Osia 4:9 - Yálá laawoo hɛɓɛ (dc)

⁹ Mɛ̨nįi pai laai nɔi lonnii diɛ, yaa lɔ ɓə pai laai ɉaláá laa həli mun ma, gáá pai muhəɠəi di laa ɓa, di túwɔ́ pələ mąą mɛ̨nį hu, gɛ́ di kɛ mɛ̨nįɠaa kwələ kulɔ diɛ.

Yálá laawoo hɛɓɛ

⁹ Mɛ̨nįi pai laai nɔi lonnii diɛ, yaa lɔ ɓə pai laai ɉaláá laa həli mun ma, gáá pai muhəɠəi di laa ɓa, di túwɔ́ pələ mąą mɛ̨nį hu, gɛ́ di kɛ mɛ̨nįɠaa kwələ kulɔ diɛ.

Bible

⁹ Berei máŋ ŋánûai dí sɔnyɔ̂ŋ kɛ̀ lai, ŋa pâi da zâla láa-soŋ-ƃelai dí kula maa kɛ̂i a bɔriɛɛ. Da pâi dísɔnyɔ̂ŋ fela fêi kɛ̂i.

Osia 4:9 Referans Kwoze

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Azaya 24:2

Ɉaláá laa həli nuą, da nɔi lonnii, luwɔ nąmu, da nwɔ luwɔi, luwɔ leenɛ̨ą, da nwɔ luwɔ nɛ̨ɛ̨nu, lɔwɔtɔɔmun, da lɔwɔtíɲɛ̨ yamun, hiɲɛ̨n gɛmun, da hɛn nąmu, kwələ tɔɔmun, da kwələ həɠəmun.

Maafîu 15:14

Ka di lɛɛ laa, ɲɛ̨ipunuą ka tii di ɓɛlaa di wɔ tunwɔ̨n ɉon ɉii. Ɲɛipumun lɔpee a mɛlan nwɔ tunwɔ̨n ɉon, di nu hveelɛ da too lɔwai.»

Zakari 1:6

Ɛlɛɛ yaan, váá wooɠaa, da gwə́i mɛ̨nįɠaa, a diɛi tii ŋą́ di laa nwɔ́ tínuąi a gwə́i mɛ̨nį hukulɔ nuą di nwuɔ̨, di hvo mɔ̨ɔ̨ həli ka nąnni diɛ? Nąąlɔwai, di yali di pulu, di hvaa mą, diɛ kɛ: Yai-Laa Mɛ̨nį Kəlee ŋą Hééɓomun, ə naa gwəi, yɛ: gaa pai ku hon ɉi, yɛ bələi ku gwɛli la, a ku hiɛ pələ, da ku tuwɔ́ pələ; ɛlɛɛ yaan, bələ kpɔlɔ ɓə aa ku hon na.»

Osia 9:9

Di yee aa ɓɔ nɔgwəi mɛ̨nį hu, yɛ bələi ə kɛ la Givea, di hɔn gɛnɛ̨i tii, kili kaa pai lɛɛi Yai-Laa ɲą, gaa pai di wɔ nɛ̨ŋɛ̨nŋąą i kwələ kulɔi diɛ.

Osia 8:13

Yii di yəi a haláá ya ka; ɉuwɔi da gulɔ a haláá, da pənə di mįi; Kɛlaa, yili hva nɛ̨ɛ̨ Yai-Laa ɓa, yiihu, gaa giliŋąhiɛi di wɔ nɛ̨ŋɛ̨nŋąąi ɓa, yɛ di wɔ túwɔ́ pələ ɲɔ̨nŋąąi lonon. Hvo kɛli nwɔ̨nɔ̨ di pənə di li Eziptə lɔi hu.

Osia 1:4

Yai-Laa yɛ Ose ɓa: «Naa hee a Izreɛlə, mąąhɔlɔɓo ɉu hvo kɛa kwɛali, gáá pai Ɉehu nwɔ pɛlɛ́i mąąnikɛi Izreɛlə ɲąmą mąą mɛ̨nį ɓa. Ɛlɛɛ gáá pai Israɛlə tɔɔlaa kpɛɛi.

