Bib sou entènèt

Osia 4:1 - Yálá laawoo hɛɓɛ (dc)

¹ Israɛlə lonnii, ka ka wəli tɔɔ Yai-Laa woo ɓa: Yai-Laa da nɔi lonnii di kaa kiti haɠa ɓa, mąąhɔlɔɓo tɛ̨ą mɛ̨nį, nu mɛlan gaalon nwɛli la kɛɛ, da Yálá kɔ́lɔn mɛ̨nį, da hvo kɛa nɔi.

Gade chapit la Kopi

Yálá laawoo hɛɓɛ

¹ Israɛlə lonnii, ka ka wəli tɔɔ Yai-Laa woo ɓa: Yai-Laa da nɔi lonnii di kaa kiti haɠa ɓa, mąąhɔlɔɓo tɛ̨ą mɛ̨nį, nu mɛlan gaalon nwɛli la kɛɛ, da Yálá kɔ́lɔn mɛ̨nį, da hvo kɛa nɔi.

Gade chapit la Kopi

Bible

¹ È mò ǹyɛɛi, “Teniŋ ƃô-nuu tɔnɔ kpîŋ fé naa. Dífa ŋ́oo sìɣe a gbanaŋɔɔ. Dífe ŋɔ́nɔ ŋ́gɔlɔŋ a Díɣâla.

Gade chapit la Kopi

tounen moute ⬆

Osia 4:1
44 Referans Kwoze

Ɉeremi 4:22

A tɛ̨ą, nwɔ́ nuąi kili hvo di kwəi! Di hvo kpɛli gɔ́lɔn. Di hva mɛ̨nį kpaɠala kaa. Di yɛlɛɛi mɛ̨nį ɲɔ̨n gɛi, di hva pɛli nɛlɛɛ kɛi.

Mise 6:2

Ka ka wəli tɔɔ Yai-Laa nwɔ kiti wooi ɓa, yeeɠaa! Ɛlɛɛ, kaai a lɔi kɔ́wɔ hvilɛn gwɛni walawala, 'ka ka wəli tɔɔ! Vaai Yai-Laa da nwɔ nu huwui di lɔwai, ya ka: Da Israɛlə di kaa di woo hu kulɔi.

Korɛntə dɔlɔɔ 15:34

'Ká pənə ká hvilɛn tɛ̨ą pələ mɛ̨i, 'ká hvo nɛ̨ŋɛ̨n ɉəɠɛɛ. Gbala ə tɔɔ, ká taɠaa di hvo Yálá kɔlɔn, gáá yili ɓoi a ká nwumɛ̨ mɛ̨nį.

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.

Osia 12:2

Ɛfraimə kaa goo laahvɛɛi a hvaŋą, a túwɔ́ gilɛ həɠəi kpɛli kpɛli mɛ̨nįɠaa pulu, yɛ, lɛɛ da hulu mɛ̨nį di tiɛ̨ lɔ gee mɛ̨i, da Asiri di kaa mįnɛ̨ həɠəi, yɛ wulɔ tɛɛ Eziptə pɔ.

Ɉeremi 25:31

Din gaa həlii lɔi kpon ɉeei, Yai-Laa a kiti pɛlɛ lɔiɠaa diɛ. Aa mɛ̨nį ɓo kpalatɔɔ, yɛ vilɛn nu kan gəlee ɓa, nuąi a kala diɛ, a di tɛɛ ɓɔwa kwɛa pɔ. Yai-Laa woo li.

Ɉeremi 5:4

Ya ɓə ŋį́ kɛ diɛ: «Di hvo gbana li kpɛli tiikpə, nu tununŋaaɓaa diɛ, di ŋaakpɛɛ diɛ, mąąhɔlɔɓo, di hvo Yai-Laa woo kɔ́lɔn, di hvo di wɔ Yálái nwɔ tɔ́n gɔlɔn.

