Bib sou entènèt

Osia 3:1 - Yálá laawoo hɛɓɛ (dc)

¹ Yai-Laa yɛ mą́ą́: «Nɛ̨ɛ̨nui nwɛli kaa nwɔ wɛlii ɓa, kɛlaa ə mą kɛ tii yɛ wɛli hon, 'Li nwɔ̨nɔ̨, ə́ hvilɛn bulu. Bələ lɔ ɓə Yai-Laa a Israɛlə lonnii wɛlila kɛ la; ɛlɛɛ diɛn, diɛ di ɲɛ̨i tinɛ̨n haliɠaa pɔ pələ, ɛlɛɛ, hali-ɓa wɛli ə ɓo diɛ.»

Gade chapit la Kopi

Yálá laawoo hɛɓɛ

¹ Yai-Laa yɛ mą́ą́: «Nɛ̨ɛ̨nui nwɛli kaa nwɔ wɛlii ɓa, kɛlaa ə mą kɛ tii yɛ wɛli hon, 'Li nwɔ̨nɔ̨, ə́ hvilɛn bulu. Bələ lɔ ɓə Yai-Laa a Israɛlə lonnii wɛlila kɛ la; ɛlɛɛ diɛn, diɛ di ɲɛ̨i tinɛ̨n haliɠaa pɔ pələ, ɛlɛɛ, hali-ɓa wɛli ə ɓo diɛ.»

Gade chapit la Kopi

Bible

¹ Yâwɛɛ è mò ḿâ ǹyɛɛi, “Lí í ŋɔ́nɔ ínɛnîi wɛ́li kɛ́ nyii gáa a wulu-wulu kɛ́ nɛnii. Ŋ̀wɛ́li yɛ̂ɛ berei ŋá Eezuɛ-ƃelai wɛ́li-ni lai. Berei máŋ da tínaŋ la díkpɔɔi kpɛtɛ ɣâla-ŋai pɔ́ pere dí kɛ́ kpólo nɛ̃ɛ-ŋa mìi nyii da dɛ̀ɛ díɣâla-ŋai tí pɔi.”

Gade chapit la Kopi

tounen moute ⬆

Osia 3:1
34 Referans Kwoze

Ɉeremi 31:20

Ɛfraimə aa kɛ mɔ̨ɔ̨ a nwɛ́li kɛ mąą lon. A lón mąą mɛ̨nį kaa níí mɛ̨i? Mąąhɔlɔɓo, ŋį́ kɛ lɔ mąą mɛ̨nį ɓoi, mąą kiliŋąhiɛ yɛ too mą́ą́, ɛlɛɛ, nii yɛ kulɔ mą́ą́ mąą mɛ̨nį hu. Nwɔ wɛlikɛmąą kaa pai kɛi níí hu kpɔ a nwalawalaa. Yai-Laa woo li.

Azaya 45:22

'Ka ka ɲɛ̨i tínɛ̨n bɔ́ pələ, ka ɓalo, kaai kpɔ tii lɔi hɔ̨nwɔ̨n ɉu kəlee ɓa, mąąhɔlɔɓo, ɲąą ɓə gáá a Yálá, dakpɛli hvo laa.

Mise 7:7

Kɛlaa nwɛ́i, ɲɛ̨́i kaa Yai-Laa tɔwɔ, gílitɔɔi ɓə Yálá ɓa, málomun ni. Nwɔ́ Yálá kaa pai nwóó mu hon ɉii.

Osia 11:8

Ŋą́ ə́ hon bələ kɛ ləi Ɛfraimə, Ə́ hu kala ɓə mɔ̨ɔ̨ ŋą́ mo, Israɛlə? Ŋą́ ə́ hukala pələ kɛ yɛ Adma taa, yɛ bələi ŋą́ Sevoimə taa kala la? Yáá gwə́i pili mą́ą́! Ə́ ɲɛ̨imąąwɛli aa ɉón!

