Osia 5:8 - Yálá laawoo hɛɓɛ (dc)

⁸ 'Ka tulu hvɛɛ Givea, 'ka nįŋɛ̨ mįnɛ̨ hvɛɛ Rama, 'ka təluɓo kɛ Bɛtə-Awɛn. Daa ə́ hon, ə́ kɔ́n bulu pələ, Bɛnɉamɛn!

Yálá laawoo hɛɓɛ

⁸ 'Ka tulu hvɛɛ Givea, 'ka nįŋɛ̨ mįnɛ̨ hvɛɛ Rama, 'ka təluɓo kɛ Bɛtə-Awɛn. Daa ə́ hon, ə́ kɔ́n bulu pələ, Bɛnɉamɛn!

Bible

⁸ Dúrii fɛ́ɛ Gibea taa-leei su. Dúrui fɛ́ɛ Lama taa-leei su. Dúrii wóo kúla Bɛtavɛ̃ŋ taa-leei su. Óo Bɛŋsima ŋɔnûai, ka lí kɔ́ ma.

Osia 5:8 Referans Kwoze

Osia 9:9

Di yee aa ɓɔ nɔgwəi mɛ̨nį hu, yɛ bələi ə kɛ la Givea, di hɔn gɛnɛ̨i tii, kili kaa pai lɛɛi Yai-Laa ɲą, gaa pai di wɔ nɛ̨ŋɛ̨nŋąą i kwələ kulɔi diɛ.

Osia 4:15

Yii kpɔ yɛ́, Israɛlə, yá kɛ wɛli hon ɉii, Mąą hvo nɛ̨ɛ̨li Ɉuda yaa kpɛlimąn, hvo tɔɔ yɛ ɉɔn gɛ. 'Ka hvo li Gilgalə, 'ka hvo tɛ Bɛtə-Awɛn, 'ka hvo ka kwɛla, kaa kɛ diɛ: «A kɛ kpɔ Yai-Laa kaa a vulú.»

Zooɛ 2:1

Dulu hvɛɛ Siɔn taa mɛ̨i, tómą nwɔ́ yee mąąhəɠɛɛ ɓa. Nɔi lonnii kəlee di kpɛlin, mąąhɔlɔɓo, Yai-Laa nwɔ hvólói aa həli; Yaai kɛ mąą kpuai.

Ɉeremi 4:5

Ka noloɓo Ɉuda lɔi hu! Ka Ɉerusalɛmə nuą kilaa pɔ̨nɔ̨! «Ka dulu hvɛɛ nɔi nąą kəlee ka tomą a ka woo kɛnɛ̨, kaa diɛ: ‹Ka pa-o! Ka ka ɲąąkpɔn daaɠaai hįi kaa diɛ ɉu!›

Samuɛlə dɔlɔɔ 15:34

Samuɛlə ə pənə ə li bɔ taai Rama. Saulə yaa kpɛli, ə li Givea.

Osia 8:1

'Dulú hvɛɛ, mɔ̨nɔ̨ kaa pai Yai-Laa nwɔ pɛlɛ́i mɛ̨i, yɛ kuwɔ. Mąąhɔlɔɓo, daa nwɔ́ mįnɛ̨i hu kala, dɔ́n ŋį́ naa diɛ, daa di nwun gulɔ mu.

Azaya 10:29

di tɛɛ ɲee lɔwai, diɛ mą: «Ku kaa lii yii Gɛva!» Rama mąą kaa kpɛlin ɉii, Saulə pɔ taai Givea nuąi kaa pui.

Nwun mąąɓo 5:14

Nuąi di yee ə tɛɛ Amalɛkə nuą diɛ, di həɠə Ɛfraimə lɔi hu, Bɛnɉamɛn nu huwu di hvilɛn di pulu, di humo a di kee. Makirə yəi bɛlɛ́n nuą, di kɔ́kulááɠaa kulɔ, Zabulɔn nu huwu, ɲɛ̨itɔwɔ nuą kulɔ, tɔɔ-tunwɔ̨n ə ɓo di yəi.

Zooɛ 2:15

Ka tulu hvɛɛ Siɔn daai, ka hin noloɓo, ka ɲąąkpɔn gɛnɛ̨ɛ loloɓo.

Osia 10:5

Samari nuą kaa ɲɔwi Bɛtə-Awɛn haliɠaai a nįŋɛ̨ kpəlaaɠaa, di mąą mɛ̨nį ɓa, mąąhɔlɔɓo, nɔi nuą, da ɉaláá laa həli nuą, diɛi kɛi di ɲąąnɛ̨ɛ̨ kulɔ ŋą kɛnɛ̨ laa hu, di kəlee, di mąą kaa kpɛlin ɉii, diɛ wɔlɔ pu di wɔ halii mɛ̨i, yai a nįŋɛ̨ lon, yiihu, yii kɛa daa li la tii kwɛaa la, ka gwəinɛ̨ɛ̨ ta kulɔ wɛ kan!

Ɉeremi 6:1

Ka kulɔ Ɉerusalɛmə daai. Bɛnɉamɛn huwuhu nuą ka ka mąąkilɛi kwɛli pələ takpɛli. Ka kɔ́ tulu hvɛɛ Tekoa ka huu pili Bɛtə-Kɛrɛmə, mɛ̨nį ɲąą nwąnąą kaa ka mąą hɛɠii, gaa a lɔi kala mɛ̨nį kɛnɛ̨, gaa həɠəi ɲanwuɔ̨ pələ ɲeeɠaa hu.

Tɔɔɓɛlaa dɔlɔɔ 12:29

Ɉeroboamə ə dɔ̨nɔ̨ tɔɔ Betɛlə, ə dɔ̨nɔ̨ tɔɔ Dan.

Samia Veerɛi 21:6

nu mɛ̨ihveelɛ tɛɛ ku pɔ ɉuwu hu nuą lɔwai, ku di hɛlɛn Yai-Laa lííla, Saulə ŋɛ̨i Yai-Laa ə ɉee a tɔɔmun bɔ taai Givea.» Tɔɔmun yɛ mą: «Gáá di tɛɛi ka pɔ.»

Samuɛlə dɔlɔɔ 8:4

Israɛlə kalanɉonŋaa kəlee di di ɲąąkpɔn, di pa Samuɛlə pɔ Rama daai.

Samuɛlə dɔlɔɔ 7:17

Yili pulu, ə kɛi pənə yɛ pa Rama, naa ɓə ɉeɛ ə kɛ laa, naa ɓə ə kɛi Israɛlə ɲąąwooɓo laa, ə haláá kulɔi pɛli laa Yai-Laa ɓa.

Zasua 7:2

Ɉosue ə lɛɛ Ɉeriko, ə nuą tɔɔ, diɛ li Ai daai, yii kɛ Bɛtə-Awɛn kwɛlɛ, Betɛlə taa voló həɠəi pələ, yɛ diɛ: Ka li ka nɛ̨lɛ̨ɛ̨n naa kɛ nɔi. Nuą tii, də li, di nɛ̨lɛ̨ɛ̨n naa kɛ Ai daai,

Amɔsə 3:6

Da pɛli mɔ̨ɔ̨ di kɔ́ tulu hvɛɛ taai yii daai nuą hu hva pu diɛ? Mɛ̨nį nwąnąą ta a pɛli ə laa ta ɓa, akɛ hvo həɠə li Yai-Laa pɔ?