Azaya 3:10

Ka mo kaa diɛ: tələnmomun nwun na nɛ̨ɛ̨i, hvó gaai kaa pai gɛ tíi dɔlɔ mįi.

Hanwon 5:22

Nwąnąlɔ mun a kɔ a gbɔwɔ kpinįi nwɔ nwąnąlɔɔ ɓaalə. A too gbɔɔ-kpɔɔ nɛ̨ŋɛ̨n diŋɛ̨n ɉu.

Hanwon 12:14

Nu tɛitɛi a hɛn ɉɔlɔɓo vaa woo hu, nu kəlee yɛ gɛ koló mąą hvɛla hɔlɔɓo.

Osia 7:2

Ɛlɛɛ di hvo kɛ gɔlɔn di kwəi pələ diɛ kɛ mɛ̨nį ɲɔ̨n di kaa gɛi, gáá gəlee kili lɛɛi ɲą́; yiihu, di kɛ mɛ̨nįɠaa daa di yili, di kaa ɓɛ ɲɛ̨́i mu.

Osia 9:15

Di kwəi kili ɲɔ̨nwɔ̨ɔ̨ tii ə too pɔ̨nɔ̨ ɲą Gilgalə: Nąą ɓə di wɛli ə kpɛɛ laa mą́ą́; Di kɛ mɛ̨nįɠaa ɲɔ̨nwɔ̨ pələ, gáá pai di kpɛi ɲə́i bɛlɛ́n, di wɛli hva kɛa too mą́ą́, di ɲɛ̨itɔwɔ nuą kəlee kaa a kulɔ nwoo mu nuą.

Osia 10:10

Gáá bɔ ŋį́ di hutɔɔ, mąąhɔlɔɓo, daa kanąn di wɔ nɛ̨ŋɛ̨n veelɛi ɓa, lɔiɠaa kaa pai tínɛ̨n ɉii diɛ.

Osia 12:2

Ɛfraimə kaa goo laahvɛɛi a hvaŋą, a túwɔ́ gilɛ həɠəi kpɛli kpɛli mɛ̨nįɠaa pulu, yɛ, lɛɛ da hulu mɛ̨nį di tiɛ̨ lɔ gee mɛ̨i, da Asiri di kaa mįnɛ̨ həɠəi, yɛ wulɔ tɛɛ Eziptə pɔ.

Hanwon 11:31

Tələnmomun a lɛɛ lɔi mɛ̨i ə dɔlɔ ta hɔlɔɓo, gu hvomun kɛ nwąnąlɔ nuą da nɛ̨ŋɛ̨n ɉəɠə nuą!

Izikiɛ 44:10

«Leviɠaai tii di mąąkwɛa mą́ą́, a ɓɛlɔwai Israɛlə ə lan na, di lan, diɛ di mąąkwɛa mą́ą́ di hvilɛn ŋąą di wɔ haliɠaai pulu, di kaa pai di wɔ nɛ̨ŋɛ̨n diɛ̨i həɠəi.

Izikiɛ 44:12

Mąąhɔlɔɓo, di kɛi di mąą mɛ̨nį ɲɛ̨i kulɔ haliɠaa ɲɛ̨i ɓa; ɛlɛɛ, di Israɛlə nwɔ pɛlɛ́i yee lɔ nɛ̨ŋɛ̨n ɉu; yili mąą mɛ̨nį ɓa, gáá di hutɔɔi diɛ di wɔ nɛ̨ŋɛ̨n ɉu mɔ̨nɔ̨ mįi. Mɛ̨nį kəlee ŋą Hééɓomun Yálá woo li.

Osia 12:3

Yai-Laa da Ɉuda di kaa kiti haɠa ɓa, yɛ Ɉakɔbə mąąni kɛ dúwɔ́ pələɠaa hu, yɛ ɉon yɛ bələi ə gwɛli la, gɛ mɛ̨nįɠaa hu.