Piɛrə dɔlɔɔ 4:3

A tɛ̨ą, yii tii kɛ, aa pɛli ɉu, a yai wɔlɔ ká gɛ hali pulu yíi hu, káá tuwɔ pələ ɲɔ̨n ɉuwu kəlee kulɔ, ɲɛ̨i kulɔ bɔɠaa, lɔɔ hon naa, kwəi kɛnɛ̨ laa, lɔɔ kpələ kpɔn naa, da hali ŋą mąąliɓi mɛ̨nįɠaa.

Zakari 1:16

«Yili ɓə gɛi, Yai-Laa yɛ kɛ diɛ: Gáá pənəi gɛ́ pa Ɉerusalɛmə pɔ a ɲɛ̨imąąwɛli kaa pələ. Nwɔ́ pɛlɛ́i a pənə ə tɔɔ laa, Yai-Laa Mɛ̨nį Kəlee ŋą Hééɓomun, woo li. Di kaa pai Ɉerusalɛmə kɔ́ɔn ɉi a mąąlən gɔw.

Ɉeremi 3:20

Kɛlaa, a tɛ̨ą, bələi lɔ wɛlikɛ nɛ̨ɛ̨nu a nwoo kala la mąą mun ma, bələ kpɔlɔɔ ɓə kaa ka woo kala la mą́ą́; kaai ɓaa Israɛlə lonni. Ɲą́ą́ Yai-Laa nwóó li!

Mąątɛ̨nɛ̨ 123:2

A tɛ̨ą, bələi lɔ luwɔɠaa ɲɛ̨i kaa la di nąmįną yee ɓa, əlɛɛ bələi lɔ tinɛ̨ɛ̨nu ɲɛ̨i kaa la neenɛ̨a yee ɓa; bələ kpɔlɔ ɓə ku ɲɛ̨i kaa la Yai-Laa ku wɔ Yálái ɓa, ə lɛɛ la ɉu, ə ku ɲɛ̨imąąwɛlikaa.

Korɛntə dɔlɔɔ 10:21

Ka hva pɛli mą ka hvo ka kpələ a gu Ną́mu nwɔ kpələ kɔwɔi, káá nwɔ̨nɔ̨ ká kpələ a ɲinɛ̨nŋaa di wɔ kpələ kɔwɔ. Ká hva pɛli kɔ̨nɔ̨n mįi gu Ną́mu nwɔ kɔ́wɔi hu, káá nwɔ̨nɔ̨ ká yee lɔ ɲinɛ̨nŋaa di wɔ kɔ́wɔi hu.

Amɔsə 6:6

Ka lɔɔ kpələ, ka nɔɔ kpo kpələ gɔwɔ hu, Wulɔ yii gun nɛɛi dɛɛ gɛi ɓa, ya ɓə ka ka mąąti la. Kɛlaa, Ɉosɛfə huwuhu nuą kala mɛ̨nį, yili niihɛlɛn va too kaa.

Amɔsə 2:8

Da biliɉu kulɔ nu ta yəi a tolaa, yili lɔ ɓə da doo di kwąną diɛ ɓo la di wɔ Yáláɠaai hvɛli pɛlɛ́ mu, ɓɛi da kwɛli hvilɛn naa diɛ. Da li ɓɛi da kwɛli hvilɛn na mą́ą́, da tɔ́n bili nu ɓa, a pa a nɔɔ, yili ɓə da kɛ gbələi laa bɛlɛ́n.

Nehemi 9:31

Kɛlaa, ə́ wɔ wɛlikɛmąąlaa kɛnɛ̨ɛ mąą mɛ̨nį ɓa, hvo kɛ ə́ kili kulɔ li di hu, hvo kɛ di nwun na pili li; mąąhɔlɔɓo, ə́ kaa a wɛlikɛmąą Yálá, yɛ́ nu ɲɛ̨imąąwɛli kaa.

Tɔɔɓɛlaa veelɛ 13:23

Kɛlaa, Yai-Laa ə Israɛlə nuą ɲɛ̨imąąwɛli kaa, ə ɲɛ̨i lɛlɛɛ hee diɛ, mįnɛ̨ da Abrahamə, Isaakə, Ɉakɔbə ni di ɉəɠə mąą mɛ̨nį ɓa; hvo kɛ bɔ di huwu hvo kpɛɛ, hvo di pili ɲɛ̨ipulu.