Azaya 34:1

'Lɔiɠaa! 'Ka lɛɠɛ ɓɛ! 'Ka ka wəli tɔɔ! Yɛnɛ̨ɛ̨ nuą! 'Ka ka wəli tɔɔ kpɔ a nɛlɛɛ! Lɔi da ɉu hɛnŋąą kəlee di di wəli tɔɔ; yɛnɛ̨ɛ̨ pilɛɛ gee mɛ̨i da ɉu lonnii kəlee.

Azaya 1:18

Yai-Laa yɛ diɛ: 'Ka pa, gu gu keeni woo ŋąą kaa, Akɛ ka kɛ nɛ̨ŋɛ̨n gbɔluɔ yɛ ɲąmą, a kwələ yɛ yeehunwɔ̨. Ka kɛ nɛ̨ŋɛ̨n a kɛ a gbɔluɔ mutɛɠiɛ, a kwələ yɛ wiɛ hunwɔ̨.

M̀ɛni-lɛɛi 2:29

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ.»

M̀ɛni-lɛɛi 2:11

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, haa veelɛ nąą ŋą mɔ̨nɔ̨ hva həli mą.»

Ɉaan 8:55

Ka hvo gɔlɔn, kɛlaa, nwɛ́i ŋą́ gɔlɔn. Akɛ ŋą́ kɛ diɛ: ‹Və́ Ną́n gɔlɔn›, ŋą́ kɛ a lɛɛ mun yɛ bələi ka káá la. Kɛlaa, ŋą́ gɔlɔn, ɛlɛɛ, ŋą́ nwoo hon.

Amɔsə 7:16

Yili ɓa, Amasia, ə́ wəli tɔɔ, yii Yai-Laa kaa moi ə́ mɛ̨n, yɛ́i ŋɛ̨i kɛi diɛ: ‹Və́ kɛa Yálá mąą mɛ̨nį laa həli Israɛlə nu huwu diɛ, ɛlɛɛ, yɛ́ kɛ mą: Və́ haŋą Isaakə huwuhu nuą diɛ.› Yii Yai-Laa kaa moi ə́ mąą mɛ̨nį hu, ya ka;

Osia 5:1

Kaai a ɉaláá laa həli nuą, 'ka ka wəli tɔɔi ə́ wəli tɔɔ a nɛlɛɛ, Israɛlə nwɔ pɛlɛ́i, Kaai a dɔɔ pɛlɛ́ mu nuą, 'ka ka wəli tɔɔ a nɛlɛɛ! Kaa ɓə kiti kaa ka mɛ̨i; mąąhɔlɔɓo, ɓɛ kaa kɛ a hɛlɛn Mispa, da ɓaaləi daa dɛ Tabɔrə yee nwuɔ̨.

Ɉeremi 34:4

«Ə mą kɛ tii, Ɉuda tɔɔmun Sedesiasə, ə́ wəli tɔɔ Yai-Laa woo ɓa; mɛ̨nįi Yai-Laa kaa moi yɛ hvilɛn na yɛ́, ya ka, yɛ mą: ‹Kɔ́ ɓɔwa hvo pai ə́ paai.

Ɉeremi 19:3

Ə́ kaa pai kɛi diɛ: Ka ka wəli tɔɔ Yai-Laa woo ɓa, Ɉuda tɔɔɓɛlaa, da Ɉerusalɛmə hee ɓo nuą; Yai-Laa Mɛ̨nį Kəlee ŋą Hééɓomun, Israɛlə nwɔ Yálá yɛ, gáá pai mɛ̨nį ɲąąnwąnąą laai gɛɛnąą ŋɛ̨i ɓa! Nui lɔpee pai bələ mɛ̨n ɉii, hvo kɛ li nwəli a hvaa nwun ma wee.

Ɉeremi 9:20

nwɔlɔ kpɔ ka: «Haa kaa tɛi a bɛlɛ́ nwąną; aa lɔ gu wɔ pɛlɛ pɛlɛɛɠaai mu, yɛ lon nwun napili gwəliɠaa lɔwai, yɛ muhəɠə nįnɛ̨ɠaa paa gwəli heaiɠaa ɓa.»

