mąąkilɛ lɔi hu. Ɉakɔbə kaa pənəi ə pa liilaa hu, a nwəli pulu laɠiɛ, nu ta hva viikpɛɛ.