Osia 2:23 - Yálá laawoo hɛɓɛ (dc)

²³ Yai-Laa woo ka, yɛ diɛ: Nąąlɔwai, mɛ̨nįi yələkɔlɔn ɲɛ̨i kaa dɔwɔ, ŋą́ dɛɛ bɔ; yaa kpɛli, mɛ̨nįi lɔi ɲɛ̨i kaa dɔwɔ, yɛ dɛɛ bɔ.

Yálá laawoo hɛɓɛ

²³ Yai-Laa woo ka, yɛ diɛ: Nąąlɔwai, mɛ̨nįi yələkɔlɔn ɲɛ̨i kaa dɔwɔ, ŋą́ dɛɛ bɔ; yaa kpɛli, mɛ̨nįi lɔi ɲɛ̨i kaa dɔwɔ, yɛ dɛɛ bɔ.

Bible

²³ Ŋa pâi ŋánûai seêi kɛ̂i ma ǹɔii su dí ƃûu ƃó naa. Ŋa pâi Loluama malôŋ kâai, ŋá m̀ó Loaŋmi ma, ká káa a ŋánûa, gɛ̀ ní da pâi m̀ôi dîyɛɛ íkaa a Kúɣâla.”

Osia 2:23 Referans Kwoze

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Lomaŋ 3:29

Awala kɛti, Yálá kaa lɔ mɔ̨ɔ̨ a Ɉuifəɠaa diɛ tɔ̨nɔ̨ gbən di wɔ Yálá, hvo mɔ̨ɔ̨ a huwu takpɛliɠaa di wɔ Yálá, a tɛ̨ą, gaa kpɔ a hįi kəlee nwɔ Yálá

Zakari 2:11

Siɔn, yɛ́i ŋɛ̨i heeni Babilonə, 'ə muhəɠə, 'pu.

Mąątɛ̨nɛ̨ 22:27

Kpɔwɔ mąąyɛɛ nuą da kɔ̨nɔ̨n mįi, di pilɛ ɉu. Diɛi da Yai-Laa kwɛlii, da Yai-Laa laa mąątɛ̨nɛ̨. «Yíipoo, da yɛnɛ̨ɛ̨ ɲąąnɛ̨ɛ̨, 'di kɛ kaa!»

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Osia 1:6

Ə pənə ə koo həɠə, ə lon nɛ̨ɛ̨nu kaa, Yai-Laa yɛ Ose ɓa: «Naa hee a Lo-Ruhama, mąąhɔlɔɓo Israɛlə nwɔ pɛlɛ́i ɲɛ̨imąąwɛli hvo kɛa pai lɛɛi lɔ mą́ą́. Gáá pai nwɛli kpɛɛi mą́ą́ kpɔ tɛ̨ɛ̨ tɛ̨ɛ̨.

Ɉeremi 31:27

Yai-Laa woo ka, yɛ diɛ: «Gaa pai kɛi a yələ ta kaa pai ɉəlii, gɛ nu kan da taatɛlɛɛ huwu híi Ɉuda da Israɛlə lɔiɠaa hu.

Ɉeremi 32:38

Nąąlɔwai da kɛ a nwɔ́ nuą, gɛ ɓo a di wɔ Yálá.

Mąątɛ̨nɛ̨ 68:31

'Tómą veen ɉu huwɔi tii mɛ̨i, niŋɛ̨ hilɛ kpului tii mɛ̨i, da niŋɛ̨ lonnii tii, diɛi da kɛ kwɛli hvilɛn ɉii di liila, a di wɔ wali kwɛli. Aa wɛa nuą hu taɠa.

Ɉeremi 16:19

Yai-Laa kaa a nóo kpɔlɔ, da mą́ą́kilɛi, ya ɓə ŋį́ li bɔ a mą́ą́wɛlii lɔwai, lɔiɠaa kaa pai pai ə́ pɔ, diɛ həɠə lɔi kpɔn ɉeei, diɛ kɛ diɛ: «Ɉɛnŋaa kɛ ku nąnni yəi a di kwɛlin, ə kɛ a kpɛli kpɛli, a kilikpɛɛgwəi hɛnŋaa, di yee hva lɔ mɛ̨nį ta ɓa.

