Osia 2:5 - Yálá laawoo hɛɓɛ (dc)

⁵ A wala gɛ tii, gáá pai həɠə kulɔi mą, ə lɛɛ a gbuwulu, gɛ́ nɛɛ lɔ yɛ bələi wɔlɔ ə kɛ la a gaa yələ. Ŋį́ gɛ yɛ lɔi pun, ŋį́ gɛ yɛ gbali a kələn, gɛ́ gɛ, yɛ haa la a kpələ wɛli.

Yálá laawoo hɛɓɛ

⁵ A wala gɛ tii, gáá pai həɠə kulɔi mą, ə lɛɛ a gbuwulu, gɛ́ nɛɛ lɔ yɛ bələi wɔlɔ ə kɛ la a gaa yələ. Ŋį́ gɛ yɛ lɔi pun, ŋį́ gɛ yɛ gbali a kələn, gɛ́ gɛ, yɛ haa la a kpələ wɛli.

Bible

⁵ Dílee è wulu-wulu kɛ̀. È dímaa kôo sìɣe ŋumɛ tûa kɛ́ɛ su. È mò ǹyɛɛ, ‘Ŋa pâi liî ŋáwɛli-ŋai pɔ́ nyii-ŋai da kpólo yà ḿî, seɣe, wúlɔ da kpele-sɛŋ.’

Osia 2:5 Referans Kwoze

Osia 3:1

Yai-Laa yɛ mą́ą́: «Nɛ̨ɛ̨nui nwɛli kaa nwɔ wɛlii ɓa, kɛlaa ə mą kɛ tii yɛ wɛli hon, 'Li nwɔ̨nɔ̨, ə́ hvilɛn bulu. Bələ lɔ ɓə Yai-Laa a Israɛlə lonnii wɛlila kɛ la; ɛlɛɛ diɛn, diɛ di ɲɛ̨i tinɛ̨n haliɠaa pɔ pələ, ɛlɛɛ, hali-ɓa wɛli ə ɓo diɛ.»

Osia 2:8

Yili mąą mɛ̨nį ɓa, gáá pai ə́ wɔ pələɠaa pui a ɲąąlənŋaa, ŋį́ gala yili ɉu, ɛlɛɛ, hva kɛa ə́ tɛɛ pələ kaa.

Azaya 1:21

Ə kɛ pələ kɛ ləi yai, daai ŋɛ̨i kɛ nwoo pulu, mąą aa pənə a wɛlikɛ taa? Mąąwiɛ ə kɛ laa, mɛ̨nį haŋąą yɛ ɓo laa daai, tələnmolaa mąąkilɛ taa, Kɛlaa, yiihu kɛa, nu paa nuą daa lɛɛ a daa nąmįną.

Osia 9:10

Ŋą́ Israɛlə kaa lɔ, yɛ bələi da towələ kaa la, wɛla pun ɉu, ŋį́ ka nąnni kaa lɔ, yɛ bələi ɓolaa a ɓa la mɛlaa tɔwɔ, da gaa la. Kɛlaa, di pa lɔ Baalə-Peɔrə, diɛ di yee pɛlɛ nwumɛ̨ mɛ̨nį ɓa, diɛ kɛ la a nu kɔ́hɔɓoɔɠaa, lɔ yɛ bələi di liiɓa hɛn tii kaa la.

Osia 8:9

Mąąhɔlɔɓo ə tɛ Asiri lɔi hu, yɛ hoohvaalən a lɛɛ gbɔwɔ ɓa, Ɛfraimə ə gbɔwɔ wɛliɠaa ya laa.

Osia 4:5

Ə́ kaa pai kalin ɉii hvóló ŋą, ka Yálá kwəi mɛ̨nį hu kulɔ mun kaa kalin a kpinį, gáá pai ə́ kaa lee nwun na pilii.

Osia 2:2

Ɉuda lonnii da Israɛlə lonnii di kaa pai pɛlɛi di kee ɓa, nu tɔ̨nɔ̨ ə ɓo di yəi a di ɲąąwooɓomun, diɛ hee lɔi kəlee mɛ̨i; mąąhɔlɔɓo, Izreɛlə nwɔ hvólói a kɛ a hvóló kɛnɛ̨.