Ɉeremi 7:28

Mo kani diɛ, yɛ́ diɛ: Kaa kɛ a nu huwu yii hva nwəli tɔɔ Yai-Laa di wɔ Yálái woo ɓa, ə lɛɛ, mɛ̨nįi a ka kalan na, ka hva ɉon; kulɔ nwoo ɓa laa nwun na aa pili, aa kpɛɛ di lɔwai.

Ɉeremi 6:13

Mąąhɔlɔɓo, di kəlee di hɛn nwɛliɛi. Nu kpɛa kpɛa mąn, ə́ mą kɛ yee mu nuą. Ə gɔwɔ tɔɔ Yálá kwəi mɛ̨nį ɓo nuą diɛ, ə həli la ɉaláá kulɔ nuą diɛ, di kəlee di túwɔ́ pələ kaa lɔ a hulu mɛ̨nį.

Ɉeremi 4:28

Yili mɛ̨nį ɓə nɔi kaa mąąwɛli hee ɓoi la; yələ kwəi yɛ kpinį, mąąhɔlɔɓo, mɛ̨nįi ŋą kili tee gwə́i, ŋą́ą́ mo; və́ pai ɉəgəi mą.

Ɉeremi 2:4

Kaai ɓaa Ɉakɔbə huwu, ka ka wəli tɔɔ Yai-Laa woo ɓa! Kaai ɓaa Israɛlə nu huwu.

Azaya 66:5

'Ka ka wəli tɔɔ Yai-Laa woo ɓa, kaai nwoo a ka mąą kpɛlin. Ka kaayɔwɔɠaa da wɛlikpɛɛmąą laa kulɔ a kaa, diɛ ka kpɛ Náá mąą mɛ̨nį ɓa, mɛ̨nįi da kɛ moi ya ka: «Yai-Laa ə nwɔ mąąwiɛ lɛ tai, ə gɛ, ku mąą kwəinɛ̨ɛ̨ kulɔi kaa ka yəi.» Kɛlaa, diɛ mun mə pai nwumɛ̨i.

Azaya 34:8

Yai-Laa nwąną kulɔ hvóló li, gwɛlan da Siɔn mąą mɛ̨nį ɓo la, mąą kwɛlan ni.

Azaya 28:14

Ka ka wəli tɔɔ Yai-Laa woo ɓa, kaai ɓaa a yɛlɛ mąą kɛ nuą, kaai nu huwui ŋɛ̨i ɲąąwooɓoi Ɉerusalɛmə.

Azaya 5:3

Ə həli kɛa kaa, kaai Ɉerusalɛmə daai, da Ɉuda nuą, ka kwa nwɔ́ viɲə yɛai ku lɔwai mɛ̨nįi ŋɛ̨i hutɔɔ.

Azaya 1:10

Sodomə nu kpɛa-kpɛa, ka ka wəli tɔɔ Yai-Laa woo ɓa! Gomorə nuą ka ku wɔ Yálái nwɔ liɛwoo mɛ̨n! Yɛ diɛ:

Tɔɔɓɛlaa dɔlɔɔ 22:19

Mise ə pənə nwɔ̨nɔ̨ yɛ mą: «Ə́ wəli tɔɔ, ə́ Yai-Laa woo mɛ̨n, ŋį́ Yai-Laa kaa heeni nwɔ tɔɔ kpəlin hu, huwala walaɠaai yələkɔlɔn ɉu, gəlee tinɛ̨n ŋąą mą.

Azaya 59:4

Nu ta hva kalamąɓo kɛ́, nwɔ tɛ̨ą mɛ̨nį hu, nu ta hva tɔɔ bulu laa kɛ kwəi kwələ laa hu, kpɛli kpɛli mɛ̨nį ɓə da di kilitɔɔ mą, lɛɛ mɛ̨nį ɓə da mo, da túwɔ́ pələ ɲɔ̨n mąą koo həɠə, di di laa yɛɛ a kɛɛ kalaa.

