Bib sou entènèt

Osia 2:15 - Yálá laawoo hɛɓɛ (dc)

¹⁵ Gáá pai múhəɠəi naa ɓa, Baaləɠaa mąą mɛ̨nį ɓa, diɛi tii ə kɛi di kɔ́ a hɛn gun nɛ̨ɛ̨ɠaa, yɛ mąą yili nąąlɔwai a wəlii-kwɛli da kwɛan, ə kɛi gilɛ həɠə nwɔ wɛliɠaa pulu, ɛlɛɛ ɲą́ą́n, yɛ lɛ̨ą mą́ą́, Yai-Laa woo li.

Gade chapit la Kopi

Yálá laawoo hɛɓɛ

¹⁵ Gáá pai múhəɠəi naa ɓa, Baaləɠaa mąą mɛ̨nį ɓa, diɛi tii ə kɛi di kɔ́ a hɛn gun nɛ̨ɛ̨ɠaa, yɛ mąą yili nąąlɔwai a wəlii-kwɛli da kwɛan, ə kɛi gilɛ həɠə nwɔ wɛliɠaa pulu, ɛlɛɛ ɲą́ą́n, yɛ lɛ̨ą mą́ą́, Yai-Laa woo li.

Gade chapit la Kopi

Bible

¹⁵ Ǹyaŋ nàa ƃé ŋa pâi ŋɔkpɔmɔ kpâlaŋ tɛɛ̂i naa bɔ́. Ŋa pâi Ekɔɔ tiŋ-tiŋ kɛ̂i a kili-kɛ-maa pɛrɛ lá kpòŋ. Nàa ƃé a pâi ŋ́oo su toôi naa yɛ̂ɛ tãi è kɛ̀ la a núu-tɔɔ, da tãi è kùla la Ize lɔii sui.”

Gade chapit la Kopi

tounen moute ⬆

Osia 2:15
33 Referans Kwoze

Izikiɛ 28:26

Di kaa pai kɛi laa, liilaa hu, diɛ pɛlɛ́ɠaa tɔɔ, diɛ tííɠaa kɛ. Di ɓo liilaa hu, ɓɛlɔwai gáá pai di kwɛlɛ nuąi kpɔ tii da tɛɠɛɓo di hu, di kiti teei la, da gili kɔ́lɔn, diɛ kɛ, ɲą́ą́ ɓə gáá a Yai-Laa di wɔ Yálá.»

Ɉeremi 2:2

'Lí! Ə mɛ̨nįi ŋɛ̨i ɓo Ɉerusalɛmə daai a lolo, yɛ́ diɛ: Yai-Laa yɛ: Ə́ kpəla yələ, mɛ̨nįi ə́ gɛ, gaa gili tooi ə́ ŋą; yɛ bələi Nɛ̨ɛ̨non daa ɉilɛtaai kɛ, nwɔ wɛlikɛmąą a kɛ la. Ə́ hvilɛn ŋąą kɛ búlu nɔi pun ɉu; kpomó hu;

Osia 11:1

Ɓɛlɔwai Israɛlə ə kɛ la nokolo kɔ́lɔi, nwɛli ə kɛ mą́ą́; nón tii kɛ Eziptə, ŋą́ dəli.

Zasua 7:26

Gwɛni hįį kɛnɛ̨ɛ̨ tii di dɔɔ di mɛ̨i, gaa lɔ nii laa háákələi. Yili ɓə gɛ Yai-Laa nwɔ liiɲąnwąną ɲąą ə yɛɛ. Mɛ̨nįi gɛ di gɛɛnąąi tii laa hee a Akɔrə ɓoloon ɉu yaa li. Háá ɓaa háá, naai tii ɓə mą.

Gɛlaɠaa 14:27

Həlii di mo Antiɔsə, di gbɔn ɉu nuą ɲąąkpɔn, yii kpɔ Yálá ə gɛ di yee hu, pələi nwɔ̨nɔ̨ ə pələ laa ɓo la huwu takpɛliɠaa tɔwɔ, əgə di laa na laa hɔlɔɓo, di yili kəlee hukulɔ diɛ.