Mąątɛ̨nɛ̨ 118:28

Yɛ́ ɓə ə́ kaa a nwɔ́ Yálá, ŋą́ ə́ laa mąąwiɛ, nwɔ́ Yálá, ŋą́ ə́ laa tɛ.

Zakari 14:16

A kɛ tii, nɔiɠaa kɔ́ pɛlɛ Ɉerusalɛmə ɓa, nuąi pai lɛɛi di hu, di kaa pai kɛi pai a kwɛlan ɉəli pələ tɛitɛi, diɛ pɛlɛ Yai-Laa Mɛ̨nį Kəlee ŋą Hééɓomun lííla, diɛ ɉəɠə kələ hɛli pu.

Zakari 14:9

Mąą yələi tii, Yai-Laa a gbɔwɔ lɛ a yɛnɛ̨ɛ̨ kəlee nwɔ tɔɔmun, a kɛ tii, Yai-Laa yaa tanɔ̨n mə a kɛ laa, naa ə ɓo tanɔ̨n.

Mąątɛ̨nɛ̨ 72:16

Nɔi ə lɛlɛ, tíi ə kɛ nąą kəlee gbɛlai hvo kɛ mą, mɔ̨nun gbala yɛ yee tɛ yɛ dumon, yɛ Liban yee; nu kan ɲąą ə nɛ̨ɛ̨ daa kwəi, yɛ kala tiliin.

Zakari 10:9

Ŋą́ di taɠa taɠa lɔiɠaa hu, Kɛlaa, di mą kɛ kwɛaala, gíli kaa lɔ pai kɛi di ɲą. Di kaa pai kɛi lon gaai, ɛlɛɛ di kaa pai pənəi di pa.

Wɛli 2:16

Nwɛ́likɛmąąmun kaa a nwɔ́ɔ́, gɛ́ ɓo a nwɔɔ, a li a nwɔ taatɛlɛɛɠaai yágbudɛn ɉu.

Osia 8:2

Di kaa pai tómąi bɔ́ pələ, diɛ kɛ mą́ą́: «Ku wɔ Yálá, ku ə́ kɔ́lɔn, kuɔi a Israɛlə lonnii.»

Azaya 44:5

Di tɔ̨nɔ̨ kaa pai kɛi diɛ: «Yai-Laa nwɔ nu ɓaa a ɲą́ą́», diɛ dakpɛli laa hee a Ɉakɔbə, dakpɛli yɛ bɛ̨ɛ̨ ɲee kɔ̨nwɔ̨n mɛ̨i, yɛ kɛ mą: «Gáá a Yai-Laa nwɔɔ», ɛlɛɛ yɛ gbɔwɔ laa hee a Israɛlə.

Zĩi 1:1

Ɲą́ą́ Ɉakə, Yálá ŋą tímun da Ną́mu Jesus Kristə, gáá ɉɛɓɛ́i ŋɛ̨i tɛɛi Israɛlə nu huwu pow kɔw hveelɛi ɓa, diɛi, di taɠa-taɠaa yɛnɛ̨ɛ̨ nąą kəlee; gáá ká túwɔ́ ɓoi.

Ɉeremi 30:22

Ka káá nwɔ̨nɔ̨ pai kɛi a nwɔ́ nu huwu, ɲą́ą́n, ŋą́ ɓo a ka wɔ Yálá.

Ɉeremi 33:26

Ŋą́ mɔ̨ɔ̨ pɛli ɲéé kulɔi Ɉakɔbə da nwɔ́ tí mun Davidə di huwu mu? Ŋą́ mɔ̨ɔ̨ pɛli kpɛlai nuą həɠəi di lɔwai, diɛ Abrahamə, Isaakə da Ɉakɔbə di huwu ɲąą woo ɓo? Vá gɛ́ tii! Ŋą́ pənə ŋį́ di pu di nįnɛ̨ kɔ́lɔi, mąąhɔlɔɓo, di mąąwɛli kaa mą́ą́. Ŋą́ą́ Yai-Laa nwóó li.»

Izikiɛ 36:29

Gáá pai ka wɔ mąąliɓi mɛ̨nįɠaa kəlee kulɔi kaa, gɛ́ gɛ ɓá yɛ lɛlɛ káá, vá kɛa pulu too kaa.