Samia Veerɛi 6:19

Yili pulu, ə nɛɛ mą ə lɛɠɛ kpuɔ tɛitɛi tɛɛ nu kpului tii kəlee pɔ, ə bɛlɛ nwɔ̨mįi ɓa, nɛ̨ą mąn, hinąą mąn, nu kəlee di ɉɔlɔɓo. Yili pulu, nu kəlee ə li ɲəi bɛlɛ́ laaləi.

Nwun mąąɓo 10:16

Yili pulu, ɉaliɠaai kpɔ kɛ Israɛlə nuą yəi, di di yee kulɔ gəlee hu, di tínɛ̨n di kwɛli hvilɛn Yai-Laa ɓa. Mɛ̨nį ɲąąnwąnąąi tii kɛ naa di mɛ̨i, Yai-Laa hvo pɛli gili kulɔi ɉu.

Nwun mąąɓo 9:27

Sisɛmə nuą də li di yəi viɲə yɛaɠaa ɓa, di ma kulɔ, də li di bɛli a lɔɔ, di hɛli kɛnɛ̨ ta pu la, də li di wɔ haliɠaai hee pɛlɛ́ mu, di di laa mįi, di di kpələ, yili pulu, diɛ Abimelɛkə nɛ̨ŋɛ̨n naa.

Lɛɛ gbɔwɔ ɓa 32:6

Mąą yələ laa ɓoɔ, yələwala pɔ, nuą di haláá kulɔ nįŋɛ̨ lon tii ɓa, yii da gəlee kələn, da nɛ̨ɛ̨laa haláá. Nu kəlee di hee kɛa, diɛ di laa mį́i, diɛ di kpələ, yili pulu, di di muhəɠə diɛ kwəinɛ̨ɛ̨ kulɔ.

Korɛntə dɔlɔɔ 10:7

'Ká hvo kɛ a hali kɔ nuą yɛ di taɠaa, yɛ bələi bɛ̨ɛ̨i la: «Nuą di hee di di laa mįi, di di kpələ, yili pulu di di muhəɠə diɛ pə́lə́ kɛ.»

Maafîu 26:50

Jesus yɛ mą: «Ną́wəi! Yii ə́ pa gɛ mɛ̨nį ɓa, gɛ ɉa-ɉa.» Yili pulu nu kpului tii di lɛɠɛ laa di Jesus hon.

Osia 7:5

Ku wɔ tɔɔmun nwɔ hvólói, nɔi ɲɛ̨itɔwɔ nuą, da di kpɔwɔ kɛ a ɲɔ̨n gɛ nuą, a lɔɔ laa pɔɔ, tɔɔmun aa ɲɛ̨i tinɛ̨n yɛlɛ kulɔɉu nuą pɔ pələ.

Osia 4:11

Lɔɔ da wɛli mɛ̨nį daa di nwun ɉu lan.

Kɔlɔnikɔ Maa-ŋuŋ 16:3

Yili pulu, ə lɛɠɛ kpįnįn dɛitɛi, datə nwɔ̨míi tɛitɛi, da viɲə nwɔ̨míi tɛitɛi tɛɛ Israɛlə lonnii kəlee pɔ, nɛ̨ąą mąn, ɉinąą mąn.

Wɛli 2:5

'Váŋą lɔ kilɛ a viɲə nwɔ̨mįi pənə ə́ nį́ilɔ kilɛ a ɓɔlaa ɓa. Mąąhɔlɔɓo, yɛ wɛlikɛmąąlaa kaa mą́ą́ a ɲɔ̨n.

Osia 2:5

A wala gɛ tii, gáá pai həɠə kulɔi mą, ə lɛɛ a gbuwulu, gɛ́ nɛɛ lɔ yɛ bələi wɔlɔ ə kɛ la a gaa yələ. Ŋį́ gɛ yɛ lɔi pun, ŋį́ gɛ yɛ gbali a kələn, gɛ́ gɛ, yɛ haa la a kpələ wɛli.

Swiv nou:

Lyen patwone

Piblisite

Piblisite