Ɉaan 10:9

Ɲą́ą́ ɓə gáá a bɛlɛ́ laaləi, nui a tɛɛ bɔ́ɔ́ li pələ, nwun mąą a ɓo. A lɔ, yɛ kulɔ, ə lɛɛ, yɛ kɔ̨nɔ̨n ɉɔlɔɓo.

Amɔsə 9:14

Israɛlə nu huwui di kaa luwɔlaa hu, ŋį́ gəlee nwun mąąɓo, di pa di pɔ lɔi. Di wɔ taa yiiɠaai daa wɔlɔ wolo, da pənə di dɔɔ, di hee ɉu. Da viɲə yɛaɠaa laa, Diɛ nɔɔ kulɔ, diɛ gbələ, Da hihɛn ɲɛaɠaa laa, diɛ mą kulɔ, diɛ mįi.

Izikiɛ 16:60

Nwɛ́i, mįnɛ̨i gwa yɛ́ gu ɉəɠə a ə́ muhəɠə yələ, gáá pai nąą kili tooi ə́ ŋą; gwa yɛ́ guɔ mįnɛ̨ həɠə la, a yələ kəlee mɛ̨nį.

Izikiɛ 16:22

Ə́ wɔ ɓowo mɛ̨nįɠaai ti kəlee hu, da ə́ wɔ túwɔ pələ ɲɔ̨nŋąą, hvo kɛi ə́ kiliŋąhiɛ ə́ muhəɠə yələ ɓa, a ɓɛlɔwai ə́ kɛ laa a ə́ kpuwulu, həɠə hvo kɛ yɛ́, ə́ ɲąmą lɔɔ yɛ́ hɔwɔ hɔwɔ.

Izikiɛ 16:8

Gɛ́ɛ́ tɛɛi ə́ kwɛlɛ, ŋą́ ə́ kaa yáá kpɛla kɛa. Ŋą́ nwɔ́ həɠə wəlii ta pɛlɛ ə́ mɛ̨i; ŋą́ ə́ kpuɠulu loo; ŋį́ nwóó kwɛlɛ yɛ́, gwa yɛ́ gu mįnɛ̨ həɠə, ə́ kɛ kɛa a nwɔ́ɔ́. Yai-Laa gu wɔ yálái woo li.

Azaya 65:21

Di kaa pai kɛi pɛlɛ́ɠaa tɔɔi, diɛ di wɛli kulɔ. Diɛ tííɠaa kɛ, diɛ mą mįi.

Zakari 9:12

'Ka pənə ka lɔ daa kɛnɛ̨ɛ̨ hu, kaai a gɔluwɔɠaa, ka ɲɛ̨i ə ɓo bələi. Háákələi kpɔɔ kpɔɔ, gáá moi yɛ́: Gáá pai ə́ wɔ mɔ̨nɔ̨ɠaai mąą hvɛla tɛɛi ə́ pɔ, gee mɛ̨i hveelɛ.

Woolaa 3:21

Yii kpɔ nį́i laa mɛ̨i, kilitɔɔmąą yɛ hɔlɔɓo ɉu ɲə́i, ya ɓaa:

Ɉeremi 32:15

Mąąhɔlɔɓo, Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka, yɛ diɛ: ‹Di kaa nwɔ̨nɔ̨ pai pɛlɛ́ɠaa da tííɠaa yai nɔi ŋɛ̨i hu.›»

Mąątɛ̨nɛ̨ 106:12

Nwɔ nuą di laa kɛa vaa woo la, diɛ mąątɛ̨nɛ̨ wələ too.

Lonon mo 21:17

Nąąlɔwai ɓə Israɛlə ə nwələi ŋɛ̨i too la; yɛ kɛ mą: «Yá ə tɛ ɲálɔwa hu, ka ka yee lɔwa!

Osia 12:9

Ɛfraimə nwɛi yɛ kɛ diɛ: «Ŋą́ą́ hɛn ɉɔlɔɓo kɛnɛ̨, ŋą́ą́ wali tiɛ̨ gee mɛ̨i, góloi kpɔ ŋą́ gɛ, di hva pɛli nɛ̨ŋɛ̨n bɔɔ kaai ɉu.»

