Osia 3:2 - Yálá laawoo hɛɓɛ (dc)

² Gáá pai nɛ̨ą yai a wali kwələ pow kɔ́w lɔɔli, da kpai hunwɔ̨ kəgən ɉu nwun mɛ̨ida.

Yálá laawoo hɛɓɛ

² Gáá pai nɛ̨ą yai a wali kwələ pow kɔ́w lɔɔli, da kpai hunwɔ̨ kəgən ɉu nwun mɛ̨ida.

Bible

² Nya ƃe ŋá m̀aa sɛ̂ŋ kɔ̀lɛ a sɛŋ kao kole kpua-kpua puu kao lɔ́ɔlu da filaƃa tiŋ puu.

Osia 3:2 Referans Kwoze

Izikiɛ 45:11

Efa da batə di pɛli a di kee, da omɛrə tɔ̨nɔ̨ ɲąąkwɛlɛ ɉu pow, ɉeei tɔ̨nɔ̨ ə pɛli ə kɛ a batə tɔ̨nɔ̨, dɔ̨nɔ̨ ə pɛli kɛi a efa tɔ̨nɔ̨; omɛrə ɓə di kaa pai di kɔ́ɔn ɉii mą, diɛ di hu kɛnɛ̨ pələ kaa.

Levetekɔ 27:16

«Nu a nwɔ lɔi laakwɛlanmo Yai-Laa ɓa a hɛn mąąhəɠɛɛ, hɛn da pɛli ɉii laa, ya ɓə da ɉɔ̨nwɔ̨ kɔ́ɔn mą. Da kpai huwu gəgən ɉu nwun dɔ̨nɔ̨ hɔ̨nwɔ̨ kɛ a wali kwələ pow lɔɔli.

Zɛnɛse 34:12

Ka mą hɛn mɛ̨nį kɛnɛ̨ pili mą́ą́, ŋį́ gbɛɛ, yii lɔ gáá vɛlii káá, ya ɓaa, ka hvaa lɔ mą, ka ka lon dɛɛ bɔ́ a nɛ̨́ą.»

Azaya 5:10

Tíi ə mąn kɛnɛ̨ daną daną, mɔ̨nun mɔlɔ hveelɛ hva hɔlɔɓo ɉu, kəgən ɉu pow mɔ̨nun ɉuwu yɛ kulɔ a kəgən ɉu tɔ̨nɔ̨.»

Samuɛlə dɔlɔɔ 18:25

Saulə yɛ diɛ: «Ka li kaa Davidə ɓa: ‹Tɔɔmun və ɓɔlɔ laa hɛn takpɛli pɔ hvo kɛli lɔ Filisti nuą towo piɲɛ̨n nwun dɔ̨nɔ̨, yili a kɛ a tɔɔmun nwąną kulaa diɛ.›» Ə kɛ Saulə kwəi, yɛ kɛ, bələ ɓə gaa pai Davidə tooi la Filisti nuą yee ŋą.

Lɛɛ gbɔwɔ ɓa 22:17

«‹Hvo tɔlikpɛ nɛ̨ɛ̨nu lɛɛ yɛnɛ̨ɛ̨.

Zɛnɛse 31:41

Ŋą́ kwɛlan bow hveelɛ kɛ ə́ pɔɔli, ŋį́ kwɛlan bow kɔ́w nąąn gɛ, gɛ́ ə́ lonnii nɛ̨ąą mąą kóló ɓo, ŋį́ kwɛlan mɛ̨ida kɛ, gɛ́ ə́ wɔ taatɛlɛɛɠaa mɛ̨i kaa; kɛlaa, ə́ ɉála mąąhvalin ɉii kɛ gee mɛ̨i pow.

Rutə 4:10

Yili pulu, Moabə nɛ̨ɛ̨nui ŋɛ̨i a Rutə, yai kɛ a Malɔn nɛ̨ą, ŋą́ą́ ɉəɠə, ə gɛ, ŋą́ Malɔn huwu kulɔ, naa hvo pa kpɛɛ gaayɔwɔɠaa lɔwai di pɔ taai. Ka káá háákələi a mąą kɛla.»

Osia 3:3

Gɛ́ mą: «Ə́ kaa pai lɛɛi a ɉukwɛaa. Hvá wɛli hon, hvá ə́ kpɔwɔ tɛɛ hulɔnu takpɛli pɔ, ɲą́ą́ gbɛli mąn bələ lɔ ɓə gáá pai túwɔi la a yɛ́.»