Ɉeremi 11:13

Ɉuda lɔi! Ə́ wɔ haliɠaa daa tamą lɔ, yɛ bələi ə́ wɔ taaɠaa tamąą la. Ɉerusalɛmə taa yɛ kpɛli, ɉaláá kulɔiɠaai gaa gwəliɠaa lɔwai, damąąi dɛɛ bələɠaa diɛ, ɓɛi da kɛ haláá hɛnŋaa kələn ɉii laa Baalə-Nwumɛ-Hali ɓa.

Ɉeremi 2:20

Ɉu aa kwɛa, Israɛlə! Yáá ə́ nwun gulɔ nwɔ́ nwun nąmu laa mu, yáá ə́ yɛli tee, yɛ́ kɛ diɛ: «Və́ kɛa bɔ, və́ kɛ a luwɔ!» Yáá li, yáá laa yee kpukpuɠaa nwuɔ̨ da wulu laa hu wiaɠaa mu, yɛ wɛli kɛ Nɛ̨ɛ̨nu.

Azaya 50:1

Yai-Laa woo ka: Vulú taɠa hɛɓɛ́ wɔɔ? Yai ŋį́ ka lee kulɔ la lɔwɔi? Awala kɛtii, gbɛɛ ɓə ŋą kwələ kaa mą́ą́? Yai ŋį́ ka lɔwɔ́tɔɔ mą? Deąi laa ya ka: Ka wɔ nɛ̨ŋɛ̨nŋaa ɓə gɛ, diɛ ka lɔwɔ́tɔɔ, ka wɔ kulɔ nwoo mu laa ɓə gɛ, diɛ ka lee kulɔ lɔwɔi.

Nwun mąąɓo 16:23

Yələ ta, Filisti tɔɔɓɛlaa di di ɲąą kpɔn, diɛ haláá kulɔ, di wɔ halii Dagɔn ɓa, diɛ ɉɛli pu. Diɛ kɛ di kee ɓa: Gu wɔ halii aa gu yowo Samsɔn hon aa dɛɛ gu pɔ.

Osia 1:2

Yai-Laa ə pələ ɓo Ose ɓa, Yai-Laa yɛ Ose ɓa: «'Li nɛ̨ɛ̨nui a gbɔwɔ lɔwɔ́tɔɔ hinąą diɛ, bɔ, ɉəɠə a ə́ nɛ̨ą, ə́ wɛli lonnii kaa mą, mąąhɔlɔɓo nɔi yee kaa lɔ túwɔ́ pələ ɲɔ̨n ɉu; a bulu tinɛ̨n aa mo Yai-Laa ɓa.»

Ɉeremi 6:8

«Ɉerusalɛmə, ə́ yee hee niɛwoo mu. A wala kɛ tii, gwa yɛ́ hvəi kɛa gu tɔɔ! Ŋą́ ə́ mąą pənə a mąąwɛli lɔi, a lɔi kpoloo.»

Ɉeremi 13:22

Akɛti, ya ə́ kpɔɔ mąąni kɛ, yɛ kɛ diɛ: «Mɛ̨niɠaa ŋɛ̨i kaa laai mą́ą́ lə mɛ̨nį ɓa?» Ə́ wɔ lii ɲɔ̨n gwəi laa ɓə gɛi, diɛ həɠə tee la yɛ́, di yee tɔɔ ə́ kwąną.

Izikiɛ 16:4

Ə́ káá yələ, a ɲələi ti di ə́ káá la, di hvo ə́ wəlingɛ̨ą tee, di hvo ə́ waa a ya ə́ mąą həɠə mɛ̨nį ɓa; di hvo kpolo pu ə́ kɔ́lɔ ɓa, di hvo ə́ mąąkpinįn gɛ a həɠə ɓɛla.

Izikiɛ 16:35

«Yili mąą mɛ̨nį ɓa, wɛlikɛ nɛ̨ɛ̨nu, ə́ wəli tɔɔ Yai-Laa woo ɓa.

Izikiɛ 16:39

Gáá pai ə́ tooi di yee ɲą, di ə́ wɔ haláá kulɔiɠaai ɓuwɔ, diɛi ə wɔ hali kɔ́iɠaai wolo, diɛ ə́ mąą həɠəɠaa kulɔ yɛ́; diɛ ə́ mąąyili hɛnŋą́ą́ həɠə, diɛ ə́ lɛɛ a ə́ kpuwulu, həɠə hva kɛ yɛ́.

Amɔsə 8:13

Volói tii a həli, kpələ wɛli a nɛ̨ɛ̨lɛa lɛlɛɛɠaa da hilɛlɛaɠaa hɔwa.