Azaya 59:8

Di hvo liilaa pələ kɔ́lɔn, təlinmolaa hvo di kpaalə hu, pələ kpəlaanŋąąɠaa ɓə da hiɛ ɉu, nui lɔpee a hvilɛn ɉu, hva liilaa hɔlɔɓo.

Ɉeremi 9:3

Nu kəlee ə gbɔwɔ mɛ̨i kaa mɛlan dɔwɔ. Ka hvo ka kili lɛɛ ka nąn non ma, mąąhɔlɔɓo, nąn non gəlee kaa gee ɓa a kɔ́. Nui ka yáá ka káá ka kee pɔ yɛ ə́ laa mąą hiɛ.

Ɉeremi 51:5

Mąąhɔlɔɓo, nɛ̨ŋɛ̨n di ɉəɠə Israɛlə nwɔ Yálái Mąąhəɠɛɛ ɓa, gɛnɛ̨i nɔi, ya pa, Israɛlə da Ɉuda di wɔ Yálái hvo haa li di yəi, di hvo lɛɛ li a Mɛ̨nį Kəlee ŋą Hééɓomun Yai-Laa wɛli.

Zooɛ 1:2

Nu pɔlɔɠaa, 'ka nwóó ŋɛ̨i mɛ̨n, ka ka wəli tɔɔ kaai a nɔi hu nuą. Mɛ̨nįi ŋɛ̨i ta aa ta kɛ ka wɔ yɛnɛ̨ɛ̨ hu? A wala kɛ tii, ka nąnnii di wɔ yɛnɛ̨ɛ̨ hu?

Mąątɛ̨nɛ̨ 81:9

Nwɔ́ nu huwu, ə́ wəli tɔɔ, ŋį́ ə́ kilaa pɔ̨nɔ̨, Israɛlə a kɛ yá ə́ wəli tɔɔ nwóó ɓa!

Ɉeremi 2:9

Yili mąą mɛ̨nį ɓa, gáá kiti pɛlɛi kaa. Gɛ́ bɛlɛ ka lonnii di wɔ lonnii diɛ.

Ɉeremi 9:7

Di nɛn gaa yɛ tonwą ɓaɠaa! Di hvaa woo ə ɓo a lɛɛ, diɛ di kee ni liilaa woo ɓo lɔ a di laaləi. Kɛlaa, ya lɔ di kwəi pələ, hɛlɛn mə di kaa dɛ pələ kwɛli dɔwɔ.

Ɉeremi 11:7

Ŋą́ mo kpɔ ka nąnni diɛ kpaan, ə həɠə ɲələi ŋį́ di kulɔ la Eziptə lɔi hu, ə həli la háákələi ɓa, ŋį́ kɛi mo diɛ kpɔ a nwą́nąąi, gɛ́ kɛ diɛ: 'Ka ka wəli tɔɔ nwóó ɓa!

Izikiɛ 16:35

«Yili mąą mɛ̨nį ɓa, wɛlikɛ nɛ̨ɛ̨nu, ə́ wəli tɔɔ Yai-Laa woo ɓa.

Osia 5:4

Di tuwɔ pələ hva pɛli gɛi, diɛ yali di pulu, diɛ pa Yálá pɔ, mąąhɔlɔɓo, wɛli mɛ̨nį kili ɓə di tənən dɔɔi, ɛlɛɛ, di hvo Yai-Laa kɔ́lɔn.

Osia 12:3

Yai-Laa da Ɉuda di kaa kiti haɠa ɓa, yɛ Ɉakɔbə mąąni kɛ dúwɔ́ pələɠaa hu, yɛ ɉon yɛ bələi ə gwɛli la, gɛ mɛ̨nįɠaa hu.

Amɔsə 3:1

'Ka ka wəli tɔɔ Israɛlə nuą, kaa ŋɛ̨i Yai-Laa ə ka kulɔ Eziptə lɔi hu luwɔlaa hu ə pa a kaa, Yai-Laa yɛ:

Swiv nou:

Lyen patwone

Piblisite

Piblisite