Azaya 65:10

Sarɔn a kɛ a ɓɛlaaɠaa da ɓoluɠaa di pɛlɛi, Akɔrə yɛakɔwɔ yɛ lɛɛ a niŋɛ̨ɠaa laa mįi, gəlee di ɓo a nwɔ nuąi gwɛlii di wɔɔ.

Osia 2:12

Gáá kɛa pai nwɔ nwumɛ̨ mɛ̨nįɠaai tooi pɔ̨nɔ̨ ɲą, nwɔ wɛliɠaa ɲɛ̨́i ɓa, ɛlɛɛ, nu ta hvo pai gulɔi ɲə́i.

Mąątɛ̨nɛ̨ 129:1

Ɲee mąąhɛɠɛɛ tɛ wələ. Ə həɠə kpɔ múhəɠə yələ ɓa, daa wɔlɔ pɛlɛ mą́ą́ a hvaa; Israɛlə pənə ə́ 'mo kpɔ tii.

Ɉeremi 2:1

Yai-Laa ə pələ ɓo mą́ą́, yɛ mą́ą́:

Ɉeremi 3:4

Ə mą kɛ yiihu, ə́ liikpəlɛɛi lɔ yɛ́ kɛ mą́ą́: «Nán! Kɛlɛi yɛ́ lɔ ɓə a gbə́la hulɔnu;

Ɉeremi 29:11

Ɲą́ą́ Yai-Laa, mɛ̨nįi ŋą́ mąą kili tee gwə́i, yɛ hvilɛn na káá, gbaɠala kaa mą́ą́. Gaa a ka wɔ nwun na nɛ̨ɛ̨ mɛ̨nį, hvo a mɛ̨nį ɲąąnwąnąą, liilaa yɛnɛ̨ɛ̨ ɓə, ŋį́ ɉee ka tɔwɔ, ŋį́ ka tinąą tɔwɔ hee a nwun na nɛ̨ɛ̨.

Izikiɛ 28:25

«Mɛ̨ni kəlee ŋą Hééɓomun Yálá woo ka; yɛ: Ɲələi gaa pai Israɛlə nwɔ pɛlɛ́i mu nuą kulɔi la nɔiɠaai ŋą́ di taɠa taɠa ɉu di lɔwai, gɛ́ ɲąąkpɔn, gáá pai nɛi lɔiɠaa diɛ, gɛ́ kɛ mą́ą́həɠɛɛi. Di kaa pai kɛi di wɔ lɔi hu, yai ŋą́ dɛɛ nwɔ́ tí mun Ɉakɔbə pɔ.

Osia 12:13

Ɉakɔbə ə pu Aramə yɛɛ kɔ́wɔ hu, ɛlɛɛ, Israɛlə yɛ nɛ̨ɛ̨nu mąą koló ɓo laa, ɛlɛɛ, yɛ gbɔwɔ kɛ a taatɛlɛɛ mɛ̨i kaamun nɛ̨ɛ̨nu mɛ̨nį ɓa.

Osia 13:4

Ɛlɛɛ, ə həɠə kpɔ ə́ kulɔ yələ ɓa Eziptə lɔi hu, ɲą́ą́ lɔ ɓə a Yai-Laa ə́ wɔ Yálá. Akɛ ɲą́ą́ hvəi, hvó Yálá takpɛli kɔ́lɔn, nu ɓalomun dakpɛli hvo laa, a kɛ ɲą́ą́ hvəi.

Nwun mąąɓo 8:34

Israɛlə lonnii di hvo di kili lɛɛ Yai-Laa mąą mɛ̨nį hu, yai a di wɔ Yálá, yaai di kulɔ di yowoɠaa ŋɛ̨i kɛ di kwɛlɛ di yee mu.

Tɔɔɓɛlaa dɔlɔɔ 16:31

Vilɛn mɛ̨nį Nevatə lon Ɉeroboamə nwɔ nɛ̨ŋɛ̨nŋąą pulu, yili lɔ hvəi, ə li kpɔ, ə Sidɔn nuą di wɔ tɔɔmun Ɛtbaalə lon Ɉezabɛlə həɠə a nɛ̨ą; ɛlɛɛ, ə li yɛ Baalə mąąwiɛ, yɛ kwɛli hvilɛn mą.

Swiv nou:

Lyen patwone

Piblisite

Piblisite